شبكة همس الشوق - عرض مشاركة واحدة

10 - 9 - 2014, 03:50 PM

43

+ريوف
دخلت القصر وتوجهة الجناح دخلت ورمت عبايتها وشنطتها بقهر وألــــــم ليـه يسوي فيني كيذا وين كلامه لي انه مايشوف غيري ومستحيل يخوني ولا كله با الهوى آآآهـ جابت كرسي وصعدت عليه تجيب الشنط السفر اخذتها ونزلت ورمت الشنطه في السرير وفتحت الدولاب ودموعها مو راضيه توقف حاسه بلحـظة الوداع سمعت جوالها يرن رفعته شافت المتصل ورمت الجوال ع السرير وصارت تكمل شغلها بتدخيل ملابسها في الشنطه ماقدرت تقاوم وانهـــــــــــأرت بكــــــي
وتحســـــــــ انها اظلمت مستحيل يصير فيني كيذا ليــــــهـ ليــهـ ...!.!
رمتـ كل الاغراض الي ع التسريحه وتكسرت العطور وبعض الاغراض انجرحت يدها ونزفت ماحست فيها ماتوجعها كثر وجع قلها
اهئ اهئ اهئ آآآهـ يا يمــه وينكـ الحين عني كانت ريوف محتاجه لحضن حنون في الوقت هذا حست ان القصر ع كبره وفخامته الا انه موحش بنسبالها تمنت تكون الحين بغرفتها الدافيه عن اغراضها البسيطه بفراشها كل شي اشتاقت له ...

+جاسر

توه صاحي من نومه ع العصر شاف جواله يرن رفعه :مساء الحب والغلا والمحبه
البندري بخجل :يؤ نايم وازعجتك
جاسر :حلالك تزعجي ع كيفك
البندري :شخبارك
جاسر :تمام دامك معي
البندري تحس با الاحراج منه دوم كلامه تغزل وجريئ :تسلملي
جاسر :هاحبيبي اشوفك اليوم
البندري :حبي بعد الزواج اشوفك شرايك
جاسر :اووك ياقلبوو بس مو تقولين مقدر بعد بكرا المغرب انا عندكم اوكيه
البندري :اوكيه ياحياتي ...
اخليك الحين ..
جاسر :بينا تلفون
البندري :اكيد
جاسر :بحفظ الرحمأن
_____________

+رائد العصر توه صاحي من النوم لبس تيشيرت رمادي وبنطلون اسود ونظارات سوداء حاطها ع شعره الكثيف الحيوي ::

نزل وشاف العائله كلها مجتمعين با الصاله
ثامر يصفر :جا المعرس احـلا وش عليك بتعرس قبلي ...
رائد يحك راسه ويجلس ويرمي المخدهـ ع ثامر بس ثامر مسكها ..:
البندري :ههههههه يا بخت العروس الي بتاخذهـ
ثامر يسوي نفسه حزين وخايف :بس تدري يا رائد اني خايف عليك من ذا العربجه الي بتاخذها... انت ناعم مسكين لو ترجفك من رجلك انكسرت
رائد كان يشرب الشاهي بعد ماقال انت ناعم رفع راسه :انت اليوم جاني ع نفسك يا ميت ياميت ع يدي تعاااال هيناااا
ثامر انحااااش وهوميت ضحـك ع شكل رائـد
ابورائد :ههههههه رائد اركد وهذا انت بكرا زواجك وتصدق كلام ذا الورع
ام رائد كان سارح فكرها با المصيب هالي بتصير بعد الزواج خايفه من رد فعل البندري ورحمه حالها . :الله يسهل عليه يارب ...
رائد :يلا انا طالع
البندري :وين !!
رائد :بروح اخذ اغراض من السوق
البندري :اجل بروح معك بطلع فستاني من عند الخياطه
رائد :يلا استناك لا تتاخري
البندري:هووى اصبر لا تروح

+عبدالعزيز
ماعاد تفرق لو تجي صدمتي فيك ..... صدمات عمري زودتني مناعة

متساوية عندي وأذا قلت ماأخفيك ..... كل شي أحبه أتوقع ضياعه

دخل الجنـاح فصخ الغتره وحطها ع الكنبه الي في الصاله ورمى نفسـه ع الكنبـه بتعب ..
::اه (مسح ع راسه وتوجه بكسل للغرفه لكنه انصدم با افوضى الموجوده عقد حواجبه بأستغرب ؟؟..
شاف ريوف ماسكه يدها وتبكي

عبدالعزيزراح بسرعه لها و خايف عليها :ريوف حبيبتي شفيــك
ريوف بصوت مبحوح:مافيــني شي بعــد عني لا تلمسني
اصر يمسكها غصب ويرفها للسرير وهي تصارخ اتركني مابيك لا تلمسني اهئ اهئ
فتح الدرج واخذعلبة الاسعفات ومسك يدها با الغصب وصار يعقمها
ريوف كذااب غشااااااااااش ليه يسوي نفسه يحبني وهو قلبه مع فتون اااااااااااهــ ياقلبي
انتبهة انه خلص من لف يدها با الشاش :..
عبدالعزيز جلس جنبها :ريوف قوليلي شفيك
ريوف : تبي تعرفف وش فيه الحين اعلمك ايش فيه ..> قامت واخذت الصور هالي تجمع بين فتون وعبدالعزيز
هذي شنوو هاااا شتسوي هيناااا ليه للحين تحتفظ فيها للحين تحبها لدرجه هذي مو قادر تنساها للحيت تلاحقها بعد ماخانتك للحين تبيهااااااااااااا لللحييييييييييييين هاااااا تكلم ليش ساكت لييييييه>وصارت تهز كتوفه وتضربها

وهو موعارف كيف يهديها او شنو يقولها
انصدم من الصوره ذكرته بأيام كان دفنها فتحت فيه مواجع كانت معذبته نساها بعد ماذاق طعم الراحـه مع ريوف ....
كل الي يدور في ذهن عبدالعزيز شنو الي جاب الصوره هينا هو تاكد انه تخلص من الصور كلها كيف هذي وصلت لريوف !!!

ريوف :رررد علي كلمني ...
عبدالعزيز مسك كتوفها وجلسها :ريوف هدي نفسك كل شي بينحل بس انتي اهدي ..
دق ع الخدم يجبون عصير ليمون يهدي من اعصابها شوي ...
خلها في السرير ودخل يغير ثوبه ويلبس بيجامه
طلع شاف الليمون عند الكومدينه اخذه وقرب لشفتها :افتحي فمك
ريوف :لا
:: افتحي
::لا
::اشربي العصير

تحجرت دموعها وقالت بعصبيه وانهيار :لالالالالالالالا كيييييييفي مااابي اشرررررررررب مو غصب ورمت الكاس في الارض مابي اشرب مابي اشرب وصارت تضربه في صدره >طبعا عبدالعزيز ماتوجعه الضربات ولا تأثر فيه ...
عبدالعزيز يحاول يهديها :خلااااص مو لازم تشربين اهدي .. >مع ضرباتها تعبت ريوف عبدالعزيز سحبها لصدرهـ وضمها غصب وهي مافيها حيل تبعدهـ استسلمت ..
وصار يمسح ع شعرها ويهديها ...
صارت ريوف زيا لطفله بين احضانه ..
شاهقت لحد ماانتبه لها انها نامت ... وضع راسها ع المخده بهدوء وطلع ع البلكونه ..
يشم هوى ضــاق خلقه مو عارف شسالفه وليـه صار الي صار وصار يفكر وهو يتأمها وهي نايمه بسرير بتعب
_______________

+سمر

طول اليوم وهي حايسه ومتوتره حاطه بوجهها ماسك وشعرها لفته با المنشفه لانه مبلول وياما راحت وياما جت .. جوالها ماوقف رن 20 مس كول من رائد وهي مطنشه ومو فاضيه له
::يووووهـ متى اوخر هذا ..
:: اصبري توك حاطه الماسك تبين تشيلينه الحين اجل مااستفدنا شي
::لا ياشيخه سحر وربي مالي خلقك بسرعه شيله ابي اعرف شفيها بشرتي تهبل
:: لو افهمك من هينا لبكرا مارح تفهمي خلصينا وسوي الي اقولك عليه وبلا كلام فاضي اف
دخلت عليهم ام بدر ...
ام بدر :شفيكم انتم بس تتناجرون

سحر وهي تشيل صحن الي فيه الماسك :بنتك مادري متى بصير بنت مهذبهـ وناعمه
ام بدر تميل خشتها :تعلميني فيها اعرفها مطلعه فيني الشيب ..
سمر تطلع من عندهم وهي مالها خلق :يوووه
نزلت من الدرج وهي والارض تهتز من خطواتها >لانها معصبه ومالها خلق شي >من كثر ماهي متوترهـ
فجأه وقفت بنص الدرج ..
وسبلت عيونها رفع راسه رائد وقال بخوف:يـمهـ
سمر :ليـهـ شايف جني
رائد :لا اخوهـ
سمر :هـ هـ ماتضحكـ
رائد يغمز لها: كل هذا عشاني تعبتي عمرك الصراحه
سمر :وييع مالت عليك لا تصدر واجد بس
رائد يحرك راسه بيده بدلع استفزازي :طبعا بصدق ولا انا اخذك انتي يؤ ظلم
سمر انقهر وراحت له ورفست رجله وانحاشت
رائد مسك رجله بألم:اااااااهـ ياالعربجيه هييين انا اوريك كلها يوم وتكون عندي وبعلمك اااهـ
ام بدر وهي نازله :بسم لله عليك وش فيك
رائد :ها لا مافيني شي بس جيت اسلم ع سمر
ام بدر :توي شايفتها نازله ماشفتها
رائد أي شفتها بغت تروح رجلي :ها لا توي داخل ماشفتها ..
ام بدر وهي تتوجه لصاله وتاخذ تلفون البيت تشيك ع البوفيه وتأكد الحجز بكرا :تعال حياك شخبارك ..
رائد :الحمدلله بخير كيفك ياخالتي عسا الامور تمام ؟
ام بدر :أي الحمدلله بخير ..
رائد:خلاص ان بمشي الحين
ام بدر :اصبر خليني اناديلك سمر
رائد :لا مافي داعي اتصل عليها
ام بدر :ع راحتك ...>وانشغلت با المكالمه
رائد وهو طالع بيركب السياره ..
بدر :هلااا بنسيب من زمان عنك.
رائد:هلافيك انت الي ماتنشاف ..
بدر مسوي مهم : والله تعرف الاشغال والشركات
رائد ضرب كتفه :بلاهي ..
بدر:أيـه من قدك بكرا ليلتك ياعريس
رائد :عقبالك يلا سلام >ركب سيارته وراح

صبـــــــــاح جديد يشرق ع ابطال قصتي ...
ماذا يخبئ لهم من حقائق قد تغير حياتهم ..

7 الصبح//

صحت من النوم شافته توهـ طالع من الحمام وينشف وجهه ..
سوت نفسها نايمه عشان تتفادى أي حوار بينهم
يعكر مزاجها .. قرب من سريرها وقف عند راسها حاولت انظم انفاسي وارخي جسمي لاني صار قلبي ينبض بسرعه خفت يحس فيه مدري ليـه ومتوتره حيل من قربه ..
شوي حسيت انه راح فتحت عيني شوي لقيته يسكر باب الغرفه وراهـ بعد مالبس وراح لشركـهـ
تسندت ع المخده
::ااهـ ياقلبي ..
سمعت رن جوالها .. تذكرت يوم يجي سلطان يعطيها الجوال ..
:: انا عطيتك الجوال مو عشان سواد عيونك بس لان اهلك قامو يسألون ليه مقفل جوالك ,,
بس انتبهي كل شي يوصلني يعني لا تلعبي بذيلك ..>وطلع بعد مارمى الجوال بحضنها (ااف مليت من العيشة النكد هذي انا مو متعوده ع المعامله اااهـ انا بس ماادري ليه صابره عليه ,, اذا حتى شهر عسل زي الخلق مافي (ضحكت بسخريه ع كلمة شهر عسل ...

رجعت للواقع بعد ماحست ان الجوال يتصل مره ثانيه .. شافت الرقم
:: صباح الخير يا الغاليه
:: اهلين بنتي ليكون لساتك نايمه
::لآ حياتي توني صاحيه
:: ايهـ كيفك
::تمام الحمدلله
::بدي اقو لان اليوم رايحين للرياض بدك تجي معنا
::مين رايح معكم ؟؟
::كلنا انا وابوكي واخوكي ومرتوو
::ليه شصاير ؟؟
::ما اليوم زواج بنت اخو ريوف وعازمينا نحنا كمان ..وابوكي بدو يروح للرياض ..
::اهاا اوك وانا ودي اروح
::أيهـ خبري سلطان وتعي =تعالي
سلطان لو تدرين انه حابسني بين اربع اطوف ::متى طيارتكم ؟
::الظهر ع 2
::اوكيه ماما ..
::يلا سلام يا ألبي ...

قامت ودخلت للحمام واخذ شور وبدلت ملابسها
وجلست تفكر تروح تغير جو او ماتروح بس اخاف سلطان مايوافق اروح ..>وهي تمشط شعرها ..يووه ياجوني واذا ماوافق اصلا ماانتظر موافقته بعطيه خبر بسس اذا وصلت للمطار وااو فكره روعه
اخذت عباتها وشنطتها ونظارتها الشمسه وهي نازله
ام سلطان: يالله صبح خير ..
اجوان :صباح الخير
ام سلطان ::ع وين العزم انشاءالله
اجوان :عندي مشوار ضروري يمكن اتأخر ..
ام سلطان :اهااا
اجوان طلعت بسرعه قبل لا تسأل مره ثانيه... اخذت تاكسي وراحت للمول تتقهوي وتلف شوي تشتري اغراض .. لها خاصه انها مااخذت شي خايفه تشوفها ام سلطان وتخبره وهي بعدها ماسويت شي...
شرت شنطه سفر متوسطة الحجم .. وفستان 3000 الاف ريال با الموت لقت شي عجبها لونه ليموني حرير ..ظهره مفتوح .. وطلعت متوجهه للقصر عشان تخذ اغراضها من كريمات وبيجامات ...
وبا المره تجلس مع امها شوي ومع ريوف الي حبتها وحست انها طيوبه ودخلت قلبها ...

نهاية البارتي