شبكة همس الشوق - عرض مشاركة واحدة

10 - 9 - 2014, 03:59 PM

الجزء الاول من البارتي الاخير .

الفندق >

ريوف :حبيبي ليه مو مسافرين ...!
::الا ياقلبي بنسافر بس مو الحين ...
شافته يلبس غترته
::وين بتروح
::ايهـ مارح اتاخر
قرب منها وباس خدها :تطمني راجعلك هوى
ابتسمت براحه جلست في الصوفا وتذكرت ان لها شهر ونص ماجتها الدوره الشهريه استانست با الفكره الي خطرت ببالها معقوله تكون حامل !!
ريوف :آسيا >خدامتها الخاصه جابها لها عبدالعزيز خصوصا انها تعرف عربي احسن من الخدم الي في القصر لانهم يتكلمون اكثر شي انجليزي ..
آسيا :نعم مدام
ريوف طلعت فلوس من الشنطه :خوذي هذولي ابيك تروحي لصيدليه وتجيبي اختبار الحمل زين
آسيا : اوكيه
ريوف :بسرعه لا تتاخري ..

................
مصر ..موطن الفراعنــــــهـ
القاهره>

سمر :بموت من الربطوبه انكتمت لله يعين بس
رائد:متعوده ع الجفاف
فتح باب الشقه: تفضلي يا عروس
سمر تناظر الشقه كان ديكورها عصري:والله عندك ذوق مش بطال
رائد:افا عليك اعجبك تعالي افرجك ع الشقه >مسك يدها وحست ان كهربا مشت ع جسمها كله ..
رائد حس فيها وابتسم : هذي الصاله
كان ديكورها بسيط وانيق بنفس الوقت ..
عباره عن ثلاث كنبات لونها رمادي وعليها خدوديات ملونه وشاشة بلازما وصاله تتوسط المكان لونها اسود
::وهذا المطبخ >كان مفتوح ع الصاله لون المطبخ ابيض..
::وهذي غرفة الجلوس
كنبات مكسيكيه لونها عشبي ..
::واخيرا هذي غرفة النوم ..
غرفة النوم لونها اسود السرير ماكان مرتفع ..
والمفرش لونه ابيض ..
:ها شرايك با الاثاث ..
:: امم حلو
أيه زين طلعت منها:: ...
::شفيك ساكت ماتبي تبدل ؟
::هاهـ أي يلا عشان نتغداء ...

دخل رائد للحمام وهي توجهت للبلكونه المطله ع برج القاهره ااخذت نفس عميق وهي مغمضه عيونها وتتخيل كيف بتعدي السنين عليها وهي هينا ..
طلعت تحت وهي عاقده حواجبها شافت زحمة السيارات والباصات والشرطي الي ينظم السير رحمته شينظم لينظم ع العالم المستعجله والناس الي تمشي وتعدي السكك والكشكات الي ع الرصيف....
حست فيه يحاوط كتفها بصوت حنون :هذي مصر وزحمتها تطمني الجامعه قريبه من هينا ...
بصوت عالي طفل بسن المراهقه ::قيريده يابيه
سمروهي تطالع :هذا يأشر لنا
رائد يصوت له :مفريش لزمه مشكور
سمر :هذولي كل يوم كيذا
رائد :هههههههه بتشوفين اشياء بمصر ماقد شفتيها بحياتك...
سمر :ليكون هم صدق زي الافلام
رائد:ههههههههههههه حلووه زي الافلام
سمر :هييه انت ترا مره عطيتك وجه خير تضحك
رائد:كيفي مو هذي شفايفي
سمر ميلة خشتها ومشت عنه :..........
رائد :مروضك مروضك
حسن بهز في جيبه ..: هلاوغلاااااا شخباركم ..
جاسر :تمام الحمدلله وينك ولا من لقى احبابه نسا اصحابه
رائد:ههههههه ولا يمكن
جاسر :حمار
رائد :ههههههههه لا تبرطم بس شخبار العيال
جاسر :والله تمام كلهم يسلمون عليك ..
رائد : اطمنك توي واصل
جاسر يمزح :لا ياشيخ سلملي ع المزاز الي بتشوفهم
رائد:هذاك اول
جاسر :ياشيخ شعدك
رائد:عندي برتقاله وحده تكفيني ..
جاسر :هههههههههههههه حلوه يلا اخليك الحين
رائد: مع السلامه...
سمر كانت بتناديه للغداء لانه تأخر
.....................

تمهل ناظر الدمعه على خدي قبل لاتروح
واذاقلبك قدر يقسى حبيبي خذ معاك روحي
دخيلك لاتخليني على ذاك الطريق انوح
اعاني وحدة الغربه ألملم باقي جروحي
تبعتك لآخرانفاسي شهق بك صوتي المبحوح
عظيمه لهفتي صوبك أصوتلك ولاتوحي
كبيره لهفة العاشق يتيمه صرخة المذبوح
رحيمه كلمة منك تخفف بالغلا نوحي
عطيتك حب من قلبي كريم والليالي شحوح
سهرت الليل بغيابك سهرته كله بروحي
احبك يابعد عمري وحبك في حشاي جروح
أحبك لوعلى نفسي والله مسموحي
طلبتك اداري وضعي المفضوح
حزين في رجا نجمه سناها ليه مايلوحي
تمنيت القدر مره يغير ماانكتب في اللوح
عرفت ان القدر حكمه وربي يسمع لبوحي

رجعو للشرقيه بطياره >مشوار ساعه لكن كان الصمت سيد الموقف ..
سلطان مو قادر يحط عينه بعينها ولا يدري شبيقول لها :........
واجوان تحس نفسها مخنوقه وتبي تتنفس ....
اول ماوصلت الطياره ..
نزلت اجوان وهي مو معطيه لسلطان اعبار
وقفت عند اماكن تسليم الشناط ...
اخذ نفس ومسح ع شعره ووقف جنبها ينتظر الشناط
جت شنطة اجوان قبل شنطته
جت بتاخذها اجوان لكن سلطان اخذها عنها اخذتها من يده بغيض ..
::لا عاد تلمس شي مو لك ..
سلطان اااهـ يا اجوان الله يخليك لا تعذبيني اكثر :انا ..بس
اجوان قطعت كلامه :من المكان هذا بنفترق هذا اخر مره بشوفك فيــه ورقتي توصلني ...
عطته ظهرها بتمشي وقفه صوته
بصوت مبحوح :بس انا احبك
قشعر جسمها وحست ان نبضها رجع ينبض بشوق ولهفه له .. لسلطاااااااااااااااااااااان لحالــــه أي اهو سلطــــــــــان قلبـــــي .هذي الكلمه الي كنت محتاجه اسمعها منه آآآآآآآهـ
نزلت دمعه حاره حرقت كل شي تحملته عشـــانه
شعقبه عقب ماذوقتني الجروح والصد والذل
داست ع قلبها ومشت عنه :.........
سلطان يصرخ بداخلـــــــــــه عطيني فرصه تكفييين لا تروحي لا تتركيني حس انه مخنوووووووووووق
فتح ازارير ثوبه بتعب وهو حاس انه خســـــــــــــــر
خسر خسر قلبــــــــــــــــه وروحه الي عايش عشانهم
حس ان الدنيا تلف فيــــــــــــه مو قادر يسيطر ع نفسه مسك قلبه بتعب ضغط عليه حاول يمشي خطوتين مادرا عن نفســـــــــــــه الا فقــــــــــد الوعي

في القصــــــــــــــــــــــــــــر >>

الساعه 8 الليل ...
اخت عبايتها والطرحه لبستها بعشوائي بتطلع من الغرفه ماقدرت راحت واخذت النقاب الي شراه لها سلطان وهي تتذكر>
سلطان داخل ومعه كيس :خوذي
اجوان :ايش هذا ...
سلطان :نقاب ما ابي مره ثانيه تطلعي برا البيت بطرحه شفافه
اجوان يغار علي ابتسمت تعاند :ماابغى
سلطان مسك ذراعها وقربها له بصوت صارم:اجوان
اجوان اخذت نفس ماتدري ليه ماتقدر تقوله لا ..طلعت منها كلمه بدون لتحس:من عيوني...
سلطان ابتسم نص ابتسامه وتركها :.....
اجوان اخذت نفس ماتدري ليه قالت كيذا ...!!!الي عرفته ان قربه لها يريحها ..>ماتدري شألي يصير بقلبها ...
صحت لواقعها الاليــــــم<<
الي يصير يا اجوان انك تحبيـــــــــــــــــــــــــــــــــــــنه

اخذت النقاط ولبسته وهي تصارع دموعها وحبها المجروح واخذت
شنطتها ونزلت
وركبت مع السايق ...
::روح ع البحر
نزلت وفكت النقاب بعد ماتأكدت ان المكان خالي من الناس وخلت الطرحه ع راسها تطير مع كل نسمة هوى وهي تتذكر الي صار لها .
ااهـ تضرب ع قلبها الي تنشط عقب ماسمع الكله وبدا ينبض بقوه اقوى من قبل ....

حيِآنَ يغنيَ عن التعبيرَ /
( بلعِآتَ ريقَ ) * !

لآ صِآرَ فَ دآخلكَ زحمَه شعورَ ، وحكيَ !
‎
‏‏‏‏‏سَاگتٍ أبيٌ أخذ نفسّ •.
لو مُو / عْميُقَ !!

محتاج اجمّع [مابقى منِي]
لو البَاقيْ : شتَاتَ . .!!

البْآرحٌهَ جنبَ البحَر•.
وأحسّ بِ إحسّاس / الغريق

ظنگ لو انزل•.
{فِ البحر} بحسّ بِ إحسْآسٌ الحيْآةَ ؟!

مرت ساعه كـــــــــــــامله وهي للحين واقفه وتفكر بحالها ..سمعت جوالها يرن برقم غريب !!
ردت وهي ساكته ...
::الوو يمه اجوان
::خالتي >ام سلطان
::شفيك تبكين
::الحقيني بموت ...
::شفييييييييييك
:: اااهـ سلطان جته جلــ طه با القلـ ب انا مالي احد با الدنيا غـــيره ...
الكلمات جت زي الصااااعقه عليها اليوم كانت معه ماكان فيـــــــــــــــــه شي ..طالح التلفون من يدها وخارت قواها وحست با الضعف.وجلست ع ركبها وهي تبكي بحرقــــــــــــه
اااااااااااااااااااااااااااااااااااهـــــ لالالالالالالا
موالي دخل قلبي يرووح مني بسهوله...
قامت بسرعه زي ا لمجنونه تركض لحد ماوصلت الرصيف وهي تاشر ع تاكسي يوقف لها ...
..........................

...." أنصدمت " بواقع الدنيا الحزين ....
...." وأنكسر في داخلي شي(ن) ثمين؟؟...
...." أظلمت شمسي ومالت للغياب "....
...." وفرحتي مدري خذاها الحزن وين ؟؟؟...

نزلت تحت وشافت اهلها كلهم مجتمعين ريوف ووامها
وام بدر وسحر وام عبدالعزيز في الصاله
طبعا تصلو بااجوان لكن ماكان احد يرد ...

البندري شسالفة الاسره كلهم مجتمعه:: السلام عليكم
الكل يناظرها وعليكم السلام
ريوف ماراحت وطلب ابو عبدالعزيز تكون موجوده هي وعبدالعزيز هي xxxxxه ماتدري شسالفه اما عبدالعزيز خايف من الي بيصير

البندري تناظر نفسها يمكن فيها غلط ولا شي : شفيكم
ابو رائد ينادي:البندري تعالي يبه با المجلس
البندري مغصها بطنها :انشالله
ريوف :يمه شسالفه ..
ام رائد يو تاكدت ان البندري دخلت المجلس :اسمعي ...>وقالت لها كل السالفه
والكل كان متفاجأ ومتأثر بنفس الوقت ..
ريوف وهي تبكي :يعني البندري مو اختي با الدم
بس هي اختي الي فتحت عيوني وهي تلعب معي وتهاوشني لخطيت ااهـ يابعد عمري شبتسوي الحين حرام عليكم بتنصدم باخر عمرها ..
سحر من الصدمه سااااكته :.........
دخلت شافت عبدالعزيز وابو عبدالعزيز واخوها ثامر
البندري طلعت برا بسرعه:يبه فيه رجاجيل شلون ادخل
ابو رائد مسك يدها : ماعليك انا معك
البندري شفيه ابوي جن :...؟؟؟؟؟؟؟؟؟؟؟؟؟
حمدت ربها انها لبسه شال رفعته وحطته ع راسها ودخلت ..
البندري واقف ومتوتره ماتدري شصاير وليه الكل مجتمع اليوم :.......
ابوعبدالعزيز رفع راسه وصار يتأملها فيها كثير من امها ورجعت ذاكرته لورا بعييد بعيييد قبل 22 سنه كيف شالها وسلمها لابو رائد كان شاب ويحب بجنون ولا يبي يضايق الي حبها من قلب بس كل هذا صار ع حساب بنته بدون ليحس انه قطع عنه شي من دمه ولحمه مايمكن في يوم يقدر يسامحه
يد عبدالعزيز تهز هـ صحته للواقع :يبـه ..
رفع راسه وقال بصوت كله ندم :ليه واقفهه استريحي يابنتي ..>قالها بصوت حنون
لدرجهـ ان البندري حست فيها وقشعر جسمها ماتدري ليـــــــه ...
البندري ناظرت ابوها >ابو رائد وثامر وجيههم ماطمن مهي عارفه شسالفه بس الي حاسه فيه ان مصيبه جايه بطريييييييق رجعت خطوتين وجلست ع اخر كنبه موجودهـ حضنت يدينها مع بعض بتوتر :....
هدوووووووء >لثواني كل واحد يناظر الثاني ينتظره يتكمل ابو رائد عبدالعزيز وابو عبدالعزيز حدهم متوترين ثامر مستغرب بس خايف من الي بينقال وينتظر يتكلمون مو عارف شصاير ...!!!!!

ثامر :شفيكم ...؟!!!
ابورائد يناظر ابو عبدالعزيز بمعنى تكلم :......
ابو عبدالعزيز شبك يدينه مع بعض وقال: قبل 22 سنه كنت متزوج غير ساميه غصب عني ماحبيتها انجبرت اتزوجها بناء ع رغبت ابوي اهلي مايبونها لانها بنظرهم اجنبيه وماتصلحلي ..
تزوجت الي يبونها اهلي وجبت منها بنت وانا ع ذمتي ساميه بس هي كانت بسوريا طبعا تزوجتها با السر وكان عندي منها عبدالعزيز توه صغير..
طبعا كنت خايف ان ساميه تعرف اني متزوج وتزعل علي وتطلب الطلاق عشان كيذا طلقت بنت الناس
وجبت ساميه للسعوديه ..

البندري بدت تعرق من التوتر والخوف انا شدخلني يتكلم بأمورهـ الخاصه :للحين مافهمت انا شدخلني
ابوعبدالعزيزتنهد وبصوت مبحوح :غلطتي الوحيده وندمااااااان عليها
تهوري وشي ماحسبت لهـ حساب الطفله الي مسكتها بين ايديني تخليت عنها
البندري مو مستوعبه شسالفه بس اول مره تشوف جبروت وشخص بمكانت ابوعبدالعزيز ع وشك ينهار قدامها بداء قلبها يدق بسرعهـ :......!!!!
عبدالعزيز خايف ع ابوهـ :......
البندري وقفت وبصوت كلهـ خوف :شتقصد ؟؟؟؟؟؟؟؟
وهو يناظرها ودمعت سبقت كلماته: انتي طفلتي الي تخليت عنها ...انتي بنتي بنتي بنــــتي ...بنتي اناااا من لحمي ودمي
البندري من الصدمه طاح جوالها الي ماسكته بيدها وحطة يدها ع فمها وصارت تناظر الي حوالينها تبيهم يكذبونه :..
ابوعبدالعزيز : ارجوك سامحيني
تأملت ابو عبدالعزيز وعيونها غرقااااااااااااااااانه دموع
طلعت من المجلس بسرعه مو مستوعبــــه الي يصير ماطملت خطوتين الا طاااااااااحت .........
ام رائد :البندررررررررررررررررري
ريوف تركض وتهزها من كتوفها وهي تصرخ بصوت مبحووح :قــومـ ـي يا الغالـــي لا تزعلـ ـ ـ ـي لا تروحـ ـ ي انـا اختك هم يكذبوووووون عليك قومي الله يخليك
يماااااااااهـ البندري شفيها
البندري كأنها جثه هااااااااااااامده <<<<ع المستشفى علاطووول
.................................................. ........

في الكوفي _
جاسر :تصدق ان لك فقدهـ من يوم ماتخرجنا وسافرت لدبي وانت ماتنشاف
حمدان :شسوي الشغل يخذ وقتي وانا الحين معك عاد انت خلنا نشوفك بدبي
جاسر :من عيوووني كل شوي بطب عليك
حمدان :حياك يارجل بكل وقت بيتي مفتوح لك
جاسر :حمدان بتكلم معك بموضوع ..
حمدان : شنو
جاسر : ياخي الي متى وانت كيذا شوف حياتك انت مو اول انسان يطلق حاول تنسا وتفتح صفحه جديده ...
حمدان :تطمن ابوي خاطبلي
جاسر :وليه تقولها كنك مغصوب؟
حمدان تنهد ::
رن جواله :هلا ثامر ..
:: شنووو أي مستشفى ؟؟
حمدان قضب حواجبه بأستغراب: عسا ماشر ...
جاسر وهو مستعجل : تعال سوق عني انا مقدر
حمدان اخذ مفتاح السياره :يلا اركب ....
..........................

.. حبيبي لا تخليني اعاني من احاسيسك
حبيبي تبتعد صعبه ما اقوى على الهجران
تدري فيك حبيت الخصال الحلوه وهماسك
نجوم الليل تشهدلي باني لخاطرك سهران
صعب انسى كلامك وانسى اخلاصك
صعب بعدك صعب قلبي يحاربني على العصيان

كان يمشي مع جاسر الي مسرع بخطاواته سأل الرسبشن ع اخر حاله جتهم وراح بسرعه ...
شاف الكل منهار بكي وخوف ..
حمدان :ماتشوف شر شده وتزول
عبدالعزيز:الشر مايجيك ...
جاسر :خالتي تكفين ريحيني شفيها ؟؟
ام رائد ماهي قادره تتكلم من البكي :....

ابورائد حط يده بكتفه : جاسر يبه اصبر يجي الدكتور يطمنا
جاسر سند راسهـ ع الجدار بتعب :.....
حمدان : تعوذ من ابليس انشالله انها بخير ...تبي اجيبلك شي
جاسر يحرك راسه بمعني لا:..
حمدان :طيب انا بروح طمني عنك ...
.................................................. ...........

في مستشفى لكن في الشرقيـــــــــــــه
..
ام سلطان :اجوان يمه شوفيهم دخلوه ماادري ليه تأخروو علي ...
اجوان ااهـ مدري اهديك ولا اهدي نفسي : تطمني الحين يطلع الدكتور ويطمنا عنه ...
في اللحظه هذي طلع الدكتور :...
::: ها يا دكتور طمنا عنه ..
بخووف:: انتي شتصيرين له >>ام سلطان قالت بسرعه هذي زوجته
الدكتور :جته جلطه ..
ام سلطان :شنووووو جلطه يمه وليدي. راح مني ..
اجوان بخوف ودموعها ع خدها :دكتور طمني الله يخليك مابيه يروح مني ..
الدكتور : اهو يشرب سجاير كثير وهذا ادى الى انسداد الشريان الحين اهو تحت الملاحظه انشاءلله بيقوم بسلامه بس ادعوله ...
اجوان تشوفه مستلقى بسرير والاجهزه محاوطه جسمه المعضل :حبيبي انا اســـفه
تحمل حبيبي لا تروح مني الله يخليك انا احبك ....
اجوان جابت لها كم غرض من البيت ونامت مع سلطان في المستشفى وبعد اصرار منها خلت ام سلطان تجلس با البيت ترتاح وهي تطمنها عنه

...............

طلع الدكتور :وين ولي امرها ...
الكل كان يطالعون بعض ..!!!
ابو رائد ابو عبدالعزيز ...!!!
جاسر تقدم بسرعه :انا ...
الدكتور :شتصير لها
جاسر :انا زوجها طمني عنها ..
الدكتور : الحمدالله قدر نتعدى مرحلة الخطر بس هي محتاجه راحه بس ابي اسأل هي مضايقها شي اليوم صار لها شي صدمها ؟؟؟
جاسر يطالع حوالينه مستغرب الصمت :امم لا
ام رائد :دكتور هي وش فيها بضبط
الدكتور :انهيار عصبي ...
ام رائد :يمه بنتي ... اهئ اهئ اهئ
سحر : اذكري الله هي بتقوم بسلامه انشاءلله
جاسر:........؟؟؟؟؟!!!!!
ريوف مو محمله الضغوط الي صارت اليوم ماحست بنفسها الا وهي مغمي عليها ...
عبدالعزيز بسرعه شالها وهو خايف عليها:خلاص لا تخافون انا معها ...
جت السيستر وحطت المغذي لها واخذت منها عينه دم ..
ريوف فتحت عيونها وشافت عبدالعزيز ماسك يدها ومغمض عيونه بتعب : حبيبي
عبدالعزيز رفع راسه :عيون عبدالعزيز
ريوف :بعد عمري تعبتك معي
عبدالعزيز :تعبك راحه ياروحي
ريوف:يلا حياتي خلينا نطلع
عبدالعزيز :لا مو قبل مانطمن عليه ..انتظري نتايج التحليل
ريوف :تيب >كان نفسها تسويها له مفاجأه بس ماصار
بعــد ساعه ..
السستر :مبروووك مدام هامل
عبدالعزيز من الفرحه قبص خدود ريوف :واااهـ البيبي بيجيبلي بيبي ثاني ... ياقلبي مو مصدق ..
ودي اشيلك واطير بس الغرفه ماتساعد>لانها صغيره
ريوف بحياء:ههههه تبغى بنت ولا ولد ؟
عبدالعزيز :الي يجي بس اهم شي منك ..
ريوف :حبيبي ماابغى اقول لحد الحين شي
عبدالعزيز :صح مو وقته بنصبر فتره لما تتعدل الاوضاع ..