شبكة همس الشوق - عرض مشاركة واحدة

12 - 9 - 2014, 03:10 PM

البارت الحادي عشر
V
v

عند وليد
وليد:سحاب وبعدين معك
سحاب بعناد:ماراح اقولها لو ايش
وليد بقهر:مره وحده بس والله مشتاق اسمعها منك
سحاب بعناد:مابي لا طقيت بابنا وسرت حلالك بقول لك اياها لين تشبع
وليد بطفش من عنادها:والله مايسوى علي سار لي ثلاث ساعات اترجاك عشان تقولين لي احبك والله تعبت
سحاب:احسن اتعب شوي عشان اقولها لك يسير لمن اقولها وانا حلالك يطلع لها طعم
وليد بأستهبال:والله لاسرتي حلالي مابي اذوق طعم كلمة احبك ابي اذوق شي ثاني ابي اذوق منبع العسل
سحاب بخجل:طيب ياوليدوه منت ذايق لا ذي ولا ذي يالله باي كنك بديت تتعمق بالكلام
وليد بسرعه:لا لا خلاص اسف اسف ما اعيدها
************************************************** **********************************************
بيت ابو سطام
ابو سطام اللي كان يسولف مع ام سطام عن خطبت شموخ وموافقتها واللي انبسطت لها كثير ام سطام
دخل سطام اللي سلم على امه وابوه وسلطان اللي كان جالس بعيد عن امه وابوه
سطام:سمعتو بالخبر العائلي هاليومين
ام سطام:ايه مشالله هذاه ابوك توه يقول لي
سلطان وهو يقوم ويروح لأهله:انا ماسمعت وش عندك
سطام:تذكر فيصل هذاك اللي يجي لمنا بالدوانيه
سلطان بتفكير:ايه ايه عرفته وش فيه
سطام:خطب من بنات عمومتنا
سلطان دق قلبه بقوووه وبخوف وقال برتباك حاول يخفيه بس بان على صوته:ومن خطب
ابو وام سطام وسطام استغربو من نبرته بالصوت بس كمل سطام:شموخ بنت عمي عبدالعزيز
سلطان حمر وجهه وهو يشد على قبضة يده ويحاول ما يقول او يسوي شي يندم عليه قام بدون اي كلمه
بس الكل لاحظ تغير وجهه
************************************************** **********************************************
بعد 3 ساعات صحصحت شموخ من نومتها وهي تتمطط حست انه مزاجها رااايق بالرغم انه راسها يوجعها من بعد امس
طالعت جوالها المرمي بالأرض دخلت البطاريه فيه وتركته وهي تتوجه بنشاط للحمام تاخذ شور
************************************************** *************************************************
عند مشاري كان شايل همهما مره لأنها تأخرت بالنوم وخايف انه سار لها مضاعفات من الطيحه خصوصاً ان الدكتور
حذره انه لازم اذا حست بمضاعفات يجيبها المستشفى
************************************************** ************************************************** ***