شبكة همس الشوق - عرض مشاركة واحدة

16 - 9 - 2014, 06:52 AM

عند مشاري حاله ماهو حال من يوم طلعت من بيته كان واقف قدام بيت خالها وهذا حاله كل يوم

ويطلع بنفس الأجابه كان دقنه طالع وحالته حاله دق دخل بيت خالها اللي هلا ورحب فيه وهو حزين على حاله
ومستغرب من السبب اللي مخلي شجن تقسى عليه هالكثر
غرفة شجن
ابو عبدالملك (خالها):شجن يابنتي زوجك هنا ويبي يقابلك
شجن طالعت خالها اللي توقع منها اجابة كل يوم وانها ماتبي تقابله ومالها خلقه بس استغرب يوم سمعها تقول:خالي انا الحين جايه اسبقني انت
ابتسم ابو عبدالملك بفرحه:طيب يابنتي انا بروح له لين تجين
شجن طالعته لين راح عن عينها تكت على الطاقه وهي تشوف بيت جيرانهم اللي سارت فيه حريقه كبيره حولته رماد
وقالت بأستهزاء:وعلى ايش يا خالي هالفرحه اللي بقوله لابيسرك ولا يسره وبثبت لك انه مو كفو ولا يبيني
طالعت البيت للمره الثانيه بس هالمره ببتسامة فرحه للي بتسويه لبست تنوره وسيعه وبلوزه فضفاضه ونادت بنت خالها إيناس
إيناس:هلا شجونه ناديتيني
شجن ابتسمت:يب بطلبك
إيناس:تم امري
شجن بتفكير:امممم انتي بقسم فنون صح
إيناس بتسائل:قصدك قسمي في الجامعه؟؟ يب
شجن ابتسمت لأن اللي تبيه بيمشي:طيب ابيك تجيبين قشك وتسوين..................................... تعرفين صح
إيناس بأستغراب:ايوه اعرف بس ليه ؟؟
شجن وهي تدفها بره الغرفه:انتي اسمعي الكلام واقولك ليه
إيناس وهي تبوس قفى ايدها:الحمدالله والشكر لله انهبلت
بعد نص ساعه نزلت شجن اللي مشاري انصدم اول ماقابلها قرب منها بسرعه
وبلهفه وخوف:شجن وش سار لك
شجن وهي تلف عنه وبتمثيل:مشاري هذا هو السبب اللي خلاني ارفض اقابلك طول هالفتره
اني انسانه مشوهه <<رفعت ايدها يعني تمسح دموعها وهي تكمل:مشاري انا حتى مو طبيعيه دموعي تحرق خدودي
انا رفضت اقابلك بس انت اصريت انا بعد ما انحرق جسمي ووجهي بالحريق اللي سار لجيراننا وانا كنت عندهم
مقدر اقابلك واضلمك معي انت تستاهل احلى مني والحين خلا لك الجو مافي شجن عائق لك عن شموخ روح يامشاري روح
دافع عن حبك وانا وقلبي محللينك
(كانت مسويه بالمكياج والألوان انها محروقه بوجهها وايدها وطبعاً شغل المبدعه إيناس)