شبكة همس الشوق - عرض مشاركة واحدة

16 - 9 - 2014, 10:54 PM

امريكا
طلعت من غرفة الملابس وارتاحت انه مو بالغرفه غيرت ملابسها وطلعت من الغرفه واول ما طاحت عينها عليه
حست بقلبها يتقطع الا دموعه اللي كانت ماتهون عليه ابد ينزلها الحين عشانها غمضت عيونها وتنهدت تنهيده طويله
وقالت بهدوء:فيصل
رفع راسه بسرعه لمصدر الصوت وقام لها وضمها بكل قوتها شموخ ماا تحركت ولا حركه وما بادلته اي حنان قالت بجفا:فيصل ابعد
فيصل تفاجأ من حركتها وبعد وهو يمسح اثار الدموع بوجهه حزنت عليه وهو مثل الطفل قدامها بس قاومت حزنها وقالت وهي تجلس:فيصل اجلس
ابي اتكلم معك
فيصل جالس وقال بهمس:تكلمي
شموخ بلعت ريقها واخذت نفس طوييييل وطالعته بعدها:انا ابي اتطلق
فيصل بأنفعال:شموخ مسحيـ ....
قاطعته شموخ:فيصل بليز اسمعني للأخر ولاتقاطعني
فيصل شد على قبضته بقهر وقال وهو ضاغط على ضروسه:تكلمي
شموخ صدت بوجهها عنه:انا ابيي اتطلق لثلاث اسباب الأول وانت عارف وشو
فيصل طالعها وهو عارف تفكير شموخ زين وقال بهمس:مديت ايدي
شموخ طالعته ورجعت صدت:والثاني رداً لكرامه ضاعت مني انا لمن تراضينا وخطيت خطوتي الأولى قلت مابين الزوجين كرامه
بس الضاهر كنت غلطانه على العموم الدنيا تعلم ثالث سبب ومدت له جوالها رقمك اتصل على جوالي امس بهذا الوقت وسمعتك
تتكلم مع وحده وتحبون ببعض
اخذ فيصل الجوال ورجع بتفكيره لـ Julie وقال بسرعه:قصدك Julie
ابتسمت على جنب وقالت:الأعتراف بالحق فضيله وعموماً هي مو سبب ازعل علي اللي شفته منك اكبر من اني ازعل على بنت
فيصل طالعها وقال بسرعه:قومي البسي
شموخ بأستغراب:على وين
فيصل:بنروح لجولي
شموخ طالعته بقهر:ياوقاحتك يا شيخ توصل فيك توديني لحد عندها
فيصل طالعها:قومي ترا بيتها مو بعد ولا اقولك بلاش بيتها انا امس صورتها فديو بجوالي
شموخ بقهر:وبعد
شغل الفديو وحطه قدامها قالت بصدمه:بنت صغييره
فيصل وبا يحكيها كيف وشافهاا وكيف تعلقت فيه وسار شبه مسؤل عنها
شموخ قامت والدموع بعينها وعشان تكون قويه قالت بقهر:ولو هذا سبب وبرأه منه انا الغلطانه
اما وين القا اسباب لضربك لي واخذتني لأمريكا بهذي الطريقه وين اودي كرامتي اللي جرحتها
فيصل انفجر:وانا بعد شايل وشايل ياشموخ حبك لمشاري والتعليقه اللي بغرفتك الحرف الكبير الل كنتي ترسمينه على ورقه
شموخ بصدمه:شدخل مشاري
فيصل:دخله اني يوم جيت اخذك من بيتكم كانت هذي الأشياء على المكتب
شموخ دمعت عيونها بقهر:وانت مصدق اللي شفته بعيونك وما فكرت تسألني او تفكر شوي لو دققت شوي بالتعليقه بتلاقي مكتوب عليها شموخ ومايا
مو مشاري يا هه زوجي
فيصل حس انه احد عطاه كف على وجهه وقال:يعني قصدك اللي بالورقه لمايا والتعليقه لمايا
شموخ وهي رايحه للغرفه:بالظبط انا الحين بجهز شنطتي وترا حجزت على السعوديه
فيصل وهو فيصل وهو مكسور:وبتخليني
شموخ:الله مايخليك ادعيه وبيكون قريب لقلبك
************************************************** ************************************************** ************************************************** ******************************************
بعد اسبوعين السعوديه بيت ابو سيف كانت جالسه ومسرحه بالفراغ تحس بشوق كبير له بس
كرامتها مو مخليتها تكلمه او تتطمن عليه من بعد ما وصلتها ورقت الطلاق دموعها سارت تنزل عشوائياً بدون مقدمات
جلست منال بجنبها:شموخ لمتى بتبقين على هالحال لا اكل ولا شرب
شموخ طالعتها بتوهان وتعب:مدري احس اني مرهقه ونفسي تقلب لاشفت الأكل
منال ضمتها:حبيبتي شموخ غلط اللي تسوينه لازم تاكلين وترى انتي مو اول ولا اخر وحده تطلقت بهالدنيا
شموخ بتصريف:ماما وين بابا وسيف وسلوم
منال:ابوك كان جالس هنا مع سيف قبل ساعه وكانو يتكلمون بشي مهم مدري وشو
***************************
قبل ساعه
ابو سيف:يعني انت داري بكل شي من البدايه
سيف:ايه يبا وبصراحه تفاجأت من تصرفك
ابو سيف نزل عيونه للأرض:انا والله مدري كيف سويت كذا بس كنت خايف عليها ياسيف خايف عليها لابعد حد
سيف تنهد:وحنا وين رحنا الله يهداك يبه
ابو سيف:والنعم والسبع انعامم فيكم بس لاتسألن وش صابني والله مدري
سيف مد له الضرف الأصلي اللي فيه رسالته وكلام فيصل لانه ارسل لفيصل صوره اول
ابو سيف:وش هذا
سيف:هذي رسالتك لفيصل ورسالته لي
ابو سيف تنهد:وين هي شموخ
سيف:تو يوم اسأل منال قالت بالغرفه وتضنها نايمه
ابو سيف ابتسم بأستهزاء وهو ياخذ الضرف ويحطه على الكنب بجنبه:الا والله ماذاق عينها النوم المهم ياولدي ....
(الله اكبر الله اكبر)رددو ورا الأذا وبعد ماتنها قال ابو سيف:قم ياوليدي خلينا نصلي
والله يكتب لها ولنا للي به الخير
سيف:يالله مشنا
قامو سيف وابو سيف للمسجد وهم موكلين امرهم لله وما خاب من وكل امره بيت ابو فيصل
ام فيصل بقهر:يافيصل مو معقول اللي تسويه ارحم حالك ياولدي ترى والله مايجوز اللي تسويه
فيصل طالعها وهو اللي شكله مبهذل وقال بهمس مكسور:يمه طلقتها وبالثلاث يعني ماعاد لنا رجعه وشموخ كرهتني
ام فيصل تحب شموخ بس جد منقهره على حال ولدها قالت بقهر:والله ياولدي بكره لا ادور لك عروس شموخ ما تسوى ضفرها

بس لاتسوي بنفسك كذا ياولدي يعني قطعت روحتك وحلمك وسكتنا تقعد تعذب نفسك كذا بعد هذا ماينكست عنه
تنهد صقر:يمه ارجوك لاتجيبين لي طاري اي بنت غير شموخ ترا والله انا ادور طرف حبل اتعلق فيه وارجع لها
ام فيصل ضمت ولدها:حسبي الله على الشيطان الله يلعنك ياشيطان يامفرق الأهل والجماعات
************************************************** ************************************************** **************
بيت ابو سيف قامت منال من عندها بعد مادق جوالها وضلت وحيده ورجعت لقوقعتها رفعت رجولها ولمتها لصدرها بتنهيده رفهت ايدها بس بألم قالت وهي تفرك محل المخشه:اااي وش هذا
طالعت بجنبها لقت ضرف رفعته وقبل تفتحه سمعت منال تقول:شموووووخ تعالي
رمت الضرف على الكنبه بأهمال وتوجهت لمنال بالمطبخ:هلا
منال ابتسمت:وش تسوين
شموخ:ولا شي جالسه
منال:طيب بليز طلب
شموخ:امري
منال:انا بسوي لنا قهوه ابوك تو كلمني وقال فيه ضرف بالصاله ارفعيه بسرعه لمكتبي ولايطيح بيد احد اكيد خايف
من الشغالات روحي ارفعيه الله يعافيك
شموخ:اوكي
بالصاله اخذت الضرف وتوجهت لمكتب ابوها بالدور الثاني حطت الضرف على الطاوله وكانت بتطلع بس ماتدري ليش صابها فضول تفتحه وفتحته
واول ماقرت الكلام .................
ادري البارت قصير بس انشالله البارت الجاي قبل الأخير بيكون طويل