شبكة همس الشوق - عرض مشاركة واحدة

17 - 9 - 2014, 06:15 AM

************************************************** ************************************************
المستشفى
الدكتوره:ايش هالقلق اللي انتم فيه ترا الموضوع عادي البنت حامل
مايا ومنال وسيف بصدمه:حاااااااااااامل
الدكتوره خافت وقالت وهي مصغره عيونها:ايه حامل
مايا دمعت عيونها:مدري هالشي خير ولا شر لك ياشوشو
منال ربتت على كتفها:الطفل ما راح يموت اذا عاش بين ابو وام منفصلين
سيف بتفكير واهتمام سأل:دكتوره كم عمر الحمل
الدكتوره:عمر الحمل من 8 اسابيع الى 10 اسابيع
سيف ببتسامه:تقريبا شهر او شهر واسبوعين يعني طلاق شموخ ماوقع عليها شموخ حامل ياجماعه يعني تقدر ترجع لفيصل
مايا بفرحه فزت:صدق يعني شموخ وفيصل بيرجعون لبعض
سيف:ايه اذا كانو عاقلين بيرجعون
شموخ كانت واقفه عند الباب وسمعت كل شي بصدمه ماتدري تفرح ولاتزعل ماتدري تضحك ولا تبكي
كل شي احساس فيها متعلق بفيصل وقررت ماتخبره الحين وطلبت من الكل مايخبرونه الين تقرر هي بنفسها
تخبره
************************************************** ************************************************** ***************
توجهو للبيت وبشروا ابو سيف وغابت شمس واشرقت شمس جديده قامت على صوت جوالها بأنزعاج
وردت وصوتها كله نوم:هلا غلاوي
غلا بستغراب:شوشو نايمه
شموخ وهي تطالع الساعه بصدمه:ايه نايمه
غلا:انتي بخير تدرين ان الساعه 7 المغرب
شموخ مالها خلق تتكلم:امممم راحت علي نومه <<وتذكرت خبر حملها قالت بحماس:غلا انا حـ...
غلا قاطعتها بسرعه بدون ماتنبه للي كانت بتقوله وقالت:ماراح تحضرين زواج ندى وفيصل اليوم
شموخ حست انها انضربت كف وبقلبها:فيصل بيتزوج <<قالت وهي تبلع ريقها:لا احضره ليش
غلا:يعني ندى ملزمه عليك الا تحضرين
شموخ بقلبها وعيونها كلها دموع:ياقواة عينك ياغلا وياقواة عين اخوك وعروسته عازميني على عرس زوجي وملزمين بعد
قالت بسرعه:غلا انا لازم اقفل الحين اكلمك بعدين<<وبستهزاء:وباركي لندى عني
غلا بأستغراب:اوك
شموخ قفلت من غلا وغرقت بدموعها وقررت تسوي اللي براسها نزلت بسرعه عند ابوها
ابو سيف:هلا يا بابا <<انصدم من دموعها وقال بفجعه:شفيك يابنتي ليش تبكين
شموخ بحده:بابا انا ابي .......
************************************************** *******************
انتهى البارت وطولته لعيونكم وكان هذا البارت قبل الأخير وانتضروني بالبارت الأخير
محبتكم :نجوده