شبكة همس الشوق - عرض مشاركة واحدة

17 - 9 - 2014, 06:44 AM

بيت ابو سيف دخلت البيت وكان هدوء ومافي غير ابوها بالصاله تنهدت بقوه وهي عارفه انها كل ماقربت تكون تخطي خطوتها الأولى للبعد عن هالحياة وهالأهل وهالبيت
لمحها ابوها وابتسم وبصوت مكسور يملاه حب الأب لبنته الوحيده ودلوعته والأهم انها من ريحة الغاليه:شموخ جيتي
شموخ ابتسمت لنبرته المكسوره بدون اي كلمه وجلست وقالت بهمس:بابا قالت لي مايا انه ضبط الموضوع
ابو سيف نزل عيونه للأض عشان ماتبان دموعه اللي بهدب عينه وبتصنع للأبتسامه رفع راسه:ايه ضبط بتروحين مدينة الأضواء باريس
شموخ قالت جواتها بكسره:وكأنها تفرق معي باريس ولا غيرها<<ابتسمت ابتسامه ترضي فيها ابوها اللي هي حاسه زين بتأثره ببعدها وقالت:وااااااااااو باريس تصدق قد ما سافرنا ماقد فكرنا نروحها
ابو سيف تأكد انها تتصنع هالفرح عشان ماتزعله بس قال:شموخ يا بنتي انتي متأكده انه البعد افضل
شموخ:اكثر منما انا متأكده انه اسمي شموخ
ابو سيف:طيب على كذا سفرتك بعد اسبوع والسكن(وبتأكيد)والبدي قارد جاهزين
شموخ غمضت عيونها بألم كانت اكثر شي تكرهه الحكره وانه احد يقعد يحميها فوق راسها وكان اخر حلم لها انها تبعد عن ديرتها وتعيش بره والأهم عن اهلها
تنهدت بقهر وبقلبها:سويت كل شي اكرهه عشان ابعد عنك انت بس يافيصل
ابو سيف وهو يقوم:خليك جاهزه على اسبوع كذا ترا سفرتك الجمعه وفكري زين يابنتي انك تروحين بطفل وابوه مايدري فيه ترى غلط كبير <<وراح وترك شموخ حايره بفكرها كل الناس اتفقوا على كلام واحد
هل هم صح او تفكيرها الصح هل تتبع عقلها اللي يقول لها ابعدي ماله الحق بالطفل او قلبها اللي يقول مهما كان هو ابو الطفل
************************************************** ******************************