شبكة همس الشوق - عرض مشاركة واحدة

17 - 9 - 2014, 06:46 AM

بعد ساعه المطار خطت خطوتها الأولى ولا تدري وش وراها اليوم بتبتعد عن اهلها وعالمها عشان انسان واحد ماتدري هل هي تبتعد لانها تكرهه او لأنها تحبه
كانت جالسه وحاطه ايدها على بطنها تتطمن نفسها تذكرت كيف ودعوها بنات عمها واعتذرو منها كانت فرحتها كبيره فيهم بس ماقدرت تبان لأنه يغطي هالفرحه همها
رفضت انه احد من اهلها يوصلها وقررت تروح مع السواق عشان ماتضعف وترجع اذا شافت دموعهم
وقف تفكيرها والدم بعروقها وهي تسمع صوته يعم جميع انحاء المطار لأنه يتكلم بالمايك:شموووخ حبيبتي
لاتروحين انا عرفت بكل شي عرفت بحملك انا ما ابي الطفل بس ابيك انتي ابيك بجنبي ما ابي اخسرك مرتين
يكفي اول مره شوشوني انا احبك والله حياتي ماتسوى بدونك اذا بتروحين روحي وتأكدي اني ببقى احبك وربي ولدي
او بنتي زين وعلميهم لايكرهوني بس انا بنتظرك برا بنتظرك ربع ساعه اذا جيتي فأنتي حافظتي على حبنا وحبي لك
وحبك لي اجتاز اكبر تحدي واذا لا مع السلامه للأبد ياشموخ قلبي احبكـ
عند شموخ انهارت وتنهار اكثر مع كل كلمه يقولها بكي وتقول:احبك والله احبك وابيك بس زوجتك مالها ذنب عيش حياتك وتهنى انا احبك صح
بس ما أقدر اقول الا الله يهنيك
************************************************** ************************************************** ***********************************
بيت ابو سيف الجده كانت متعمقه بتفكيرها وتتذكر يوم ابو سيف كان يكلم شموخ عن يوم سفرتها وكيف سمعت كل المحادثه بينهم
تذكرت الي سار بتنهيده وماتدري اللي سوته صح ولا غلط بس اللي تبيه راحت شموخ لانها على قول مايا طيبه وماتستاهل اللي يسير لها
ابو سيف كان طالع لفوق بهم الدنيا انصدم يوم لقى امه بوجهه وكان وجهها مايتفسر وباين انها معصبه قال بربكه:يمه سمعتي شي
الجده:ماربيتك والله وانا اشهد اني ماربيتك
ابو سيف بتبرير:يمه انا
الجده بحده:عطني رقم فيصل
ابو سيف حرك راسه علامة الرفض:ماقدر يمه هذي بنتي
صرخت امه صرخه هزت البيت:ما يكفي عصيان لي اسمع الكلام وعطن اللي الي ابيه
ابو سيف:ماقدر اكسر بنتي مرتين يمه والله ماقدر
الجده بحده:عبدالعزيز اذا انت ما عطيتن الرقم من طيب نفسك بلقاه انا وانتَ عارفني زين وتدري انه لا حطيت شي براسي اسويه
ابو سيف:يمه عطي البنت فرصه تقرر
الجده بصرخه وحده:عبدالعزيز
ابو سيف تنهد بقهر وفتح جوال امه وحط لها الرقم وقال بترجي:يمه تكفين شموخ عقلها براسها وتعرف الصح من الغلط
الجده طالعته بنص عين:وشموخ بعد انسان والأنسان يغلط ياولدي
ابو سيف عارف انه امه معاها حق بس يمكن لأنه السبب بألي بنته تمر فيه ويبي يكفر عن غلطته

سكت وتوجه لغرفته وهو شايل هم الدنيا على راسه:ياااااارب فرج عن همي واشرح صدري وارحمني وارحم بنتي برحمتك يا أرحم الراحمين