يا حبيبي ودي لو تعرف غلاك
ودي تشوف القلب وشلون يغليك
ودي اكون بدنيتك دوم وياك
ودي عيوني من تفتح تلاقيك
انا احبك وهذا قلبي تمناك
انته كلي قلي وشلون ما ابيك
يا حبيبي قلي وشلون ابنساك
دامك ملكت القلب وشلون اخليك
قرب حبيبي وطل على القلب وحياك
شوف الغلا والحب واشواق طاريك
ارحم خفوقي الي يبيك وتمناك
لو ضاق في كوني ادور معاليك
ودي احس بلذه الحب وياك
احب انا همسك ولمسه اياديك
ما بي اعيش الي بقالي بلياك
يا دنيتي كذاب لو قلت ما ابيك
عيني تشوف الزين في الناس شرواك
مير الدلع والحسن وطبعك يحليك
خايف عيون الناس تحسد مزاياك
ودي احطك بين صدري واخبيك
كلمه احبك واقفه في شفاياك
ليه التغلي يا بعد روح مغليك
قلها وريح قلبي يحبك ويهواك
لا غاب حسك صاح نبضه يناديك