xxxss
المقادير
2 صدر دجاج كبير مفروم
بصلة مفرومة متوسطة
جزرة كبيره مقطعة صغار
3 فصوص ثوم مفرومين
ملح ملعقة شاي ونص
ملعقة شاي فلفل اسود
4 طماطات مطحونين بالخلاط
كزبرة مفرومة
فلفل اخضر رومي مفروم نص حبة اذا كبير
وحبة كامله اذا صغيره
فنجان كاتشب عشان يعطي مذاق حلو خفيف
وطعم اطيب جربوها ماراح تندمون
ونص علبة صلصة طماطم
علبة وحدة فقط لازانيا
مقادير البشاميل:
نص كوب طحين فاخر
نص كوب حليب بودرة
4 اكواب ماء
ملح وفلفل اسود
ربع زبدة
اخر شي نرش الوجه بجبن موزاريلا مبشور
نجي لصور المقادير
نحمس البصل بالزيت ونحط الثوم حتى ياخذ لون شوي
ونضيف الملح والفلفل ونقلب شوي
عقب نضيف الدجاج والجزر و نقلب
وبعد عشر دقايق نضيف الطماطم المطحون ونقلب
ونضيف الكاتشب والمعجون
وهذا شكله بعد مانحط عليه الصلصات ونضيف
الكزبرة الخضرا والفلفل الرومي حتى يعطي نكهة اطيب
مقادير الباشميل
وهذي البشاميلو شوي سائله مو جامدة
نحط شوي بشاميلو بالصينية لازم ونرص قطع اللزانيا من غير سلق
لاتخافون بتنضج بس اهم شي تخلونها بالفرن تقريبا
40 دقيقة على نار وسط
نضيف عليهم الدجاج و شوي بشاميلو بهالشكل
ونكمل الصفات الباقيه وقبل مانحط البشميل على اخر صف فوق ناخذ نص كوب ماء نصبه
على جوانب الطبق ولو تركزون شوي وتدققون بتشوفون
حوالين الطبق في ماء و نحط بشاميلو وجبن موزاريلا
مبشور على الوجه ونغطيه
بقصدير وندخله الفرن على نار وسط مدة 40 دقيقة فقط
و نكشف القصدير ونخليه يتحمر من فوق شوي
وصحتين وعافيه
