قصه غريبه عشتها قبل يومين عشرين عام وعشتها في ثواني حلمت واني عايشن في بساتين والورد حولي والزهر والاغاني 
والمعجبين اخلاف وايسار وايمن تهتف و الوح للجميع ابمكاني والجو غايم والجماهير هادين والشعر حاضر والطرب والاماني والنور هادي والقصايد عناوين واصناف من بعض الهنا والتهاني مافيه حضر ولا قيود وقوانين كلن يعبربالخفى والبياني وانا وشعري دايم الدوم وافين فارس وحلوات القصايد حصاني اكتب ذهب في حين والماس في حين واللي بقلبي ترجمانه لساني حتى لو اكتب لي من الشعر بيتين توصل قلوب المعجبين المعاني شعري ليا غردتبه بين قوسين كلن قرى حرفي بشوق وقراني المشكله ماهيب فالشعر ذلحين المشكله فالحلم باول وثاني فالحلم شفت اللي على القلب غالين اللي غلاهم عايشن في كياني جوني مع اللي يهتفولي مهنين جوني وانا دمع الحاجر حداني حداني ابكي من وصال المحبين اللي غلاهم بين حدب المحاني اللي خذو قلبي لهم عدة اسنين واقفو وانا في حيرتي وامتحاني راحو وخلوني مع الناس مقفين مركب غرامي مارست فالمواني صحيت من حلمي وانا اقول من وين من وين ياحلم العنى والاماني