البوريك ياعينى على البوريك

اول يوم فى رمضان جى حاطرى فى البوريك قريب هبلت عليه انتو تعرفو الصايم يجى فى خاطره اى شى
المهم قمت زى البنت الطيبة وقشرت البطاطا وسلقتها وحطيت معاها اللى كتبه الله من البهارات واللحم الى هنا كل شى طبيعى
اخدت سيارتى وطلعت عشان اجيب ورق البوريك وهوووووووب المحل الاول توا تم من عندنا رحت المحل التانى والتالت مافيش فايدة ولاورقة يانهار موش فايت اعمل ايه فى الحشو اللى اعددته كككككككككككك تفتق دهنى المطبخى على فكرة جهنمية رجعت للبيت لقيت ام فيفى تنتظرنى خصوصا وانى تأخرت المهم دخلت المطبخ وفقست بيضتين على الحشو وقلت اعمله كفتة بطاطا هاااااااااااااااا من بوريك الى كفتة بطاطا كككككككككككك
]
المهم بديت اقلى التصق بالطاوة اللى اقلى فيها يانهار ابيض اعمل ايه ضفت الدقيقالمهم نجحت معاى وبطل يلصق
جى المغرب ضرب المدفع وزادت ضربات قلبى معاه وانا عين على صحنى والعين التانية على ماما اللى اخدت وحدة تبى تدوقها ككككككككككك النتيجة كانت صفر على الشمال وهااااااااااااات ياتعليقات من اول يوم يلا خيرها فى غيرها