شبكة همس الشوق - عرض مشاركة واحدة

23 - 10 - 2014, 04:43 PM

وتوني عرفت أنك تحبيني ولا مارجعتيلي بالأمارات بس أخذت وقت طويل عشان أفهم
أرجوك ردي أنا ماأتخيل تكونين لغيري
أرجوك لاتعاقبيني وتزوجين شخص مابغيته وتعذبين نفسك وتعذبيني معاك كفايه سنين العذاب إلا عشتها بدونك
أرجوك ردي علي ياغلايه >
أنزلت دموع غلا وحست بضعف
كانت تحبه بس صعبه تجرح عمها الي أكرمها وعدها مثل بناته
وصار زايد يدق وغلا تحاول تلقى حل لحياتها
وفي الأخير قررت أنها تعيش حياتها بدون زايد
صح أنها راح تكون صعبه لكن واجب العائله أهم
وزايد هو الي جاب العذاب لنفسه وشملها معاه
وقررت أنها تحاول تفهم زايد أنها ماعاد تحبه على الأقل قدامه عشان ينساها ويكمل حياته وهي تقدر تنساه مع أنه مستحيل تنساه
وفي الأخير أرسلت له مقطع صوت لقصيده
< شفت وشلون خلق الله تحب الكلام
قلتلك لاتصدق حجيهم ماأقتنعت
لين ضيقت صدري بالعتب والملام
وأنت ياما حجولي عنك وماسمعت
جيتني وأنت ودك بالزعل والخصام
باين الي يبي السبه ولو ماأندفعت
غيروك العواذل طعتهم!!!!
ياحرام
عقب ماكنت مقبل بالمحبه رجعت
خلهم ينفعونك لاتزيد أتهام
من عرفتك مضره وأنت عمرك نفعت
وين كلمه أحبك وين ذاك الغرام
ليش نزلت قدرك عقب ماأنت أرتفعت
آآآآه ياقو قلبك لك عيون
تنام
تجرح الي يحبك بالكلام
ورجعت
كان لك قدر عندي وأنتهى
والسلام
غلطتي جيت كلي بالمحبه
وضعت >
وجلست غلا ساعه تنتظر رده
لكن مارد وعرفت أنه صار الي تبيه