شبكة همس الشوق - عرض مشاركة واحدة

31 - 10 - 2014, 12:17 PM

لجل عيونك وش اللي تطلبه قلــي
‏*
وش حضرتي كــــان مالبيت مطلوبك
لوتطلب الروح أنالـــك فدوتآ كلي

عهدآعلي الوفاء لجلك وماجوبك
بس انتبه لاتناديني وانــا أصلــــــــــي

أخاف اخـــــلي صلاتي وألتفت صوبك

عند ساره اتصلت عليها ام راشد وقالوو اليوم بيجوون يخطبووون رسممممي وساره مو مستوعبه شلون وكيف ومتى ومن في راسها اساله كثيررررررره مررررررره*
ونوره من الضهر وهيا بالمطبخ تسوي حلى وشاهي وقهوه وفطاير ... الخ ))
والبندري جالسه تزين ساره*
ساره بطفش: بندوور لا تكثرين المكيااج اففف*
البندري بدهشه: وشووو حطية كلها كريم اساس توني مابديت
ساره بطفش: تدرين اني ماحب المكياج وهذي الحركات
البندري تتخصر: لا والله علشان يقولون اهل المعرس وععع وشي هذي*
ساره بغرور: الي بيتزوجني امه داعيه له بليلة القدر*
البندري بطنازه: قصدك داعيه عليه*
ساره بقهر: طنطرررري اعقللللي اففف ترا نرفزتيني
البنري بقهر: طنطري بعينك وبعدين حقوق السب محفوووضه هذي المعياره مايقولها الا فاطمه يشين الصررقه*
ساره بممللل: بندوروه بتكملين مكياجك او اقووم*
شوي وتدخل فاطمه ومعها سلت حلو*
وسلمت عليهم*
فاطمه : مبروووك*
ساره : مصار شي الى الحين
فاطمه بلقافه: منوو شسمه شسم ابوه*
ساره: ممممم اسمه راشد محمد ال ،،،، ويشتغل بالستعلامات*
البندري وفاطمه*

صدددددددددمممممممه*
ساره ببتسامة غباء: ايش فيكم ؟؟*
البندري بدهشه: ي يعني بعد شوي بشوف ا ا ا مي*
ساره : شلوون فهمووني*
فاطمه قالت لساره كل السالفه*
وساره منصدمه : يعني شلوون*
فاطمه: شوفي سوير ماعليكي انتي بس تكشخي والبسي واطلعي وسلمي وكانك ماسمعتي شي*
ساره بخوف : فطوم والله خايفه*
فاطمه ببتسامة : لا عادي حبيبتي طنطري يالله مكيجيهاا وانا بطلع لك ملابس لا تنسوون ان عندكم مصممت ازياء << فاطمه كانت عندها ذوق بالبس وكان حلمها مصممت ازياء ودايمن يخذون شورهاا بالبس*

فاطمه كانت لابسه فستان احمر الون المفضل لها ومااسك من جسمممهاا الا نص الساق واكمامه وحده عاديه ووحده نازله على جنب وكعب اسود وحلق ( خزاري - تراكي ) تسود وروج احمر << بالله عليكم شرايكم بالتوصيف هع احس مافهمتو شي هع*

البندري لابسه تنووره جنز وااسعه الى تحت الركبه وبلوزه بيضى وعليها كلام بالفضي*
وفلاة فضي وروج زهري فاتح معطي بشرتها برونز*

نوره كانت لابسه ثوب اورنج ماسك من عند الصدر ومن تحت الصدر وسيع وعليه رسوم بالاصفر والازرق والوردي الوان الصيف وحطه قلووس لمعه وفلات ملوون*

ساره كانت لابسه فستان ذهبي مااسك على جسمهاا حفرر ومن تحت الصدر حزاام عريض اسوود وهو يوصل لتحت الركبه وكعب اسود وروج وردي وكان شكلها خقه