شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

13 - 11 - 2014, 05:30 PM

وسكر السماعه وجلس يدور بناته اللي لقاهم عند محل الشوكولاتات ياخذون لهم اكل يقزرون فيه مع ان الطياره ماتقصر
الاب: وانتوا مثل القطاوه ما القاكم غير عند البلع
حنان:يووه يبى اذكر ربك ما احب اكل الطياره باخذ لي شبسات وشوكليت
سعاد:والله ماتوفرين انتي كل شي تاكلينه
حنان: بسم علي منكم
الاب: يالله انا جالس عند بوابتنا لاخلصتوا تعالوا ولاتكثرون تشري
البنات: ان شاء الله
ويروح عنهم ابوهم
وتلتفت حنان على اختها: الا اقول ماودتس ناخذ لنا بطل تشربين منه جغمه قبل الاقلاع عشان ماتسوين لنا مناحتك
سعاد: لا ان شاء الله ولا طاحت فينا الطياره تبين اصير عاصية ربي وسكرانه
حنان: ول لا يابوي اجل اشنعني.,, اتحملتس بس ها للصبر اخر مو تلصقين فيني
سعاد: ابرك اخت

وكان في واحد يستمع لسوافهم وهو يضحك ,, سبحان الله سمعتهم قبل هالمره ولا شفتهم الحين بشبع منهم معي بنفس الرحله,, ويدق جواله بنغمة مو على كيفك حبيبي تبتعد وتخون حبي والله لو حبيت غيري لقتلك واموت بعدك ماجد المهندس
والتفتت حنان للصوت لانها تحب هالاغنيه

طارق: مرحباااااااااااا ملااااااااين
محمد:مرحبا بك اكثر حيالله القاطع
طارق: ههههههههههههههههههههههههه والله غصب كان زحمه جدولي ولا فضيت
حنان اللي خقت على صوت ضحكته
محمد: ايه ها وشلونك ومتى الوصول ان شاء الله
طارق: باقي ساعه وتقلع طياراتنامايدري ليه قال طيارتنا
محمد: خير ان شاء الله اول ماتهبط كلمني وانا بعد بكلم المطار عشان اتأكد من موعد الوصل
طارق: خير ان شاء الله
محمد: فمان الله
طارق: فمان الكريم

حنان اللي قاطه اذنها وبقوووه عند طارق وتسمع كلامه جذبها صوت النغمه ,,اغنيه تحبها,, بعدها ضحكه ولا أطلق له موسيقيه تعزف زيها,, ولما شافته هنا عاد تنحت
وأخيرا تحقق مناها تلقى شاب كذا حلو عربي ولا بعد سعودي وتشوفه لايف,, دايم تشوفهم برى او بالنت بس لايف ماعمرها شافت غير اهلها خخخخخ بس استوقفها كلمة طيارتنا

لالالالالالالالالالالالالالالالالالالالالالالالالا لالالالالالالالالالالالالالا
لايكون جاي ويا حرمته,, وا عليا عليتس ياحنو يوم لقيتي واحد سنع طلع متزوج وتتغير ملامحها الى تعاسه وكل هذا وسعاد تطالعها وتعرف اختها
سعاد:ها عسى مامت البطل
حنان:لا متزوج اهئ اهئ اهئ
سعاد:هههههههههههههههههههه خبله رخصه واستماره
حنان: وش اسوي بعمري حظي عوج وقلبي مطحلب خضر
سعاد: خخخخخخخخخخخخخ امشي بس نروح لأبوي