شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

13 - 11 - 2014, 05:32 PM

جلست حنان عند ابوها وبراسها ميه وسته وسبعين استفهااااااااااام ولده ولا لأ

قطع تفكيرها نداء للتوجه للطياره وقام جميع الركاب خذوا اغرضهم وتوجهوا للطياره

لحظة تعريف
طارق: شاب عمره 29 سنه درس طب لمدة سنتين بس ماقدر يكمل وغير تخصصه للهندسه وصار مهندس ناجح في سن 25 سوا تصميم لأبراج في كندا ولما رجع لديرته السعوديه فتح له مكتب هندسه ووضف عنده مهندسن من كثر مو ملحق على الشغل
فجاته دعوه من شركة هندسه معروفه بكندا اللي كان يشتغل عندهم ويتدرب ايام الدراسه بان يكون بينهم شراكه ,, فهذا سبب توجهه لكندا اللي جلس فيها قرابة 3 أسابيع يشوف العقود ومنها استجمام
ساكن بالرياض من أسره غنيه
وباقي تفاصيل شخصيته تلقونها بالروايه
رجعنا لكم
ركب الجميع الطياره حنان وسعاد عند الدريشه وهذا طلب حنان تموت تحب تطالع الطياره وهي تقلع اما سعاد اللي عكسها تخاف من الاقلاع زي ابوها خخخ
ووراهم جلس ابوهم وجا جنبه بالكرسي هالشاب الوسيم بس حنان ما انتبهت لانها جالسه تناظر في الدريشه
جلس طارق بعد ماحط لاب توبه وشنطته الصغيره في الدرج فوق وسلم على الرجال الكبير اللي جنبه وانتبه انه ابو البنات,, البنات اوه قدامي جالسات

اجل بنبسط من سوالفهن وهوايشهن هههههههههههههههههه

حنان اللي ملصقه وجهها بالدريشه وكأنها اول مره تركب طياره,, ماتقولون غير وجهه عبسي وهو ملصقه بنوافذ السفينه خخخخ

طارق اللي كان يختلس النظر لها ومبسوط من شكلها ,,ياحليلها شكلها تحب السفر بالطياره.
اما سعاد اللي ربطت الحزام وغمضت عيونها وتقرا وتسمي لانها تخاف من الاقلاع والهبوط والمصيبه انها نست المنوم في شنطة الملابس ,, الله يصبرني اجل

واعلنوا بالسماعات انه اربطوا الاحزمه ,, وارشادات السلامه وقامت تتحرك الطياره تجاه المدرج وكان الجو بدييييع
حنان: حسافه ليته ليل,,كان صار حلو منظر المدينه والمدرج بإناراته الصغينووونه
سعاد:
حنان: سعاد متى بتكبرين وش هالخوف ان طحنا تحتنا بحر وش المشكله
سعاد الل فكت عيونها بقوه: نطييييح لا ان شاء الله انا ما اعرف اسبح
حنان: لاتخافين سترة النجاة زي السباحه 
سعاد بخووف: تكفين حنان لاتخوفيني

طبعا في واحد قاط اذنه وبقوه ,,اها اسمها حنان حلو عرفناه كملوا ياصبايا