ياشينها لا صرت معجب و خجلان
ياشينها لا صرت معجب و خجلان
خوف المصارح لا يجيب المطمّه
((اخاف اصارح بالغلا ( ذاك الإنسان )
و ينقلب ( جوو المصارح مذمّه))
(((ويا شينها لا صرت مغرم و ( زعلان )
محد ٍ يراضي قلبك و ( محد يمّه)))
(((وان رحت محد ٍ قال لك: (وين يافلان)؟
روحتك مع جيّتك .. ماهي مهمّه)))
ويا شينها لا صرت عايش بحرمان.
مثل اليتيم اللي فقد شوفة أمّه
ماخوذ حقّه وانظلم شوف الأعيان
واللي اظلموه (عيال لحمه و دمّه )
ويا شين صاحب دربك(ان صار ثعبان)
لا هو تركك و لا نفث فيك سمّه
كنّا خويّا وانتسمّى بالأخوان
واليوم أسمه بأخبث الناس سمّه
ويا شينها لا صرت ناجح و ندمان
وصلت قمّه )( وغيرك بأعلاا قمّه )
مثل الإمام ..العالم بفقْه الأديان
يومه نجح .. والكل صاروا ( أأمّه )
ويا شينها لا صرت تايه وحيران
وسط الطريق .. و باقي ٍ فيك همّه ))
ودّك ترووح .. وآخر الدرب ما بان
تخاف تمشي .. ( ثم تغشاك غمّه )
ويا شينها لا صرت مبلي ومنهان
والعلم كلّه .. من اكاذيب نمّه
ما فيه ضدّك لا دلايل وبرهاان
ودخّان نارك مستحيل ٍ تشمّه
ويا شينها لا صرت من روس الاعيان
ثم تنقلب في نظرة الناس رمّه
ويلااااه يا وقت ٍ نوى لي بعصيااان
أثر الزمن يا ناس ما فيه ذمّه
ويا شين طرد المقفْي لو كنت ولهان
ياخذه شيطان الغروووور و يخمّه
يظن انّك هايم ٍ به وشفقااان
ما يدري انّه لو فطس ... ما تهمّه
ومااشين من معاشر قليلين الإيمان
درب الهداية .. لا .. أبد ... ما تتمّه
الخلْق سجن وصاحبك فيه سجّان
والعلم خال العزز .... ( والجود عمّه )
ويا شينها .. أصلا بقى شي ما شان ..؟
هذي الليالي طبعها مدلهمّه
الشين والله شين غالين الأثماان
لا قام كل ٍ رافع ٍ فوووووق فمّه
( ويا زينها ) لا صرت لاهي و طربان
وحبل القصايد يرتجيك و تلمّه
يا ليل دانه .. ليل دانه .. لا لا .. دااان
ما فيه ثوب ٍ يستر أطراااف كمّه
يا زينها لا صرت معجب و ( خرمان)
ثنثر علومك لو تجيب المطمّه
|