شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 05:55 PM

وراحت سويم اخذت الريموت وحطت على ميوت
وسيتي اللي جابت كاست مويه لام فيصل : اشرب ماما

سويم: انا في روه بيت ماما شيخه جيب اغراض

وراحت سويم في طريقها

وخلنا نرجع كم ساعه لورى,, عن شيخه
شيخه طول ماهي نايمه كوابيس ,, وقلبها مقبوض,, ولا نامت كويس
ومن صلت الفجر مارجعت تنام,, هالحاله جتها لما امها ماتت ,, كانت طول ليلها ضيقه وكوابيس ,, وحلومها كانها تطييح من فوووق بس ماتوصل للقاع وطول ماهي نايمه تتعذب لين تصحى ,, واذا رجعت تنام يرجع معها الحلم,, الين كلمتها زوجة اخوها تقولها امك تعبت بنوديها المستشفى بس ماعندنا احد خل فهد يجينا
وبساعتها ماتت امها وهي بفراشها وبحضن بنتها شيخه

والحين الله يستر من اللي بيصير,, ابوها الحمدلله صحته احسن,, بس لايزال تعبان مره ببيته ومره بالمستشفى,, الله يستر بس
ومن صحت جلست لين قوت عيالها من نومه وراحوا مدارسهم وكلياتهم

وجلست بالحوش اللي بين بيت اختها وبيتها

ودخلت الشغاله سويم,, وهي عيونها متنفخه من البكي
شيخه: سويم وش فيتس تبكين
سويم: ماما نوره تعبان,, واجد صيهصيح
شيخه وهي متروعه: نوووره,, بسم الله عليت ياوخيتي

وراحت مسرعه ,, للالالا ليكون نوره فيها شي,, الله يلعنتس يالكوابيس,,

ودخلت بيت اختها,, ولقتها تبكي بصمت بحضن شغالتها
شيخه وهي تضرب على صدرها: نوووره
نوره وهي تبكي وخايفه: شيخه اختي
شيخه راحت لها وضمتها : وش فيتس يانظر عين اختس,, عسى مافي عيالتس شي
نوره وهي تبكي: قلبي مقبوض مدري شبلاني
شيخه وهي تبكي من امس تبي تبكي بس مالقت سبب: ياويلي وانا طول ليلي كوابيس

ولموا بعض الخوات وهم يبكون,, يبكون للي جاي بالمستقبل
والشغاله تبكي معهم

وبهالوقت وصل فيصل وهو يدعي ربه ان امه ماشافت شي,,

ودخل مسرررررع البيت وشاف امه وخالته متلاممين ويبكون