شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 05:57 PM

فيصل اللي دق جواله وامه بحضنه وهي تبكي ,, وتذكر ان سعود بيكلمه وطلع جواله
ولقىسعود يتصل بك
فيصل بلهفه: بشر
سعود اللي سمع اصوات بكى وتولول: وينك فيه
فيصل: قلي جا خبر
سعود: لسه ماوصلت الاسامي,, وينك
فيصل بحسره: ببيتنا امي وخالتي دروا
سعود بفزززع:اييييييييييش امي درت,, عز الله رحنا فيهم,و قلها في امل ,, تكفى يافيصل امي ماتتحمل
فيصل وهو ضام امه: لاتوصي يالله سلام

فيصل وهو يدق على فهد ولد خالته
فهد:هلا بالنسيب
فيصل بضيق: هلا فهد
فهد بخوف: وش فيك وش هالصياح
فيصل: فهد جب لنا دكتور بسرعه
فهد: وش فييييكم
فيصل: امي تعبانه
فهد بخوف: طيب يالله بجيب دكتور وبجي

الله يعينك يافيصل,, ويبشر قلبك وقلب اميمتك على ابوك وخواتك

طيب مستعدين اعزائي القرااااء لأهم مشهد من الروايه

خلونا نرجع كم ساعه لورى,, وبمكان كبييير ومظلم

ابو فيصل على وضعه وجنبه بنته سعاد اللي اغمى عليها من التعب وماسكه بيدها اختها حنان اللي من البرد غمضت عيونها وغطت بسباااات وكأن هز البحر تحتها يهزها كطفله يطلب منها النوم ويوفر لها الأمان ولبت ندائه ,, وفلتت يدها من سعاد اللي حست فيها وفتحت عيونها بس التعب مسيطر على سعاد فظنت انها ببيتهم وحنان بغرفتها وطلعت
وبعدت حنان عنهم

وماكانمن طارق الا انه هو الثاني استرخى وهو ينتظر وصول قوات الأنقاذ وكان وضع البحر مطمئن ممادعا طارق يسترخي ع الخر ويستسلم لمنظر غروب الشمس لأنه اجمل منظر يراه بحياته لأنه بوسط البحر,, وغررررررررررق بالتأمل والموج يبعده عن مكان التجمع للناجين,,
وبدا الظلام يسكن وغرق طارق بنوم بسبب تأمله ونسيانه المصيبه اللي حلت لهم

وبقى ابو فيصل وسعاد وابو راكان وولده وعدد من الناجين اللي بين النايم والصاحي,, واللي سلم روحه لبارئه وهو يطلب غفران ذنوبه وغرررق في المحيط وأنعد من المفقودين

وبهالمشهد أختم الحزء الرابع
أتمنى وصلت لكم المشاهد كامله وعشتوا معها
تحياتي
سولتير