شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

22 - 11 - 2014, 11:30 AM

وراحوا للمرشده وسمحت لساره بالاستئذان,, وتوجهت ساره لبيتهم وهي منهاره نفسيا بشكل ماتتخيلون,,كانت على امل انه يحبها ولا يقدر يستغنى عنها ويترك زوجته,,بس لا نايف مرن بالتعامل مع الكل بيحبها اكيد زي ماحب زوجته

وصلت البيت ولا انتبهت ,, لين قال لها السايق: ساره في بيت مايبي انزل
ساره وهي سرحانه:ها وصلنا
السايق:ايوه
انزلت ساره من السياره وهي تجر رجولها جر,, واول مادخلت البيت شمت ريحة البخور,,من ماتت حنان وامي ما بخرت البيت,, ودخلت وهي تسحب عمرها سحب
ام فهد سمعت صوت احد داخل
شيخه:مين
ساره بصوت مبوح زياده ماهو مبحوح:انا
شيخه ماعرفت الصوت وقامت تشوف لقت بنتها ساره:ساره وشفيك يمه راجعه مبكر?
ساره اللي منزله راسها ماتبي امها تنتبه لعيونها ولبست نظارتها الشمسيه:تعبانه شوي وعدت من امها بسرعه وصعدت فوق
شيخه:ساره
ساره من فوق الدرج:نعم يمه
شيخه وهي تصعد: شفيك
سار رجعت تمشي لغرفتها ودموعها سيل على خدها
شيخه وتسرع بخطواتها:ساره وقفي
دخلت ساره غرفتها ورمت شنطتها وفصخت عبايتها وراحت بسرعه الحمام بس لحقتهاامها ومسكت يدها:ليش تبكينفيك شياحد سوالك شي
وفصخت النظاره من بنتها:انطقي
ساره وهي تبكي ومغمضه عيونها:تعبانه يمه
شيخه لا شعوريا ضمت بنتها لصدرها,, دايم ساره بعيده عن اهلها وبعزله ,ووكان العذر انها دافوره ولاتحب تضيع وقتها بهذره وسوالف:بسم الله عليك يايمه,,بسم الله عليتس

اما ساره ماقاومت حضن امها الدافي,,الحضن اللي سمحت ساره لنفسها ولأول مره تستخدمه عشان تفرغ مشاعر التعب وجلست تبكي وتبكي وجلست على الارض وهي تبكي بحضن امها:يمه تعبااانه تعباااانه
الام وهي تشارك بنتها الصياح: وش متعبك وانا امتس
ساره وهي تضرب قلبها:ذا ذا متعبني معه
الام على طول ضمت بنتها,, ه يابنتي انلسعتي بنار الحب ,,اكيد مافي غيره الحب متعبك: ارمي حمولك على امك ,,ارمي يابنتي,, ارمي وانا بشيل عنك حمولك,,طلعي اللي بقلبك ولاتخافين,, لو وش تقولين والله ما ازعل ولا أسوي لك شي ,,انتي بنتي ونظر عيني
ساره وهي تستجيب لكلام امها لان خلاص ماتقدر تحمل اكثر من كذا تعب: أحبه يايمه
احبه,, واليوم كرهته للأبد كرهته
الام انقبض قلبها:ليه سوالك شي
ساره:اكررررهه اكررررهه ,,لاتسألين اكرررررررررررررهه