شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

22 - 11 - 2014, 11:46 AM

راحت حنان قريب من الشاطي ,, حبت بهالجزيره هدوئها وصوت البحر,, ليش يابحر يقولون عنك غدار أشوفك صديق وفي تعطي ولا تاخذ,,أحلى عطيه منك اني مع طارق بهالمكان,,الا الن وعلاقتنا اوكي ماتتعدى كوننا أثنين مشتركين بوضع الضايعين,,بس يابحر جب لنا من يلقانا عشان تستمر علاقتنا حلوه,,بس لحظه وش الفايده رجعت الحين او بعد سنه,,هو يحب وحده معفنه,, وهالثقه انها بتنتظره مو من فراغ اكيد انها تحبه كثير
وتلتفت وراها لقته يحوس عند النار,,وه بس ياحلوه

راحت لعنده وهي سرحانه بقوامه الطويل الرشيق ,, فتحت الشنطه وطلعت البيجامه وخذت الشامبو وجلست تدور المقص
حنان:طارق وين المقص
طارق :مدري بالشنطه,,وش تبين فيه
حنان بقهر وهي تفكر باللي يحبها:بقص شعري
طارق: ليش
حنان تتكلم بدون نفس: بس كذا مزاج ,جا ببالي مو انت تقول انه كشه
طارق وهو يرفع حاجبه:ويعني عشان قلت كشه بتقصينه
حنان وهي تتكتف:مزاااج
طارق:دام السالفه مزاج ,,باللعنتك ان بغى احرقيه,,ماهميتيني
حنان وأنقهرت من برودة رده:تدري الشرهه علي اللي اجي أسألك عن شي,,واحد مثلك مايدري وين ربي قاطه ,,بتدري وين مقص ,,بعدين لاتحسب اني حليوه معك تجي تقط الميانه,,انا حليوه معك بسبب الا وهو ان احنا بموقف مايحتمل مشاكل ,,ولا انت مو كفو الواحد يجلس ويسولف معك ولا يعطيك وجه
ومشت عنه وهي معصبه على ويش مدري ,, لأنه يحب,,ولا عشان رده عليها ,, ولا على ايش بالضبط
اما طارق كان جالس على ركبه على نفس الوضعيه اللي سألته فيه,, ومستغرب من ردة فعلها القويه ولافكر ب رده عليها اذا حلو أو لأ
عاد طارق هنا حس ان درجة حرارته بدت ترتفع لسبب الا وهو ما يحب احد يرفع صوته عليه,, حتى لما ابوه يهاوشه ويرفع صوته كان مايسمع منه وكان يقوله يبى اذا هديت نادني,,اما تجي هالمفعوصه اللي توها ماخشت دنيا تقولي انا ,,انا طارق اللي يهابوني الرجال ,,ايه دواك ياطارق عطيتها وجه وعاملتها بالحسنى ,,حتى خواتك كنت تحط لهم حدود ولا تعطيهم وجه,,وهذا جزى اللي يعطي وجه للبنات,,بس والله لاأربيك يا بنت ابوك ,,شايفتن نفسك على وش ولحقها وهو يحس الدم بيطلع من راسه,, ووده يربيها هالملسونه

شافها واقفه عند الشاطي وهي تضرب برجولها البحر وكأنها تهاوشه ,, وحنان كانت حدها معصبه لو البحر انسان كان تهاوشت معه بس عشان تفرغ الشحنات اللي فيها