شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

27 - 11 - 2014, 04:52 PM

في مطار الملك فهد
كان التجمع رهيب وحلو رغم ان الوقت فجر الا ان صديقات حنان اللي على قولة امها (كثر البر والبحر) كلهم كانوا متواجدين بالمطار,,وطبعا عنصر نسائي فأكيد مع كل وحده منهم باقة ورد وكانت قاعة الوصول عباره عن حديقه حتى ابو واخو حنان استحوا من كثر الحريم اللي جاوا وام فيصل تسلم على الحريم وتشكرهم,, وشيخه كذلك
كان الكل جالس ينتظر قدومهم,, إلى ان اعلن المطار عن وصول الطياره فعلى صوت التصفيق والتصفير لهبوط طيارتهم بالسلام
ام فيصل:يويلي بيفضحونا ذا الحريم,,
ابو فيصل:ههههه عشان تعرفون انكم غثا
دق جوال فيصل:هلا سعود
سعود:ابشرك هبطنا وينكم
فيصل:ههههه ياسعود انا راحت علي المطار كله بنات وانواع الورد,, تكشخ ياخوي انت العزوبي الوحيد ,,فهد ولايقدر يتجرأ لاتحش رجوله سعاد,, وفارس يتميلح عندهم ,,وانا حرمتي اليوم حليت بعينها ماغير لاصقه فيني
>>>وتطقه سلمى بكوعها
فيصل:آآآه عجلو يالله
سعود:زين زين قلت لي بتعطر اجل واغسل وجهي,,يالله سلام
حنان:وش صاير؟
سعود:فيصل يقول المطار كله بنات
حنان:والله وااااااااااااااو صديقاتي
سعود:كل نساء حارتنا وصديقاتك
حنان:ههههههههههههههه حماس والله
فتح سعود شنطته بسرعه وطلع جاكيت جلد بني وتعطر ,, وبلل شعره بشوية مويه ومشطه ,,
سعود:ها شرايك
حنان:حلووووووو بس متى يفتحون الباب؟
سعود:لين يجي الدرج او الخرطوم
حنان:اوووووووووووووف
وجلست تفكر ياترى طارق وش يسوي الحين؟؟؟
وقطع تفكيرها سعود:يالله فتحوها
حنان:هيااااااااااااااا
طلعوا كانوا بالخرطوم وكانت فرحاانه ,,والود ودها تلم كل واحد تشوفه من الفرحه خخخخخخخخ
لبس سعود نظارته وتقمص دور الشاب الوسيم الكشيخ (بنطلون جينز وقميص ابيض شوي ضيق فتح ازراره الاثنين اللي فوق ,, ومع حزام جلد بني ماركة آرماني وجاكيته البني صاير ولا نجوم هوليود خاصه ان جسمه يكون احلى بالبدل)
سعود دق على ابوه:هلا يبى
الاب:وينكم
سعود:جاين
الاب:طيب
مشى الاب ومعه ام فيصل وراحوا للبوابه اللي تؤدي لقاعة استلام الشنط
الشرطي:ممنوع ياعم
ابو فيصل:طالبك بنيتي ابي اشوفها ماعاد فني صبر
الشرطي مارفض:تفضل
فتح الباب لهم وكانوا واقفين يلتفتون حولهم كان المطار فاضي ومن بعيد شافوا سعود وحنان يمشون(مطار الملك فهد كبييييير)
سعود:شوفي ابوي
حنان تتلفت :وينه؟
سعود يأشر:هناك قدام
حنان رفعت يدها بشكل هستري وجلست تنقز :يبــــــــــى
وراحت تركض له
الأب رمة عكازه والام توجهت لبنتها وكل واحد منهم يتسابق من يوصل قبل
وكان اللقاء وصلت لهم حنان وضمتهم بنفس الوقت والراعي الرسمي هالمره البكاء وليس الدمووع كان سعود يطالعهم وتاره يضحك وتاره تدمع عيونه والشرطي اللي فتح لهم البوابه كان يطالعهم ويمسح دموعه والموظفين اللي كانوا متواجدين نفس