شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

27 - 11 - 2014, 04:53 PM

الأب رمة عكازه والام توجهت لبنتها وكل واحد منهم يتسابق من يوصل قبل
وكان اللقاء وصلت لهم حنان وضمتهم بنفس الوقت والراعي الرسمي هالمره البكاء وليس الدمووع كان سعود يطالعهم وتاره يضحك وتاره تدمع عيونه والشرطي اللي فتح لهم البوابه كان يطالعهم ويمسح دموعه والموظفين اللي كانوا متواجدين نفس الشي
جلسوا حنان وابوها وامها وجلست امها تبوسها وتضمها
ابوفيصل:الحمدلله الحمدلله اللهم لك الحمد كما ينبغي لجلال وجهك الكريم
دخل فيصل ومعه سلمى وشيخه وسعاد ومريوم
شيخه:حنووووووووووووووون
حنان وهي تبكي عرفت الصوت بس العيون غرقانه دموع:خاااااااالتي
قامت لها وضمتها ومن حضن خالتها لحضن اخوها الحنون لحضن اختها اللي جلست تنقز وياها الى حضن سلمى الى مريم الى ساره والكل كان فيلم هندي
وكان هالمره سعود متفرغ لهم طلع جواله وجلس يصورهم

الشرطي اللي عند الباب يمنع دخول الحريم:ممنوع والله ممنوع,,ياحنان اطلعي لهم برى
ام فيصل:اطلعي القاعه كلهم ربعك واهلنا
توجهن حنان للقاعه واستقبلوها الكل بصراخ وتصفير وخبركم سوالف البنات
والورد يرمونه عليها
طلع سعود ومعه امه ماسكها وعيونه طايره بالبنات وشاف نقاب اخته طاح

سعود:عدليه تغطي
صديقات حنان:واااااو وش هالزين
:ماشاء الله
:من ذا ياحنان
:يازين الزين
سعود هنا استحى من جد البنات انهبلوا عليه ,, وكانت ساره واقفه وتسمع وانقهرت من كلام البنات خاصه ان اغلبهم مش متغطين حجاب بس
ساره:وش هالصيع ربع حنان؟
سلمى:مدري ,,وين رجلي خل اطلعه
ام فيصل لسعود:اخذ ابوك واركب السياره بنجيكم
سعود:خوش انقلبت الآيه
ام فيصل:هههههههههه الله يقطع شرك ايه انقلبت خل اوجب هاللي جاوا لبنتي
طلع سعود ولقى فهد بوجهه
سعود:المحامي فهد وينك عن هالزحمه المنعشه
فهد:ههههههههههههههههههههههه أي والله زين اني جيت فله هالبنات
سلمى طالعه ومعها فيصل :خذ عيالك واركب السياره

>>وتلتفت على فهد وسعود: وانتوا بعد اركبوا
فهد+سعود:هههههههههههههههههه مالك دخل نبي نشوف
اما ابو فيصل راح لبنته ومسكها وصديقاتها يتحمدون له بسلامة بنته ,, وهو منبسط
ابو فيصل:انتي مين؟
:انا مرام ياعمي ماعرفتني
ابوفيصل :والنعم وشلون ابوتس عساه بخير
مرام:بخير يامال الخير
خلود:كيف ياعمي الحمدلله على سلامة حنو
ابو فيصل :هلا هلا من انتي؟
:انا خلوود ياعمي ماعرفتني
ابو فيصل:اوووه صح نسيت يابنتي بهالزحمه
حصه تنط:بنتك غاليه ونحبها والله لو انه عصر كان مالقينا لنا مقز ابره
ابو فيصل:حياكم معنا البيت
مرام:لا بنروح لبيوتنا مانمنا وخل حنو ترتاح
حنان:لبى قلبوكم ما احد منكم توظف او اعرس؟
خلود:انا سقطت مره تانيه
حنان:افاااااا