شبكة همس الشوق - عرض مشاركة واحدة

15 - 12 - 2014, 10:01 AM

بدر : هلا هلا عليووو ..
علي اهو المتصل ..
علي : هلا هلا بدير ..
بدر : شخبارك ..؟؟
علي : تمام .. الحمدلله ..
بدر : دومم ياربي ..شعندك تراني ابي اسوق خلصناا ..هه
علي : يصير لو تمر علي البيت ابي اروح معاك الشركة ..
بدر : لا مايصير ارتاح وتعافى بالكامل بعدين تعال ..
علي : الله يخليك مليت ..خذني انا بجلس ع المكتب ما بقوم ولا شي ..بس بشخبط في هالاوراق
بدر : خلاص بجيك اجهز ..
بدر : من اول مايبي الشغل والحين يبي يجي مستمل الاخ ..
سارة : يمكن يبي يغير جوو ..
بدر: على قولك ..
.................................................. .................................................. ...............................
علي اتجهز وتكشخ ولبس الشماغ والثوب والجزمة السودا مثل رجال الاعمال وصار يجنن
..ووصل بدر ..
بدر : سارة انزلي واركبي ورا ..
سارة : لا يشيخ ..
بدر : علي بينزل الحين ..
سارة : طيب طيب ..
دق بدر زمور السيارة ..وطلع له علي ..وقام بدر من السيارة يساعد علي لان رجله مكسورة ..
بدر : انت مكسر وش لك بالشغل ..
علي : كيفي لعانه .. افتح بس ..
ودخل علي السيارة وماكان يدري ان سارة ورا
علي : بديرر ..
بدر : خير ..
علي : حط لنا شي نسمعه شفيك ..
بدر: شتبي احط لك ..؟؟
علي : اممم .. سواها قلبي ..
بدر: ليش ..؟؟
علي : من زمان ماهزيت ..خخخ
بدر : ههههههههه من صدقك ..
علي : ايه اتكلم جد ..
بدر ماحب اخته تشوف خباله مع الربع ..قال لعلي لا خلها وقت ثاني ..
علي : لا لا ابيها الحين ليش يعني ببتغير الاغنيه بعدين ..
وشغل علي الاغنية ..
ورفع الصوت فول مرة ..
وصار علي يهز ويطق بصابيعه .. ويضحك ويمزح مع بدر .. ومو حاس ان في شخص غيرهم ..
وسارة الي تحاول ماتميل له عشان عمر ..
وضحكت وطلع صوت ضحكتهاا .. وانتبه لها علي ..وسكر الاستيريوو ..
صار علي يناظر في بدر ..
بدر : خير ليش طفيتهاا ..
علي : في احد غيرنا بالسيارة ..
بدر : صباح الخير توك داري ..
علي : من ..؟؟
بدر : اختي ..
علي : سيارة ...
بدر : منو سيارة ..؟؟
علي : أأ ..أقصد سارة ..
بدر انفجر ضحك : هههههههههههههههههههههههههههههههههههههههههههههههههه هههههههههه
هههههههههههههههههههههه .. سويتها سيارة يالي ماتخاف الله ..
علي : حس انه تمادى ..:: انا اسف يا اخت بدر .. بس طلعت كذا عفوية وبعدين انا مؤدب وهالي شفتيه
من رقص وهبال كله من اخوك بدر مو مني انا ماتعلمت الي منه ..<< الشلاخ ..ماخلى شي ما سواه ولزقه في بدر
سارة: انا سياره ها طيب..
علي : الا انتي وين رايحه معانا .. لايكون بتروحين الشركة ..
بدر : هي انت ماتستحي تكلم اختي قدامي ..
علي يقلد صوت بدر :هي انت ماتستحي تكلم اختي قدامي..هع
بدر : ترا ارميك بنص الشارع ..
علي : خلاص انا اسف اقوم احب راسك ..
بدر : مشكوور ..