شبكة همس الشوق - عرض مشاركة واحدة

19 - 12 - 2014, 03:06 PM

شادن: ياقلبي عليه زيود يجنن
وريف: ههههههههههه شوفي شلون متفشل
ام وريف: يارب لا تغير عليه
وريف+شادن: آميـــــــــــــــــــــــــــــــــــــــــــــــ ــــــن يارب

المذيع : والآن فيه تقرير مفاجأه لضيفنا
زياد عقد حواجبه
بدأ التقرير بنص الشاشه والنص الثاني وجه زياد يتابع التقرير .. بالبدايه كان المذيع ماسك المايك ويمشي بالفندق ليلة المباراه كان زياد ومعاه زميله جاسم يتصورون مع الجمهور وبعدين تغيرت الشاشه وجابو الكاميرا على اللاعبين بعد نهاية المباراه كانو مشغلين اغنية ويرقصون مستانسين والكاميرا بينهم بس مايدرون انها شغاله .. زياد فطس ضحك على اشكالهم

انتهى البرنامج وطلعت وريف غرفتها تشيك على ردود الخاطره وتشيك عالايميل
فتحت ايميلها شافت اسيرة اون لاين
ســـــــــارعي للمجد والعـــــلـــــيـــــــــاء:
هلااااااااااااااااااااا وينك ماعاد تنشافين وحشتيني
((عبد العزيز ارسل الكلام بس انتبه لكلمه زلزلته
.. وحـــــ ـ ـ ـشــ ـ ـ ـتـ ـ ـيـ ـ ـنـ ـ ـي.. ليش كتبتها؟؟
كيف كتبتها ؟؟
لييييييش؟؟
حرام ....مايصير...... مايجوووز
حس بضيييييييييييق بداخله مو عارف سببه آآآآآآآآآآه))
خـــــواطـر مــــــكـــــــ,ـ,ـ,ــــووره:
اهليييييييييين اسيره شخبارك .. وانتي اكثر والله.. اخبار الناس والعالم
ســـــــــارعي للمجد والعـــــلـــــيـــــــــاء:
كلهم طيبين
خـــــواطـر مــــــكـــــــ,ـ,ـ,ــــووره:
اسيره فيك شي؟
ســـــــــارعي للمجد والعـــــلـــــيـــــــــاء:
ااااااااااااخ خلاص تعبت والله تعبت اشتقت للسعوديه اشتقت لأهلي.. ابي ارجع
خـــــواطـر مــــــكـــــــ,ـ,ـ,ــــووره:
يالبى قلبك والله .. لا تشيلين هم ارجعي بشهادتك وارفعي راس اهلك واحمدي ربك ابوك عندك.. ياليت ابوي يرجع ماابي شي من هالدنيا
ســـــــــارعي للمجد والعـــــلـــــيـــــــــاء:
ابوي؟؟؟
خـــــواطـر مــــــكـــــــ,ـ,ـ,ــــووره:
ايه مو هو ابوك اللي ساكن عندك؟؟
((عبد العزيز تذكر كذبته))
ســـــــــارعي للمجد والعـــــلـــــيـــــــــاء:
ايييييييييييييييييييييه
خـــــواطـر مــــــكـــــــ,ـ,ـ,ــــووره:
من كثر ما انتي طفشانه نسيتي حتى ابوك هع هع هع
ســـــــــارعي للمجد والعـــــلـــــيـــــــــاء:
تستظرفين انتي ووجهك؟
خـــــواطـر مــــــكـــــــ,ـ,ـ,ــــووره:
لا انكت هههههههههه
ســـــــــارعي للمجد والعـــــلـــــيـــــــــاء:
خواطر..
خـــــواطـر مــــــكـــــــ,ـ,ـ,ــــووره:
لبيه
((عبد العزيز .. انا وشلون ابسلى وهذي كلامها كذا))
ســـــــــارعي للمجد والعـــــلـــــيـــــــــاء:
لبيتي بمنى ان شالله.. ادعيلي ان الله يرسيني على بر
خـــــواطـر مــــــكـــــــ,ـ,ـ,ــــووره:
مافهمت
ســـــــــارعي للمجد والعـــــلـــــيـــــــــاء:
امممم يعني اقصد ادعيلي ان ربي يخليني افهم وش ابي
خـــــواطـر مــــــكـــــــ,ـ,ـ,ــــووره:
((حاطه نص الصفحه استفهامات ))
ســـــــــارعي للمجد والعـــــلـــــيـــــــــاء:
هههههههههههههههههههههههههههههههههههههههههههههههههه ههههه حلووووووه الحركه .. انسي السالفه خلاص
خـــــواطـر مــــــكـــــــ,ـ,ـ,ــــووره:
اسيره فيك شي؟؟؟ طمنيني
((عبدالعزيز اااه ياوريف لو تدرين انك انتي السبب بالحيره اللي انا فيها))
ســـــــــارعي للمجد والعـــــلـــــيـــــــــاء:
لالالالا لا تشيلين همي انا كذا بس ادعيلي.. اهم شي ارجعي للمنتدى
خـــــواطـر مــــــكـــــــ,ـ,ـ,ــــووره:
قويه اني ارجع بكلامي
ســـــــــارعي للمجد والعـــــلـــــيـــــــــاء:
لا والله مو قويه .. الا قويه بوجه الحمار مشرف الخواطر
خـــــواطـر مــــــكـــــــ,ـ,ـ,ــــووره:
ااااااااااااااااااااااااااااااه ذا الادمي ودي اخنقه احس ماكرهت انسان الا هالرجال
ســـــــــارعي للمجد والعـــــلـــــيـــــــــاء:
هههههههههههههههههه لهدرجه
خـــــواطـر مــــــكـــــــ,ـ,ـ,ــــووره:
بس شفت .. ما عدّل رد كبرياء الجرح ..ولا رد عليه
ســـــــــارعي للمجد والعـــــلـــــيـــــــــاء:
خواطر لا يكون ضايقك كبرياء برده؟؟
خـــــواطـر مــــــكـــــــ,ـ,ـ,ــــووره:
لالالا شدعوه اتضايق بس اني استغربت

بهالوقت طق زياد غرفة وريف
وريف: ميييييييييييييين؟؟
زياد: انااااا
وريف: ادخل ادخل
((ورجعت للماسنجر))
خـــــواطـر مــــــكـــــــ,ـ,ـ,ــــووره:
اسيره السموحه منك بس اخوي جاء لازم اطلع سلام

تركت الماسنجر مفتوح وزياد جاء جلس عالسرير جنبها
وريف: هلا بمذوب البنات
زياد: يووووووووه لاتذكريني بغيت اموت يوم تكلمت البنت
وريف: ههههههههههههههههه باين من وجهك .. والتقرير رووووعه ماتخيلت رقصك حلو كذا
زياد: لابركة فيهم ورطوني يوم جابوني وانا ارقص فشيله هههههههه
وريف: ماعليك منهم رقصك خيال
زياد: وريف انا فكرت انا وامك بشي
وريف: وشهو؟؟
زياد: امممممممم اعمامك من متى مارحتي لهم
وريف خنقتها العبره: ماعمري شفتهم
زياد بيغير جوها: طيب اش رايك نروح نزورهم؟؟؟
وريف: اخاف
زياد: ليش؟
وريف: اخاف يقولون انا السبب اني ذبحت ابوي
زياد: وريف كل شي بقضاء وقدر .. وانتي بتروحين معي واذا حسيتي انهم ماهم متقبلينك ارجعك معززه مكرمه بس المهم صلة الرحم
وريف: اممم اهم شي امي موافقه؟؟؟
زياد: هي اللي اقترحت علي
وريف: خلاص دامنا اللحين بإجازة مابين الكورسين نروح لهم؟؟
زياد: اجل جهزي اغراضك بعد بكره بنروح
وريف: ايششش بعد بكره؟؟
زياد: ايه انا سألت وعرفت انهم اللحين ببيت عمك خالد وريف: خايفه
زياد: ليش تخافين انتي تعرفين عمامك طيبين والبنات اغلبهم كبرك صح ولا لا
وريف: ايه ابوي يقول كذا بس ماشفتهم من عقب اللي صار .. واخاف عيال عمي يصدقون ان....
زياد: لااااااااااااا ... اقص لسان اللي يتكلم فيك
وريف ناظرته نظره كسيره : خلاص طيب بعد بكره
زياد: زين اجل بعد بكره نروح لهم.. يالله وانا ابطلع اللحين ارقد
وريف: نوم العوافي

طلع زياد من الغرفه ووريف جلست تفكر .. خافت تسمع كلمه تجرحها .. بهاللحظه دخلت عليها اسيره ..
ســـــــــارعي للمجد والعـــــلـــــيـــــــــاء:
خوااااااااااااااااااااطر عطيني البشاره
خـــــواطـر مــــــكـــــــ,ـ,ـ,ــــووره:
بسم الله وش فيه؟؟
ســـــــــارعي للمجد والعـــــلـــــيـــــــــاء:
عطيني البشاره
خـــــواطـر مــــــكـــــــ,ـ,ـ,ــــووره:
لك البشاره
ســـــــــارعي للمجد والعـــــلـــــيـــــــــاء:
المنتدى توني دخلته ولقيت الاداره منزله قرار
خـــــواطـر مــــــكـــــــ,ـ,ـ,ــــووره:
وشهو؟
ســـــــــارعي للمجد والعـــــلـــــيـــــــــاء:
تنحية المشتكي حبه من اشراف الخواطر والنثر .. وترقية الكاتبه المتألقه خواطر مكسوره لإشراف القسم كتقدير منا لكتاباتها بالمنتدى
خـــــواطـر مــــــكـــــــ,ـ,ـ,ــــووره:
احلفي
ســـــــــارعي للمجد والعـــــلـــــيـــــــــاء:
والله العظيم
خـــــواطـر مــــــكـــــــ,ـ,ـ,ــــووره:
يعني لازم ارجع
ســـــــــارعي للمجد والعـــــلـــــيـــــــــاء:
وليش متضايقه .. ايه بترجعين تنورين القسم
خـــــواطـر مــــــكـــــــ,ـ,ـ,ــــووره:
توني دخلت المنتدى .. مو طالع لي اسمك
((توهق عبد العزيز .. هو مسجل دخول بإسم كبرياء الجرح))
ســـــــــارعي للمجد والعـــــلـــــيـــــــــاء:
ايه ايه انا ضيف ماسجلت دخولي
خـــــواطـر مــــــكـــــــ,ـ,ـ,ــــووره:
اهااا اجل ان شاء الله بكره ابرجع للمنتدى
((ابتسم عبد العزيز ابتسامته المميزه على جنب ))
ســـــــــارعي للمجد والعـــــلـــــيـــــــــاء:
ايه ازين كذا
خـــــواطـر مــــــكـــــــ,ـ,ـ,ــــووره:
بس اللي مجنني ان لي اربع سنين عمرهم مافكرو يحطوني بإشراف القسم .. وهالمره من الباب للطاقه صرت مشرفه
((عبدالعزيز : والله الوهقه كأنها حاسه ان فيه شي ))
ســـــــــارعي للمجد والعـــــلـــــيـــــــــاء:
صدق انك حرمه ماغير تسألين
خـــــواطـر مــــــكـــــــ,ـ,ـ,ــــووره:
ههههههههه اللي يسمعك يقول ما انتي حرمه
((عبدالعزيز طلعت عيونه : انا شسوييييييييييييت وش خبصت عز الله اني فضيييييييييحه ))
ســـــــــارعي للمجد والعـــــلـــــيـــــــــاء:
ههههه بس حرمه عن حرمه تفرق
((عبدالعزيز: اللحين صرت حرمه لحووووول))
خـــــواطـر مــــــكـــــــ,ـ,ـ,ــــووره:
هههههههههه ايه هين .. يالله اجل عن أذنك ابروح اريح شوي تعبانه
ســـــــــارعي للمجد والعـــــلـــــيـــــــــاء:
ماتشوفين شر بحفظ الله
قفلت وريف الماسنجر وهي تحس جسمها مكسر هلكانه تبي تنام غمضت عيونها بس جاتها فكره..
ليه ما أدخل قسم المشرفين اشوف شلون الوضع
فتحت المنتدى سجلت دخولها لقت الرسائل الخاصه 7 قرتها كلها من اعضاء المنتدى يطالبونها بالرجوع .. وهـ بس ياحبي لهم
دخلت قسم المشرفين .. اول شي طاحت عينها عليه
((قوانين يجب الالتزام فيها من قبل المشرفين))
قرتها وفتحت موضوع ثاني
((ترشيح عضو للإشراف))
اللي كاتب الموضوع مراقب المنتدى يقول
((السلام عليكم ورحمة الله وبركاته
اخواني المشرفين والمشرفات .. كلنا قرينا خبر انسحاب اختنا خواطر مكسوره من المنتدى بشكل نهائي .. والضجه اللي صارت بسببها .. وكلنا نعرف شلون كان قسم الخواطر قبل 4 سنين كان ميت تقريبا وبفضل الله ثم فضل خواطر مكسوره كان ماصار من اروع وانشط الاقسام بالمنتدى . وكشكر لهذه الانسانه قررت انا المراقب العام بعد إقناع من العضو كبرياء الجرح بترقية خواطر للإشراف..مع الابقاء على المشتكي على قسمه
ابي رايكم هل انتو مع او ضد مع الاسباب))
كبرياء الجرح... ياربيه هذا وش يبي فيني .. مره يدافع عني .. ومره يرشحني للإشراف .. وش قصته ؟؟؟ غريبه
قرت الردود اللي أغلبها تؤيد القرار لين وصلت لرد المشتكي حامت كبدها من الاسم قبل تقرا الرد..
((اخوي المراقب يعني وش قصدك انك تحطها بجنبي؟؟ انا بصراحه اشوف ان كتاباتها اقل من عاديه .. يعني بالعربي شخاميط اطفال .. اذا بتحطونها بالاشراف انا ابستقيل))
وريف: بالطقااااااااااااق
كملت الردود شافت رد من المراقب على المشتكي يقول:
قررت تنحية المشتكي من الاشراف لسوء ادبه
وريف: اووووووه لسوء ادبه خوووش سبب يستاهل قليل الحيا اجل انا شخاميط اطفال واحد وقح
قفلت المنتدى ونامت على طول

عبد العزيزكان نايم على الكتاب من التعب... فيصل صحى قبله .. طالع بعبدالعزيز رحم حالته .. راح سوى قهوه عربيه وصبها بالفنجال ومرر الفنجال من قدام خشم عبدالعزيز اللي صحى بسرعه
عبدالعزيز: فيصل انا احلم؟؟؟
فيصل: ههههههههههههه لالا من جد هذي قهوه
عبدالعزيز: ااااااه ياريحة السعوديه من وين جبتها؟؟
فيصل: لي شهر طالب من اهلي بس خفت اقولك تتعشم ثم المطار يرفضون يسلمونها لنا مثل المره اللي راحت
عبدالعزيز: عطني الفنجال تكفى
أخذ عبدالعزيز الفنجال وشم القهوه وشربها وصرخ:ياااااااااااااااااااااااااحلوها حلوااااااااااااااااااااااااه
فيصل: هههههههههههههههههههههههه
’,
’,
وريف كانت حاضنه كوبها بيديها وسرحانه
شادن: الفراوله تنتظرك تشربينها
وريف رجعت للواقع : هاا... اهاا ههههههههههه
شادن: وش سرحانه فيه؟؟؟
وريف: بكره
شادن: وش فيه بكره؟؟
وريف: بروح لأعمامي
شادن بإستغراب : من جد؟؟؟
وريف: ايه.... خايفه
شادن: ورا مارحتي لهم من زمان؟؟؟
وريف: ابوي الله يرحمه كان يروح بس هم مايحبون امي ولا كانت امي ولا انا نروح
شادن: طيب ليش تسألين عنهم؟
وريف: لأنهم اهلي
شادن: ومن بيوديك؟؟؟
وريف: زياد
شادن: بس امي....
وريف عقدت حواجبها: وش فيها؟؟
شادن: اخاف تزعل
وريف بنفاذ صبر : والله اللي بيزعل يطق راسه بالجدار ماهمني احد
شادن: هذي أمي
وريف: انا اسفه
قامت شادن وهي مقهوره من امها وراحت غرفتها
وريف بنفسها أكلتها الحسايف .. وشلون انا اتكلم عن الحرمه كذا عند بنتها...
قامت وريف تبي تراضي شادن بس شافت امها عند التلفزيون وراحت تتسحب بخفه وغطت على عيون امها
ام وريف اللي خافت : من ؟؟؟ من؟؟؟
وريف: ههههههههههههه حرامي
ام وريف: احلى حرامي بالدنيا
وريف: ههههههههه شلونك يمه
ام وريف: بخير
وريف:يمه .. مايصير تروحين معاي؟؟
ام وريف: يايمه هذولا اعمامك وشوله اروح .. وبعدين صدقيني لا تخافين
وريف بإنكسار: يمه انا خايفه انهم يكرهوني
ام وريف: لا يايمه .. صدقيني اعمامك طيبين
وريف تنهدت : ما ادري يمه .. خايفه
نزلت وريف لمستوى يد أمها وباستها
وريف: يالله عن أذنك ابروح اجهز شنطتي أخاف انسى
ام وريف: اذنك معك حبيبتي

راحت وريف غرفتها وطلعت شنطة السفر اللي ماطلعتها من اربع سنين اوووووف غباااااار وقامت تكح من الغبار اللي طلع على وجهها نظفت الشنطه وفتحت دولابها وقامت ترتب الملابس بالشنطه لبس لبس.. فتحت صندوق المجوهرات اللي كان من دبشها ((دبش = مقاضي العرس)) شافت السلسال اللي لبسه اياها ابوها بليلة عرسها كان من ألماس ومكتوب عليه وريف.. ضمت السلسال لقلبها آآآآآآآآآه يايبه لو ترجع .. ما ابي هالدنيا .. ابيك انت .. ابي انام بحضنك يوم واحد بس وبعدها لو راحت روحي ماهمني ..لبست السلسال ومسحت دموعها ولقت بالصندوق اللي له اربع سنين ما انفتح اوراق .. يوووه هذي اكيد خرابيطي قفلت الصندوق بعد ما أخذت منه اللي تبي وقفلت شنطتها وطلعت من الغرفه اتجهت لغرفة شادن اول ماطقت الغرفه وصلها صوت شادن :إدخل
وريف فتحت الباب ووقفت عنده
شادن تبتسم : حياك وريف
وريف: انا جايه أعتذر منـ
قاطعتها شادن: أششششش خلاص ماصار الا كل خير تعالي اجلسي جنبي بكره بتروحين
وريف وهي تجلس جنب شادن: بروح وأرجع ان شاء الله مو مطوله
شادن: ان شاء الله
حطت وريف راسها على كتف شادن :اااه بنام
شادن ابتسمت من قلب .. هالحركه أكدت لها ان وريف نست كل تجاهلها لها خلال اربع سنين
شادن:نامي
وريف وهي مغمضه عيونها : ما اقدر شايله هم الروحه لأعمامي
زياد الي كان واقف عند الباب واستانس من قرب خواته من بعض
زياد: ليش شايله هم الروحه واخوك معك؟
وريف: يووووومه منك
الكل: هههههههههههههههههههههههه
’,
’,
أذن الفجر ..وقامت شادن تصلي .. زياد راح المسجد اللي قريب منهم ووريف بعد مانامت بصعوبه قامت تصلي الفجر ما كان لها نفس تاكل.. بس جاملت امها وشادن وزياد انفتح الباب وهم جالسين على الطاوله
ام زياد تناظر بالجالسين بنص عين وطلعت غرفتها على طول .. وريف كانت خايفه على امها من ام زياد ..
وريف تهمس: شادن .. طلبتك حطي بالك من أمي.. خليك معها
شادن: عمتي بعيوني
زياد: يالله وريف قومي البسي عباتك انا بالسياره
قامت وريف وهي دموعها بعينها ..لبست عبايتها وفتحت شنطتها تتأكد ان اغراضها كامله ..الجوال شاحن الجوال والبوك وواقي الشمس ومنديل وقلم ونوته صغيره وفرشة اسنانها ماقدرت تشوف الباقي من الدموع قفلت الشنطه ونزلت تحت شافت امها تناظر بالارض آآآآآآآه ياربي
وريف أخذت نفس وحاولت ترسم على وجهها إبتسامه ونزلت اخر درجتين قربت من امها :هاه يمه وش تبين هديه ؟؟
ام وريف بصوت مكسور : ابي سلامتك
وريف حضنت امها وحاولت تتماسك :يمه الله يخليك لي انتبهي على نفسك هاه
ام وريف: الله يحفظك يابنتي كلميني كل يوم
وريف فكت امها: ان شاء الله
شافت شادن تناظرها حضنتها وبكت وريف بهدوء وشادن حست بالدموع تبلل كتفها .. فكتها وريف وغطت وجهها وطلعت منهاره ركبت السياره تبكي
زياد: وريف الله يهديك ليش تسوين بنفسك كذا؟؟
وريف ماترد عليه بس تبكي .. قام زياد شغل أغنية سلمان حميد
وريف: لو سمحت شغل قران
زياد: على امرك بس ماراح اخليك تروحين لهم كذا .. وتذكري انك اللحين تبرين ابوك يوم تزورينهم
بعد ساعه ونص وصلو المكان المطلوب وقف زياد عند البوابه .. ووريف قلبها خبيتي ..
جاء البواب اللي باين من شكله مصري
زياد نزل القزاز : السلام عليكم
البواب: وعليكم السلام يافندم أمرني سعادتك
زياد: ماعليك امر بس قول للعم خالد معي أمانه له

دخل حسنين من البوابه وراح لخالد ((عم وريف الكبير))
خالد:نعم ياحسنين؟؟
حسنين : ياابو عبد الرحمن فيه واحد برا بيقول معاه امانه لسعادتك
ابو عبد الرحمن: خله يدخل
راح حسنين يدخل زياد .. وابو عبد الرحمن دخل عند اخوانه يزهم عليهم يلحقونه للمجلس

دخل زياد بسيارته مع البوابه والبواب يركض قدامه يدله عالطريق .. وريف تناظر كل شي حولها أخضر الارض خضراء والزرع منسق بطريقه رائعه الحديقه مزينه بالوورد .. النخل .. المراجيح :زياد حنا بالسعوديه؟؟
زياد: هههههههههه وش رايك؟؟
سكتت وريف لأن البواب أشر لزياد يوقف نزل زياد وقال لوريف إنزلي .. وريف خايفه بس متطمنه انها مع زياد نزلت وبسرعه تمسكت بذراعه
زيادسمى بالله ودخل المجلس ووريف معه
كل اللي بالمجلس وقفو بس انصدمو ان معاه بنت ..
زياد : وين العم خالد
ابو عبد الرحمن: انا خالد .. سم ياولدي وش تبي
وريف ناظرت بعمها اللي كان نسخة ابوها شهقت ..
زياد : ياعم انا معي أمانه من أخوك عبد الرحمن
ابو عبد الرحمن عقد حواجبه وناظر بوريف كأنه عارفها
زياد يهمس: وريف تكلمي
وريف بصوت يرتجف : وشلونك ياعمي
ابو عبد الرحمن: بخير من انتي؟
وريف بصوتها الباكي : انا .. انا بنت عبد الرحمن
ابو عبد الرحمن ناظر فيها بنظره غامضه وتقدم لها

إنتـــــــــــــــــــهـــــــــــى البــــــــــــــــــــــــــــــارت..

توقــــاتـــــــــــــــــكم وش رااااااااح يصيــــــــر في البااااااااااااااااااااارت الجااااااااااااي..