شبكة همس الشوق - عرض مشاركة واحدة

19 - 12 - 2014, 03:14 PM

وريف: ههههههههههههه والله يايمه ولد عمي عبد الرحمن يجنن يجنن .. رغم انه طير عقلي بهالصراصير بس رهيب
شادن: انا مدري شلون استحملتيه .. لو أنا كان ذبحته
ام وريف: ااااااااااااااااااااه امنية ابوك يوديك لبنات عمك كانت
وريف تاثرت: خلاص يمه .. وهذا انا حققت امنيته .. بسك يايمه من النكد .. والله بنات عمي عايشين احسن عيشه طول اليوم ضحك بضحك الايام تمنيتها تطول وانا عندهم
شادن: يعني قصدك بيتنا نكد بنكد؟؟
وريف: انا ماقصدت كذا .. بس والله تمنيتك تكونين معي عشان تنبسطين ..((وابتسمت وريف)) تراهم يسلمون عليك
شادن استانست: يعرفوني؟؟
وريف: ايه يعرفونك((((والتفتت على امها)))) الا يمه وش سالفة عمتي مريم؟؟؟
ام وريف ابتسمت حتى بانت لمعة أسنانها : ايييييييييييه يابنتي هذي اختي اللي ربي مارزقني اياها ..
وريف: والله؟؟ علميني عنها ماشفتها
قامت ام وريف تحكي عن مواقف مريم عمة وريف مع ام وريف الحلوه .. وكيف كانت مريم دلوعة ابو وريف.. راحت ساعتين وام وريف تسولف وشادن ووريف مستمتعين بالسالفه
وريف: ياحبي لها .. لازم آخذ رقمها من بنات اعمامي .. حبيتها قبل اعرفها
ام وريف: ايو والله نفسي اكلمها
وريف صفقة جبهتها : يوووه على طاري بنات عمي اميلاتهم عندي لازم اضيفهم اللحين
شادن: اهاا اجل اطلعي ضيفيهم وسلمي عليهم
وريف : من عيوني... يمه بس عطيني ربع ساعه اضيفهم وآخذ لك رقم عمه مريم واجيك نتصل عليها سوا
ام وريف: زين يابنيتي

طلعت وريف تركض فتحت شنطتها لقت ايميلاتهم مسجله بورقه...اضافتهم كلهم وطلعت اون لاين ودخلت عليها أسيره

’,أعـــــــــــــــــــــــــتـــــــــــــــــــر ف لـــــــــــــــــك’,:
السلام عليكم
للسعاده وطن ... ووطنها بين أضلعي .. في قلبي:
هلا وغلا وعليكم السلام
’,أعـــــــــــــــــــــــــتـــــــــــــــــــر ف لـــــــــــــــــك’,:
ماشاء الله وش النك .. وريف ماشاء الله عليك من يوم رجعتي من عند اعمامك وانتي مبسوطه
((وريف: هذي من وين عرفت اسمي؟؟؟؟ غريبه))
للسعاده وطن ... ووطنها بين أضلعي .. في قلبي:
ايه الحمد لله حسيت ان الحياه حلوه .. الا من وين عرفتي اسمي؟؟
((عبد العزيز : انا داااااري اني بجيب العيد .. اففففف))
’,أعـــــــــــــــــــــــــتـــــــــــــــــــر ف لـــــــــــــــــك’,:
اممممم مدري شقولك بس اتمنى تسمعين القصه كامله
للسعاده وطن ... ووطنها بين أضلعي .. في قلبي:
قصه؟؟؟ أي قصه؟؟؟ شسالفه أسيره؟؟؟
’,أعـــــــــــــــــــــــــتـــــــــــــــــــر ف لـــــــــــــــــك’,:
طالعي نكي.. اعترف لك ..
للسعاده وطن ... ووطنها بين أضلعي .. في قلبي:
حلو .. اش فيه؟؟
’,أعـــــــــــــــــــــــــتـــــــــــــــــــر ف لـــــــــــــــــك’,:
انا .. ابعترف بشي بس اوعديني انك تسمعيني للأخير
((وريف خافت ...))
للسعاده وطن ... ووطنها بين أضلعي .. في قلبي:
شسالفه ترى اقلقتيني
’,أعـــــــــــــــــــــــــتـــــــــــــــــــر ف لـــــــــــــــــك’,:
اول اوعديني تسمعيني للأخير
للسعاده وطن ... ووطنها بين أضلعي .. في قلبي:
وعد أسمعك للأخير ((وحاطه وجه مصدوم))
’,أعـــــــــــــــــــــــــتـــــــــــــــــــر ف لـــــــــــــــــك’,:
أول شي ابعترف لك فيه إني ماني أسيرة الذكريات
للسعاده وطن ... ووطنها بين أضلعي .. في قلبي:
اجل من؟؟؟
’,أعـــــــــــــــــــــــــتـــــــــــــــــــر ف لـــــــــــــــــك’,:
انا...كبرياء الجرح
(((الصدمه غيمت على عيون وريف .. وشلون أنخدع كل هالفتره من واحد وقح....))
’,أعـــــــــــــــــــــــــتـــــــــــــــــــر ف لـــــــــــــــــك’,:
وينك؟؟؟تسمعيني؟؟؟ ولا طلعتي
للسعاده وطن ... ووطنها بين أضلعي .. في قلبي:
انا مانيب قاعده احتراما لك.. انا ابقعد احتراما لكلمتي ووعدي...
’,أعـــــــــــــــــــــــــتـــــــــــــــــــر ف لـــــــــــــــــك’,:
المهم تقعدين وتسمعيني.. الاعتراف الثاني .. انا عمري ما كتبت خاطره بس يوم تعرفت عليك إقتحمت عالم الكلمه وانتي السبب بكذا
((وريف دموعها على خدودها اربع اربع ))
((عبد العزيز انتظر رد .. بس ماردت قرر يكمل كلامه))
’,أعـــــــــــــــــــــــــتـــــــــــــــــــر ف لـــــــــــــــــك’,:
الاعتراف الثالث .. عرفت اسمك من مره كنتي حاطه مسج تلقائي تقولين فيه انك تحت واللي تبيك تتصل على جوالك واخر شي وريف
((وريف تلوم غبائها .. وسذاجتها))
’,أعـــــــــــــــــــــــــتـــــــــــــــــــر ف لـــــــــــــــــك’,:
الاعتراف الرابع وهو المهم ...
((وريف تنتظر هالاعتراف بس ماتبي تتكلم معاه))
’,أعـــــــــــــــــــــــــتـــــــــــــــــــر ف لـــــــــــــــــك’,:
اني حبيتك .. بكل ماخلقني اياه من مشاعر حبيتك .. صرتي عايشه بتفكيري طول اليوم .. اتمنى ما تقاطعيني او اقل شي اعرف انتي بنت من عشان اخطبك من اهلك

وريف سوت اللي كانت ناويه عليه من اول ماعرفت حقيقته .. بلوك وديليت ...مسكت راسها وصرخت : لييييييييييييييييييييش ياربي وش معنى انا؟؟؟ ما اقدر أثق في أحد آآآآه انسان حقير ... من غبائي رحت افضفض له همومي على بالي بنت ..عرف مشكلتي اللي اعمامي ماعرفوها ... عرف عن حياتي الخاصه اشياء حتى فجر ماتعرفها آآآآآآآآآآه ليش حظي كذا ... حظي رماني بدنيا وحوووووش كل من يبي يستفيد .. هذا موب بعيده يهددني بالكلام والمحادثات اللي عنده .. الله يلعن المنتدى
مرت ربع ساعه .. ونص ساعه ... وساعه ... وساعتين.. ووريف مانزلت مثل ماوعدت أمها ...
شادن: عمه .. اروح انادي وريف شكلها لهت بالسوالف مع بنات عمها
ام وريف: ههههههههه الله يقرب قلوبهم على بعض..روحي ناديها خاطري اكلم مريم
قامت شادن وطلعت للدور الثاني كانت غرفة وريف مقابله الدرج على طول .. راحت شادن وحاولت تفتح الغرفه بس ما انفتحت .. دقت الباب بس ما احد رد .. قلقت .. قامت تطق الباب بقوه أكبر بس ماسمعت الا صرخة وريف: روحو عنييييييييييييييييي ما ابيكم ما ابي احد
شادن : وريف .. افتحي اش فيك؟؟
وريف وصون بكاها مايتخبى : والله اذا مارحتي عن الباب اذبح نفسي ارتاح من هالدنيا
شادن تخرعت .. وش فيها البنت توها كانت اش زينها ...
شادن: لالالالا خلاص ابنزل

نزلت شادن وجهها مخطوف
ام وريف: هاه يمه نايمه؟؟
شادن تتكلم بشرود: هاا .. ايه طقيت عليها ولقيتها نايمه
ام وريف: هههههههههه صايره كيس نوم
قعدت شادن وهي مو عارفه وش تسوي خايفه ان وريف تسوي بنفسها شي ...

وريف بعد 7 ساعات متواصله من البكا والدموع .. ما تقدر تشتكي همها لفجر .. لأن فجر من البدايه حذرتها من هالاسيره ..اللحين بتلومني زياده ..
بعد ماهدت فتحت المنتدى وراحت لقسم النقاش الجاد.. اول مره تدخل قسم غير قسم الخواطر..
فتحت موضوع جديد وكتبت..
((مساء جدية الشعور.. مساء الكلمه الفاصله .. مساء الحرف الصريح .. لا مكان هنا للمشاعر ..
الليله سأسمح لنفسي بالتبعثر خارج وطن الخواطر والنثر .. اعلم أن عودتي لوطني ستكون قريبه .. ولكن لا يمنع هذا من السياحه لقسم النقاش الجاد..
لدي الرغبه اليوم بالحديث عن السذاجه التي تسكن بعضنا وننعتها بالطيبه..
لدي الرغبه اليوم بمواجهة الحقاره التي تقبع بكبريائهم ..
لدي الرغبه لكسر الطموح الذي يستحوذ على تفكيرهم ..
طموح أن يصبحو شئ.. وهم في الواقع لا شئ ..
حينما تواجهك ورقه تستمع برؤية بياضها لتكتشف بأن هناك سوادا يلطخها .. ولكن اكتشافك هذا كان في الوقت ((بدل الضائع))
ماذا تعمل بهذا الانسان .. أقصد .. ماذا تعمل بهذه الورقه ..
هل ستمزقها وتلقي بها في سلة المهملات وتكمل طريقك بكل شموخ .. أم أنك ستبقى مكانك حيث الصدمه تعطل تفكيرك .. ؟؟
ارجو من الجميع لمشاركه بالنقاش الاول والاخير لي..
ورده لكل من كان هنا ...
خواطر مكسوره))

نرجع لعبدالعزيز شوي..
طلعت وريف من عنده .. عرف انها مسويه له بلوك .. ومايستبعد الديليت ..أكيد خسرت احترامها لي... طيب انا شسوي .. لازم يجيها يوم وتعرف الحقيقه ..إذا مو مني ..أكيد من اغلاطي الغبيه ..بخليها يومين واذا ماشالت البلوك ابرسل لها عالايميل ... او عالمنتدى اذا اضطريت ..آآه ياوريف وش سويتي فيني
راح عبد العزيز يتمشى في المنتدى من ضيقته يقرا المواضيع ولا يدري هو وش يقرا .. يحاول يسلي نفسه عن همه .. بس كان الهم مسيطر عليه .. وريف موب عنيده واكيد بعد كم يوم بتسامحني وأنا مابقي لي كثير كلها شهر وأرجع السعوديه وأخطبها من أهلها
فجأه شاف موضوع بالنقاش الجاد بعنوان ((سذاجه وحقاره)).. ماهمه العنوان كثر مالفت انتباهه الاسم اللي تحت العنوان ... خواطر مكسوره .. هذي وش جايبها هنا؟؟
فتح الموضوع وبدا يقرا .. ياربيييييييييييييه وش هالكلمات .. وش هالألفاظ .. لو جابت سكين وغرستها بقلبي أرحم من هالكلام ... اكيد تقصدني أنا ... الا مليون بالميه ..هذي تستخف برجولتي..
بس اللي انا سويته مو شويه.. ضحكت عليها ... وعلى مشاعرها فتره موب قصيره .. عرفت اسمها وحاولت اعرف عائلتها مستغل طيبتها اللي فعلا بهالمواقف تكون سذاجه.. حتى لو غلطتي كبيره أنا ما أستاهل هالكلام القوي الجارح ..
فتح عبد العزيز على رد جديد وكتب
((أختي خواطر..
شكرا لعبق حروفك التي عطرت القسم ..لا أنكر ان للقسم جماله .. ولكن وجودك فيه زاده جمالا وروعه..
تساؤلك واضح .. وصريح وأعتقد أن الرساله وصلت..
سأجيب على تساؤلك..
لماذا لا أضع نفسي في كرسي الطرف الاخر .. أي بمعنى .. مالذي جعل هذه الورقه تتلوث بسواد الزمن.. ربما لا حول لها ولا قوه.. ربما غلطه لوثتها .. ربما هذا السواد جاء لأن لا كامل الا وجهه تعالى ..
ربما .. وربما .. وربما .. وشكوك كثيره ... وإحتمالات أكثر .. ولقطع الشك باليقين سأجلس مع الطرف الاخر .. وأستمع له حتى أقتنع بطهارته ..أو أقنعه بنجاسته
شكرا لرحابة صدرك..
اخوك ..كبرياء الجرح))

بعد ما كتبت وريف موضوعها نامت .. حست انها طلعت شوي من اللي بقلبها ...

عبد العزيز كان رده ثالث رد .. ياربيه انا داخل الموضوع مافيه الا انا أمداهم يدخلون ويردون الناس..
جاء المشتكي حبه وقرا الموضوع ...
استانس.. حس انها كتبت هالكلام والمشاعر معميتها .. وعشان كذا ما انتبهت للي قاعده تكتبه
فتح رد جديد وأول شي سواه حط ابتسامه بأول سطر وثم

((

اختي خواطر
سمعنا بالأزل ..أن الاعتراف بالحق فضيله .. حينما تنحني الهامه أمام الملايين لنعلن بأننا خُدعنا .. بأننا في لحظة ضعف كنا غايه بالسذاجه.. هذا بحد ذاته إنجاز ..لأن الشجاعه بتطبيق ((قل الحق ولو على نفسك))
اختي عزائي لك بموت مشاعرك حينما أعلنتي لا مكان للمشاعر هنا ..
هنيئا لمن قتل تلك المشاعر .. ليس كرها مني لك.. بل بالعكس لأنه أثار قلمك ليكتب في النقاش لنستمتع بكتاباتك
أظن بأن طريقة القتل كانت محترفه للغايه لأنه جعلك تتخلين عن طريقك بعالم النت الذي طالما كنتي تتباهين به
اخوك.. المشتكي حبه))

عبد العزيز كان مداوم على الموضوع .. خاف أحد يفهم إنه المقصود .. قرا رد المشتكي وجن جنونه هالحقير هالوقح شلون يتكلم عنها كذا .. هذا لازم ينحذف رده .. وريف مو ناقصه .. لازم ينحذف الرد قبل تشوفه وريف لاااااااازم
كتب عبد العزيز رساله خاصه لمشرف النقاش عشان يحذف رد المشتكي .. بس كان رد المشرف ان المشتكي ماقال شي غلط .. هي بنفسها كاتبه عن السذاجه بالموضوع ... وبعدين اذا صاحبة الموضوع طلبت الحذف راح أحذفه لها
عبد العزيز مسك راسه :آآآآآآآآآآآآآآآآخ بينفجر راسي .. كل هذا بسببي... بس صادق المشتكي.. انا قدرت اغير طريقة وريف بالكتابه .. يعني انا قتلت مشاعرها؟؟؟آآآآآآآآآآآآآخ شهالحاله والله ماقصدت

بعد ساعتين فتحت وريف السجن اللي حبست نفسها فيه ...
راحت لأمها : سلام يمه
امها كانت تتفرج عالتلفزيون : هلالالالا وغلالالالا حبيبتي وش هالنوم
وريف عيونها منفخه من البكا :شفتي عاد.. وشلونك انتي
ام وريف بإستغراب : يمه وش فيها عيونك .. إنتي باكيه؟؟
يووووه كيف قلب الام يحس:لالا يمه مافيني شي
شادن توها داخله الصاله تناظر وريف بزعل
وريف: شدوووون ياشينك وانتي ماخذه بخاطرك
شادن ابتسمت لها وقامت جلست جنبها : اموت واعرف وش فيك؟
وريف: انا دايم كذا نفسيه ههههههههههههههه

وريف صح كانت تتغصب عالضحك .. بس هي من توفى أبوها ماخلت أحد يشوف ضعفها .. من توفى أبوها ماسمحت لأحد إنه يتشمت بدموعها

بعد ما تأكدت وريف ان شادن مو زعلانه عليها .. وبعد ما سولفت مع أمها شوي طلعت تشوف أصداء المناقشه .. هذا أول نقاش لها ..
فتحت المنتدى وقرت الرد الاول وردت عليه كان رده عادي..
الرد الثاني.. وكان من مشرف النقاش يرحب بطلتها بالقسم وردت عليه..
الرد الثالث من كبرياء الجرح..قرته .. وله وجه يرتز بمواضيعي بعد .. انا لو مو خايفه احد يشك من المنتدى كان قلت للمشرف يحذف الرد .. حسبي الله عليه ونعم الوكيل .. وانا اشوفه كل شوي غلطان بكلمه ... كل شوي قاط كلمه طلع ولد .. الله يوريه بإخته عشان يعرف يقدر بنات الناس..سوت إقتباس لرده وردت عليه..
((هلا اخوي
اتمنى ان الرساله من جد تكون وصلت للي ابيها توصل لهم ..
مشكور على مرورك وردك .. وردي بالعامي لأني اعرف ان مالك خبره بالفصحى..))
مشت بالردود الرابع .. الخامس.. السادس..
.. الســـابـــــع..
السابع كان رد المشتكي .. قرته وانصدمت .. هذا وشلون يكتب كذا؟؟ انا مشاعري مقتوله .. ومن قتلها ؟؟؟ انسان تافه ضفته عالماسنجر ... الا والله تخسي انت واياه... انا غبيه تسرعي بالكتابه بهالنقاش فضحني .. اللحين كبرياء الجرح على باله انه غالي عندي .. حسبي الله عليك من رجال يالمشتكي..وانا انحت هامتي يالكلب...
أخذت نفس لين هدت وسوت اقتباس وردت عليه..
((لا أعلم هل أحادثك بلغة المشاعر التي تمت تنحيتك من حمل لوائها لسبب تعرفه..
أم أحادثك بلغة الذكاء التي لا أظنك تجيدها ..
أم أحادثك بلغة الشموخ الذي لا أعتقد بأنك تعرفه ..
ولو كنت تعرفه .. لآمنت بأن من يحمل صفة الشموخ أمثالي .. لا ينحني .. بل يقف صامدا لتصطدم به كل عقبات الحياه وتنحني هي ليعبر فوقها متخطيا اصعب المواقف للوصول الى الغايه وتحقيق الهدف ..
فـ كيف تنعتني بالإنحناء.. لا يقع اللوم عليك .. فمن لايعرف صفة الشموخ يجهلها ...
اما عن حديثك عن قتل مشاعري... فمن تكون لتحلل مشاعري .. أو لأسمح لك بالتطاول عليها .. اتمنى أن تعزي نفسك لشيئا لك قد كُسر في هذه الصفحه بأعين الناس..
الشئ الوحيد الذي إكتسبته من ردك هو بأنني إقتنعت بأن لكل بياض سواد يخدشه .. وبياض نقاشي لا يهزه سواد ردك ..
خواطر))