شبكة همس الشوق - عرض مشاركة واحدة

19 - 12 - 2014, 03:19 PM

كلامها كان قوي .. وباين إنها ما تأثرت بكلام هالتافه المشتكي.. بس إن كان اعتراف كبرياء حطمها مره.. فـ رد المشتكي .. حطمها ألف مره.. الحقير يعرف لعبة الشعور وفاهمها ..فهم قصدي .. عرف اني انقتلت .. عرف اني متحطمه من موقف.. يااااااااااارب كبرياء مايكون فهم اللي يقصده المشتكي..
قرت الرد اللي بعد المشتكي.. كان من وحده إسمها ((حولا بس مركزه))
اسمها يضحك .. بس مالي نفس أضحك
الرد كان
((صاحبة السمو الشعوري..
خواطر مكسوره..
شعورك مهيمن على كلماتك التي تعتبرينها صريحه ومواجهه.
صفاء روحك رأيتها بموضوعك الذي تعمدتي فيه الجديه..
يالروعة جديتك.. تشبهك تماما..
فـ هي صافيه كصفاء روحك ..
حازمه كعقدة حاجبيك..
بريئه كإبتسامتك..
شــامــخـــه..
كحزنك..
....
<< اعرف أصف حكي بنت عمو؟؟؟
ههههههههههههه يلاا هذا اللي طلع معي نص ساعه وأنا اعصر مخي..
بنت عمك الحلوه اللي تبدا بحرف اللام وبين قوسين راعية الدبابيس<<وجه يغمز ))

وريف قرت الرد وتفجرت ضحك .. هالخبله وش مخبصه هههههههههههههههههههههههههههه أجل بنت عمك الحلوه اللي تبدا بحرف اللام راعية الدبابيس آآآآآآآآآآآآه يابطني لميس ذي موب صاحيه .. الله يسعدها مثل ماضحكتني هههههههههههههههههههههههههههههههههههههههههههههه
ذي فضيحه .. ليتني ماعلمتهم اني خواطر آآه يابطني هههههههههههههههههههههههههههههههههههههههه
فكرت وريف شوي
وريف:بس حلو.. حلو مررره.. اللحين إذا قرو رد لميس بيحسون إن فيه جانب مشرق بحياتي .. وإني انا ماسمحت لهم يعرفون هالجانب..يعني جملة قتل الشعور اللي تكلم فيها هالبهيمه المشتكي .. بتتبخر من أذهان الناس بعد رد لميس..

إقتبست رد لميس وكتبت
((حبيبتي .. كنت ناويه اذا شفتك أمردغك بعقال اللي خبرك عشان تعرفين تردين زين أجل راعية الدبابيس..ههههههههه الله يرجك..
بس عشان خاطر الكلام الحلو اللي كتبتيه بسامحك بس بشرط انك تردين رد ثاني تجاوبين فيه على تساؤلي
سلمتي ياقلبي عالرد))
ارسلت الرد وهي حاسه ان الجمهور بينصدم من ردها ...

لميس قرت رد وريف وماتت من الضحك واتصلت على وريف
وريف: الله يرج ابليسك
لميس: ههههههههههههههههههههههههههه طيحت هيبتك يقولون عندها بنت عم مخفه
وريف: يالدبببببببببببه اصلا من النك نيم أغسل يدي منك ههههههههههههه
لميس: ههههههههههههههه فديتك بس موضوعك جنان .. يالله عاد وش رايك بردي تحسيني مثقفه؟؟
وريف: الصراحه ايه
لميس: بلاك ماتدرين
وريف: وشهو؟؟
لميس: انا وأمة لا اله الا الله متجمعين عشان نكتب رد مثقف مثلك
وريف: هههههههههههههههههههههههههههههههههههههههه الا على هالطاري بسألك
لميس: سمي ؟؟
وريف : وين عمتي مريم ؟؟
لميس: هاااه ؟؟
وريف : عمتي مريم وش فيك؟؟
لميس: من قال لك عليهااا"؟
وريف : لمييييس علامك؟؟ امي قالت لي
لميس صوتها تغير : توفت من كم سنه بالخبيث
وريف دمعت عينها : الله يرحمها ويغفر لها يارب

عبد العزيز قرا رد وريف عليه .. وجرحته انها تتكلم معاه بالعامي .. ليش انا جاهل؟؟؟
وصل رد وريف على المشتكي حبه .. كان هذا الرد الوحيد اللي خفف عنه ضيقته .. حس وريف انها ماتأثرت ولا انجرحت منه .. بس وريف تكابر
وصل رد حولا ومركزه وانصدم ان هذي بنت عمها ... خخخخ صدق مرجوجه .. ماتنلام فيكم وريف ..
قرا رد وريف على بنت عمها بس إنصدم من كلمة ((أمردغك بعقال اللي خبرك))
اكيد تقصد ولد عمها عبد الرحمن... اكيييييييييد هو .. معقوله حبته عشان خفة دمه؟؟؟ وانا وش دخلني؟؟؟
دخلني اني احبها .. احبها وابي اتزوجها .. حتى لو ماكانت حلوه يكفيني طيبتها .. اسلوبها .. تحملها للظلم اللي عايشته طول هالسنين
’,
’,
مرت يومين والردود عالنقاش كانت تتزايد ماشاء الله .. وعبد العزيز مدوام عالموضوع أكثر من صاحبة الموضوع..
راح يطل عالمتواجدين.. شاف خواطر مكسوره تنزل خاطره بقسم الخواطر
بـــــــــــــــــــــــــس!!!
هذي الخاطره هي اللي تحدد موقف وريف مني أكيد هدت ثورة مشاعرها اللحين ..
كان على نار .. ربع ساعه هي المده المستغرقه بكتابة الخاطره نزلت الخاطره كان عبد العزيز يسوي تحديث لقسم الخواطر لين شافها نازله كانت بعنوان
((لماذا ياهذا))
عبد العزيز:أكيد تقصدني ...

فتحها وقراها
(( لماذا ...
لماذا يحدث بي هذا؟؟
منذ فراقنا ..
وأنت تسكن هنا ..((بالقلب))
من فراقنا .. وملامحك تسكن كل وجه أصادفه..
منذ فراقنا.. وكلماتك تسكن كل صوتا أسمعه ..
منذ فراقنا .. ونظراتك تقبع بكل عين أراها..
منذ فراقنا .. وإسمك مرتبط بكل اغنية حب أسمعها..
نعم إستعمرتني ..إستوطنني عشقك .. لم أعد قادره على العيش من دونك..
أحبك .. أحبك .. أحبك ..
نعم فأنا أعني ما تقرأه ..
رغم خذلانك .. رغم جفاف صدك .. رغم إبتعادك القاسي .. رغما عني أحبك
فهل تسمعني يا هذا ؟؟

خواطر))

عبد العزيز قراها والصدمه غيمت على ملامحه الجذابه... خاطره في زوجها ... مو فيني .. هالخاطره يعني انها نفذت اللي قالته .. اني مجرد ورقه رمتني بسلة المهملات وتعدتني... تقول احبه....تحبه... يمكن تبي تقهرني؟؟
لااااااااااااا طموحي كبير انا.. وش انا بالنسبه لها عشان تقهرني..
انا اللي طيحت نفسي بهالورطه ليتني ماعرفتك ياوريف ... الله يلعن التحدي اللي طيحك بدربي.. مدري طيحني بدربك
كان ناوي يرد عليها بس جاته فكره..
... ليش ما ارد عليها بخاطره بدل رد بالموضوع عشان تكون هي الوحيده اللي تفهم ان هالكلام لها ولا تقدر تحرجني اصلا..
فتح موضوع جديد وكتب خاطره بعنوان ((لأني أحبك))
((لأني أحبك..
يقتلني مجرد التفكير بأنه يحبك .. وتحبينه..
أحبك.. أعلم بأنك لستِ قدري .. ولست قدرك..
ولكنك كنتِ إختياري..
إليك يامن علمتني أبجدية الحب ..
إليك أيتها المسيطره على أحلامي.. الساطيه على خيالاتي .. إليك أفجر حرفا لغمتيه بقلبي .. إليك اكتب كلمة تسببتي بوجودها .. إليك أسطر جملة لولاك لما عرفتها ..
إليك حروفي ... وكلماتي ..... وجملي ..... فهي منك ...وإليك..
عرفتك فأحببتك ...أحببتك فأدركت بأنه قدري أن أظل على قارعة الطريق انتظر قافلة الحب التي تحملك إلي.. قدري أن انتظر تلك القافله رغم إيماني بعدم مرورها وإستحالة أن يحدث هذا ..
إحساسي بإنتظارك يكفيني يا wحبيبتيw
كبرياء الجرح..))

كتب الخاطره وبدون مايراجعها ارسل الموضوع ..وقفل الاب توب بكبره ..
راح لغرفة فيصل اللي كان يسوي بحثه على لاب توبه .
عبد العزيز : فيصل ممكن؟؟
فيصل: هلا عزوز تفضل
عبد العزيز :أحس اني مخنوق.... ممكن نطلع

فيصل: وبعدين؟؟؟ لك ربع ساعه ساكت شسالفه؟؟
عبد العزيز حاط يدينه عند دقنه وساكت:........................
فيصل: نعنبو ابليسك جايبني من الشقه لهالمطعم عشان تسكت؟؟ وش السالفه .. محتاج شي؟؟؟؟
عبد العزيز هز راسه بالنفي وهو ساكت
فيصل: عزوز.. اهلك فيهم شي؟؟؟
تكلم اخيرا عبد العزيز : مو اهلي اللي فيهم هذا اللي فيه شي ((ويأشر على قلبه))
فيصل: قلبك؟؟؟ سلامتك
عبدالعزيز :حبيتها
فيصل: من هي؟
عبدالعزيز بتعب: ورررررررررررررررريف
فيصل: خواطر؟؟؟؟
عبدالعزيز:ياليتني ماقبلت التحدي.. ليت ربي أخذ عمري قبل أرسل لها ايميلي
فيصل مو فاهم اللي يسمعه: بسم الله عليك
عبدالعزيز: فيصل..أنا وصلت مرحلة اني عشقتها .. تتخيل اني بنومي أحلم بها ... ما اقدر اذاكر الا بعد ما أكلمها
فيصل: ياخي فهمني
عبدالعزيز: بعد ما تأكدت من مشاعري لها اعترفت لها اني ولد واني كبرياء الجرح
فيصل طارت عيونه: ووش سوت؟
عبدالعزيز: ماردت علي وطلعت ..أظنه بلوك وديليت
فيصل: اوف
عبدالعزيز: لقيتها كاتبه موضوع بالنقاش الجاد
فيصل: احلى وش هالتطور
عبد العزيز: والنقاش كله كلام جارح فيني
فيصل: كتبت انه لك؟؟
عبدالعزيز: لا بس تقول حقاره تسكن بكبريائهم .. والكلام سكاكين
فيصل: تعلمني فيها ذي ملسونه ..
عبدالعزيز ابتسم : ورديت عليها قلت لازم تسمعين الطرف الثاني.. وردت علي بالعامي يعنني جاهل ....عورت قلبي
فيصل: طيب
عبدالعزيز: واليوم نزلت خاطره بزوجها
فيصل طارت عيونه: منهو زوجها؟؟؟؟؟؟؟؟ هي متزوجه؟؟ وش دراك ياللعين
عبدالعزيز تذكر انه عطاها وعد مايقول لأحد عن مشكلتها
عبدالعزيز: اممممم انسى السالفه
فيصل انصدم : وش اللي انسى السالفه تكلم وحده متزوجه .. وتحبها افاااا ياعبدالعزيز ... ماترضاها على نفسك ولا هقيتها منك
عبدالعزيز توهق .. فيصل فهمني غلط ياربي .. وريف سامحيني بس لازم افهمه
عبدالعزيز: فيصلوه ماني ناقصك تراي.. البنت كانت متزوجه وتطلقت عرفت؟؟
فيصل: اهااا على بالي
عبدالعزيز: تو الناس تفهم.. المهم الخاطره في زوجها يعني عبدالعزيز ماغير ولا نتفه بشعورها تجاه زوجها
فيصل: طيب وش ردة فعل عبد العزيز؟؟
عبدالعزيز: عبد العزيز يحس انه حمار .. وغبي .. ومغفل .. بس يحبها
فيصل: هههههههههههههههههههههههه
عبدالعزيز: والله اني صادق
فيصل: وش سويت؟؟ اكيد رديت عليها
عبدالعزيز: ايه بس هي خاطرتها بعنوان لماذا ياهذا.. وانا خاطرتي بعنوان لأني أحبك
فيصل: اهاا رديت عليها بخاطره؟
عبدالعزيز: بالضبط كذا
’,
’,
الشي اللي مايعرفه عبد العزيز .. ان هالخاطره قديمه لوريف .. حاولت تكتب شي جديد عشان تثبت لعبدالعزيز اولا ثم الناس انها ما تأثرت بالموقف . بس ماقدرت الحروف ما طاعت تطبع ..إضطرت انها تكتب هالخاطره القديمه عندها..قرت عنوان خاطرة كبرياء الجرح لأني أحبك.. هذا يرد علي .. مسوي ذكي يعني.. ماني قاريتها وخليه يولي..
بس اللقافه كانت تلح على وريف ايلين قرت الخاطره وانصدمت من الكلام...
حست بشي غريب.. وكاتب حرفي بعد جنب حبيبتي.. مسوي لي فيها عنتر زمانه.. يعنني حبيتك.. أي حب هذا اللي يجي من الانترنت .... هي مشرفة قسم الخواطر ولازم ترد عليه افففف الحمار عرف يلعبها صح .. هو متأكد اني راح اقرى الرد وراح افهمه ...
تكتب الرد.. وترجع تمسحه .. تكتب وتمسح .. تمسح وتكتب.. ياربيه ليش يصير معي كذا..
آخر شي رست على بر وكتبت
((مساء الكبرياء ..
بما إنها أول خاطره ترسو بها على شاطئ الخواطر..
سأعتبرها محاوله جيده.. بل ممتازه ..
القسم ينتظر منك المزيد..
خواطر))
عبدالعزيز اول ماشاف آخر مشاركه خواطر مكسوره .. فرح .. بس أنا متأكد ان الرد شي يعور القلب ويجرح.. بس المهم كلامي وصل لها .. واللي طالع من القلب.. مقره القلب
قرا الرد اول شي مساء الكبرياء
لحووووول عارف قصدها الكبرياء اللي تسكنه حقاره على قولتها يعني بالعربي انا حقير.......
انا خاطرتي محاوله؟؟ هين ياوريفوه اوريك انا
اقتبس ردها وكتب
((يكفيني نسج حروفك على متصفحي..
وان كنتي قد اعتبرتيها محاوله مني..
فأنا لا أعتبرها محاوله ...
هي فقط مشاعر سطرتها لمن أحب..
وعندما أثنيتو عليها ليس لجمال حروفها .. او لروعة كلماتها .. بل لأنها حروف صادقه سطرها قلب ينبض بالحب..))
قرت وريف رده .. ياشينه يتميلح هو ووجهه ...
’,
’,
سلمان بعد تفكير وبعد مادرس الموضوع من كل الجهات..
انا اللحين بعد ماتعبت اداوم دوام واحد.. وصار وقت فراغي كثير ..
وهذي بنت مسكينه .. هذا اولا . وثانيا صديقة فجر. وثالثا جوري تحبها. رابعا امي مرتاحه لها ولأمها
خامسا انا كبرت ومحتاج أحد يرعاني
سادسا .. هي بنت كانت ضحية ظروف عيشتها حاله نفسيه
سابعا: مستحيل القى مثلها .. جمال على قول جوري .. وأخلاق على قول امي .. وطيبه على قول فجر
وش ابي اكثر من كذا

نزل سلمان للصاله شاف أمه وخواته جالسين بالصاله
سلمان: السلام عليكم
الكل: وعليكم السلام
سلمان: بدون مقدمات .. وش رايكم لو أتزوج
الجمله كانت صدمه عالكل .. الام فرحت .. بس استغربت .. فجر استانست بس خافت تفقد حنان اخوها.. جوري للحين ما استوعبت
سلمان: اوكي ولا يهمكم خلاص ما ابي اعرس
جوري استوعبت : لااااااااااااااااااااااا
سلمان: ادري يا بابا خلاص
جوري: الاااا اعرس ابي اشوف عيالك
سلمان انصدم: وشهو؟؟
جوري: هههههههههه هذا رد امي اما رد فجر ((وتقلد صوت فجر)) الله يسعدك ياخوي بس انتبه لاتغيرك علينا الحرمه
سلمان: هههههههههههههههههه والاميره جوري وش ردها؟؟
جوري: اممم جوري تقول موافقه بس بشرط
سلمان: بس شرط؟؟ الا شروط قولي
جوري: تطلعها مع عيالك للملاهي
سلمان ضحك وحضن اخته : هههههههههههههههههههههههههههههه
فجر: ايه اشوف الدلع للاخت جوري بس
سلمان: كلكم حبايبي يالغاليه
جوري بدلع: افاا من اللحين؟؟
سلمان: وشهو؟؟
جوري: زمان تقولنا كلكم عيالي .. واللحين كلكم حبايبي
فجر: ههههههههههههههه ايه صح
سلمان:هههههههههههههههههههههههههههه ماعرفنا رايك يالغاليه
ام سلمان: والله انه منى عيني بس من هي سعيدة الحظ؟؟؟
سلمان يناظر بفجر ويبتسم :وحده من صديقات فجر
جوري: هييييييييييييييييييييييييييييييييه
سلمان ضحك وطلع وخلاهم
فجر: من؟؟؟
جوري: يالخبله اكيد وريف
فجر انصدمت بس استانست : وناااااااااااااااااسه تصير وريف معي دوم واااااااااااااااو