شبكة همس الشوق - عرض مشاركة واحدة

19 - 12 - 2014, 03:20 PM

...زياد ...
كان شكل لمياء مسيطر عليه بصحوته وبنومه .. كان شكلها نعوم غير عن اسلوبها مع اخوانها ... ويوم ركبت معي كانت ساكته ووريف تقول لي اني السبب..
وقالت لبنات عمها اني اذا جيت يوقف قلبها
ليش؟؟
غريبه هالبنت
’,
’,
اليوم الخميس التاريخ 4/10
عبدالعزيز ينتظر هاليوم بفارغ الصبر بعد اسبوعين طيارته للسعوديه ..ومن عقب الخاطره ماصار أي نقاش بينه وبين وريف هو يبيها تهدا لين يجي يوم عيد ميلادها ..
مايقدر يتوقع ردة فعل وريف على اللي بيسويه 100% بيكون موقفها سلبي..
الله يعينك ياقلبي
سمى بالله وارسل لها عالايميل.. وارسل لها عالمنتدى
((مرحبا وريف شلونك..
اسمحيلي اقولك وحشتيني..
لأن هذا الصدق..
اذا مارجعت للسعوديه بالشهاده انتي السبب.. لاني بسببك مو قادر اركز بالدراسه
عموما مو هذا موضوعنا..
اتمنى تزورين قسم التصاميم فيه اهداء مني لك))

قرت الرساله مره واثنين وثلاث .. هذا مره قاطه الميانه قليل الحيا .. بروح اشوف وش هالإهداء..

الاهداء كان عباره عن كلمات لقاها عبدالعزيز بوحده من المجلات وطلب من واحد من اصحابه اللي يعرفون للفوتوشوب انه يصممها له كبطاقة معايده ..

فتحت وريف قسم التصاميم .. اول مره تدخله لقت موضوع بإسم كبرياء الجرح .. عنوان الموضوع
((لأغلى من عشق قلبي))
وريف: خبل ذا؟؟ الظاهر واجد يشوف افلام افففف ينرفز لازم أحط له حد واحطه بقائمة التجاهل عشان مايقدر يرسل لي رسالة خاصه
فتحت الموضوع لقت تصميم .....
باللونين الرصاصي والاحمر

وكان كاتب بالتصميم القصيده اللي لقاها بالمجله تقول
تواريخك تمر وتلتقي بي
وتنساني وتذكرك الليالي
تخيّر من هدايا الورد طيبي
ولا تختار لأعيادك بدالي
أحسك حيل من قلبي قريبي
تدلل لك علي كل الدلالي
يسافر بي غلاك وينتحي بي
عن الدنيا ويجنح بي خيالي
صباحي خير وجروحي تطيبي
صباحك ياصباح العمر غالي
عسى ظني بنورك مايخيبي
وعساني ما أنحرم شوفك قبالي
شموعك يوم حبك تحتفي بي
لقلبي ضي ولعمري ظلالي
حبيبي كل سنه وانته حبيبي
حبيب الحب ياحبي((لحالي))

وكاتب بأسفل التصميم حرف وريف بالانجليزي.. وأعلى التصميم كاتب اسمه بالمنتدى كبرياء الجرح
وريف لا شعوريا بكت..حست بقوه داخلها تحركت.. ليش بكت.. ماتدري .. بس محتاجه تبكي.. اقرب لناس لي اللي هي فجر ماتذكرت هاليوم.. وش يقصد هالرجال .. وش يبي مني؟؟؟ ياربي والله مو عارفه شسوي
آآآآآآآآآآآآآآآآخ ياقلبي

بسيطرة الشعور عليها كتبت له برساله خاصه
مشكور انك تذكرتني
بعد ما ارسلت الرساله انتبهت للي هي تسويه وش اللي خبصته ذا .. مو هذا نفسه اللي ضحك علي وطقطق علي .. مو هذا اللي كذب علي؟؟
حقدت وريف على عبد العزيز اكثر يوم نست نفسها وارسلت له هالمسج..

عبد العزيز فتح مسج وريف وهو متوقع ارقى كلمات الشتم موجوده بس طارت عيونه باللي قراه..
مشكور انك تذكرتني .. ياقلبي قلبها محد تذكرها اكيد... فرحت اني متذكرها.. متى .. متى ياوريف يلين راسك وتعلميني منهم اهلك؟؟ الظاهر انه بدا يلين راسها ..
بإذن الله من يوم اعرف اهلك اني اليوم الثاني عندهم عشان أخطبك
ابتسم عبدالعزيز وغفى على احلامه ..كلها خمس دقايق الا ويسمع صراخ فيصل: عبدالعزيز يامال الفتره
عبدالعزيز: هااااااااااااااااااااااااااااااااه وش تبي؟
فيصل: قوم ذاكر لا اتصل على سلمان اللحين
عبدالعزيز : ماتشوفني طول اليوم اذاكر
فيصل: نعنبوو ابليسك وش صار لك انت؟؟؟ ماعاد تهتم بدراستك ياخوي كلها اسبوعين وتفتك
عبدالعزيز ابتسم لفيصل واعطاه بوسه بالهوا
فيصل: نعنبو بليسك وش متحلم فيه انت؟؟
عبدالعزيز ضحك على تفكير فيصل واعطاه بوسه ثانيه بالهوا
فيصل: انت الصراحه الغلطان من يجلس معك.. اخاف تخرب اخلاقي
لملم فيصل اغراضه وراح الغرفه الثانيه يدرس
عبدالعزيز ضحك من قلبه على حركات صديق عمره وقام يذاكر بكل تركيز .. يكفي ان وريف حسستني اني أسعدتها بشي..
ماكان هامته الردود عالتصميم أصلا طنش اللي ردو عليه .. اهم شي وريف وعرفت رايها

فيصل كان ماخذ فترة راحه ويطقطق بالمنتدى شوي شاف تصميم عبدالعزيز .. ياشين اللي يسمعون بالحب وطاحو فيه ههههههههههههههه
شاف وحده من الردود وحده اسمها ((بحضنك دفيني))
((هااااي حبيبي
بصراحه انت طالع مررره رومنسي هالايام..
ربي يحفظك تسلم لي يالغالي
وتصميمك مررره روعه))
فيصل: هههههههههههههههههههههههههههههههه مو صاحيه ذي
كان ناوي يزهم على عبد العزيز يشوف هالخبله وش كاتبه بس عبد العزيز يذاكر وانا ما أصدق انه يمسك كتابه
’,
’,
لميس: بنات
البنات: هاه؟
لميس: هوا ياخذكم كلكم .. العالم تقول هلا مو هاه
وتين: ياربييييييييييييه عالإتكيت .. خلصيني وش المقلب اللي بتسوينه
ميان: هههههههههههههههه مسكين عبدالرحمن شكله بيذبحك بعد هالمقالب صايره قويه يابنت
لميس: لااااااااااااع مو مقلب
شوق : اجل؟
لميس: وش رايكم نسويها مفاجأه لوريف ونزورها ببيت خالها
شيماء: كلنا؟؟
لميس: ايه اجل بعضنا
شيماء: ههههههههه اخاف يشوفون هالسيارات اللي جايه عندهم ويحسبونها قبيله غازيه عليهم
البنات: هههههههههههههههههههههههههههههههههه
ليان: والله حلوووو وحشتني الدوووبا
لميس: الله يعين ويقتنعون الشيبان
وتين: وجع هذولا ابوك واعمامك
لميس: وانا وش قلت؟؟؟ سبيتهم لا سمح الله
شروق: بنات عندي خطه تخليهم يوافقون
لميس: انجدينا بها
’,
’,
عبد العزيز بعد يومين حس انه مشتاق لأي كلام منها حتى لو سب .. مع انه مايتوقع انه تسبه بعد آخر رساله ارسلتها له..
ارسل لها عالخاص
((سلام..
غصبن علي وحشتيني..
والله مو بيدي..
ادعيلي بالتوفيق... اختباراتي بعد كم يوم..
طمنيني عنك))

وريف قرت الرساله خلاااااص هذا ما ينعطى وجه ... يحسب اني من هالبنات اللي يكلمون شباب انا اوريك ياللي مسوي نفسك محترم .. كتبت له

((هيه انت.. ترى عطيتك وجه بزياده..
انت ماتستحي على وجهك؟؟
قلت لك بالفصحى .. وبالتلميح وعييت تفهم
اللحين بقولك اياها بالعامي
ياخي طس عن طريقي ..
الله يلعنه من يوم يوم عرفت ايميلك فيه
وعلى فكره بحطك بقائمة التجاهل اففف))

الرساله هذي كانت مثل الكفوف على وجه عبدالعزيز..
هذي من تكون تتكلم معاي كذا؟؟؟
عشاني اعترفت بمشاعري واستحملت اللي تقوله .. تحسبني ماني رجال.. تهين كرامتي..
أدوس قلبي .. واذبح مشاعري ولا تنهان كرامتي..
هين ياوريف .. ما اكون رجال اذا ماعلمتك منهو عبدالعزيز

صفعة الاهانه كانت قويه على عبدالعزيز.. رجال ماقدرو يهزون كرامته تجي بنت وتهينه..... كان يفرفر كعادته بالمنتدى طاحت عينه عالموضوع اللي هو مسويه اهداء لها .. قرا ردود الناس وقرا رد ((بحضنك دفيني))
ابتسم ..
انا اوريك منهو عبد العزيز
اقتبس رد البنت وكتب
((هلا حبيبتي..
تسلمين على رايك الغالي على قلبي..
جد جد افرحني ردك ومرورك يالغلا .. الله لايحرمني من هالطله))
ارسل الرد .. حس انه يتصرف بمنطق طفولي .. بس لازم يسوي كذا

صار اسلوبه مع البنات قاط الميانه.. صندوق الرسايل عنده صار مليان من هالمايعات اللي يبون يتعرفون .. بس هو عالخاص مهمشهم .. بس عالعام كأنه خاق ..
هو ليش يسوي كذا؟؟؟ مايدري
اهم شي انه اذا سوا كذا يستريح
له يومين ما مسك ولا كتاب.. فيصل حاول .. بس عبدالعزيز ماله مزاج بالدراسه..
اتصل فيصل على سلمان عشان يشجعه يدرس.. بس ابد مافيه أمل
اختباره قريب .. ونهائي وعلى الشهاده .. ولا يذاكر
مافيه الا حل واحد
وفعلا تجرأ فيصل وسواها

وريف اللي كان كرهها لعبدالعزيز اضعاف واضعاف بعد ماشافت اسلوبه مع البنات ... ايه ماشاف مني ريق حلو راح يدور على وحده مثله..وكانت اكثر وحده رافعه ضغطها هي بحضنك دفيني..
فجأه طلعت لها نافذه رساله خاصه جديده = 1 من رفيق الجرح
وش عندهم العالم كلهم مجاريح
فتحتها
((السلام عليكم
انا ما ادري يحق لي اسوي اللي اسويه او لا
بس انا اشوفه يحق لي ..
لأني اشوف مستقبل صديقي اللي تعب عليها 7 سنين قاعد يضيع قدامي
يا اخت خواطر ..
انا صديق عبدالعزيز ..
عبدالعزيز اضاف ايميلك بتحدي بينه وبيني .. وفي يوم سألته وش اخبارك مع خواطر.. قال لي انا متعذب البنت قالت لي شي خطير وانا بمثابة الكذاب
ويشهد الله اني ما اعرف هالسر .. رغم اني سألته بس هو رفض يقول لي.
عبدالعزيز له يومين مو راضي يمسك كتابه... مو راضي يدرس ولا راضي يذاكر ..حتى اهله كلموه ولا فتح كتاب.. انا متأكد انه متضايق منك..
والدليل شروده من شعور الحب اللي يحس فيه تجاهك .. بإستهباله مع البنات اللي عمره مادق قلبه لبنت ولاهو راعي بنات..
ماطلبت منك تحبينه... كل اللي اطلبه انك لا تجرحينه لين ينتهي اختباراته.... اقل شي اطلبي منه يذاكر عشان يذاكر
واسف عالازعاج))
مسكييييييييييييييييييييييييييييييييييييييييييييييي ين.. اذا صديقه صادق فـ هو يعني يحبني..
يحبني؟؟؟؟ انا؟؟؟
اكيد صادق اليومين اللي راحو ماغير متسدح بالمنتدى .. مايطلع الا للنوم.. مسكييييييييييييين دراسته..
الا الدراسه ... ياربي سامحني لازم ارسل له هذي دراسه مو لعب..
حاولت ترسل له وريف بس انصدمت...... حاطها بقائمة التجاهل...
يمكن لاعبها هو وخويه علي؟؟؟؟
بس مستحيل يضحي بوقته اللي المفروض يذاكر به عشان يقنعني انه يحبني..
اكيد صادق....
طيب اللحين شسوي .. لازم اقول له يذاكر..لازم
حتى لو مو صادق اللي علي بسويه انا لا احبه ولا ابيه مجرد ماينجح ابغير ايميلي بكبره
توكلت على الله وأضافته من جديد
عبدالعزيز اللي كان يسولف مع فجر عالماسنجر اول ماشاف الإضافه إستغرب... اكيد باقي عندها اهانات ماقالتها .. بس والله لأقص لسانك قبل تتكلمين علي
كان نكه (( أحـــــــــــــــــــبـــــــك ولو تجــــــــــــافينـــــــــي))
غيره بسرعه وحطه((قلي شسوي فيك لا صرت واطي))
قلي شسوي فيك لا صرت واطي:
فجوره قلبي شوي وراجع لك عندي هوشه ادعيلي
إحــــــــــســــــــ((الوله))ـــــــــــــاس:
اصلا باين من النك اللي تغير .. هههههههه ربي ينصرك عليهم

قبل عبد العزيز الاضافه وقلبه يرقع .. من جد وحشتني.. لالالا ماوحشتني انا بس فقدتها لأني تعودت عليها .. اصلا انا ماحبيتها .. انا انبهرت بثاقفتها وكلامها بس.. ولأنها البنت الوحيده اللي بحياتي..

وريف شافت عبدالعزيز اون لاين حست بتسونامي صغيرون داخلها .. ناظرت بالنك وانصدمت اففف وش ذاااا؟
كان نكها ((جـــــــرحــــــــي نــــــســـــــانــــي الـــســــــمــــــــاح))
سمت بالله ودخلت عليه
جـــــــرحــــــــي نــــــســـــــانــــي الـــســــــمــــــــاح:
سلام عليكم
((عبدالعزيز حس كلامها يخلع القلب.. واقول ما احبها .. مالت علي ماعرف أكذب))
قلي شسوي فيك لا صرت واطي:
نعم؟؟؟
((وريف: يمه وش فيه ذا))
جـــــــرحــــــــي نــــــســـــــانــــي الـــســــــمــــــــاح:
إنت عبدالعزيز؟؟؟ ولا لا
((عبدالعزيز طلعت عيونه: شلون عرفت اسمي؟؟؟؟؟ كيييييييييييف ماعمري قلته لها ))
قلي شسوي فيك لا صرت واطي:
ايه نعم .. خير وش تبين.. وليش تجيبين اسمي على لسانك من وين عرفتيه؟؟
((وريف تحس الكلام قوي بحقها .. بس بتتحمل عشان يخلص درراسته ماهيب مستعده تتحمل فشل أي انسان))
جـــــــرحــــــــي نــــــســـــــانــــي الـــســــــمــــــــاح:
ليه نطقي للإسم يلوثه؟؟؟ عموما مو مهم شلون عرفته
((عبدالعزيز: ياعمررررررري انجرحت.. بس غصبن علي انا حلفت اعلمها منهو عبدالعزيز وهذاهي رجعت من نفسها))
قلي شسوي فيك لا صرت واطي:
اجل وش المهم
جـــــــرحــــــــي نــــــســـــــانــــي الـــســــــمــــــــاح:
المهم... اذا سمحت ممكن طلب؟؟؟
((عبدالعزيز: طلب؟؟؟ شسالفه؟؟))
قلي شسوي فيك لا صرت واطي:
طلب؟؟؟ نعم وش عندك خلصيني
((وريف: الله يعينني))
جـــــــرحــــــــي نــــــســـــــانــــي الـــســــــمــــــــاح:
انت ليش تتكلم معي كذا؟؟
قلي شسوي فيك لا صرت واطي:
إقري نكك وتعرفين الجواب
جـــــــرحــــــــي نــــــســـــــانــــي الـــســــــمــــــــاح:
ياربيييييييييييي طيب ممكن طلب ولا لا
قلي شسوي فيك لا صرت واطي:
اولا مابيننا ميانه .. ثانيا خلصيني لأني مو فاضي لك
((وريف: لاااا مو هذا اللي اعرفه))
جـــــــرحــــــــي نــــــســـــــانــــي الـــســــــمــــــــاح:
انا شسويت لك تعاملني كذا؟
قلي شسوي فيك لا صرت واطي:
والله ان ما تكلمتي بلوك وديليت
جـــــــرحــــــــي نــــــســـــــانــــي الـــســــــمــــــــاح:
ابتكلم مايحتاج بلوك ((وحطت وجه باكي)).. ممكن تذاكر لأنك طول الوقت بهالأيام قاعد بالمنتدى وانت اختباراتك عالأبواب
((عبدالعزيز شاف الوجه الباكي.. معقول تبكي؟؟؟؟؟ تبكي؟؟؟؟ مني انا تبكي؟؟؟؟ وخايفه على اختباراتي؟؟؟؟
قلي شسوي فيك لا صرت واطي:
احلفي انك ضايفتني عشان هالسالفه
جـــــــرحــــــــي نــــــســـــــانــــي الـــســــــمــــــــاح:
والله العظيم اني ضايفتك عشان سالفة دراستك ما ابيك تضيعها
((عبدالعزيز:فديـــــــــــــــــــتـــــــــــــــ ــ ــــــــــك والله أحبــــــــــــــك...........بس مانسيت حلفي اني اعلمك من اكون))
قلي شسوي فيك لا صرت واطي:
طيب وهذاهي وصلت رسالتك خلصتي؟؟ يالله مع السلامه

وريف انقهرت منه وصكته بلوك ...ليش يتكلم معاي كذا.. وربي ماسويت له شي .. يمكن زعل من اخر رساله..
اييييييييييييه هذيك كلامها كان جارح.. ياربي على لقافتي ابضيع مستقبل الولد بسبب غبائي..

عبدالعزيز قفل من وريف وطار لفيصل
عبدالعزيز: فييييييييييييييييييييييييييييييييييييييييصل
فيصل اللي كان يسوي اللمسات الاخيره للبحث
فيصل: هلا
عبدالعزيز: وريف ضافتني
فيصل((والله انها بنت اجواد))
فيصل: ليش؟؟
عبدالعزيز: تقولي اترك المنتدى وانتبه لدراستك
فيصل: وانتي بتسمع كلامها وانا واهلك لنا يومين نشحدك ما سمعت لنا كلمه
عبدالعزيز: ياشينك انت بس تنكد عالواحد
فيصل: ههههههههههههههههههه فديت قلبك.. عاد اثقل انت لا توريها انك فرحان برجعتها
عبدالعزيز: رجعت قالت لي ذاكر وصكتني بلوك
فيصل بقلبه((ماشاء الله عليك يا وريف الله يجزاك خير اضفتيه بس عشان يدرس... آآه ياعزوز لو تدري باللي من وراك الظاهر ماتكلمني طول عمرك..))
عبدالعزيز: يالله عن اذنك بروح اذاكر قبل ارقد..
فيصل: بالتوفيق

طار عبدالعزيز عالكتب وكان يذاكر بحماس
حلو الواحد اذا كان عنده هدف..
عبدالعزيز هدفه حاليا يرجع بالدكتوراه .. عشان يخطب وريف من اهلها .. دامها رجعت اضافته عشان يدرس اكيد إذا سألتها عن أهلها مابترفض بس المهم اني ماخذ الشهاده...

اما وريف ..أكلت نفسها بالحسايف .. ياربي اللي سويته صح .. ولا غلط..إحساسي يقول صح..
بس لو كان يكذب؟؟
اذا بيكذب على نفسه.. واذا كان صادق على نفسه .. مجرد ماياخذ الشهاده ابعترف له ان رجعتي كلها عشان دراسته مستقبله.. انا مالي دخل..

عبدالعزيز أكل الكتب أكال .. ما صكها بلوك.. وهو متأكد انها صاكته بلوك وديليت..
رجع من أول إختبار ...إختباره الثاني بعد ثلاث ايام
رجع الساعه 11 الصبح من الاختبار تقريبا الوقت بالرياض على المغرب
فتح الماسنجر غير نكه
((ليتني العيد وتفرح بي يوم أجيك))
وريف كانت اون لاين بس صاكته بلوك..اليوم إختباره.. ياربي نفسي اعرف وش سوى بإختباره.. يارب انه سوى زين.. ما ادري اللي أسويه صح أو غلط .. بس أنا معتبرته أخوي ..يعني مو اخوي بس انه مشاعر الاخوه .. ياربي مدري اش قاعده أخربط.. ابتطمن على اختباره واصكه بلوك على طول
شالت البلوك وعبدالعزيز يناظر بالاسم وده يقوم يبوس الشاشه
جـــــــرحــــــــي نــــــســـــــانــــي الـــســــــمــــــــاح:
سلام
ليتني العيد وتفرح بي يوم أجيك:
وعليكم
جـــــــرحــــــــي نــــــســـــــانــــي الـــســــــمــــــــاح:
وشلون إختبارك اليوم؟؟؟ هو اليوم صح؟
ليتني العيد وتفرح بي يوم أجيك:
ايه اليوم .. وزين الحمد لله
جـــــــرحــــــــي نــــــســـــــانــــي الـــســــــمــــــــاح:
وانت شخبارك؟
ليتني العيد وتفرح بي يوم أجيك:
عايش الحمد لله
((وريف: اوووووووف هذا ليش يتكلم كذا.. والله ما كان بهالوقاحه وش غيره؟؟))
جـــــــرحــــــــي نــــــســـــــانــــي الـــســــــمــــــــاح:
ممكن اعرف متى اختبارك الثاني؟؟
ليتني العيد وتفرح بي يوم أجيك:
بأي صفه ؟؟
جـــــــرحــــــــي نــــــســـــــانــــي الـــســــــمــــــــاح:
اعتبرني اختك
ليتني العيد وتفرح بي يوم أجيك:
والله انا خواتي مكفيني..... عموما إختباري بعد ثلاث ايام
((وريف: انا الغبيه اللي معطيته وجه))
جـــــــرحــــــــي نــــــســـــــانــــي الـــســــــمــــــــاح:
عن أذنك

وقبل يرد عليها صكته بلوك على طول .. وربي انه ينرفزززز
عبدالعزيز: يارب ارحمني من هالشعور اللي بيذبحني.. يارب انها ما تكون انتبهت اني قصدتها بالنك.. يعني هي ماسوت لي ديليت.. يعني اللحين تشوفني وتشوف نكي.. هين ياوريف.. وربي ما اكون عبدالعزيز اذا ماخليتك تهلوسين
بخليك تحسين اني احبك بس تصرفاتي اكرهك
غيّر نكه على طول
((للحين أحبها ولاني قادر أنساها))
وكتب رسالته الشخصيه
((حــــظ عيني لو تشوفك كل يوم))
وريف.. بعد ماصكته بلوك .. غبي.. وربي غبي.. ليش يسوي لي كذا .. انا عندي أحاسيس ومشاعر ليش يقعد يجرحني ويهينني..
فتحت صندوق الصادر بالمنتدى وقرت آخر رساله ارسلتها له.. وش هالكلمات.. من جد كان الغباء معميني ونسيت إن هذا رجال مايرضى بهالكلام..
طيب هو نرفزني خلاني اقول له هالحكي..
بس ولو عيب اللي انا سويته..
الولد لو مايحبني مابيضيع مستقبله عشاني..
اسمه عبدالعزيز .. كشخه هههههههههههه
طيب لو كانو كذابين ولا فيه سفره لبريطانيا ولا شي .. والله الظاهر انهم متبطحين بشوارع النسيم((النسيم حي متواضع بالرياض))
والله مدري.. انا مدري ليش ذابحه نفسي بالتفكير عشانه مالت عليه
رجعت وريف من تفكيرها للواقع تبي تقفل الماسنجر شافت نكه الجديد ..
قبل شوي كان نكه عن العيد.. وهو معايدني بعيدي قبل كم يوم.. معقول يقصدني؟؟؟ واللحين للحين احبها..
بس لو كان يقصدني .. اقل شي يتكلم معي زين..
الظاهر الرجال يحب وحده ثانيه .. ولا ليش يقول حظ عيني لو تشوفك كل يوم .. اكيد وحده من هالشقر اللي عنده..
يووووووووووه خلني اقوم احسن لي
طلعت وريف من غرفتها سمعت اصوات تحت .. مو معقول
هالصوت مو غريب ....
بنات عمي معقول!!!!!!
وقبل تكمل تفكيرها شافت الجيش طالع مع الدرج وقدامهم شادن تدلهم على غرفة وريف
وريف صرخت من الوناسه وراحت ركض لبنات اعمامها
وريف: والله أحلى مفاجئه
وتين: هذي فكرة لميس
وريف: فديت قلبك ياراعية الدبابيس
البنات: ههههههههههههههههههههههههههههههههههههههههه
وريف: من جاء معكم؟؟
لميس: تعرفين ان الاتحاد قوه
لمياء: واللهال أقوى
البنات: هههههههههههههههههههههههههههه
لميس : وجع لاتقاطعين ... تعرفين الاتحاد قوه ومانقدر نترك بعضنا فقررنا ان الجيش يجي مكتمل الصفوف
شادن كانت تناظر بعلاقتهم وتضحك .. ماشاء الله شلون ماعرفوها الا من فتره بسيطه وصارو معها كذا
وريف: قلبي انتي .. تنورون
إنفتح باب غرفة ام زياد.. وريف حست انها اختنقت... شادن عرفت ان فيه مصيبه جايه..
طلعت ام زياد .. ناظرت باللي واقفين كانو حول العشر .. عرفت انهم صديقات وريف .. لأنها شافتهم معها .. بس ما انتبهت لشادن
صارت تطالع بالبنات من فوق لتحت
ام زياد: انتي ياللي ماتربيتي
وريف تمنت الارض تنشق وتبلعها .. وش هالموقف اللي بصير فيه
ام زياد تصرخ: وش فيك انقطع لسانك؟؟ ورا ما تردين
وريف بدون نفس: خييييييييييير
ام زياد تبتسم بسخريه: لا والله؟؟؟ اشوف لسانك طال.. بس موو مشكله اعرف اربيك انا بعدين .. بس بغيت أٍسألك((وتناظر في البنات)) دفعة الخدامات الجديده وصلت؟؟
كانت تقصد بنات اعمامها انهم خدامات..

وش تتوقعون الأحداث عقب هالموقف من ام زياد ؟؟

وريف : بتسكت ؟؟ وهي لاويه ذراعها إنها شالتهم من الشارع ؟؟
شادن : بتدافع عنهم والعدو أمهااا ؟؟
بنات عم وريف : بيسوون شي أو بينسحبون من المكان ؟؟
ام زياد : بتستحي على وجهها وبتخاف منهم او انها بتستمر بحقارتهااا؟

ردة فعلكم لا هنتووو ..

وعلى فكره نقطه نسيت أنبه عليها ان الخواطر بين وريف و عزوز انا مسويتها يعني مو منقوله ^_^