شبكة همس الشوق - عرض مشاركة واحدة - رواية فهد و نوره رواية رومنسية سعودية كاملة

19 - 12 - 2014, 11:34 PM

نوره تصرف : مالقيت الجوال وقعدت ادوره ادوره عاد بالاخير لقيته تحت قبعه فهد ……صواريخ

ام فهد : ليه فهد نايم ؟؟!

نوره تصرف : ايه

ام فهد:ماشاء الله امداه......................الا ينوره وش اخبار ام ماجد من عقب العزا قبل سنتين ماشفتها

نوره : والله طيبه ماعندها خلاف

ام فهد: ونجود وش علومها

نوره : الحمدلله

ام فهد: هذي نجود كان يحبها ابو فهد خاصه انه هو اللي مسميها

نوره بستقراب : صحيح !!!!!!!

ام فهد : أي والله

سكتو شوي.........................

نوره : متى بتعتمرون ياخاله؟

ام فهد: والله يمكن الساعه ثلاث (الفجر ) عسى الزحمه تخف

نوره : تقبل الله مقدما

ام فهد تضحك: منا ومنكم

وراحت سواليف ويدق الجوال وتناظر نوره والا رقم مب غريب وردت والاهي اختها

نجود : هيه ترانا تحت في الفندق

نوره: حمدلله على السلامه انا الحين بنزلكم

نجود : اوكي انا بنتظرك عند المصعد

نوره : يالله الحين انا جايه باي

ام فهد : اجل بتروحين

نوره : ايه ... مادري وشلون اش*** ياخاله

ام فهد : وشدعوى ولو يانوره حنا اهل عاد لاتقاطعين حنا قاعدين هنا اسبوع انشالله تعالي لنا بين يوم والثاني

نوره : ان شاء الله طيب معليه ياخاله اجي اخذ نواف بكره اذا رحتو تصلون التراويح

ام فهد :ولاتجين فهد يجيبه لك بس كلمينا ترانا مانصدق نفتك منه – ضحكه جماعيه –ههههههههههه

دخلت نوره بتاخذ عبايتهامن الغرفه اللي نايم فيها فهد وهي قاعده تلبس عبايتها قام فهد وقعد وقال: خلينا نشوفك

نوره : وش قصتك انت

ضحك فهد ورجع نام وطلعت نوره من الغرفه وسلمت على ام فهد ونزلت تحت ولقت اهلها وطبعا اخذت تهزيئه من امها ومن ماجد وماتركوها كل دقيقه والثانيه يقولون لو انهم ناس ماعندهم ذمه وليه رحت معهم و...حلوه و

نوره على طول اخذت شنطتها وجوالها وراحت انسدحت على سريرها تفكر بهاليوم اللي كان عليها اطول من وشو ماتدري هو يوم سعيد عشانها شافت فهد وامه والا عشان كلام فهد والا انه يوم شين لانها ضاعت وانحاست وانغثت اول الوقت والتهزيئات المحترمه اللي اخذتها من اهلها ... فتحت جوالها وقعد ت تقرا مسج فهد ماعطت نفسها مجال للتفكير فهد لانها حاطه في بالها انها في مكان له احترام وان اخلاقها وتربيتها ماعودتها على فعل هالاشياءوالخ جديده والخ
توقعاتكم وش بيصير بين فهد ونوره