شبكة همس الشوق - عرض مشاركة واحدة

22 - 12 - 2014, 12:44 PM

>>>>>الجزء الرابع<<<<<<<<

في حي القصور في هذاك القصر الفخم في غرفه من غرف الدور الثاني كانت الغرفه باااارده من التكيف وهدووء يخلي شخص يدخلها ينام ,كانت نائمه في سريرها الابيض وفيه عواميد خشب معلق فيها ستاره بيضاء خفيفه كانت غرفتها كلها لونهاابيض والشي الوحيد إلي يدخل فيها هو الخشب الي في الاثاث وشوي من اللون الاخضر الفاتح(التفاحي),الي يدخل غرفتها يحس كانه داخل حديقه لانه يحس بالهدوء والراحه والنظافه يمكن لان الغالب عليها للون الابيض ,يمكن تستغربون ليه بنت وتحب للون الابيض لان بكل بساطه شوق كانت مغروره لدرجة انها تبغى تكون مميزه بكل شي عشان لما احد يسالها عن اللون الي تحبه وتقول الابيض واكيد راح يستغرب ويحس انها مميزه وهاذا الي يرضي غرورها.....

دق جوالها الي كان نوعه نوكيا (N76)احمر باغنية مساري(Rael love)الي كانت مشاعل تموت عليه من تحت البطانيه البيضاء الي شكلها تحوي بالدفا وتجذب اي شخص للنوم تحتها حركت شوق عيونها بضيق من صوت النغمه لانها كانت غرقااانه بالنوم مدت يدها من تحت البطانيه الين وصلت للطاوله مسكت الجوال........

شوق(بصوت كله نوووم وهي مغمضه عيونها):الو
مشاعل(بطريقه كلامها السريعه كالعاده):Good morning
شوق:هاي ميشو ,صاير شي؟
مشاعل:Why?ما تبين ادق الا اذا صاير شي
شوق(تنرفزت من اسلوبها البارد):ميشو ولله مالي خلق فيني نووم,انطقي شعندك؟
مشاعل:هههههه,طيب اعصابك انا وهدوول بنروح نفطر تبين تجين معنا؟
شوق:الحين؟
مشاعل:لااا بكره(بكل استخفاف)
شوق(عرفت انها تتطنز من طريقة كلامها):اقووول تكلمي عدل
مشاعل:مدرى عنك داقه عليك واقولك بنطلع اكيد الحين
شوق:طيب لا يكثر,وين بتروحون؟
مشاعل:بتي فرانس,تبين نمر عليك؟
شوق:لا,انتوا رحوا وانا بجي بعد شوي
مشاعل:بعد شوي مو بعد ساعه , نفطر ونخلص وانتي تو تجين
شوق:خلاص قلت لا يكثر ربع ساعه وانا عندك ,باي