أنتظر جيتك وشوفتك بثواني
ليه ولعتني دامك نويت الرحيل ؟ سامح الله خلنٌ في المحبه اناني
وحسبي الله على قلبك ونعم الوكيل
كم طلبت الزمن في شوفتك ماعطاني
وانا من اجل شوفك اصنع المستحيل
القدر ياحبيبي في شباكك رماني
ياشحيح المشاعر ماخبرتك بخيل
كيف تترك حبيبك حط نفسك مكاني
قبل تحكم على قلبي بيليا دلـــــليل
كان قلبك هوى غيري وله جو ثاني
يشهد الله غيرك مارضينا بـــديل
كيف بعد الغلا والحب خلي نساني
وحبنا في زمان العشق ماله مثيل
فوق هجرك حبيبي مارحمني زماني
والله اني معك في الحب حظي قليل
كم قصيده على شانك تشل المعاني
اسرد الشعر من نضمي وصدري عليل
اعرف اني بحبك كــود ربي بلاني
والطلب الله يهديني سواء السبيل