شبكة همس الشوق - عرض مشاركة واحدة

26 - 12 - 2014, 03:40 PM

طلع ناصر من القصر مستعجل ومتجاهل اسئلة امه واخته عن سبب روحته للرياض فجاءه وهو ما عنده احد هناك ولا شغل...

رغد(مستغربه):ماما ناصر شفيه؟
ام ناصر:مدرى عنه,ماعليك قومي خلينا نشوف اغرضنا كامله ولا لا
رغد:متى بنروح؟
ام ناصر(وهي تدفها لجهة الاصنصير):بكره الساعه 6 المغرب
رغد:وبابا بيكون هناك؟
ام ناصر:ايه حبيبتي هو قالي بنشوفه هناك
رغد:تدرين مع انه مو اول مره نروح ايطاليا بس هالمره غير
ام ناصر:ليه؟
رغد(ببراءه):لان بابا هناك مشتاااقه له مووت
ام ناصر:كلنا اشتقنا له
رغد:كان ودي اروح مع شوق
ام ناصر:كان قلتي لها اكيد بتوديك
رغد:لا خلاص انا ابي اروح معاك احسن
ام ناصر(وهي تبوسها على خدها):فديت رغوده انا محد حنون على من خوانك كثرك
رغد(لان محد فيهم حاس بالنقص كثري):اكتفت بانها تبتسم لها.....

*************************

اسبانيا_مدريد

وصلوا لفندق الhotel puerta merica . كان فندق فخم وخياااال....

سلطان:هيا تفضلوا ايها القادمون من السفر
شوق:هههههه مصدق نفسك حسبالك الفندق حقك تعزمنا عليه
سلطان:افاا وانا الي حاجر لكم احلى طابق بالفندق
هديل:ليه الطوابق مختلفه؟
سلطان:ايه هذا الفندق فيه 13 طابق كل طابق سواها مصمم ديكور مختلف وكل واحد احلى واغرب من الثاني
مشاعل:واحنا في أي طابق؟
سلطان(ببتسامه جذابه):ادخلى وشوفيه بنفسك

دخلوا عند الاستقبال واخذوا مفاتيح الغرف اطلعوا بالاصنصير لين وصلوا الطابق الي بيسكنون فيه...
كانوا بالدور الخامس اول ما دخلوا الدور تفاجاوا فيه كان فخم وغريب ...

مشاعل:وااااو شكله غريب
سلطان:والادوار الثانيه اغرب من هذا بكثير بس خفت اوديكم ويصير فيكم شي
شوق:ههههه اقول عمي لا يكثر
سلطان:انا توقللي لا يكثر صدق المثل الي قال علمناهم على الطراره سبقونا على البيبان
شوق:انا طراره معليش هالمره سماح لاني تعبانه عطني مفتاح الغرفه
سلطان(وهو يعطيها المفتاح):تفضلي,انتوا الحين ارتاحوا وبعد ساعتين بيجي لكم
مشاعل:نعـــم ساعتين اقعد اقابل الغرفه لا انا ابي اطلع
راشد:انا استاذنكم بحط اغراضي وبروح عند اصدقائي
مشاعل(بصراخ):نعم ما قلتلي انك بتروح
راشد(وهو كاتم ضحكته لان صوت مشاعل كان عالي):طيب ماله داعي الصراخ ميشو نتكلم بهدوؤء
هديل:اجل احنا بنروح الغرفه وانتي تفاهمي معه

وقبل لا تروح هديل اشرت لراشد بحركه كانها تقوله الله يعينك عليها وراشد ضحك عليها…

مشاعل:انت مع مين تضحك؟
راشد:ها..لا ابد تذكرت شي يضحك

راحوا البنات مع سلطان وكل واحد دخل غرفته…