شبكة همس الشوق - عرض مشاركة واحدة

26 - 12 - 2014, 08:47 PM

انتبهت هديل لورقه طاحت منه شالتها كانت رسمه لنفوره في ساحة اسبانيا كانت الرسمه روعه وكان الي راسمها فنان مو رسام عادي انتبهت لجوالها الي دق مره ثانيه وكان فيصل...

هديل:هلا حبيبي
فيصل(بلهفه):هلا قلبي مشتاق لك مووت
هديل:وانا اكثر والله متى تخلص شغلك وتجي؟
فيصل:والله ودي اليوم قبل بكره بس ابوي معطيني اوراق صفقه ولازم نربحها
هديل:افف طيب قولي تاكل زين وتنام زين ولا ؟
فيصل(شاف خوف هديل عليه وحب يدلع):يعني اذا فيه وقت اكلت شي خفيف والنوم في المكتب على الكنبه وكل يوم اقوم وظهري يعورني
هديل(عورها قلبها عليه):ياعمري عليك ما ينفع كذا لازم تاكل زين وليش تنام بالمكتب نام بالبيت
فيصل:الشغل حياتي ما عندي وقت
هديل:العمر يخلص والشغل ما يخلص اهم شي صحتك
فيصل:اجل اذا جاني شي من ابوي ترى بحط الحره فيك
هديل:ههههه مو مشكله كل شي منك حلو
فيصل:والله انتي الاحلى قولي في احد ضايقك واو تحرش فيك
هديل:ها...لا ابد السفره للحين حلوه
فيصل:كويس بس اذا صار شي قوللي مو تسكتين
هديل:اكيد انا مالي احد غيرك طيب حبيبي انا اخليك الحين
فيصل:لا عمري ابي اسولف معك شوي
هديل:لما ارجع الفندق بدق عليك الحين بتاخر عليهم وبعدين واقفه اكلمك بالشارع مو عدله
فيصل:خلاص اذا كذا اوكي سلميلي عليهم وانتبهي على نفسك اوكي قلبي
هديل: وانت بعد حبيبي انتبه على نفسك وانا بدق عليك كل يوم عشان اتاكد انك تاكل وتنام زين
فيصل:يالله متى بس يجي اليوم الي تهتمين فيه فيني من غير تلفونات

هديل احمرت خدودها وسكتت...

فيصل:فديت الي يستحون انا
هديل:اقول انا بروح يلا باي
فيصل:بس اذا انحرجتي تتهربين على طول
هديل:باي حبيبي

دخلت هديل للمطعم وجلست معاهم...

مشاعل:ليش وجهك احمر مين كلمتي(وهي تغمز لها)\
هديل(وهي منحرجه):لا كنت اكلم ماما وبعدين وجهي مو احمر
شوق:ماما يالكذابه ووجهك احمر كانك طماطه
هديل:شوق خلاص عــــاد
سلطان:ما عليك منهم غيرانين لانك احلى منهم لا والحين مستحيه وخدود حمر طالعه قمر

هديل هنا خلاص ذابت من الحياء وجها من جد صار طماطم...

شوق:هههههه عمي احرجت البنت مسكينه
سلطان:خلاص ما راح احرجها شرايكم نطلع
مشاعل:بس لانروح الفندق نروح نتمشى

طلعوا من المطعم وراحوا لساحة اسبانيا وتمشوا هناك وصورا عند التمثال والبحيره...

وبعد الساعه 1ونص رجعوا للفندق....