شبكة همس الشوق - عرض مشاركة واحدة

27 - 12 - 2014, 04:44 PM

رجع فيصل للقصر وهو شايل هموم الدنيا على راسه الشي الوحيد في الدنيا الي كان واثق انه عمره مايتغر او يخونه هو هديل مو قادر يستوعب الي شافه معقوله هديل اذا هديل خانتني اجل اثق في مين بس شكلها صادقه صوت بكها لما دقت على احس من قلبها وكأن للحظه عرفت هديل الاوليه بس لا فيصل كرامتك فوق كل شي انت ما تسمح لاحد ان يعتبرك مغفل وبعدين تحس انك مخدوع ما اقول الا....حتى قلبي ما يطاوعني ادعي عليها...

ام فيصل كانت بالصاله شافت فيصل واقف عند الباب وشكله مهموم...

ام فيصل(بكل حنان الام):فيصل حبيبي ليش راجع مبكر من الشغل صاير شي ابوك فيه شي لا سمح الله؟
فيصل ما كان يسمع كلام امه كل شي قدامه يشوفه هديل وما يسمع الا صوتها طالع فيها ببرود ومشى طالع على الدرج...
ام فيصل(باستغراب):يمه فيصل انا اكلمك فيك شي؟
فيصل(بتعب):لا يمه بس ما عندنا شي بالشغل قلت ارجع البيت ارتاح
ام فيصل:زين سويت تعال بكلمك بسالفه

فيصل ما كان له نفس يسمع شي ولا يتكلم مع احد بس مهما كان هذى امه يحبها ويغليها اكيد وما وده يكسر بخاطرها راح عندها وحب راسها وجلس جمبها....

ام فيصل:الله يرضى عليك يا وليدي دنيا واخره مثل ما ترضيني
فيصل:الله يا يمه هذا احلى شي سمعته طول اليوم
ام فيصل:اسمع عاد لا تقص على بالكلام هذا موضوع زواجك خلاص اتفقنا عليه وانا مقرره اروح بكره انا وعمتك ونخطبها رسمي
فيصل(حس بطنعه بقلبه كان ممكن هاليوم ينكتب اسعد ايام عمره بس انتي يا هديل الي خربتي كل شي الله يسامحك):خلاص يمه صرفي نظر عن الموضوع
ام فيصل:وليه انت كنت موافق على الخطبه؟
فيصل:أي يمه انا موافق بس(خنقته العبره لا كنه كابر على نفسه):انا ما ابي هديل دوريلي وحده غيرها
ام فيصل:بس انت ما شفت البنت اخلاق وجمال وتربيه وبنت اصل وفصل وتناسبنا
فيصل:يمه اذا تبيني اتزوج دوري وحده غيرها
ام فيصل:خلاص خلاص مثل ما تحب مع ان كان ودي اخطبلك هديل بس يلا البنات غيرها كثير

قام فيصل من عند امه وهو يجر رجوله جر يدرى عمره ما يكون سعيد الا مع هديل ولو تزوج وحده ثانيه بيظلم نفسه وبيظلم بنت الناس معه بس كرامته وعزة نفسه فوق كل شي مستعد يدوس على قلبه ولا انه يعيش مخدوع بانسانه كان يعتبرها روحه وعمره كله...

خيانه وانتهت اخر ليالي سوالف عشقي المجنون
في ليله حلمي الوردي تحطم في نهايتها
في ذيك الليله كان اهون على احيا بدون عيون
ولا اشوف الي شفته من حبيبة قلبي ساعتها

بعيني شفتها وياه تضحك له وهو مفتون
سعادتها في قربه تشبه في قربي سعادتها
بعيني شفتها ما هو حكي واشي وخيال بنون
بعيني ليت عيني عمرها ما يوم حبتها

وقفت لسانها حيالي يقول ليه ومن متى وشلون
عسى القلبي سبب واحد يبررلي خيانتها
انا ما كان عندي شك ولو واحد من المليون
في صدق الي تقوله عن غلاي و عن محبتها

خيانتها