شبكة همس الشوق - عرض مشاركة واحدة

27 - 12 - 2014, 05:45 PM

ام ناصر:المستشفى خير شصار؟
شوق(وهي تتذكر كل الي مرت فيه اليوم):هديل طاحت علينا وودينها المستشفى وطلع عندها(صاحت)سرطان بالدم
ام ناصر(راحت عند بنتها وحضنتها):لا حول ولا قوة الا بالله الله يعين امها
شوق:ايه ماما تكفين ادعي لامها مره نفسيتها تعبانه
ام ناصر:اكيد حبيبتي هذا ضنى وما يعرف قيمة الضنى الا الي عنده
شوق:لو تشوفني حالتها بعد ما عرفت بالمرض تكسر الخاطر
ام ناصر:الله يشفيها انشاء لله روحي انتي نامي وارتاحي وبكره الصبح اروح معاك على المستشفى
شوق:طيب تصبحين على خير
ام ناصر:وانتي من اهله

طلعت شوق لفوق بالاصنصير وهي تحس بتعب جسمها كله متكسر وراسها يعورها صورة هديل للحين ببالها بكها شكلها وصوتها الله يعينها ويشفيها يارب...

شافت غرفة ناصر مفتوحه واستغربت لان الوقت متاخر وهو بالعاده ما يسهر قربت عند الغرفه وسمعت ناصر يكلم بالجوال ....

ناصر:تو صلون بالسلامه انشاء لله اول ما تقلع الطياره من سويسرا دق على عشان استقبلك بالمطار

شوق بس سمعت سويسرا دار راسها يعني فهد بيرجع وبترجع معه المشاكل ,دخلت الغرفه من غير ما تحس تبي تسمع باقي الكلام....

ناصر:هلا شوق اخيرا وصلتي
فهد:شوق عندك؟
ناصر:ايه هذيه قدامي توها واصله
فهد:ليه هي وين كانت؟
ناصر:مدرى عنها بس تحت اكيد سالتها
فهد(صبري على ياشوق خليني اوصل السعوديه واعلمك شلون ترجعين نصايف الليل):طيب سلم عليها (بخبث)ولا تنسى تقول لاهلك بنجي بكره
ناصر:اكيد شلون انسى,شوق فهد يسلم عليك
شوق مو قادره تصدق انه بيوصل ما تبي تشوفه هي من الحين خايفه شلون لما يجي....
فهد:شفيها ساكته ولا متفاجاه؟
ناصر:والله مدرى اكلمها وهي ساكته تطالع فيني
فهد:مو مشكله يمكن تفكر بشي عموما تصبح على خير اشوفك بكره
ناصر:انشاء لله وانت من اهله مع السلامه

سكرناصر من فهد والتفت على شوق الي تطالعه وكانها مصدومه.....

ناصر:شوق شفيك من مساع اكلمك وانتي ساكته
شوق:ها...لا بس كنت افكر بصدقتي
ناصر:صح انتي ليه تاخرتي؟
شوق:صديقتي تعبت وراحت للمستشفى وطول الوقت كنت معها
ناصر:الله يشفيها
شوق(بارتباك):اقول ناصر انت كنت تكلم فهد؟
ناصر:يعني تستهبلين سمعتيني اقول فهد يسلم عليك
شوق:وبيجون بكره؟
ناصر:ايه وانا بروح استقبلهم بالمطار
شوق:طيب تصبح على خير
ناصر:وانتي من اهله

راحت شوق لغرفتها وهي تحس بالخوف من فهد والمشاكل الي بيجيبها برجعته وما تدرى ليه قلبها مقبوض طول عمرها تخاف من سيرة فهد بس هالمره تحس انه بيسوي لها مصيبه مو مشكله بسيطه الله يستر...

بدلت ملابسها وتوها بتدق على عبدالعزيز الا دق عليها ردت وهي تبتسم...