شبكة همس الشوق - عرض مشاركة واحدة

27 - 12 - 2014, 06:34 PM

شوق لفت على الطاوله وخذت نفس طويل ترتاح كملت العصير وصبته بالكوب...
مشت لعند الطاوله بهدووء حطت العصير على طرف الطاوله وتوها بتمشى الا فهد يناديها....

فهد:على وين؟
شوق:رايحه للغرفه يعني وين بروح

فهد طالع فيها من فوق لتحت وقعد يشرب العصير ببرود...
شوق طالعت فيه بقرف ومشت عنه لفوق وهي تركض بالدرج....
دخلت للجناح وافتحت الغرفه لقت رحاب جالسه على الكنبه وتكلم بالجوال....

شوق:سكري بسرعه بكلمك
رحاب:خير شفيك؟
شوق:اقولك سكري
رحاب:طيب,ناصر انا بسكر الحين اوكي.......بعدين مو الحين......ناصر خلاص.....هههههه ناصر باي

سكرت رحاب منه والتفت على شوق الي كانت معصبه.....

شوق:كان ما سكرت احسن؟
رحاب:ههههه شسوي باخوك والله بغيت انزل اشوفك لانك طولتي بس هو.....
شوق:خلاص لا يكثر
رحاب:شفيك معصبه بعدين وين العصير؟
شوق:خلك من العصير واسمعني عدل بكره من الصبح نطلع نفطر وما نرجع الا بالليل طيب
رحاب:ليه؟
شوق:بس انا من زمان ما جيت الرياض وابي اشوفها
رحاب:مو من كثر الاماكن
شوق:كثير عاد ولا قليله بكره نطلع من الصبح فاهمه
رحاب:طيب ليش نفطر بالبيت وبعدين نطلع

شوق راحت للسرير وغطت نفسها.....

شوق(من تحت البطانيه):بكره اقولك ليه
رحاب:اوكي تصبحين على خير

اول ما طلعت رحاب من الغرفه مسكت شوق الجوال ودقت على عبدالعزيز .....

عبدالعزيز: هلا وغلا
شوق(اول ما سمعت صوته حست براحه فظيعه):هلا حبيبي
عبدالعزيز:باركيلي وصلت الرياض
شوق:والله الحمد الله على السلامه يالله يا عبدالعزيز محتاجه لك باللحظه هذى اكثرمما تتصور
عبدالعزيز(بخوف):ليه عمري صاير شي؟
شوق:لا عادي بس مشتاقه لك
عبدالعزيز:اجل ما عندك حجه بكره لازم اشوفك
شوق:هههه خلاص بكره بطلع مع بنت خالتي يمكن نروح للفيصليه بخليها وانت مر على ونروح أي مكان
عبدالعزيز:تقعد لوحدها؟
شوق:لا اكيد بتدق على صديقاتها وبتقولها
عبدالعزيز:اوكي
شوق:شوف عاد انا صار لي سنتين ما جيت الرياض يعني ما اعرف شي ابيك تدوديني على ذوقك
عبدالعزيز:تامرين امر احلى وافخم مكان بالر ياض تروح له شوق
شوق:هههههه

طول المكالمه شوق كانت تصيح بصمت من دون ما يسمعها عبدالعزيز كانت تبي تشتكيله من فهد وتبين خوفها منه لاكن مستحيل تقول حبست الي بداخلها لنفسها واحيان كثيره الكبت يكون خطير....

****************************