شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

31 - 12 - 2014, 01:15 PM

الزمن يركض وييسحبنا معه نعيش الايام حلوه وايام مره رضيناولاابينا بتمشي وتسحب من اعمارنا من ايامنا وليالينا وترسم لنا ذكريات نمشي ونتركها ورانا وتخطط لنا مستقبل نمشي وعيوننا عليه
بعد مارجعت من السوق مع اختها بدت تجهيزات زواجها
دخلت غرفتها مهدود حيلها على طول نزلت عباتها ورتبت الاغرض الي شرتها للعيد وتسبحت تمددت على السرير
دخل عليها الغرفه ابتسمت لدخلتها الي تحبها وهي على وضعها رفعت بس ظهرها جلس جنبها ومعه كيس صغير
..كل عام وانتي بخير
..وانت بخير
..ليش متمده بالعاده بقمةنشاطك
..بهذلتني سويره بـ هالاسواق
..هذي اختك ولازام توقفين معها
..واقفه معها موبكيفي كل يوم ساحبتني لمجمع
..لاتتذمرين يانوف ترى الاخوان نعمه مايحس بقيمتها الا المحروم منها
..الحمدلله الله يخلي لي اخواني << وابتسمت <<ويخليك لي
..طيب علشان دعوتك الحلوه غمضي عيونك
..ليش مع اني عارفه
..ههههههههه دام انك عارفه ليش تسئلين
..استهبل
..طيب يالله غمضي عيونك<<غمضت وحست بيديه تلتف على رقبتها
..الحين فتحي
افتحت عيونها وقعدت تتامل الي لبسها كان عباره عن سلسال من الذهب الابيض يحمل حرف الــ nبفصوص ناعمه كان بريقه يلفت الانتباه
..وووووووا مشكورر حبيبي <<ابتسمت >>بس هذا اول حرف من اسمي ولا اول حرف من اسمك
..لالا هذا اول حرف من اسمي العيد الجاي بشتري لك اول حرف من اسمك
................................................
اشرقت الشمس عن يوم جديد ورغم ان الكثير مانام وهذا شي صار مثل العاده ال اتخذها الناس بالعيد
تجهزت ولبست فتحت شباك غرفتها وسحبت كمية هوا كان شعرها الناعم يتحرك مع النسمات الي غزت المكان وادخلت عليه بروده تركت ناصر يكمل لبسه ونزلت لخالتها وعايدتها وصارت تستعد لاستقبال الضيوف بما ان ابو ناصر اكبر اخوانه بيته يكون المكان الي يجتمعون فيه صارت تروح وترجع بالبيت تشرف على الشغل قدرت تخلق جو حلو كسرت الهدوء الي يسكنه صار مليان حياه دخلت عليه البهجه
امتلى البيت بريحة البخوروالعطور والقهوه تحسسك بطعم ولون وريحة العيد اصبح عيد بالوان زاهيه دخلت للمطبخ ورجعت بصينية القهوه والشغاله تتبعها بالحلا نزل ناصر مستعجل قرب لامه وحب راسها
..عيدك مبارك ياوليدي الله يبلغني يوم اشوف عيالك
ان شالله يمه>> التفت لنوف الي واقفه والمبخر بيدها ..ماتبين اوديك لاهلك
..لا ماقدر اخلى خالتي تحتاس بالزحمه بروح بعدين
..الله يرضى عليك <<مشت له والبخور بيدها حتى تبخره نزل شماغه وتبخر وطلع بسرعه
امتلى البيت بالمعايدين وهي تدور بالبيت افتقدت هدى الي توقعت انها تكون اول من يجي وكانت تستعد لمواجهتها
.................................................. ....
..ياخي انت كل يوم راز وجك وجاي
..انا جاي اخذ زوجتي انت وش ملقفك
..انت بس خذها وفكنا بدال مانت كل مزعجنا تبي تشوفها
..زين زين بس استعجلها بروح عمي ابونايف ونايف الحين بيجون وابوي لحاله
..انا بعد بلحقك بسلم على عمي
..الحين تطردني من بيتك وترح لبيتنا
..اقول انا اقوم انادي لك زوجتك
.............................................
في زماني ماشوف غير طعنات والظروف
اللي كان في يوم جنبي ابتعد عني بخوف
العصر
وقفت سيارته عند باب بيت ابو سلمان معه ابوه ومها نزل من سيارته وشاف سياره ثانيه وقفت عند نفس البيت عرف الي يسوقها وعرف الي كانت معه هذا ناصر وهذي نوف ماحس بنفسه ان رجليه وقفت بمكانها ناصر انتبه لحركته ولصمت لنوف الي تباطئت خطوتها
اسرع نايف بعد مانببه ابوه
نوف ..ماراح تنزل؟؟
..لا بسلم عليهم اذا جيت اخذك >>وحرك السياره بسرعه
دخلت مع مها وسلمت عليها وكملوا طريقهم لداخل البيت لساره الي تتنتظرهم بفارغ الصبر
اكتمل العدد بعد ماجت نوره
..الخايس نواف مارضى يوصلني يقول بروح لحالي اذا خفت الزحمه
..احترمي نفسك عيب تتكلمين على اخوك الكبير
..استغفر الله يعني يوم مابي احترم ماحترم الانوافوه
فتحت عيونها وعظت شفتها ..مهيو هذا اخوك
..انتي قلتي اخوي يعني مالك دخل
نوف ..اسمعي من يتكلم انتي شتسوين بسلمان مطلعه عيونه
..انتي مالك دخل قولي خير ولاسكتي
نوره ..دايما كلمة الحق تزعل
..اشوف كن كل الخوات اتحدن على
..مها انتي الي بديتي زعلانه عشان تكلمنا عن زوج المستقبل
..ايه مارضى عليه
..وينك يانوافوه تسمع وتشوف زوجتك >>سكتت وبجديه <<..متى اشوف زوجة نايف تدافع عنه
حست نوف بغصه ماتدري وش سببها مع انه من تزوجت اعتبرته ذكرى اليمه <<لكن دايما مشاعرنا تكون اقوى منا
..الله يرزقه ببنت الحلال >>ناظرت لها ساره عارفه زين بالي في قلبها
.................................................. ...........
ناس همهم يسعدوونك......
...وناس.همهم كيف تقدر تبكيك
..غريبه ظنيتك تروحين لبيت خالتك تشوفين حبيب القلب
..لا اليوم مارحت بيتهم زحمه قلت بكره مع ان امي كانت بتروح اليوم لكن بالغصب اقنعتها
..وانتي وش عليك من الزحمه
..ابي اتفرغ له وبكره بضرب ضربتي وادفعه ثمن الكف الي جاني بسببها واحرق قلوبهم واتفرج عليهم
..وش بتسوين ؟؟
..خلي الكلام لين اسوي الي في بالي واقوللك وصدقيني كلمتى راح تكون هي الاخيره
وش كانت تفكر فيه ؟؟ وهل هالمره تصيب رميتها ؟؟ونوف وش موقفها ؟
.................................................. .........
رجع اخذها بعد ماتفرق الجميع في وقت مبكر من الليل لان الناس سهرانه وتعبانه
من رجعو للبيت نامو امنين ينتظرون بكره وش يخبي لهم
.................................................. ...............
اتــــعـــبـــتــنــي يالـــقــلـب بالحــــيل بالـــــــحـيل
وعـــــزفــتــنــي عـــن كـــــل غـــــالي وغـــــــالي
بعد ماخفت زحمة الناس اتصل على نايف يجي يجلس مع مها وهو يروح لساره
..وانت ليش ماتجلس عندها
مسك ياقة ثوب وابتسم ..انا رجال متزوج بروح اسير على زوجتي سوالف انت ماتعرفها
..لا والله وانت تروح تستانس وانا اجلس لك بالبيت
..افا وانا اخوك بكره ان شالله اردها لك
حرك يده بياس وتنهد ..امرنا لله وش نسوي لازام ندلعك
..تسلم والله انا عارف اني ماهون عليك بس تكفى تعال بسرعه
..جاي جاي انت تجهز لين اجي
تجهز نواف وطلع من عندهم بعد مارجع نايف للبيت
..............................................
عند نواف وساره
..ماقلتي لي وش اخبارك مع الدراسه
..بصراحه اداوم يوم واغيب ثلاث مالي خلق عليها
..المفروض السنه هذي بالذات تشدين حيلك صعب تتراجعين فيها
..مدري بس مافيه شي يحمس للدراسه اول يوم كنت اشوف نوف تذاكر اتحمس احيانا واذاكر لكن الحين اصعب شي علي امسك كتاب واذاكر ..يعني بتسوين زيي وتدقرين في الثانويه
..الظاهركذا العين ماتعلى على الحاجب
..ياسلام وحده فاشله تزوجت واحد فاشل وشلون بيطلعون عياله
..مايبي لها كلام اكيد فاشلين
.................................
ياحزين القلب هونها وتــهون
ــــــــــ خــل باكـر يــفرجهـ رب كريم
سرح بمنظرها اليوم وشون كانت قدامي ولافكرت فيها ويوم فكرت فيها تزوجت ابتسم صدق الحظ يسوي كل شي
شوفة نوف حركت شي داخله ومع ان نايف انسان يحترم الناس ويحترم نفسه بس برغم هذا احساس داخله ماقدر يسيطر عليه
..وش عندك مبتسم
رفع نظره لها ..انا !!
..ايه انت من تفكر فيه ؟؟
..ولاشي افكر بزواج نواف
..الله يوفقه نايف ودي اطلع اشوف الرياض من زمان عنها
..اليوم اعذريني بس من بكره ان شالله كل يوم بوديك لمكان لين تحفظينها حفظ
..اوكـــي اتفقنا تصبح على خير
..وانتي من اهله
............................
عصر ثاني يوم
كانت زيارتها مبكره نوعا ما كانها مستعجله
نزلو ا مع بعض متعودين على اجتماعهم العصر ماكانوا يدرون بالي قدمهم قرب ناصر لخالته وسلم عليها وحقر هدى لكن هي ماتركته بحاله ..وشونك ياناصر
ناظر لها باحتقار ..الحمد لله انا طالع تامروني على شي
..سلامتك
طلع من عندهم وركب سيارته ناوي مايرجع للبيت لين تروح
..........................................
طلعوا من البيت من قبل المغرب مقررين مايرجعون الا وقت متاخر حتى تفرغ مها كل طاقتها
يمشون بواحد من المحلات الكبيره كانوا قريبين من بعض ويتكلمون بصوت واطي وكان احيانا يقرب لها عشان يسمعها
بالصدفه كان يشوفهم ومستغرب من هذي الي معه يعني مكتوب لي اشوفك امس واليوم كانك تخاف اني انسى وظل يرقبهم لين قربوا لمحل مخصص للعوايل مسكت يده وجرته ودخلته معها
كان يشوف ومستغرب هالانسان الي يشوفه يعتقد انه محترم مايدري ان هذي فعايله بقى يفكر لين جاه صديقه الي كان مواعده وقاموا يطلبون لهم شيي يشربونه
.....................................
لا تظن انساك وانت قطعة(ن) مني
عمرك سمعت عن قلب عاف دقاته
نوره بدت روحها تنتعش لوانها تعبانه بسببب الحمل كانت بالصاله تتفرج على التلفزيون وساره كانت تكلم نواف ماحست بنفسها انها غفت عينها ونامت هذي حالتها اكثر وقتها نوم طلع سلمان من غرفته شافها على وضعها اقترب لها يتاكد اذا كانت نايمه ولا لا جته ساره وهو واقف مقابلها التفت لها وبصوت مثل الهمس
..مدري ليه صايره ماتحب تنام بالغرفه
..مدري بس انا اسمع ان بعض الحريم ببداية الحمل يكرهون مكان وانسان معين
..اكلت شي ؟؟
..يعني شوي بس عشان الدواء
..زين الحمدلله انها بدت تاكل لو شوي
ابتسمت له ساره وهي تشوف الخوف عليها بعيونه ..انت تحبهايا سلمان
..هذي زوجتي وواجبها على اني اهتم فيها
تنهدت ولفت يديها على صدرها ..الي بعيونك ماهو مجرد اداء واجب الي بعيونك حب ياسلمان
الكلام الي اسمعه ايقظ مشاعره..انتي ماتعرفين غلاها عندي شي ماينوصف ياساره
مسحت يده ..صدقني نوره تستاهل هالحب ولاهو خساره فيها انسانه رقيقه من داخلها نقيه وتحبك
..بس ماتتكلم ما تشكي ماتعبر ماتعرف تسوي شي الانها تسكت على الي داخلها صدقيي صرت اخاف عليها من سكوتها
..المهم انك عارف حبها لك و هي معتمده على معرفتك وخبرتك فيها
..بس ان شاالله تعدي هالفتره على خير وتسترد صحتها
..ان شالله وتفرح فيها وبولدك
رفع راسه للسما.. يارب
قربت لها ساره وصارت تضغط على كتفها..نويره قومي خستي وانتي نايمه
فتحت عيونها شافت سلمان واقف واستحت من شكلها ومكانها الغلط تكلم سلمان بغيظ على ساره وحتى يخفف من احراجها ..انتي ماتعرفين تتعاملين بلطف شوي شوي روعتيها التفت لنوره..ماعليك منها نامي بالمكان الي يريحك والوقت الي يعجبك
تغير لون وجهها احمر من الخجل من سلمان والقهر على ساره ..اسفه
ضحكت ساره عليها ..نوره انتي ماتخفين من الحيا انتي ماتدرين انه بيصير ابو عيالك
غرقت عيونها وثارت على ساره الي تتسلى فيها ..انتي مالك شغل فيني
..هههههههه والله شكلك وانتي صاحيه من النوم ومعصبه توووووحفه
قامت بسرعه من المكان لكن مسكها سلمان ..تعالي وين رايحه شوي شوي
وقفت عند رغبتة ومسك يدها ..خلاص بروح لغرفتي
..والله معك حق وانا بعد بروح معك فيه ناس تحوم الكبد
ضحكت نوره عليه ..استانست ضحكتها على اخ بس لو ماهي حامل كان عرفت اربيها
..نوره حببتي ندخل غرفتنا احسن
..اقول رووووح انت وياها كني ميته على القعده معكم
...................................