شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

2 - 1 - 2015, 11:01 AM

الجسد موجود والروح ارحلت

والزمن جبااار لكني صبور

عيني اللي من عناا الوقت ادمعت
حزنهاا يااخوي شيد لهـ جسور

وحدي بدنياا بهاا روحي اطلعت

فااقد ه الاحسااس مااعندي شعوور
الهووى ماا بيه اناا روحي اشبعت
وش يفيد الجرح لوو ككلي كسوور

قلق ومتوتر ومع ذلك ماقال شي يناظر قدامه وماصدر منه الاالصمت ونظره بعيونه لها الف معنى ومعنى وخالد مقابله ومحترم سكوته لكن طالت عليه السالفه ..انت الحين جايبني من بيتي عشان اتفرج عليك وانت ساكت
تنحنح ورفع نظره له ..جالسين وش وراك ؟؟
..نايف تكلم قول وش الي بخاطرك انت فيك شي كبير قل لي يمكن اريحك
..مافيني شي مصر انا وراي شي
..سكوتك وراه شي بس ماني عارف وشهو
حذف المنديل الي بيده على الطاوله ..خلاص اذا مانت حاب تجلس ارجع لبيتك
..اناحاب الجلسه بس ماني حاب هالسكوت الي يخوف والهم الي اشوفه بعيونك
حط كوعه على الطاوله وونزل راسه .. الصمت يخوف بس اهون من الكلام خل الي بالقلب بالقلب واتركها على الله
..طيب اذا ماتبي تفضفض ليش جايبني
..اااااوه بتستذلني بطلعتك معي ارجع تدل الطريق
..لا ماادله لانك انت الي جبتني
تذكر انه جاي معه وسيارته عند بيته .. نسيت قم اوصلك انت الجلسه معك تملل
فتح عيونه ..الحين انا الجلسه معي تملل اروح اقابل زوجتي احسن لي من مقابلك
..ماعليه ازعجتك بس اعذرني
بجديه وشعور انه بحاجته .. ياليتني اقدر اريحك بس انت مانت راضي تفتح قلبك بس انت ماتغير طبعك تفضل تكتم الي في قلبك
.. آآآه الله يعين قم بس ارجعك للبيتك لا تسكر عنك المدام الباب
..ياالله لانام الليله بالشارع
قاموا وهو مافضفض لصديقه الي في قلبه فضل يبتلع الالم لين يعرف وش صار مع ابوه

.........................................

..يابنتي الرجال كبير
فتحت يديها على وسعها ..بس عنده ثروه تسد عين الشمس
..وش تنفعك فلوسه و فيه قبيله بتقاسمك فيها
..ههههههه والله انك طيبه يمه انا بفر راسه واخليه يسجل كل الي يملك باسمي
..لاحول ولاقوة الابالله هذي اخرتها ترفضين شباب بعمرك و تاخذين هالشايب
...الشباب الي تكلمين عنهم مايملكون واحد على ميه من الي يملكه
..بس اعمارهم وافكارهم قريبه لعمرك لاتد فنين شبابك مع شايب يقاسمونك اياه ثلاث حريم غيرك
..سكري الموضوع يمه انا موافقه ومقتنعه بعد ما يئست من نايف أي احد غيره عادي بس مادام هالرجال غني ويلبي لي كل طلباتي بواقف عليه وادفن القفر
..انتي بتدفنين عمرك وراح تندمين يانوال وبتشوفين
..ليش اندم رجال شاريني ودخل البيت من بابه !!
..الله يهديك يابنتي ويكفيك شر نفسك >>
وافقت نوال بعد ماكان حلمها نايف لكن يوم خسرت لطيفه قررت تتزوج رجال من عمر ابوها عشان ثروته وغناه الغير طبيعي لعلها تعوض شي من خسارتها لنايف الي كان يجمع الغني والشباب والجمال ورغم توسلات امها مشت رايها ورضت فيه

..............................................

على الله يازمن بشكي جروحي والليالي طوال
عسى راعي العنا ينسى عناه وينشرح صدره

على الله يازمن بشكي همومي والهموم جبال
تعدت عاصمة حزني حدود العالم بأسره

خساره يالسنين اللي كتبتي قصة الترحال
فرحت أمس وحزنت اليوم بس الخوف من بكره

زي ماهي مصدومه والشريط بخيالها ينتهي ويرجع يجدد كل شي وخيال نوف مافارق عيونها ايقنوا انها ماراح ترد
ابو نايف ..صعوبتة الموقف عليك انا حاس فيها بس ولدك ماحد بيحافظ عليه الاعمه ونايف مافيه عيب يخليك ترفضينه
ردت على نفسها بداخلها >>عيبها انه كان بيوم من الايام حلم نوف نوف اختي الي كانت فاتحه قلبها لي وتسولف لي عن حبه بقلبها عيبه انه اخو نواف وكان يبيني اعتبره اخوي آآآآآآآآآآآآه صعب الي قلتوه صعب حتى التفكير فيه
..ردي على عمك يابنتي وقولي الي بقلبك
نزلت يدها عن فمها وحاولت تتحكم بنفسها ..نايف !! بس انا اعتبره اخوي
..بس هو ماهو اخوك وطلبي منك شرع الله وزواج على سنة الله ورسوله
..بس انا ماني موافقه ولدي انا بتحمل مسؤليته بس بعدو عني وعنه
..ماراح نبعد هذا ريحة نواف وانا فكرت فيك قبله هو صغير وبينساك لو باخذه منك واقدر اضمن الي يحن عليه بس انا حطيتك بالحسبه ومابيك تغربلين ببعده
اوجعها الي سمعته صفير براسها من قسوة اللحظه الي تعيش فيها ..صرخت ارحموني خلوني اعيش بسلام اتركوني اعيش حياتي على كيفي
ماتقدرون تفرضون رايكم على

..زين ياساره هذا قرارك بس الولد مرده لنا انتي راح تتزوجين وراح اخذه هذا اذا ماخذته قبل

ماكان متوقع انها عنيده اظطرته يسوي شي ماهو راضي عنه بس مثل ماقال لها هو فكر حتى فيها

ناظرت لابوها تستنجد فيها لبى نداها ..خلاص يابو نايف انت اتعبتها ماراح اسمح لاحد يجبرها على شي ماتبيه

..انت ماتبيني اضغط عليها الحين بس انت بيوم من الايام راح تجبرها تبعد عن ولدها اذا تزوجت

سكت ماعنده رد للي قاله ابو نايف فعلا كلامه صحيح ..صدق يبه انك بتبعدني عن متعب

مسك كتفها ..يابنتي هذي حياتك انتي عيشي براحتك بس اسمحيلي انا ماراح اخليك تضيعين شبابك

تكلمت بهدوء لكن العاصفه داخلها تعصف بصدرها بقوه ..انت وش رايك يبه

..الراي رايك >>وطى صوته ..صدقيني يابنتي انا حاس فيك بس كلام ابو نايف صحيح وانا عن نفسي مقتنع فيه بس فكري وقرري وانا معك

..انا مابي ردك الحين بس فكري ياساره اذا تبين مصلحة متعب صدقيني يابنتي هذي مصلحته وحتى لو ماتزوجتي الولد بكره بيكبر ومحتاج رجال يحاسبه وبنت اخوك بتكبر وانتي ماترضين لها تعيش معه ببيت واحد فكري زين بالموضوع وان لقيتي احسن من هالحل لك ولولدك انا اول من راح يبارك لك

سلمان فضل يكون داخل مع امه ونوف قال لهم عن نية ابو نايف زلزال هز نزف من داخلها مولانها للحين متعلقه بنا يف لكن لانها عارفه ساره وشلون تفكر حست فيها وبشعورها لحظة مايقولون لها

ام سلمان ..ونايف وش قال
..نايف موافق بس مدري احس انه متضايف من الفكره
..اكيد ياوليدي صعبه كانت زوجة اخوه وبلحظه تصير زوجته بس تدري ان هذا انسب الحلول
تاثرت نوف بكلامهم ونقاشهم بس تفكر بحال ساره وهي بينهم

وعت من افكارها وامها تنادي ساره الي دخلت تركض ولا التفتت لهم متوجهه لغرفتها ركضت نوف وراها وقبل تسكر الباب سبقتها نوف ودفعته ودخلت رغم اعتراض ساره لانها ماتبي تشوف احد ونوف بالذات

بمجلس ابو سلمان طلع لهم سلمان واتصل ابو نايف على نايف عشان يمر ياخذه اجتمعوا بالمجلس ليله طويله ماهي راضيه تعدي وتبين نهايتها

..انا ماقدر اغصبها هذا ماهو اسلوبي
..لاتغصبها بس كلمها قل لامها تكلمها اختها اقنعوها يابو سلمان
نايف كان يسمع كل شي وقلبه ييغلي احتقاره لها زاد تتغلى بنفسها والله لاذوقها المر الي اشببعتنا كلنا منه
تكلم هالمره ..بكيفها ياعمي بس الولد نبيه يتربى بينا
..حنا بكره مسافرين للشرقيه مافيه وقت نعطيكم ردنا واحنا هنا
..ماعليه ياعمي بعد اذنك انا ابي موافقتها وبكره انا بنهي كل شي وتقدرون انتم وتسافرون >>كان يكوي قلبه بالي يقوله لكن فيه اشياء تهون عليه انه قدر يوصل لها و يتولى تربية ولدها
..لا ياولدي خلها تفكر كم يوم ماعندي مانع اجلس انا وامها كم يوم لين نعرف رايها

المسأله لوهي علـى ضيقـة الخلـق
هوّنتها وآقـول : ضيقـة دقايـق !!
المسألـه عبـره سجينـه بهالحلـق
ترقى دموع وترجع .. لصدر ضايق

مكتفه يديها وواقفه تراقبها وهي دافنه نفسها بالفراش وتهتز بقوه ملت من وقفتها وجلست على طرف السرير ..ساره ساره
صكت اسنانها بغضب يوم ماردت وسحبتها من كتفها بقوه ..ناظري لي لاتهربين
شهقات كسرت ضلوعها بدون ولاحرف ..كلميني قولي وش تفكرين فيه
رمت نفسها على صدرها وحضنتها بكت نوف في هالموقف بكت على الحظ الي عاكسها هي واختها الظاهر قل الحظ وراثه ..ساره حبيبتي اهدي وكلميني >>لكن ماردت والتفت لولدها الي وراها على السرير واخذته ورصته لصدرها ونحبت لين تضايق منها وبكى قامت نوف وخلصته من ايديها ..اتركي الولد ذبحتيه حضنك له ماراح ينفع فكري بشي اهم >> اخذته وحطته بسريره بعيد عنها
تكلمت كلام متقطع مثل قلبها ..يبوني اتزوج نايف
كلمتها بطريقه تحسسها انها ماهي مهتمه ..طيب فكري بالموضوع ليش لا
توقفت فجئه عن كل شي وركزت فيها ..انتي الي تقولين هالكلام
..وليش ماقول الزواج لاهو عيب ولاحرام وهذا حقك وخليه هو الي يتولى ولدك احسن من غيره
مسكت راسها ..نوف لاتجننيني بكلامك وشلون اتزوجه !!
..وش المشكله مانتي اول ولااخر وحده يصير الي صار لك وتتزوج وتعيش
..وانــــــــــــــــــــتي ؟؟
ارمشت بعيونها ..انا وش فيني؟؟
..نسيتي الي بينك وبينه !!
هزت راسها وابتسمت .. قصدك الي بيني وبين نفسي الرجال ماوعدني وخان فكري بهالولد ياساره
.. لاتلعبين على هو للحين ببالك
عصبت من الي قالته ..ساره انا الحين متزوجه واحب زوجي وماعندي اهم منه بالدنيا
..لو تحبينه ما تبعدين عنه
صرخت بصوت عالي ..لو ماحبه مانصدمت بالي سواه ولاعتبت عليه ناصر غلاه مثل غلا روحي
..انتي تقولين هالكلام عشان اقتنع بنايف
مسكت كتوفها ووقفتها وغمضت عيونها ورفعت راسها ..وربي ياساره نايف صار ذكرى وناصر هوالحاضر انا ممكن اكذب على كل الناس واغشهم الاانتي لانك داخلي وتعرفين وش افكر فيه
..بس انا اكرهه كره الموت الي فرق بيني وبين نواف
..لازام تحبينه حبك للحياه الي جمعتك بمتعب
..نوف لاتعذبيني بكلامك لاتكذبين على وعلى نفسك
زعلت من الي قالته ..يعني هذا ردك على بس عشان تنسيني وتفكرين بنفسك انا برجع الليله لبيتي يمكن تشيلين هالتخريف من راسك
ومشت وقفتها بنداها ..نوف >>وهي تمشي لها ..ماراح تودعيني انا بكره بسافر
نزلت دموعها بصمت وارتعش صوتها..ماراح تخسرين شي اذا ماودعتك انا ما خسرت يوم ناصر راح وماودعني
وطلعت من عندها مخنوقه تحس انه طاري على بالها ووارد على لسانها و انها بهاللحظه محتاجته ومشتاقه له تبي منه الصبر الي اخذه معاه كان يتسلح فيه ويحتمي فيه من اهانتها خلاها بدون صبر حتى على اقرب الناس لها بهاللحظه تمنت ان الرقم الي معها هو رقمه لكن للاسف غيره يوم سافر
استئذنت من امها اتصلت على خالتها وقالت لها تجيها مع السواق لانها تبي تروح من بيتها للجامعه وان عندها اوراق لازام تاخذها ام ناصر ماصدقت على طول جت لانها تبي أي شي يحسسها بوجود ناصر

علمتني وشلـون اعاملـك بعنـاد
وخليتنـي للحـب اعلـن جهـاده
قتلت فرحة عمري في يـوم ميـلاد
عز الهوى في قلب مـات بشهـاده

وهم بالسياره تسمع خالتها تتكلم وهي ماتدري وش تقول
ام ناصر ..ما انتي معي من ركبتي وانا اكلمك وانتي بس ساكته
التفت لها ..ممكن ياخاله تعطيني رقم ناصر
..ليه ماكنتي تكلمينه ويكلمك
تلخبطت من سؤال خالتها نست هالشي ..الا بس انمسح الرقم من الجهاز
عطتها ام ناصر رقمه ووصلوا البيت وكل وحده دخلت غرفتها على طول دقت الرقم من تلفون البيت

.................................................. ........................
شوف الحروف تموت في لحظة البوح
وشوف الغرام يذوب من لهفة الشوق
والترجمان الصوت بالحيل مبحوح
ونصف الكلام يبات بالحلق مخنوق

طبعا ناصر كان غارق باشعاله وعارف ان الوقت مختلف عندهم حس بجواله يعطيه نغمة اتصال
ماكان الرقم باين بس عرف انه رقم من برى على طول فتح الجوال
وبحماس وشوق متوقع انها امه ..الــــــــــو
ضعفت يوم سمعت صوته اشتاقت له بس جف الكلام بحلقها ولاردت عليه
رد الكلام وهو يسمع انفاس تبعد وتقرب ..الو الو
لكن ماهو باين الا صوت يشبه الشهقات بس ماقدر يميزه" وهي تفكر معقوله نايف للحين في بالي معقوله من خوفي انفضح لجئت له ومع هالافكار وكلام ساره الي يتردد براسها وحيرتها وش تقول سكرت السماعه بوجهه
توقع شي مخيف من ورا هالمكالمه امه ماتتصل بهالوقت قرر يتصل على جوالها يبي يتطمن وبعد دقتين ردت
تطمن من سمع صوتها
..متى بترجع ياوليدي؟؟
..ان شالله لين خلصت الي وراي بتشوفيني عندك
..ومتى يخلص الشغل ؟؟
..يمكن اربع شهور وزياده هذي دراسه يمه
..وش دراسته الي تبعدك عن عيوني ناصر يمه اترك العناد عنك وتعال
..تكفين يمه لاتضيقين صدري لانه ضايق خلقه
..سلامتك من الضيقه ياعين امك وشفيك ياوليدي
فرك راسه بقوه وجلس وغطي الي بقلبه بكلام ثاني ..الغربه يمه الغربه >> كان يقصد غربة الروح والمشاعر والحياه البارده الي انسحب من عليها غطا دافي من الحب
..وش حادك عليها ياوليدي
عارف انه لو صرح الي بقلبه بتشيل همه قرر يخليها بقلبه .. طلبتك يمه لاعاد تفتحين هالموضوع بس ابي دعواتك لي
..الله يوفقك ياوليدي ويسعدك ويرزقك الذريه الصالحه الي تقر عينك
ابتسم بشوق لدعواتها وحنانها والهزه الي بصوتها كل ماكلمها ..اكثر شي يريحني لاسمعتك تدعين لي او شفت الرضا بعيونك
..جعلك تسلم ياوليدي >>تذكر الي اتصل عليه وقرر يسئلها بدافع الفضول
..يمه احد اتصل على من تلفون البيت قبل شوي
..لا ياوليدي انا ماتصلت وابوك نايم من زمان >> تذكرت ان نوف اخذت الرقم منها ..يمكن نوف هي من شوي ماخذه رقمك مني
..نـــــــــــــــوف !!ماقدر يسئلها الاسئله الي تدور براسه ليش ماراحت وهي ناويه تروح ولا لا
..زين يمه انا بتصل عليها الحين
وسكر من امه واتصل على طول على جوالها

قاعده تراقب جوالها وتنتفض وتبكي حالتها غريبه كانه راح يشوفها دق لين سكت صوته ماردت قامت على طول فقلته
دق مره ثانيه الجوال مقفول >>غريب اتصالها تركها براحتها وحاول يرجع للي كان فيه

.................................................. ...................
من كثر حبيـ لك تمنيتـ ك هوى

وديـ اتنفسك في صدري واموتـ

..يعني بتسافر لحالك !!
..لازام حبيبتي لازام تاخرت على شغلي
..طيب من بيخدمك من بيهتم فيك
وقف قريب منها وحط عينها بعينها الي انكسرت حيا من نظراته ..انا بخدم نفسي
.. ودي اروحك معك ا
..ليش ماودك تقعدين قريب من اهلك ؟؟>>كانه يستدرج بسؤاله كلام تمنى كثير يسمعه منها مثل مابيوم من الايام كانت هالنظره حلم يتمنى يتحقق
رجعت شعرها الي من عادته يعاندها بقوه ..انت اهلي ياسلمان ارجوك خذني معك
مسك كتفها وجلسها على حفت السرير ..حبيبتي نوره تعرفين ظروف شغلي صعبه اخليك بالبيت لحالك كل هـ الوقت
..ماحب اقعد بمكان وانت بعيد عني انا اكثر زمان يسعدني اني اكون قريبه منك واكثر مكان يريحني الي انت تكون فيه
..الله يانوره صايره تقولين شعر
ضحكت بخجلها الي يعرفه بالحمره الي تلون خدها ..سلمان انت ماتعرف تخدم نفسك
حب يدها بحنان .. لاتخافين على متعود على خدمة نفسي ولاناسيه اني لي مده طويله هناك
نزلت راسها تخفي ابتسامه خجوله على ثغرها ..خاطري اكون معك وين ماتروح ودي اصير لك مثل ظلك
مسك ذقنها باصبعه ورفع راسها .. تظنين اني ماتمنى هـ الشي بس احيانا الظروف تحدنا
..باشتاق لك
..موكثر شوقي لك
ظغطت على يده ..تروح وترجع بالسلامه

.................................................. ........................

ليله بطيئه

نايف واصرار بعد احساسه برفض ساره يتقلب وهذا الي يدور براسه

ساره هالخطبه اخر شي خطر ببالها تنخطب ومن يكون نايف !! ونوف وطلعتها من البيت وولدها الي لازام تفكر فيه كانت هذي افكارها

ناصر والمكالمه الي جته مايدري وش سرها وهل هي فعلا نوف وليش ماراحت ؟؟

ابونايف الي ينتظر الشمس تطلع عشان يحسم الموضوع ويرتاح بعد ما ارتاح من حمل فتح الموضوع بقى عليه الاقناع

ابو سلمان الي صار عاجز عن التصرف يخاف يغصبها ويندم ويخاف يتركها وتخسر رجال يصونها وابو يحافظ على ولدها

سافر سلمان من ثاني يوم لحاله وساره مازالت معتكفه بغرفتها يومين ماتطلع الا للضروره القصوى

مر ثلاث ايام على هالحال بدون تطور الاملكة نوال من الرجال الي خطبها بعد ماقدم لها مهر غالي وهدايا ماتحلم بها وحدد زواجه باقرب وقت

ابو نايف ينتظر من ابو سلمان رد لكن كان خايف عليها حتى من مشاورتها لان حالتها كانت صعبه وما تسمح لاي نقاش
قرر يعيد الزياره لهم ويشوف رايهم بس هالمره جاء لحاله بدون نايف طلب للمره الثانيه يشوفها ويعرف وش نتيجة الكلام الي قاله لها

..انا ودي تتركها بعد كم يابو نايف انا خايف عليها البنت تعبت نفسيا تدري انها من ذاك اليوم ماطلعت من الغرفه
.. الي صار كله انا عارفه ومتوقعه بس الرفض ماهو بمصلحتها
..لا يابو نايف انت همك تقرب ولد ولدك لك بس انا بعد تهمني سعادة بنتي
..انت شايف بنايف عيب ترفضه او تعتبر زواجهم ضد مصلحتها وصدقني هي عليه او على غيره ماراح توافق عشان ولدها الا اذا كنت تبيها طول العمر ارمله
حشره بالكلام ولاترك له رد بعد الي قاله ..كانك تقول اجبرها اعذرني انا ماقدر
..طيب ناداها يمكن توافق بعد الي سمعته
..يابو نايف حرام الي تسويه اعتبرها بنتك وحط نفسك بمكاني
..اناعارف احساسك بهاللحظه بس فكر فيني وفيها البنت للحين صغيره وماتعرف مصلحتها وممكن تضيع حياتها بقرار غلط
..يعني الصح انا نجبرها على شي ماتبيه
..ماراح نجبرها راح نقنعها
..انا بناديها لك هالمره وارجوك يابونايف ان رفضت هالمره اتركها بكيفها

...............................................

جلس على جنب السرير وحط ريان بينهم ابتسم وهو يشوفها احسن شوي ..اليوم احسن

ابتسمت له كانها اول مره تشوفه ومسحت شعر ولدها ..الحمدلله

..وش رايك اقول للشغاله تجيب لك شي تاكلينه

تغيرت تعابير وجهها ..لالا ماقدر اكل الحين

..طيب عصير

طنشت سؤاله وردت عليه بسؤال ..ماجا نايف ؟؟

..نايف سافر لجده وماظن انه رجع ليش تسئلين

..ودي اشوفه" عبد الله ودي اروح لجده اشوف ابوي واخواني

اول مره يحس انها مشتاقه لاحد كانت انسانه بدون احساس حتى الامومه كنت تبخل فيها على ولدها ..من عيوني بس اقدر اخذ أجازه واوديك

نزلت راسها ..مشكور

دخل ابوه عندها بعد ماالح يدخل واستحت ترفض له طلبه وهي الي تعرفه زين وتدري انه يعرف بضيقتها واجهها وتكلم ..عمك ابو نايف يستناك
رفعت نظرها لابوها وهي تحس بخوف صار شبح بالنسبه لها ..وش يبي مني ؟؟
..يبي يعرف رايك بالموضوع الي كلمك فيه
..يبه انا مابي اتزوج لانايف ولاغيره
..اطلعي وقولي له الي تبين وانهي هالموضوع
..انت قله مابي اشوف ااحد
.. ماراح يقتنع لين يسمعها منك
تنفست بقوه وهي تقوم ..امري لله
ومشت مع ابوها لين دخلت عليه سلمت عليه وظلت واقفه ..اجلسي وانا عمك بكلمك
جلست وناظرت له نظره تعطيه الاذن انه يتكلم ..وش قلتي بالي قلت لك
..عمي انا رافضه الزواج لاتحدني على شي مابيه
قرب لها وبينت نظره حزينه بعيونه وحط يدها على يدها ..ساره تكفين يابنتي لاتحرميني من متعب يكفيي انحرمت من ابوه
احترمت رجااه ووقفت احتراما له ..ماراح احرمك منه باي وقت تبي تشوفه البيت بيتك
..افهميني يابنتي انا ابيه يكبر قدام عيوني واتطمن عليه وانا حي >>بعد هالكلمه حست بدمعته تبرق بعينه
انكسر قلبها وهي تشوف فكه يرتجف يكافح عبرته لاتبين وكمل .. ابي اضمن انه يتربى بعز اهله من غير ماينحرم من حنان امه مثل مانحرم من ابوه >>وتسربت دمعته على وجهه وبسرعه مسحها ..عمــ ي <<اخذت ترتجف وجسمها يهتز وفكها يطق وسرى برد بجسمها حست انها راح يغمى عليها وجلست انتبه لها ابوها وجهها صار اصفر ..خلـ لاص انا مــ وافقـ هـ
قرب لها ..ساره قولي اذا كنتي ماتبين اهم شي راحتك
عادتها كنها تمرن لسانها عليها وتاكد لنفسها انها قدرت تقولها ..انا موافقه يبه موافقه >>وانطلقت من بينهم

واخترق دخولها حديث نوره وام سلمان عنها سكرت باب المجلس وجلست وراه او بالاحرى انهد حيلها ماعاد تقدر توقف على رجليها اسرعو لها وصلت لها نوره ..ساره اسم الله عليك قومي
ام سلمان .. وش فيك يمه ليش ترتجفين
بدون بكا تنتفض بين يدين نوره الي تساعدها على الوقوف قبل تعتدل بوقفتها طاحت على رجول امها من شافت حالتها قعدت تمسح شعرها وتقرا عليها مده لين حست انها ارتاحت رفعتها عن رجولها ..انتي وافقتي على نايف ؟؟
ركزت بعيونها وبدون رد عرفت ردها حضنتها امه وقعدت تبطبب عليها مسحت وجهها وخشمها الي صار احمر من البكا وقامت بهدؤ لغرفتها

.................................................. .....

راح للشركته يشوف شغله الي صار له مده مايدري عنه مشى من البيت وابوه موجود ماعلمه عن نيته والي راح يسويه

حط راسه على المكتب مرهق له كم يوم نومه متقطع وهو على هالوضع يسترخي شوي دق جواله الي على المكتب

.. هلا
..نايف انت وينك ؟؟
..انا بالشركه ليه
..اترك الي بيدك وتعال لي الحين
..ليش يبه وش صاير انت وينك ؟؟
..انا ببيت عمك ابوسلمان اذا جيت اقول لك
تلخبطت يوم عرف ابوه وينه اكيد صار شي بخصوص موضوع ساره .. لازام الحين يبه انا مشغول
..نايف قلت لك اترك الي بيدك وتعال
تافف بنفسه ..حاضر يبه جاي جاي >>وسكر منه وقام بثقل حس انها حانت ساعة الصفر رغبه بالانتقام وخوف من المواجهه واحساسيس متضاربه
وتفكير بايام راح يعيشها مايدري كيف بتنتهي

.................................................. ..،

.ودي اجر عبرة بي عميقه....فترة غيابك اشبعتني مراره

نوف من بعد مارجعت لبيتها ماكان بينها وبين ساره أي اتصال صحت من غفوه صغيره قبل العصر وناصر ببالها ماتدري كيف ترسم لها خط رجعه خايفه يكون احاسها فيه لان نايف صار مستحيل بالنسبه لها حتى لو ماوافقت عليه ساره جالسه على الكنب ومقابلها كاس الشاي الي اختف الدخان الي يتصاعد منه لانه برد وهي سارح بافكار توديها وتجيبها ارتاعت من صوت جوالها ومدت يدها تشوف المتصل مثل ماتوقعت رقم ناصر مسكت الجوال ورصته بيدها لين انقطع ورجعته مكانه ورجعت لافكارها سمعت نغمه ثانيه كانت رساله رفعته بس هالمره توقعها غلط كانت رساله من ساره قراتها << نوف تعالي بسرعه انا محتاجتك>> تاكدت انها محتاجتها وبوضع مايسمح لها بالكلام عشان كذا اختصرت برساله بدون تردد قامت وبدلت ملابسها بسرعه ونزلت واسئذنت من خالتها طبعا بعد مادورت لها حجه لتآجيل سفرتهم
طلعت من البيت وحالتها ابدا ماكانت احسن من ساره كل واحده منهم الي بقلبها مكفيها

.................................................. ..................

في بيت فهد رفع جواله الي ازعجه بالاتصال مد يده على الكومدينا الي جنبه واستعدل بسرعه وهو يشوف رقمها
..وش هـ المفاجئه الحلوه
..مساء الخير
..مساء النور هلا والله بهالصوت منين طالعه الشمس ؟؟
..قل وين رايحه ؟؟ الدنيا المغرب وانت نايم
.. هههههههه حلوه صدق مها كل يوم اتصلي انا اذا سمعت صوتك تجيني طاقه ونشاط مو طبيعي
ضحكت عليه يعرف يغير الموضوع .. ليه قايلين لك منبه
..لا اليوم في شي غريب مهاتي بنفسها متصله وتنكت بعد بالعاده تتغلين ادق لين امل وانتي تتثيقلين
..فهد انت سوالفك ماتخلص اسمعني بغيتك بخدمه
..اها وانا اقول ماتحن على هـ المسكين الا اذا كانت تبي شي
.. انا اكلمك جد
..وانا اكلمك جد بس ماعليه تمونين قولي آمري تدللي وانا بالخدمه
..مشكور بس ابيك تروح تجلس مع نايف لا تخليه لحاله هو محتاج احد يجلس معه
..مها الله يهداك نايف اكبر مني تبيني اروح اجلس عنده
تاففت من برود اعصابه .. افهمني نايف يمر بظروف صعبه ودي مايجلس لحاله
..لاحول ولاقوة الابالله امرنا لله بروح بس وش الي مخليك منشغله عليه
..ماقدر اقول لك حاول معه يمكن يقولك
..يعني انتي ماتعرفين اخوك مستحيل يتكلم
..ماعليه انت روح له وكلمه
..وبقوله مها قالت لي
..فهــــــــــــــــد
..ههههههههههههه تصدقين حلو صوتك وانتي معصبه
.. واذا رجعت منه كلمني
..لا انتي اتصلي والا ماتذكريني الا اذا بغيتي مني شي
تكلمت بجديه .. انا كذا يافهد يعني تشوف اني انانيه
كلامها كان مثل البلسم الشافي على مسامعه بس حب يواصل معها شوي وخصوصا هذا طبعه .. لا السالفه قلبت جد اقول مها امي تبي تكلمك
صدقته وخافت يسويها صدق ماتركت له مجال يكمل ..ها لا لا مع السلامه سلم على خالتي
عرف انها فضلت الانسحاب من احراجه لها ..هههههههه احبها ياناس
وقام ينفذ الي طلبته منه مو لانها طلبت منه بس لان نايف انسان يستاهل الي يوقف معه

................................................

وصل للبيت وطفى السياره ونزل منها ومشى يجر خطوته جر قبل يدخل شاف سياره ثانيه وقفت والي يسوقها وافد ومعه شغاله توقع انها نوف
عرف عيونها من ورا النقاب ماقدر يتحرك وهو يشوفها تنزل وتدخل مع مدخل الحريم بدون ماتناظر له >>سبحان الله كيف الايام تسيرنا وتمشينا بهواها بيوم من الايام فكر يرتبط فيها وتزوجت ورجع اليوم يجدد العلاقه لكن بصوره ثانيه دخل من باب الرجال وتوجه للمجلس الي كان بابه مشرع لقاهم جالسين يستناونه ..السلام عليكم
التفتوا له وردوا عليه السلام ..وعليكم السلام تعال ياولدي اجلس
جلس قريب منهم ..نعم يبه
استعجل بالكلام وبدون مقدمات ..ساره وافقت وابي منك بكره تخلص كل شي لان ابو سلمان بيسافر وانا برجع لجده
ماكان كلام يسمعه كان خنجر انغرس بصدره هز راسه براسه قبل يحرك لسانها بلع ريقه وحاول يخفي ربكته تغير لون وجهه ..خير ان شالله
..الحين ابيك تخلص كل شي وبكره تملكون وتاخذها لبيتك بعد اذن ابو سلمان
..ماعندي مانع بس لو تاجلونها ودي اخوها يحضر
..امرك ياعمي
طلع ابو نايف ظرف من جيبه ومده لبو سلمان ..هذا لساره وابيها تجهز نفسها للتحليل والعشا انا بتكفل فيه
..خلاص يابونايف موعدنا يوم الخميس
..على خير
هالمره الشخصيه القويه والرياده وسيادة الموقف تبخرت وتبدلت لصمت الكلمه الي قدر يقولها ..يالله يبه مشينا
..يالله نستئذن يابوسلمان
..مع السلامه <<وطلعوا من عنده بعد ماتفقو على كل شي

..يمه ممكن تتركيني معها شوي
..حاضر يمه بس تكفين لاتخلين اختك هي بحاجتك
..من عيوني يمه بس انتي لاتحاتين
..الله يريحك بالك يابنيني ويفرح قلبك
كانت قطرات بارده اروت عطش روحها ابتسم وهي تشوف امها تدفع عربتها وتطلع التفت لساره الي لامه جسمها على السرير وساكته وتاركه الحريه لدموعها تنزل ..ساره انا رجعت ونسيت او تناسيت زعلى عليك لاني ماقدر اشوفك محتاجتني ولا البيك
دارت راسها لها .. مدري وشلون وافقت عليه ضعفت يانوف ضعفت قدام رجا عمي ماقدرت اشوفه يبكي ومااريحه
..مسحت رجلها بحنان ..الله يعطيك على قد نيتك
حطت يدها على وجهها ..ماني متخيله اني بصير زوجه للـــ ....
.. ليـــــــــــه؟؟
..اكرهه يانوف اكرهه
..ليش تكرهيننه وش سوا لك
هدت شوي ووحاولت توصل لها الي بقلبها ..اقولك وماتزعلين
عرفت وش راح تقول ..لاتقولين وان قلتي راح ازعل هذا نصيبنا من قبل ننولد حتى لو ماعجبنا وماتدرين عسى ان تكرهو شياء وهو خيرا لكم
وبعدين انتهى كل شي انتي قلتي لعمي انك موافقه واكيد هو قاله واتفقوا على كل شي
رفعت راسها ..ياليتني اقدر اتراجع واغير كلامي بس ابوي سلئني وان اكدت له اني موافقه
..خلاص انتهى كل شي
..للاسف ماعاد اقدر على الرجعه

.................................................. ......

حزني .... يقابل ... أنتفاضةحنيني
يرد ليلي .... عن خفايا ... نهاري

يرسم أسى ..... تستأثره بي سنيني
إحساس غصب .. وما يجي بإختياري

في بيت نايف

..قول طيب وش الي مضايقك
..لاحول ولاقوه الابالله انت قول وش الي مسلطك على ذبحتوني كل ماجلست مع واحد قال انت متضايق ياخي غصب تبون تضيقون صدري
..على يانايف هالكلام انا اعرفك
..والله ناسبتك وابتلشت فيك مدري وش طيح حظي وزجتك اختي
ابتسم فهدوبما انه انفتح الحوار بينهم قرر يعرض عليه الفكره ..اقول نايف وش رايك تتزوج ترى العزوبيه مرتبطه ارتباط وثيق بالكآبه
ابتسم لانه لمس الجرح .. جبتها عـالجرح يافهد
عقد حواجبه و تفحص ملامحه الي انقلبت من هالكلمه توقع ان رافض عشان حزنه .. تكلم يا نايف افتح قلبك واعتبر انك تكلم نفسك
..ابويي بيزوجني
..طيب وش المانع ولا انت حاط وحده براسك وعمي رافض
..ماراح تفهمني يافهد
..يانايف انت ساكت على الي بقلبك وشلون تبيني افهمك
..المشكله بالبنت الي اختارها ابوي
..يعني انت مانت رافض الفكره
..هالاختيار ماكرهني بالزواج كرهني بنفسي وبالدنيا كلها
..ليش كل هذا لهالدرجه اختياره غلط
..ابوي يافهد خطب ليـــ ساره زوجة نواف الله يرحمه
فتح عيونه ماهو مصدق الي يسمعه ..ساره !!
هز راسه ..للاسف
انتبه لكلامه من اول ..وانت معترض عليها شخصيا ولا لانها كانت زوجة اخوك
..بصراحه الاثنين
غمض عيونه ..تقدر ترفض ماراح يذبحك اذا قلت ماابيها
عرف من طريقة كلامه انه زعل .. اعذرني يافهد عارف انها بنت عمك وماترضى عليها بسـ ...
قاطعه فهد ..اولا احب اصحح معلوماتك ساره ماهي بنت عمي وبس ساره اختى ثانيا انا مازعلت هذا رايك وبنت عمي عارف ماعليها كلام
..مانبي نطلع عن موضوعنا انا رضيت عشان ولد نواف وعشان رضا ابوي يمكن لو كان بغير هالظروف كان اصريت على اعتراضي بس ابوي صحته تدهورت بعد موت نواف وودي اريحه
..اي بس انت تظلمها
..لاتخاف عليها من الظلم بتقعد تربي ولدها وش تبي بعد
..نايف كلامك ماعجبني هي لها حق بالحياه ساره صغيره وبدال الرجال عشر
..والله عاد هي رضت عشان ولدها ماحد اجبرها
.. اول مره تتكلم بهالاسلوب يانايف احس اني اتكلم مع واحد ماعرفه عن اذنك اناآسف لاني اخذت من وقتك
قام وخلى نايف يشوفه وهو يمشي بعيد عنه.. شكلي بخسر كل علاقاتي بسبتها

نهاية البارت