شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

3 - 1 - 2015, 07:03 PM

البــــــــــــــــ الثلاثين ــــــــــــــارت

باب المشاعـر ذكرياتـك تسـده
كن الزمن وقف ورى صكة الباب
ومع كـل شبـاكٍ حنينـك تمـده
كل الزوايا امتلـت ود واعجـاب
تقفي وعمري فـي يدينـك تعـده
واقبل مثل حسبة عمر ماله احساب
احيان نجهل والسبب مـن نـوده
واحيان ندري والعذر ماله اسباب
مالله جمـع ودٍ علـى غيـر وده

مقابله خالتها على كرسيها وكل وحده منهم بمكان غير هالمكان
نوره باهلها" اخوها امه المكان الي عاشت وتربت فيه
ام سلمان ببناتها" نوف الي حياتها مع زوجها ماهي راضيه تعتدل وعنادها الي راح يضيعها والهم الكبير ساره" الي تزوجت مجبوره عشان ولدها وتهورها وقوايتها الي ممكن تهدد حياتها وبعد ماكانت ميله رقبتها بتفكير رفعت نظرها لنوره الي معها بس بالجسم .. وين رحتي يانوره
ابتسمت لها .. معك للمكان الي رحتي له
ضحكت عليها ام سلمان .. والله هالبنات مشغلاتني صدق الي قال هم البنات للممات "بس انتي بنتك عندك من تفكرين فيه
.. انتي تفكرين ببناتك وانا افكربأمي اشتقت لها وفهد الي ملعوزها
..ليه فهد ماشالله عليه ماظن يزعلها
.. تبيه يحدد زواجه وهو ماهو راضي
.. الله يعين كل واحد عنده شي يشغله
.. اقول خاله وش رايك نطلع نغير جو ملينا من البيت
.. لا اطلعوا انتم انا اتعب من الطلعات
.. بس انا مصره تطلعين معنا انتي وعمي من زمان ما طلعتوا
..والله اذا مصره ماقدر ازعلك
..تسلمين اوكي انا بقول لسلمان يفضي نفسه ويطلعنا كلنا
بغت تسئلها عن سلمان الي صاير يفكر كثير ومنشغل .. ماتلاحظين ان سلمان عنده شي منشغل فيه هاليومين
.. الا وسئلته يقول عنده ضغط بالشغل
مع انها ماقتنعت ..الله يقويه
.................................................. .............

تقلب بفراشه ماقدر ينام مخنوق ولايدري كيف يتصرف حيره ارقته واطردت النوم عن عيونه يتخيل شكلها وهي تقاوم الالم والعناد بعيونها ويتسائل عن الثقه بعيونها انسانه واثقه من نفسها ومقتنعه انها على حق فعلا الندم ماينفع والحسره الي تقطع قلبه منها اخته الي جنت عليه وعلى نواف وعلى متعب ورغم كل هذا لطيفه لاول مره تكون صادقه مع نفسها وتعترف بغلطها كان السرير صار شوكه ينغزه جلس بسرعه وتربع عليه ومد يديه على رجوله ماغمضت عينه وهو له اكثر من ساعه يحاول ينام سمع الاذان وقام دخل توضا وصلى وطلع من الغرفه وهو قريب من باب غرفتها شي غريب خلاها يوقف عندها تردد يعني اول كان يعاندها والحين وضح كل شي وبينت الحقيقه
قرب للباب ودق بخفه عليه لكن ماكان فيه استجابه ظل واقف شوي ماعنده تفسير للي يسويه يمكن عنده رغبه بالاعتذار لكن بعد ماعرف جزء من شخصيتها ماانتظر لين الباب ينفتح ونزل بسرعه على الدرج لين وصل للصاله وشاف مها بالصاله تتفرج على التلفزيون
وقفت له .. يعني مااستنيت لين اقومك
.. من قالك اني نمت اصلا ماقدرت انام
.. خلاص انسا الموضوع ماراح تغير شي
..آآآآآآه ماني قادر راسي بيتفجر من كثر التفكير
.. نايف التفكير يتعب نفسيتك مانقدر ننكر كبر خطا لطيفه بس الي حنا متاكدين منه انها ماكنت تكرهه وتحبه مثلنا واكثر
.. لاحول ولاقوة الا بالله " مها لو سمحتي سوي لي قهوه
.. مايصير انت حتى غدا ماتغديت
.. مالي نفس اكل بس بشرب قهوه يمكن يخف الصداع
.. ان شالله " دقايق بس>> ومن تعب جسمه نزل مفتاحه وجواله على الطاوله ومدد جسمه وحط ذراعه على وجهه واسترخى شوي

فوق بغرفتها وبعد ماقامت من عندهم ودخلت الغرفه حطت متعب بجنبها وحطت راسها على المخده وصارت تلعب باصابعه لين تعب ونام وهي غفلت عينها لكن بسرعه سمعت طرق ناعم على الباب قامت تشوف من لكن مالقت احد اجزمت انها مها وخافت تزعجها توضت وصلت ونزلت تشوف مها الي تحس ان عنده حركه ووراها شي بس ماتبي تقول وهي على الدرج شافته متمدد لكن ماتدري نايم ولا صاحي لكن من هييته حست انه نايم مشت وهي تسمع طقطقه بالمطبخ وهي تمشي كانت تناظر له وماطه شفتها باستغراب مع شئ من الاحتقار لكن من صوت متعب بسرعه رفع يده عن وجهه ورفع راسه يلقي نظره شاف نظره يكرها منها التفت عنه بسرعه وقبل تتعداه .. عطيني متعب >> وقفت بكل برود ولا كنها تسمع
استفزته بنظرتها البارده كأنها تبي تهمشه رفع جسمه بزياده .. تسمعيني قلت لك عطيني اياها
تعوذت من الشيطان وقربت له بمشيها كلها شموخ وهي ورى الكنب ناولته متعب لانه كان ماد جسمه عليها حرصت انها مايلامس يديها وبالفعل عطتها اياها وابعدت بسرعه لكن في شي جرها له من جديد
انشبكت الاسواره الي بيدها بملابس متعب وهذا الي ماتوقعته وقفت تجرها بشويش لكن كانت ماسكه بالمره نزل متعب على رجوله وقربت هي منه و الي يحجز بينهم ظهر الكرسي الي يجلس عليه ولانه شاف محاولاتها فشلت مد يده وبحركه عفويه مسك يدها وخلصهم من بعض كانت تنتفض من لمسته لها وبسرعه رجعت للغرفه وهي تجاهد دموعها من كرهها لقربه
انرسمت على وجهه ابتسامه اعجبها منظر الشموخ الي من موقف تافه انقلب لقهر مع انه ماخطط لكن اكثر شي يسعده يشوف دور تتقنه غير معانده
رفع متعب ورجع انسدح وحطه على بطنه وصار يلعب معه فرحان وهو بين احضانه احسن شي بزواجه هاللحظه الي ماتنشري بالفلوس ولاتقدر بثمن

.................................................. .............

نفخت بقهر من زوجها احترقت وهو ابرد من الثلج تتحايل عليه مايهزه شي ولاينفع معه الدلع والصد ولا الصوت العالي فار دمها وطلعت غبن عياله فيه ماطلعت من البيت من تزوجها الا لبيت اهلها واذا طلبته يقول لها تقول لعياله يودونها حتى الفلوس يعطيها بقدر ماتحتاج والايزيد عليها ولو شي بسيط تبي تبدا بالشغل الثقيل لكن شكله ماينلعب عليه ويلعب على بلد اقل شي صارت تتمناه تضايقه بالكلام عايرته بجهله لانه امي ولاتعلم وبقبح شكله وبعمره الي يجي اضعاف عمره لكن ثقته بنفسه مااهتزت انسان مثل الاله ماعنده مشاعر يعمل بدون مايمل حتى التعب يقاومه ورغم كبر سنه مااتكل على احد ولا وثق بحد حتى عياله
اكتشفت انها طاحت بشر اعمالها وان الي تبيه من سابع المستحيلات توصل له
وبصوت مسموع كلمت الجدران لعلها تحس ..رفع ضغطي هالشايب الظاهر الي كنت بسويه مايصيرالا بالمسلسلات والافلام مايصير بالحقيقه يانوال

.....................................

طلعت من المطبخ والصينيه بيدها شافت نايف يلعب مع متعب بهدؤ وهي تمشي تلفت بأستغراب من الي جابه ماحست بساره ولاتعتقد انه هو الي جابه لانه ماكان قادر يجي جلست عنده وقبل تصب له من القهوه
..غريبه من الي جايب متعب هنا ؟؟
ابتسم يوم تذكر نظرتها وهي مغلوبه على امرها ..امه ""
استغربت زياده .. ساره معقوله ساره هي الي جابته مااصدق
.. وليش ماتصدقين نزلت وهو معها وقلت لها تجيبه
مدت له القهوه ..طيب وين راحت ماني شايفتها
.. مدري عنها
حركت حواجبها وعيونها بأستغراب .. انت قلت لها شي زعلها
.. انت وش فيك اليوم سمعتيني قلت شي هي راحت بكيفها
.. لان بصراحه خايفه عليها منك وخايفه عليك منها
قلص وجهه باستهزاء.. وليه ان شالله تخافين تذبحني مثلا
هزت راسها ببطئ وبصوت واثق .. والاانت راح تذبحها خايفه عليها من تهورك وعليك من عنادها
.. لا لاتخافين للحين ماجت الي تخوفني " وبعدين انتي ليش حاسبه لها حساب يعني وش بتسوي
.. لا تسوي نفسك ماانت فاهم راجع نفسك يانايف انت ظلمت البنت وصرت انت والزمن عليها ظلمتها بدون حتى ماتقول لها وتخليها تدافع عن نفسها
.. اوف انا ماحب اكرر هالموضوع بس مو معنى انها تطلع مظلومه اني راضي عن فكرة الزواج
..ماراح اناقشك بس انا ابيك تحكم ضميرك وتقدر لو واحده منا صار فيها الي صار بساره اكيد ماراح تتحمل بس هي على صغر عمرها تحملت علشان ولدها وقاومت جبروتك وقاومت قسوة الايام عليها مو لانها خايفه منك لانها ماتبي تنحرم منه
.. انتي قلتي عشان ولدها
.. انت للحين تكابر لكن لو تحاول تكتشف الجوانب الحلوه فيها ....
قاطعها .. بصراحه ماعتقد تعرف تسوي شي الا انها تعاند لاتقولين لي جوانب حلوه
هزت راسها لانها عارفه نايف مايحب يسب بس كلامه يسكت فيه صوت ثاني مايبيه يرتفع تركته يحكم عقله "هذا نايف وهذا اسلوبه

.................................................. ...

بعد ماارتاحت شوي قبل المغرب وجلست مع خالتها شوي لان لها مده ماجلست معها والحديث يجر بعضه قال لها عن زواج هدى وقال لها عن اسم الرجال الي تزوجها .. معقوله عبدالله يتزوج اخر شي كنت اتخيله
..ليه انتي تعرفينه
.. أي ياخاله هذا زوج بنت عمي لطيفه اخت نايف زوج ساره
.. صدق يعني زوجته تصير لك
.. أي ابوي ولد عم ابو نايف
.. يعني تعرفين عن حياتها وتعرفين زوجها اهلها سئلو عنه والكل يمدحه
.. صحيح هالكلام زوجها اخلاق ودين ماشالله عليه
.. الحمدلله الله يوفقها "بس كأن الموضوع ماعجبك يعني لانها تقرب لك
.. لا ياخاله ماهو هذا الموضوع بس من زمان امه كانت تضغط عليه تبيه يتزوج بس رفض لانه يحب زوجته بصراحه ماقصر وقف معها وهي تتعالج لكن الله ماقسم
.. والله كاسره خاطري زوجته بس وش نقول النصيب
..بس يعني انا اقول كيف توافق عليه وهومتزوج وعنده ولد
.. والله مدري هذا الي صار >> مدحت عبدالله واثنت عليه لكن ماتكلمت عن لطيفه لانها ماتستاهل المدح ولاسبتها لانها بنت عمها وماتحب تجيب سيرتها بشي مو زين لانها غافله ماتدري من اليد الي كانت تحرك هدى
.. عن اذنك ياخاله انا بروح البس واروح لساره تلقين مها الحين تستاني وهي متوعدتني عن التأخير "اقول خاله وش رايك تجين معي
..لا يابنيتي جلسة بنات وش يوديني هناك روحي انتي وغيري جو
.. انتي شيخة البنات " يالله عن اذنك
.................................................. ..............

بعد حوارها مع نايف همت تبي تقوم سئلها قبل .. وين رايحه
.. يوه انا ماقلت لك اليوم عازمه وحده من صديقاتي من زمان عنها وابي اصلح شي اقدمه لها
.. وليش تعبين نفسك كل الي تبينه بجيبه من برى
فرحت لانها ارتاحت من هالهم .. صدق مشكور ريحتني من حوسة المطبخ
.. طيب مادام مالك خلق ليش ماطلبتيني ولا لازام انا اقول
.. ماكنت ابي اتعبك وانت خلقه تعباان
وهو يرفع متعب لها .. مافيه تعب " تعالي شيليه
قامت وشالته .. وبروح اقول ساره تجهز واجهز نفسي
حطت متعب على يديها وسمعته يكلمها .. بس ماله داعي هالحركات
وقفت قدامه تراقب النظره الغريبه بعيونه وردت .. أي حركات !!
.. مها اناعارف ان نوف هي الي بتجي
عدلت وقفتها قدامه .. وشلون عرفت
.. مايبي لها ذكاء انتي قلتي مسويه مفاجئه ومااظن انها بتفرح باحد قد اختها وعيونك يامها دائما تفظحك
.. انا >>سكتها قبل تبرر .. ماله داعي التبرير انا عارف قصدك بس ترى انا وهالي فوق نمشي بطريقين متوازيه لايمكن نتقابل ابد وبعدين نوف راحت بنصيبها ماقدر الا اقول الله يوفقها
باحباط تملكها من كلامه البارد .. انا طالعه تبي شي
اشر لها بيده .. سلامتك

.................................................. .......

باطراف اصابعه وبحركه خفيفه برجله درج لها كورتها الورديه ومن شافتها وصلت لها ضحكت ببراءه وحنت جسمها الصغير لها وبيديها الممتلئه مسكتها رفعت نفسها تبي ترجعها له اختل توازنها وطاحت لان رجولها صغيره على مقاومة الرمل الكثيف لكن مازالت مصره وهو يراقب حركتها ضحك بصوت عالي عليها وهرول لها وشالها ورفعها على امتداد يديه ورجع حطها على يده ومشى لامه ونوره الي يراقبونهم من بعيد قطع الطريق وهو يكلمها وهي تبتسم بدون ماتفهم شي وصل لهم حس بجو حلو انتشى لشوفة امه مبسوطه وزوجته وبنته وهذا شي يطمح له ..ليت ابوي جاي معنا
.. تعرف ابوك مايحب يطلع واجد حتى انا والله كان ودي اقعد بدال ماتحطوني وتشيلوني واثقل عليكم بس نوره الله يهداها اصرت
.. افا يمه نشيلك بعيونا وانتي وعدتينا ووعد الحر دين ولا ماتبين تشوفين ميلاف تلعب كوره
.. شفتها بس الكوره لعبت عيال
.. صح البنت لازام تحتفظ بنعومتها وانت تبيها تتصرف تصرفات ولد
..خليها تطلع شديده تعرف تاخذ حقها
.. تقدر تاخذ حقها بدون ماتلعب كوره خل لعبك هذا لين الله يرزقك بولد
شالها وقام ووجه الكلام لها .. يالله نكمل المباره ماراح نرد على احد
قام من عندهم ونوره مبسوطه فيهم .. متعلقه فيه احسها تحبه اكثر مني
..ههههههه تغارين منها عليه ولاتغارين عليه منها
مال فمها بابتسامه .. الاثنين خابره الطفل يتعلق بامه الاهي متعلقه فيه
مدت نظرها الي يتكسر احيانا اذا ركزت وراقبته يمسك يدها ويمشي معها كأنه يبي عقلها الصغير يستكشف جزء من هالعالم الكبير ارتفع صوت قلبها ولهج فيه لسانها .. الله يخليهم لبعض

..................................................

بعد موقفها معه طلعت للغرفه لمت جسمها على السرير وظهرها على حرفه واظفر ابهامها بفمها وتقظم فيه بدون شعور احتواها احساس للحظه انها ضعيفه قدامه ومع ان الموقف مايستحق كل هالتوتر لكن متوتره ماتدري ليه وبعد ماسمعت دق الباب سمحت لمها تدخل اقبلت عليها ومتعب معها مدت ساره يديها له بسرعه اما مها حست من حركتها ان صاير بينهم شي بس ماسئلتها .. ليش جالسه للحين ؟؟
..وليش ؟؟ تبيني اوقف !!
مطت شفايفها .. لاتستعبطين وقومي البسي بتجيني وحده من صديقاتي
.. لاه وليش ماقلتي لي عشان اجهز لها زفه
نفذ صبرها احيانا تكون باااااارده ولاتتجاوب لشي .. انتي وش فيك قالبه وجهك وش صاير
بسرعه ثارت .. انا بس اشوف هالادمي نفسيتي تتعب واكتئب وتحوم كبدي من شوفه
..ول ول ليش وش مسوي لك
بسرعه انتبهت لنفسها وحاولت تقاوم توترها الي صار بوجه مها .. هاه لا ماسوى شي >> استدركت .. بس احسه كاتم حريتي مايطلع بس جالس بالبيت
.. وين تبينه يروح يجلس بالشارع !!
.. ماعنده اصدقاء ماعنده شغل يروح له
.. ساره الرجال جالس ببيته
نفضت يدها مابغت تطول السالفه عشان ماتضايق مها .. ماعلينا من الي بتجيك
.. وحده اعرفها من الزمان تزوجت وجت هنا تبي تزورني
.. خلاص بقوم اتجهز والبس متعب وانزل
.. لا متعب برسلك الشغاله تتكفل فيه انتي بس شوفي نفسك "يالله انا بنزل

.................................................. ................................

بعد حوالي نص ساعه جاه اتصال من خالد صديقه الي قلت لقأتهم بعد وفاة نواف طلب انهم يتقبلون ماعارض لانه لازام يطلع من البيت طلع يغير ملابسه فتح واحد من ادارج التسريحه وهذا المكان الي عادة يحط الساعات فيه من فتحه شاف جوالها ناسي انه ماخذه منها من زمان كلم نفسه " هالانسانه قويه لدرجة انها حتى جوالها ماطالبت فيه وانا نسيته كمل لبسه واخذ الجوال وطلع وقف عند غرفتها وهله مايدري يحس ان الي يحجزه عنها شي اكثر من هالباب الي دائما تستتر وراه دق الباب مره مرتين لكن لارد هالمره غير كل مره انتظرها تفتح توقع انها ماهي بالغرفه فتح الباب دار بنظره سمع صوت مويه توقع انها تتسبح وهو واقف عند الباب بدون ولا خطوه زياده حذف الجوال على السرير وسكر الباب بسرعه ونزل يركض يجيب الي طلبت منه مها ويطلع مع خالد

..............................................

ابدا ماهمها الي شافته من عبدالله لانها من خلال معرفتها له تدري انه ماراح يظلمها وهذا الامان الي تطمح له لكن هذا الشي اشغل امها وكانت دائما تردد عليها الاسئله بهالخصوص وهي تختلق اعذار او تغير الموضوع المهم ماعندها اجابه تقنع امها فيها مثل ماهي مقتنعه
.. خلاص يمه اكيد عنده عذر او لانه عارف الزواج مابقى عنه شي
.. والله يابنيتي خايفه انك تجربين الفشل مره ثانيه
استنكرت هالكلمه من امها واوجعتها كلمت فشل وحتى اذا كان الانسان عارف نفسه هالكلمه بالذات تجرح.. لا يمه ليش تقولين كذا ان شالله الي صار مع ولد عمي مايتكرر
.. ان شالله لاتزعلين مني ياهدى بس صده غريب يمكن عنده سبب
.. رجعنا لهالموضوع عادي يمه عادي في ناس مايحبون هالحركات خصوصا انه رجال مو صغير ولاهي اول مره يتزوج
.. مدري ليه ياهدى تتكلمين عن زوجته عادي يعني هالموضوع مايضايقك
.. يمه انا هالمره واثقه من اختياري حتى لوكان متزوج وبعدين خلاص انتهى كل شي
..الله يوفقك اتمنى مخاوفي ماتطلع بمحلها ويطلع مثل مايقولون الناس عنه
.................................................. ............

لملم ضياعي في تفاصيل طلتك
وعلم حروفي تخضع لغيم عطفك
وان جيت اودع ردني بابتسامتك
يمكن يكون الحظ في جال طرفك

بعد المغرب نزل من السياره بسرعه والاغراض بيده و دخل الصاله بسرعه قبل يجي احد مالقى مها بالصاله دخل المطبخ ماكانت موجوده نزل الاغراض وطلع يركض على الدرج يبي ياخذ اوراق تخصه دخل غرفته وقعد يدور عن اوراقه لقى الاوراق ومثل مادخل يركض رجع يركض

تسبحت وطلعت استشورت شعرها الاسود الكثيف لبست تنوره لتحت الركبه بقصه مايله وبلوزه ناعمه بدون اكمام وهذا الشي الي ناسبها لان ملابسها واسعه عليها حطت مكياج خفيف يخفي الاثر بوجهها خلصت واخذت شباكه صغيره تلم فيها جزء من شعرها نقزت ورمتها من يدها وهي تسمع صوت الجوال استغربت كيف وصل لغرفتها حست بمغص لما طرى عليها انه دخل وهي تتسبح معقوله عطاه مها وهي الي جابته ماتدري ليه استبعدت الفكره فتحت الجوال ترد على مها
..الو
.. ماخلصتي للحين
.. لا الحين نازله
..بسرعه البنت بتجي الحين تعالي نستقبلها
..اوكي لاتزعجينا

سكرت بسرعه وحذفت الجوال بمكانه واخذت الشباكه طلعت شبه تركض ورافعه يديها تلم شعرها تعدت باب غرفتها وبعد الجدار الصغير الي يشكل ممر صغير بعد غرفتها وهي منزلها راسها ارتطمت بشي ضرب صدرها بقوه انفلت شعرها وطاحت شباكتها من يدها ومن قو الصدمه تراجعت ورى واخذت وقت تظبط نفسها رفعت راسها بتشوف الجسم الي ضربها """" شافت اخر شي تتمنى تشوفه واقف ويراقبه بدون تحفظ كأنه يتعرف على الانثى الناعمه الي يشوفها اول مره وهي ماقدرت ترفع عيونها حست بقشعريره بسرعه لفت يديها على كتوفها تستر يديها " شدت انتباهه هالحركه وبسرعه حرك نظره يمين وشمال ونزل رفع الاوراق الي طاحت منه على الاراض وهي ترتجف على نفس وضعها وعيونها تلمع وتروغ بحركه سريعه يمكن محاوله للهروب لكن الاراض تمسكت برجولها كلمها.. فتحي عيونك هالمره جات سليمه مره ثانيه الله يعلم وش يصير >> للمره الثانيه تسمح له الصدفه يشوف لها صوره غير الانسانه القويه شافها بضعف انثوي رائع نزلت يديها وراسها يستدير وراه وهو يهرول على الدرج

وصل للصاله ومها جالسه .. نايف جبت الاغراض
وهو يعطيها ظهرها كانه يخبي شي بعيونه يخاف مها تشوفه .. أي حطيتهم بالمطبخ
سمعت صوت الباب وبعده ضربات صندلها على الدرج ببطئ غريب عليها ولا من طبعها

تتاملها بغرابه من طبعها من شكلها من هدوئها ابدا ماكانت ساره كانت الي تعرفها ظهر على محياها شي غريب شكلها الناعم لبسها الي اظهر جمال قوامها الصغير بدون تفكير منها ربطت حال نايف بحالها

بعد مده وقفت قدامها وعيونها تسرح بمكان ثاني ماكانت معها تركت الي بيدها ..وش فيك ؟؟
مادرت جلست وهي تتبعها .. الله سارونه طالعه حلوه
ولكن ماتفاعلت ماهتمت حركت يديها قدام وجهها .. ياهو وين الناس
ارمشت بسرعه ونفضت راسها .. معك معك " ماجات صديقتك
تجاهلت الي شافته .. بالطريق " انا رايحه اجهز القهوه

.ماهو ضروري تفهم اسباب صدي
طبعي كذا لاشفت ماعفت صديت .

مالوم واعاتب...اذا باح سدي
!الوم نفسي وانسحب مثل ماجيت

وقفت سيارة السواق قدام البيت ونزلت فتحت شنطتها تطلع الجوال منها شافت رقم نوره وهي بطريقها لداخل البيت الي كان بابه مفتوح لان نايف دخل بسرعه ولا سكره .. هلا نوره
.. هلا فيك وش اخبارك
سكرت الباب وراها وقفت تكمل مكالمتها .. الحمدلله بخير وش اخبار امي وابوي وسلمان
..كلنا بخير بس خالتي لها كم يوم تتصل في ساره وجوالها مسكر وقالت لي اكلمك يمكن شفتيها
.. انا الحين داخله عليها بعد شوي بخليها تكلم امي
.. زين نوف ماراح تجين والله اشتقت لكم
.. مدري بس اخاف ناصر يجي وانا هناك
.. اذا جا اكيد بتدرون قبلها بمده " والا قولي اشتقتي له
.. اكيد اشتقت ماتتخيلين يانوره البيت ماله طعم بدونه

شافها وهي داخله وتسكر الباب ماخفت عليه عيونها يعرفها اكثر من أي شي نفس العيون الي لمحها قبل شوي حارت خطوته مايبي يرجع ويشوف ساره الي فرضتها الظروف عليه وماقدر يتقبلها ولايقدر يكمل طريقه ويشوف نوف الي ضيعها النصيب من يده والا قدر ينسها وهي تقرب للمدخل سمع كلامها خفق قلبه بسرعه سبحان الله رغم كل شي ورغم انها صارت اخت زوجته هزه هالكلام سمع بصوتها الصدق الحب الي ماشابه علاقات مشبوهه حب عفيف علاقه ترفع الراس ابتسم بدون سبب كانت مواجهتها اهون عليه من انه يلمح ساره والنظره الي ماغابت عن باله ظبط نفسه وهي رجعت الجوال انتظر لين قربت عشان يحسسها انه سمعها

طلع بسرعه قبل تشيل الغطاء عن وجهها وقفت فجئه بعد ماكانت تمشي بخطوات سريعه يقودها قلبها له ارتكزت رجليها بالارض لحظه لكن عزمت امرها الامور تغيرت هي زوجه لرجال تحبه وهو زوج اختها نعم حبته او اعجبت فيه او تمنته اشياء ماتقدر تنكرها وصفحات لايمكن تقطعها من دفتر حياتها ولاهو لكن صارت ماضي واحنا عيال اليوم " مشت هي للداخل وهو يمشي للخارج حتى صارت محاذيته سلمت .. السلام عليكم
بدون مايلتفت يمكن عجز لكن قدر يرد .. وعليكم السلام
تعاقبت خطواتهم وكل واحد اخذ طريقه الي ينويه " ماوقف الزمن لواحد منهم ولاخيرتهم الايام كيف راح يعيشون ايام تمشي وقضاء مجبرين نواجهه برغبتهم او غصبا عنهم

...............................................