شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

4 - 1 - 2015, 09:56 AM

بعد مااانها غداه وناولته الممرضه حبة الدوا حس بشي من النعاس وعيونه يداهما النوم وثقل لكن فتحت الباب قطعت عليه وتنبه بسرعه للرجال الي دخل عليه .. السلام عليكم
.. وعليكم السلام "هلا والله بولدي
.. هلابك وشلونك ياعمي ان شالله تحسنت
.. الحمدلله كل شي تمام بس غريبه جاي بوقت غير وقت الزياره
حس انه قلق من زيارته لكن طمنه بابتسامه .. اانا مسافر اليوم وقلت اسلم عليك قبل امشي
.. مسافر؟ وراح تاخذ ساره معاك
رغم صعوبة الكلام والقرار الي بدا يفكر فيه .. لا ياعمي خلاها كم يوم وان شالله احجز لها وتجي بعدين او ارجع واخذها
ماكان نايف الي يعرفه الكلام الي يقوله تنفيه النظره الي بعيونه حاول يتقرب منه ويحط يده على العله .. اسمع ياانايف يشهد الله أني اعتبرك ولدي وودي اكلمك وابيك تفتح قلبك لي
.. تفضل يابو سلمان اسمعك " وتاكد اني ماراح اتردد وبقول لك الكلمه الي تخطر على بالي
.. انا كنت عارف انك مالك نفس ببنتي وكنت معاهد نفسي مااجبر وحده من بناتي على شي لكن انا وقفت مع ابوك ضد ساره واقنعتها او اجبرتها عليك لاني اعرفها ماراح تستغني عن ولدها ومااحد راح يعوضه عن ابوه غيرك " والي ابيه منك يانايف انك ماتظلمها حتى لوكنت ماتبييها >> احرجته كلمة ابو سلمان والتوصيه الي فات وقتها ظلمتها واشبعتها من الظلم وانتم ماتدرون كمل ابو سلمان .. ساره ضعيفه بالاول انحرمت من اخوها الي كانت تلازمه ويلازمها وبعدين انحرمت من امها كم سنه وبعدين زوجها وترملت وهي ماكملت العشرين سنه طلبتك ياانايف يكفيها الي جاها اذا انت كارهها اتركها تربي ولدها واوعدك ماراح نحرمكم منه لايغرك قواتها تراها ضعيفه مثلها مثل أي مره تضعف من كلمه حلوه من ابتسامه
عرق جبيينه مايدري ليش كانت تحمل طابع الجديه منه مع انها طلبت منه هالطلب وهو فعلا فكر فيه لكن حس انه مخنوق من طاري انه يتركها مثل ما هو مخنوق كل مايتذكر انه اخذ مكان اخوووه وهذي النقطه الي تصعب على نايف انه يكسر كل الحواجز
استفسر عن سر هالكلام .. ليش هالكلام ياعمي " هي تبي الانفصال
.. لا واا ناعمك بس انا اتكلم عنك انت وانت بحل ومافيها زعل " اتركها يانايف دامك كارهها لاتضيع عمرك وعمرها

.................................................. ....................
شي انكسر ماله مع الوقت جابر
وخلى الجروح بصدري مسايير
ماقلت لك هالحزن فيني مثابر ؟؟
وصدري قفص حزني وقلبي به الطيرررر

اتركها يانايف " اتركها يانايف " اتركها يانايف
ترددت هالكلمه براسه ابجديات داخله عجز يعربها فرك جبينه بحيره
.. نايف وين رحت وانا اخوك ؟؟؟؟
نفض راسه وتذكر فهد اللي بعد ماطلع من عند ابو سلمان كلمه وطلب يقابله .. ها انا معك
.. لا حالتك غريبه تكلم مره وحده افتح قلبك يمكن ترتاح
كتف يديه ونزلهن على الطاوله وقعد يتامل بالناس الرايحه والجايه وهو معلق عيونه تكلم .. تدري يافهد من الي اتمنى انه موجود الحين واتكلم معه
..مــــــــــــــــن ؟؟
ركز بفنجان الكوفي قدامه وحركه ..مـــــــــــــــــها " أي مها هي الي تفهم على من غير مااتكلم وتقدر توصل لداخلي
ميل فمه بشبه ابتسامه وشف من فنجانه وحاول يوجعه او يكويه .. والدليل انها مضيعه اجمل ايام حياتنا ودافنتها بهمومك
.. صدقني يافهد مها هي كذا عمري مااجبرتها على شي ولا عمري شكيت لها
.. المده الي عاشرتها فيها خلتني اعرفها موبكيفها تحترق علشانك بس بيدك تريحها
حط يده على صدره .. وتظن اني بيدي راحتها واتردد انا لو بيدي اريح الغرب مااقصر وشلون اختي !!
.. بيدك تعيش حياتك وتنسى كل شي وتتذكر بس انك ماراح تحلل لنفسك شي حرام عليك
.. وش قصدك ؟؟؟؟
.. انت فاهم وانا فاهم لاتعقد الامور ياانايف واترك الحياه تمشي ولاتعارض القدر والميت الله يرحمه حزنك ماراح يرده
ضغط يديه فـ بعض بحضنه وحارت عيونه بزحمة الناس وفهد آثر السكوت وخلاه يعيد الكلام براسه وسرح هو الثاني بعيونه فـ الطاوله الي قدامه بينما عقله بمكان بعييييد

من غير مايحس فز قلبه لوحده في زحمة الناس ومعها اثنين وقف عن الارماش معقوله الي يشوفه عرفها من عيونها لحظات انتبه لسلمان .. وش فيك فتحت فمك على ايش تناظر ؟؟
.. هذا ماهو هذا سلمان >> التفت وراه .. أي ومعاه نوره والظاهر خواته
ناظر له باستغراب .. نايف وش فيك ؟؟
.. مافيني شي" عن اذنك شوي
وقف بعيد شوي وطلع جواله وفتحه وعلى رقمها الي بدون اسم " اتصال"

.. سلمان لا تصير معقد خذ نوره وروحو وانا ونوف نروح مع بعض
.. لا والله واذا خليتكن بهالزحمه مااصير معقد اقول امشي قدامي انتي وياها ولايكثر كلامك
.. اووووف يعني لازام تلصق فينا
..قصري صوتك ماحنا فـ البيت
..طيب طيب امرنا لله >> سمعت صوت جوالها .. من هذا بعد الي متصل بوقت مثل وجهه
.. طيب ردي ياكثر كلامك
كانت تعبث بشنطتها تدور الجوال وهو يراقبها من بعيد .. خبله انتي خبله وانا لاقيته عشان ارد << تشنج جسمها وضاقت وهي تشوف اخر رقم اتصل على جوالها يتصل من جديد احاسيس كثيره اختلطت داخلها حست برهبه منه لو يدري انها طالعه حست بشي من ؟؟؟ .. وش فيك تنحتي ردي على جوالك
تلفتت بالمكان تحسه قريب ولو الغطا الي يحجب وجهها عنه كان شاف تعابيرها فتحت الجوال بتردد وخوف وردت .. الوووو
كان يشوف كل حركه بجسمها.. مساء الخير
بلعت ريقها وحست انها راح تبكي من غرابة الموقف .. مســـ ــاء الــــنـــ ور
.. وش اخبارك الحين
.. اااااا الحمدلله احسن
.. طيب انتي فـالبيت ؟؟
كانت تتلفت بسرعه يمين ويسار تحس انه يشوفها وهو يضحك على حركتها .. لاااااااا انا طالعه مع اخواني " ليش
.. وين ؟؟؟
.. قريب" بغيت شي ؟؟؟ >> اعجبته نبرة الارتباك بصوتها والارتجاف والنظره المندهشه بعيونها وحب يتسلى شوي فيه فرصه لاتعوض
.. والي تطلع المفروض تستئذن صح ولا انا غلطان
يشوفها تنزل راسها للارض لكن ماسمع منها رد .. ليش ماتردين ؟؟
حاولت تكون شجاعه وتواجهه .. صح "بس انا طالعه مع اخواني للسوق ابغى اشتري لنفسي اغراضي ولا فيه مانع
واضــــــــــــح انها تحاول تقلب السالفه عليه بس حب يجاريها .. مافي مانع اذا قلتي لي مو تطلعين كذا من شور راسك
صارت تدور بعيونها تدور اخوانها الي اختفوا وماعادت تشوفهم.. الحين وش تبي مني
لاحظ انها افقدتهم وصارت تدور بالمكان نفسه لانها ماتعرف شي هنا راح للجهه الثانيه وصار وراها لكن بعيد شوي .. ابيك ترجعين للبيت بسرعه عشان اجي اخذك
قلبها صار يرقع بسرعه عارفه انها ماراح تضيع لكن حست في الغربه ومكالمته وترتها .. وين تاخذني ماني رايحه معك
سكر الجوال وسمعت الصوت وراها .. انا ماشورتك انا آمرك
فزت من صوته القريب الي انقطع من الجوال وصارت تسمعه مباشر طاح الجوال من يدها واستدارت بسرعه حطت يدها على صدرها .. ..بسم الله الرحمن الرحيم انت وش جايبك هنا ؟؟؟ ومنين طلعت ؟؟
.. جيت اخذك ولا عندك مانع
رمقته بنظرة غضب من غير ماتلاحظ تصرفها لكن كان واعي لنظرتها اعجبته بعفويتها لكن اعترض .. خير وش هالنظره لايكون ناويه تخوفيني !!
.. لا انا مابي اخوفك بس رجاء اتركني
.. امشي معي لاي مكان نتفاهم بعيد عن هالازعاج
.. اخواني معي ماراح اروح وهم مايدرون
.. اتصلي عليهم وقولي لهم
.. جوالي مايرسل
.. خلاص امشي معي وانا اتصرف
.. وين امشي انت منين الله جابك لي وانا وش الي خلاني اطلع
حس انها تبي تستفزه وتجبره يتركها ماتبي تصير معه بمكان واحد مارد عليها طلع جواله واتصل .. الوووو
.. هلا نايف
.. اسمع انا هنا فـ السوق وباخذ ساره معي ونطلع لمكان ثاني
.. ليش هي عندك !!
.. أي هذي هي واقفه عندي
.. وهذي محتاجه اذن !! مايحق لي امنعك
.. قل لها ماهي راضيه تمشي معي تقول انكم ماتدرون اكيد راح تخافون عليها
.. والله مصدقه عمرها هذي ساره تخوف بلد
..ههههههه ترى ماارضى " يالله سلام
.. سلام
سكر التلفون منه .. وش قالك ؟؟
.. وش راح يقول يعني بس قال انك تخوفين بلد
صكت اسنانها .. هين ياسلوم انا اوريك
ضحك عليها .. زين امشي بسرعه
ومشى وهي وراه طلع جواله وكلم فهد على طول من فتح الجوال رد عليها واختصر الاعتذار ... شفتك وطلعت توكل على الله وانا الله يكون بعوني كل واحد ساحب زوجته وانا اتفرج عليكم
.. هههههه اوكي اشوفك على خير
..................................................

.. ودي افرح فيه واشوف عياله بس الله يهداه معند مايبي يتزوج الحين
.. خليه ياام فهد شوي لاتضغطين عليه واذا مانفع معه نخلي عمه يتصرف
.. والله ان ماعدت اقدر عليه اذا كلمته قلب لي السلفه مزح وضيعها
.. ههههههه هذا هو فهد مايتغير ابدا يضحك بعز ضيقه
..فهد مثل ابوه الله يرحمه مايخلي للضيق مكان بقلبه
.. الله يوفقه " نادي هالشغالات يجيبون لنا هالبزارين نتونس بشوفتهم بدال ماحنا قاعدات كذا
.. طلعوا برى " اقول ياام سلمان كني اشوف ساره متغيره وحالها منقلب
.. والله يااختي هالبنت معوره قلبي حالتها صعبه وظروفها اصعب
.. ليه وش صاير عليها ؟؟
.. والله مثلك بس اظنها للحين ماهي قادره تتوافق مع زوجها
.. لاحول ولاقوة الابالله عاد نايف ماشالله عليه سنع وعقل واخلاق وش تبي بعد
.. هي تدري بكل هذا بس يمكن لانه اخو زوجها الله يرحمه
.. بتنسى مادام صار زوجها وهي على ذمته بتنسى
.. الله كريم الله يهدي سرها ويريحها
.................................................. ...................

لبست عباتها وطلعت من غرفتها ومرت ماانتبهت للي جالسه وتقظم اظافرها من نهاية المجلس سمعت صوتها ووقفت .. هدى
رجعت ادراجها وصارت قريبه منها .. خير يالطيفه بغيتي شي !!
.. وووين رايحه
.. عبدالله يقول اخوانه مجتمعين ببيت ابوه يبي يروح لهم هو وريان قلت اروح معهم اغير جو واتعرف عليهم زين
حسدتها لان صفحتها بيضا عندهم عكسها الكل يكرهها تخيلت جمعتهم ووناستهم وهي هنا تحسب ذنوبها .. وين سرحتي
.. لا ولا شي راح تطولون
.. مدري على حسب الجو اذا استانسنا نطول "ليش ؟؟
يمكن كانت تبي تقول ابي اروح معكم "كان هذا الي تحاول تقوله لكن اكيد مااحد راح يصدق انها تغيرت بمده قصيره فضلت تحتفظ بكرامتها وتسكت .. لا ولاشي روحي لاتتاخرين على عبدالله
خلتها صحيح تغيرت لكن مو بهالسهوله تقدم على تصرفات كانت ترفضها قطعيا تركتها براحتها وتعتقد ان الي وصلته معها انجاز والباقي عليها هي ..تصبحين على خير

طلعت واتركتها واقفه وعاجزه وراحت لعبدالله الي يستناها بسيارته ركبت جنبه.. ليش تاخرتي !!
.. ابد كنت اتزين ولا تبي اهلك يقولون عني ماني حلوه
شغل السياره وطالعها .. المهم انا وش اقول
..اكيد انت المهم بس لو مايعنون لك مايعنون لي
حس بشي من الاعتزاز تحطه عنوان رئيسي بكل موضوع وتشعره باأهميته الي دثرتها لطيفه بالفعل قدرت تستحوذ على جزء كبير من قلبه انطلق معها هي وريان متوجه لبيت ابوه ولاخوانه وهو متاكد انه ماراح يتكدر بعدها
..................................................

هذا الغروب اللي خذاني عن الناس
فيه الظلام اللي قهر رغبة الشمس
فيه الوداع وفيه تكثيف الاحسـاس
وفيه العيون اللي بكت راحل الامس
اتآمله واسرق من الريح الانفـاس
واقول يادنيا الصخب صوتنا همس

انحبس الهوا عنها ماتدري وين راح ياخذها ولا وش مقرر عليه او نيته الي ينويها رفعت بصرها له وهو ساكت وسارح بالمساحه قدامه جاها شعور انه مثلها مايدري وين رايح وماعنده قرار محدد راح يقوله .. وين مااخذني ؟؟
تنبه وتلفت وتذكر انها معه .. وين تبينا نروح
رجعت لوضعها الاول .. يعني راح تاخذ رايي بهذي من عرفتك وانت تملي على اوآمر بس
تبسم بداخله على اسلوبها ..والله انك صادقه خلاص راح اوديك للمكان الي يعجبني ماله داعي اشاورك
سكتت عنه خايفه من تهورها يجني عليها لانها تحت رحمته مشى مده ولقت نفسها عند البحر كان المنظر سااااااحر قبل المغرب فتح الباب ونزل وهي بمكانها فتح شنطة السياره وطلع بساط صغير فيها وفرشه شافها بالسياره قرب للباب واتكى عليه .. ليش ماتنزلين
حست انفاسه تلفح وجهها كانت اقوى من نسمات البحر تحركت وهو ابعد عن الباب حتى تنزل نزلت وصارت عيونها الناعسه تدور بالفضاء قدامها لمت عبايتها على جسمها بعد ماامتلت هوا وابتعدت عن عودها االغض الناعم .. اجلسي
جلست على الفراش اما هو جلس على مقدمة السياره وشعره يتطاير قدام عيونه لين رفع النطاره عليه" ومده هو يحاور نفسه علها تنتهي معه بقرار صحيح هل يتركها وهو يدري انها ماتبي تكمل باقي حياتها معه او يتبع هوا نفسه ويتبع العقل والمنطق ويعاملها كزوجه او يخلى الماضي يفرض كلمته عليهم ويعيشها معاها ازواج بمجرد الاسم "" طالت سفرته كأنه نساها وقف اخير ومشى وجلس معها لكن ماتكلم .. اكيد عندك كلام تبي تقوله
.. صح " ودي اعرف وش ناويه ؟؟؟
تفحصت ملامحه الجامده .. باأيش ؟؟
ابعد نظره عنها يمكن يخاف من الي راح تقوله او يخاف عيونه تفضحه .. بحياتنا مع بعض
.. ماعتقد ان باقى لي راي بحياتي بعد ماانفرضت علي اشياء انا ارافضتها انا حياتي صارت ملك ولدي
.. ساره لاتلفين وتدورين قولي رايك بصراحه
.. يعني انت من جدك جايبني عشان تاخذ رايي
حط وجهه بوجها .. اكيد " ليش هالسؤال
شردت بعيونها فيه ونست نفسها .. وش فيك تطالعيني
تنبهت وارمشت بسرعه واسستنشقت من هوا البحر .. ودي اعرف وين راحت لهجة الانتقام والتهديد وين ضاعت عن كلامك اللهجه الي كل يوم اسمعها وفجئه اختفت !!
واثق انها اذكا من انها يفوت شي مثل هذا اربكته بسؤالها وذكرته بااشياء مايحب يتذكرها ابعدت خصلات شعرها الي تطير وتلتصق على شفايفها الريانه .. على ايش كنت تعاقبني ووش الي غيرك ؟؟؟
بلع ريقه ضيقت عليه الخناق وافحمته ومالقى لسؤالها رد .. لاتغيرين الموضوع خلينا بموضوعنا
غمضت عيونها بضيق .. والله الي اشوفه انك انت الي تغير الموضوع وتتهرب من الاجابه
نزل عيونه عنها للحظه شعر ان ذكائها ممكن يوصلها للي بقلبه من خلال عيونه .. انا مااغير الموضوع بس مو هذا الي جبتك علشانه انا سئلتك سؤال محدد
اخذت بعيونها دوره على المساحه قدامها استقرت بعيونها عليه بكل جراءه .. يمكن صحيح ماجبتني علشانه بس انا جيت معك عشان اسئلك عنه وش الشي الي كنت تعاقبني عليه وخلاك تمد يدك علي >> وهي ترفع اصبعها وتاشر على نفسها .. وانا عمر مااحد مد يده على >>على صوتها الجهوري لكن شوشته رجفه من داخلها .. من عطاك الحق تذلني وتدوس بكرامتي الاراض >> صدرها صار يطلع وينزل واطرافها ترتعش .. ليش صرت انت والزمن علي >> وقفت عاجزه عن الكلام حطت يديها بحضنها وطمنت راسهابين اكتافها " بالفعل كلامها ما خلى له رد بعد برهه من الصمت زحف لها ومد يده وحطها على يديها الي بحضنها حس بحراره كوت يده " تساقطت دموعها على ظهر يده وهذا اكثر شي ادهشه .. تبكين !!! تمردت عليها دموعها واظهرت وجعها بصوره اوضح ماتكون

لاتحسبن دمعي نزل دووون سبه ..ابكي على الفرقاااا الي بعد ماجات

رفعت يديها لوجهها ومسحت دموعها وواجهته .. كنت تظن ان ماعندي احساس نستك قسوتك اني انسانه
مبهوت منها كلامها يغريه يعرفها اكثر واكثر يصور الجمال الي بدا يشع من داخلها مثل ماهو واضح من خارجها .. انا عارف انك تحسين بس ودي تقدرين الظروف الي مريت فيها
.. لاتنسى انها كانت علي حتى انا انت رجال وتقدر ترفض لكن انا كسر ظهري هالولد
مايدري ليه ردها رجعه لورا سنه واكثر .. ودي اسئلك سؤال
عظت على شفتها وقررت تتركه ياخذ راحته .. عن ايش !!
.. انتي ليش تضايقتي يوم عرفتي انك حامل ؟؟
.. من قالك ؟؟
.. احيانا في اشياء نعرفها بدون مانسعى لمعرفتها هي تجي عندنا >>فهمت ان نواف الي قال له
تلملمت على نفسها وتكورت وقربت رجولها لصدرها وحضنتهم بيديها ونايف يراقبها وينتظر منها اجابها حطت ذقنها على ركبتها وقعدت تناظر للرمل ..لاني كنت خايفه حاسه في شي يهدد حياتي واحساسي ماخيبني
كان يستمتع وهو يسمعها تفرغ شي من الشحن داخلها كانت صادقه بكلامها وبمشاعرها .. ساره احنا لازام نحط حل لوضعنا
صارت تقلب الرمل باصبعها وتكتب حروف وتمسحها .. وش الحل بنظرك !!نفترق ويجبرني ابوي اتزوج واحد غيرك ولا اقعد عندك بس لان مافي وحده ممكن تاخذ مكاني بحياة متعب حلين احلاهم مر
اكيد حس بمعناتها يعني كانت صابره على ظلمي لانها خايفه تنجبرعلى واحد غيري ضاقت الدنيا بعينه من الضيق الي يشوفه بعينها
.. ساره انا آســــــــــف""""

من هنا البدايه حيث اوقف الخجل وضرب حواجز الصمت بقضبه من حديد وبكف جريئه مزق سواتر القلوب

فاأين هو منها عندما عرف أين هي منه ؟؟؟

.................................................. .......

غريبه تاخرت توقعتها ترجع للبيت قبل نوصل تتوقعين سافروا

افرحها هالتاخير يمكن لقوا باب يخرجهم من دوامة المجهول .. يااختي انتي ليش ملقوفه حرمه مع زوجها وبعدين وين تسافر وولدها هنا

حكت راسها .. صح وشلون نسيت مايصير تخلي ولدها >> ابتسمت وبسرعه ورفعت طرف جلابيتها وجلست معها على الاراض .. تتوقعين وش ردة فعلها اذا اشافت اذا الي اشترينا لها

.. هههههههههه اتوقع تلفه على رقابنا وتخنقنا فيه

.. انا مدري طالعه على من عنيفه " اقول نوف وش رايك نتصل عليها نشوف وينها

.. يابنت الناس اتركيها وش فيك متطفله

.. مدري ودي اعرف وين راحو!!

.. خلينا من هالسوالف وقومي نتجهز للزياره

.. أي صح سلمان قال بعد صلاة العشا ياخذنا عند عمي

.. الحمدلله ابوي تحسن وان شالله ماراح يطول فاالمستشفى

............................................

بعد ماطلع واتركه نايف بالمجمع ركب سيارته وطلع يمشي بسيارته مايعرف احد هنا نايف مع زوجته وسلمان مع اهله في السوق
طبعا ماعنده خيار الا يتصل عليها وقبل ينقطع الخط ردت وهي تلهث ..الوووو
..خير تلعبين رياضه انتي !!

.. لا بس كنت اركض عشان الحق عليك قبل تسكر
.. زين لحقتي ولا رحت دورت لي وحده ثانيه اكملها
..مــــــــاتقدر
.. هههاي وليش ان شالله مااقدر ماتدرين انهم اكثر من الهم على القلب
بدت تتدلع عليه .. لان مهاوي ماتهون عليك
.. اه منك انتي
.. المهم وش اخبارك انت وشلون عمك ان شالله تحسن
.. الحمدلله تمام وترى يتوعد فيني بس يطلع من المستشفى يبينا نتزوج
.. يعني انت ماتبي نسوي العرس !!
.. انا ادور احد يغصبني والظاهر عمي راح يسويها
.. يــــــاسلااااااام
.. اتغلى يالخبله اتغلى
.. الله فهودي عندك كلمات غزل صراحه تذوب
مسك ياقة ثوبه كنها تشوفه .. شكرا ترى هذي خاصه للحبابيب
.. طيب ماقلتي مطول عندك
.. والله على حسب طلعة عمي
.. طيب وشغلك !
.. دبرت نفسي واخذت اجازه كم يوم
لاحظ انها مستحيه منه ماتبي تسئله عن نايف لكن فهم عليها .. تدرين قبل شوي كنت مع نايف بالمجمع شاف زوجته هناك مع اخوانها راح معها وخلاني
.. صدق والله فهد
.. وشلون يعني اكذب عليك استحي يامره
.. الله ياحمش والله ماانت هين
.. وش رايك فيني ؟؟
..جد والله نايف اخذ ساره وطلع
.. أي والله وسلمان هايت مع زوجته عاد انا قعدت اندب حظي
.. هههههههه الله يقطع ابليسك بس ماعليك هانت
.. شوفي من ارجع للرياض راح احدد الزواج وماابي كلمه زياده
.. والله اليوم ماانت فهودي الهادي الحبوب متغير وش فيك
.. الغيره يامها هب عليهم كل واحد ساحب زوجته وانا اتفرج عليهم
.. اسم الله عليهم حرام عليك قل ماشالله
.. ماعليك هذولا ضد العين " المهم تبين شي قبل اسكر
.. ليش مستعجل تو ماتكلمنا
.. انا طالع لبيت عمي الحين اشوف اذا احد بيروح معي للمستشفى يمكن عمي يغصبني
.. ههههه اوكي سلم على نوره وخالتي
.. يوصل يالله سلام
.................................................. .........
عطني بقايا قلب .. مني خذيته ..
وأعطيك فرقى .. ما عقبها تلاقي !

<<روحي الضائعه وقلبي الضعيف اصبحا رهائن لعنف الحب وجبروت الغرام >>

افلتت يديها وتربعت وهي بانيه جسمها وشادته من قوة الكلمه الي سمعتها

.. تتآسف على ايش بالضبط ؟؟

..على كل شي بدون تعداد من مدة يدي لااصغر كلمه قلتها بدون قصد

انسلت شيلتها عن راسها بفعل الهوا وهي تغمض عيونها من قوة الهوا وحفيفه الي يمر اذانها .. وتظن الاسف ينسيني الي شفته

.. لازام ننسى صدقيني حتى انا اراح انسى اشياء وكلام قلتيه جرحتيني فيه

.. وقفت وهي تنفض عبايتها .. يالله نرجع تاخرت على متعب وبعدين بلحق على الزياره مع اخواني

قف هو الثاني فهم انها تراوغ عن نقاشاتها .. ماشي براحتك راح اخليك تاخذين وقت تفكرين فيه واذا رجعت من السفر نشوف وش نسوي

شخصت نظرها فيه .. بتسافر ؟؟

وهو يفتح باب سيارته ومواجها .. الليله ان شالله راجع للرياض

ظلت واقفه بمكانها منذهله جاوبها على تساؤلاها الي ماانطقت فيها .. عارف وش راح تقولين " غريبه مااخذتك معي

مازالت عيونها تبرق بتساؤلات كثيره ماقدرت تفصح عنها .. ودي ترتاحين وتفكرين بهدؤ عشان نوصل لقرار يناسبنا

اخذت نفس عميق ومشت للسياره

ركبوا سيارتهم وانطلقوا راجعين لبيت ابو سلمان

مع مغيب الشمس التي اعلنت رحيلها لتنبئ عن يوم جديد اسر قلبي بين قضبان حناياه

وصل للبيت ووقف يتمنى منها كلمه او اشاره او حتى نظره لكن للآسف مجمده الي داخلها رفعت راسها لواجهة البيت وانزلت مشاعرها متضاربه دوي وانفجارات داخلها من حواره الهادي ميلت جسمها ومدت يدها للباب وفتحته ووطت رجلها الارض الي ماكنت ثابته كانت تهتز من وطئتها عليها ثبتت واقفه واستدارت اما هو التفت قدامه وانشغل بتحريك سيارته

كان حلم او خيال او امنيه او وهم او سراب

لكن ما كان عنده مقدار ذره من شك انه حقيقه

.. نــــــــــــــــــــــــــايف ..

هو انت ناديت ولا الصوت يخيلي "يامن ضلوعي اذا ناديت سمعنك
اشتقت لك حيل ودي اسئلك قلي "اشتقت لي ولا طيوف الشوق ماجنك

تركت يده ماكانت تشتغل فيه " وتخلت عينه عن ماكانت تناظره "كل شي ركزه عليها حواسه مشاعره "اسمه كان له طعم ولون غير

ميل رقبته وهو غير متاكد من الي سمعه حلم ولاحقيقه وهم ولا واقع صدق ولاكذب كل حرف يطلع من حنجرتها كان اسم يحمل معنى رائع

رد عليها يرتقب شي يصحيه من الحلم الجميل الي عاشه .. نعم

تمنت لو ترجع الكلمه من مكان ماطلعت لكن للاسف " كيف قدرت تقولها وشلون لسانها طاوعها تتلفظ باسمه نست وش كانت راح تقول له .. هاااا بتطول ؟؟

.. لا يومين ان شالله وارجع تبين شي

وهي تقفي عنه وتعطيها ظهرها وتقترب من باب البيت .. لااااااااا

ياترى مااذا يكون هذا هل هي عاصفة هوجا اجتاحت جبلا من احجار صغيره وبدات تتتساقط من اعلاه ؟؟؟

تركها تدخل البيت تجر رجولها وكمل طريقه بعد لقاء ربما هو بداية النهايه

السلام عليكم

قطع دخولها كلامهم لاحظ الكل واجهها والقلق والحيره اشياء انرسمت على ملامحها .. وعليكم السلام

.. وش فيك يايمه ليش وجهك متغير وليش تاخرتي

.. مافيني شي يمه " وين متعب

وقفت نوف ومشت لها .. متعب مع الشغاله "ادخلي بسرعه تجهزي قبل يجي سلمان راح نروح لابوي

كانت تقول كلامها ماتبيها تجلس وتبي تنفرد فيها مادامت تحت تاثير الموقف يمكن تقدر تعرف وش فيها .. الحين ادخل اصلي ونروح

وقفت نوره بعباطه مستعجله على ردة فعلها .. تعالي بسرعه شوفي وش شرينا لك

نفضت يدها وهي داخله .. نوره ترى مالي خلقك االحين

.. ماعلي منك مصره اسمع رايك >>ركضت تسابقها للغرفه ونوف وراه فتحت الدولابه وطلعت الكيس وسحبت منه قميص نوم جرئ شوي .. وش رايك؟؟

عقدت حواجبها وصكت اسنانها هذا الي كان ينقصها بهاللحظه ..وش هذا

ضحكت بسذاجه نوره ماكانت تقصد الاتمزح معها لكن للاسف كان بغير وقته .. شوفة عينك

قربت بسرعه وسحبته من يدها بدون وعي .. من طلب منكم تشترون لي شي

استغربت نوف ثورتها وحاولت تهديها .. ساره اهدي وش فيك نوره ماتقصد تضايقك

ارتبكت نوره وخجلت من نفسها .. ساره انا اسفه

.. ناقصتك انتي وياها تزيدون علي >> دموعها بدت تتابع بسرعه جلست على السرير بعبايتها ماعندها قدره تتحمل اكثر خلاص الطاقه الي

تستمد منها قوتها نفذت وقفن عند راسها .. بسم الله الرحمن الرحيم تكلمي وش صار !!

.. ماصار شي بس خلوني لحالي >>كلامها كان يتقطع من قوة بكاها ومن الضيقه الي تطبق على صدرها

.. انا ماقصدت ازعلك

مدت جسمها وهي مازالت تلبس عبايتها ..مازعلت بس خلوني لحالي

..ماراح تروحين لابوي

حست انها لو تروح له ويشوفها بهالحال راح يتعب قررت تجلس وتخلي زيارتها بكره .. لا واذا سئل عني قولو له تعبانه

ايدت نوف رايها .. احسن بعد يالله احنا رايحين " يالله يانوره

قبل يطلعون .. نوره لاتزعلين على بس انا متضايقه شوي

ناظرت لها وهي تغتصب الابتسامه .. المهم انتي ماتزعلين >> وطلعت مع نوف اما ساره قعدت تفرغ مافي صدرها لين انتظم نفسها ونامت

.................................................. ........

السفر/ضيم المودع ..
السـفر / هم المودع .. !
السـفر / طعم الكأبـه .. !
السفـر / خطوه مفارق ضيع الدرب [ بشـبابه .. !

توجه للمطار مباشر وهويشيل احساس ماقدر يحدده في من الحلاوه بقدر مافيه من المراره فيه من الجمال بقدر القبح فيه من الانس بقدر الخوف
اسئله دارت ودارت
هل فعلا رغم محاولتها انها تكرهه وتكرهه بنفسها حبها وصارت اجمل صوره يتمتع بالنظر لها ؟؟
نواف معقوله حبي لساره خيانه له وزواجي منها وش يكون ؟؟
اتعبه التفكير وعجز يوصل لقرار
سلم السياره الي استاجرها فترت وجوده واخذ تاكسي وتوجه للرياض على موعد للقاء قريب