شبكة همس الشوق - عرض مشاركة واحدة

20 - 1 - 2015, 09:17 AM

عبير راحت تدق على عمران ومايرد واحيانا يصك الخط بوجهها عبير انا مالي الا ارسل له اغنيه حلوه
ارسلت له اغنية ماتروحش لشيما الشايب
عمران فتح الرساله بريد صوتي دق عليه سمع
ماتروحش لما بتمشي روحي تمشي والاحزان بتذوب رمشي ماتروحش
وصك الخط ماكمل الاغنيه وتدق عبير ولا يرد
عمران وهو يمشي بسرعه جنونيه يفكر بالصوره مين الي نشرها وهي طلعت معه ولا لا مافيه السبب غير عبيروه
بس عبير مو مسؤله عن تصرفات زينبوه

ابوحسام بعد ماعلمه ابورامي وش سوى عمران في المجلس وكيف عامل عادل واهانه قدام الي يسوى ومايسوى
رجع للبيت وهو ناسي وفاة حسام
ابوحسام:عبير عبير
عبير تنزل من فوق:نعم يبه ناديتني
ابوحسام:ايه تعالي
ام حسام تجي:وش فيك تأخرت
ابوحسام مايبي يعلمها لانه مو رايق لمحاظراتها:كنت مع اصحابي
عبير:بغيت شئ يبه
ابوحسام:طيب اجلسوا كلكم
جلسوا
ابوحسام:عبير ترا هذي مو حاله زوجك فشلنا في الاستراحه اطلبي الطلاق وانا ازوجك احسن منه
عبير تفاجئت:خير يبه هو سياره ابدله كل يوم لا هذا زوجي الى اخر لحظه بعمري وانا ابي اعيش حياه مستقره زي باقي الناس
ابوحسام:بس فشلنا قدام العالم علشان صوره في الجوال
عبير:يبه وش شعورك لو شفت صورتي منتشره
ابوحسام من غير تفكير:اذبحك هذا الناقص ايه كملي الي خلاه حسام
عبير:طيب هذي صورة اخته
ابوحسام بتمهزئ:والله يعين عايله موشريفه اقولك لاترجعين له واطلبي الطلاق
عبير:يبه انا حامل
ابوحسام:حامل باي شهر
عبير:امس قالوا لي الثاني
ابوحسام:طيب سقطيه
ام حسام:والله ماتسقط مادامها هي مرتاحه انت وش عليك
ابوحسام:احترمي نفسك لاكسر راسك
عبير:يبه انا بسافر بعد شوي
ابوحسام:بالي مايردك(ويروح فوق)
عبير تبكي:انا ناقصه اللحين اشوفها من وين من عمران ولا ابوي ولا حسام
عادل:قومي ولاتشيلين هم انا معك

عادل سبقها لسياره عشان يشغلها
عادل يكلم نفسه : ياشين ثقاله هالحريم متى تجي هالخبله عني انها تتمكيج وهي ماهي مقابله الا خشتي
عبير فتحت الباب وشافته يكلم روحه
عبير: اكيد انت بحيره مثلي والدليل انك تكلم روحك
عادل: لا والله انواع الحش فيك هههههههه
عبير :بدال ماتعطف علي وعلى مصايبي اللي من كل جهه تحش فيني
عادل : وش دعوه انا اخوك ولازم اعطف عليك
عبير: اقول والله انك تسمع بالاخوه
عادل: ههههههههههههه

ام حسام راحت لغرفتها هي وزوجها ولقت ابو حسام يفكر تفكير عمييييييييق : وش هالتفكير اللي خلاك ماتحس اني جايه
ابو حسام: انا افكر بواحد ماطقيت له خبر بس اكيد انتم راح تنجنون لو سمعتوه هالخبر
ام حسام عرفت ان في ولدها حسام فيه شي لان قلب الام مايخون: ولدي فيه شي يابو حسام
ابو حسام : مين؟ حسام!!!
ام حسام وتنزل دمعه من عيونها وصوتها بدا يرتجف: ايه حسام
ابو حسام: عطاك عمره المدمن
ام حسام:وش قلت