شبكة همس الشوق - عرض مشاركة واحدة

21 - 1 - 2015, 09:35 PM

في هذي الحظه حاولت تستوعب الي صاار والي قاعد يصيير ..وبسرعه بعدته عنها

نجوى وهي مو مصدقة :ههههههه ها يعني كله بسبت هذي
ومسوي لي فلم رعب

طلعت من المطبخ وهي تضحك على حاالها ..

وهو واقف مكانه يضحك .. بدر :هههه ولله انج خواافه يا نجوى

.. في فله سعوود ..

بعد ماضبط حاله حاول قد مايقدر مايبين لها شي .. نزل تحت وتوجه لغرفة الطعام وهو يتصنع الضحكه

سعود وهو يبتسم بحب:ها قلبي تأخرت عليج

رنيم بخجل وببتسامه :لا مو وايد تفضل

وقعد ياكل معها وهو كل شوي يرفع عيونه يطالع بشكلها البريئ ..

سعود والحقد في قلبه عليها ((آآخ يا بنت الفقر ..تبيين تخدعيني بشكلج البريئ ..بس مو علي يا رنيم ..والله والله لاوريج والله))

.. في بيت ابو رنيم ..

كانت ام رنيم قاعده في المطبخ تحط الغدى تذكرت انـها ماعزمت رنيم وسعود

جهزت الاكل وراحت دقت على تلفون البيت

.. في فلة سعود ..

كانو ياكلون بـهـدوووء .. قطع عليهم صوت تلفون البيت
راحت وحده من الخدم ترد على التلفون ..

سانتيا :الووو

ام رنيم:الووو

سانتيا : هلا مدام .. من يبغي

ام رنيم :رنيم موجوده

سانتيا :اي موجود من اقول

ام رنيم :قولي لها ماما

سانتيا :اوك لحظه اشوي

.. نزلت السماعه وراحت صوبـهم ..

سانتيا:مدام في وحده تقول ماما يبيج

رنيم :اوكي

قامت رايحه صوب الفون وكان يراقبها سعود ..

رنيم برتباك لاحظها سعود وما خفى عنه:الووو

ام رنيم :الووو ..هلا بـبنيتي هلا وغلا

رنيم برتيااح :هلا يمــه هلا بيج ..وحشتيني

ام رنيم :وانتي اكثر والله يا بنتي ..شخباارج وشخباار سعوود معااج

رنيم ببتساامه :الحمدالله يمه بخير

.. ورفعت عينها تطالعه .. جافته يطالعها .. ابتسمت وهي تكمل كلاامها : وهو بخييير يا الغاليه وكل شي تمام الحمدالله

ام رنيم :الحمدالله يا رب ..حبيت اقولج شغله

رنيم:الحمدالله ..قوولي الي بخاطر يا يمه

ام رنيم :يا عمري انتي ..والله اناا وابووج عازمينج
انتي وريلج عندنا على الغدى والعشى بكره

.. رنيم من سمعت كلمة ابوج ارتبكت :لالا يمه ..خليها مره ثاانيه ..ماعتقد راح اني .... أمم سعود مشغوول وانا بعد ما أعتقد راح نقدر نحظر

ام رنيــم : يا حساافه والله اشتـقناالج إنتي و ريلج ..خلاص يمه وقت الي تقدروون تيون تعالوا

سعوود وهو مستغرب من ردها لامها ...وفي نفسه "كل هذا خوف إني أكشفج يا رنيم"

.. وفجأه قام وراح صوبـها ومن غير أي كلمة سحب السماعه من يد رنيم ..

سعود: الووو .. السلاام عليكم

ام رنيم :الوو هلا والله .. وعليكم السلاام

سعود :هلا بيج عمتي شخبارج

ام رنيم :الحمدالله من الله بخيير اسأل عنكم

سعود :سألت عنج العاافيه

ام رنيم :الله يعاافيك ..السموحه يا ولدي ازعجتكم

سعود :ولووو عمتي اي وقت تتصلين وحنا حاظرين لج

ام رنيم:تسلم لي ياولدي .والله كان ودي انكم تيوون لنا بس يلا ..وقت تفضوون مروونا مو تنسونا

سعود : ومن قالج احنى مشغولين لو تبينا الحيين يـينالج وفضينا لعيوونج

ام رنيم بفرح:تسلم عيوونك يا ولدي .. صج يعني بتيوون

سعوود :ولوو يا الغااليه اي راح نكون عندكم بس انتي امري متى وحنى حاظريين لج

ام رنيم والفرحه مو ساعيتها :بكره عازمينكم على الغدى والعشى عندنا والله ولهانين لشوفتكم

سعود:حااظر تم ان شااء الله من بكره تجوفينا عندكم

ام رنيم :ان شااء الله يلا ياولدي اخليك الحين دير بالك على حالك وعلى رنيم اجوفكم على خير

سعود وهو يطالع رنيم :ولوو عمتي رنيم بعيووني وانتي بعد سلمي لي على الكل ..مع السلامه

ام رنيم :يوصل ان شاء الله مع السلامه

سكر من ام رنيم ..وحاوط رنيم من خصرها .. وصار يمشي معاها لي غرفه الطعام

سعود :ليش قلتي ماتبين تروحين بيت امج

رنيم برتباك بس حبت ترقع في السالفه:لا ابد بس حسيتك مشغوول قلت تأجلها مره ثاانيه احسن

سعوود :ولوو يا قلبي ..مره ثاانيه لاقولين شي قبل لا تسأليني اووكي

وهي تطالعه .. رنيم :حاظر من عيووني

سعود وهو يبوس راسها :تسلم لي عيوونج يا عيووني

قعدت على الطاوله بكل خجل .. وسعود قعد يمها يكملون غداهم

.. في فله ابو سعود ..

كانت ام سعود مع دلال في الصاله قاعدين

ام سعود :لي متى يا بنيتي بتمين جي ترى خذالج وقت وايد علشان تفكرين .. و ام احمد كل مره ادق تقول احمد ينتظر ردج

دلال :بس انا ما ابيه

ام سعود:يا بنتي ياحبيبتي انسي الي رااح خلاص ..احمد رد وهوو مصر ويبيج وشاايرج ..توكلي على الله ..وانسي الي صاار مب زين الي تسوينه في نفسج

دلال ودموع في عيونـها : خلاص يا يمه سوي الي اجوفينه

..انا موافقه ..

وقامت صعدت فوق لي غرفتها ..وتركت امها مكسور قلبها عليها

ام سعود وفي خارها :آآآآخ يا بنيتي ..ربي يسعدج ويهنيج ويااه ويجبر بخااطرج ياا ربي

اما دلال اول مادخلت الغرفه قعدت على السرير ..وقعدت تتذكر ذكرياتـها مع احمد ولي صاار

7
7
7
~~
كانت قاعده في صاله بيت رفيجتها فاطمه تسولف وياها

..نزل من فوق احمد بكل شمووخ ..

ودلال اول ماجافه رفعت الشيله من جتوفها وحطتها على راسها

راح صوبـهم ..احمد:السلام علييكم

دلال وفاطمه :وعليكم السلام ورحمه

احمد: شلونج دلال

دلال وهي منزله راسها :الحمدالله بخير انت شخبارك..؟؟

احمد :الحمدالله بخير ..ويلف عنهم ..يلا اجوفكم على خيير انا طالع مع السلامه

الكل :مع سلامه

~~
8
8
8

توها داخله بيت فاطمه بعد ماخبرتـها الخدامه ان فاطمه قاعده بغرفتها تنتظرها

ركبت فوق وعلى طول راحت غرفتها ودشت بسرعه علشاان تخرعها

بس اهيه الي تخرعت و إرتبكت

كان أحمد قاعد مع فاطمه على السرير يسولف معها واثنينهم قحصوا على الحركه ودلال انحرجت من حركتها

أحمد :ههههه قحصتينا الله يهداج

فاطمه وهي تفلت عليها المخده الي يمها :فزعتــــــــــيـــني يا دبه

دلال وهي منحرجه وتيود المخده الي حذفتها عليها :هههه والله ماكنت ادري انك اهني

احمد:لا عاادي افاا علييج ههههههه

~~
8
8
8

قاعده تنتظر رفيجتها في الكوستا بالمول

بعد فتره تقريبا حست بشخص واقف يمها ..لفت تطالع

دلال ببتسامه :هلا أحمد

احمد وهو يرد لها الابتسامه :هلا والله فيك شخبارج

دلال :الحمدالله بخير انت شخبارك وشعلومك

أحمد:الحمدالله بخير عساج بخير ..شكلج تنتظرين احد

دلال:اي والله انتظر وحده من صحباتي

احمد راح وقعد بالكرسي المجابل لها :ههه سمحي لي عيل انا بعد انتظر واحد من ربعي وماعندي شي لقيتج قاعده قلت اقعد وياج اسولف لي مايي رفيجي..اذا ماعليج امر يعني

دلال:ههههههه مو انت قعدت وخلاص .. اي لا عاادي اوكي

>>وقعدوو يدردشون مع بعض<<

~~
8
8
8

رجعت من ذكراها مع احمد لأرض الواقـــــــــــــع
.. قامت من على السرير وهي تمسح دموعها .. الي انسابت بغزارة على خدها..

وهي تحاول تنسى ذكرياتـها وايامها معاه ودخلت الحمام ..وانتوا والكرامه ..

.. في فله بدر ..

توها طالعه من الحمام ماخذه لها شور .. قاعده على التسريحه تحط لها اكريم جسم وتتعطر .. وشعرها الرطب متناثر على جتفها و ويها وطالعـــــه كيــــــــوت

دخل عليها بدر و أول ما جاف شكلها سند روحه على الطوف وقعد يتأمل شكلها الطفوولي ..وفي نفسه "آآآخ يا نجوى والله جننتيني فيج .. يااريـــــت تحســـــين فيني والله احبــــــــــــــــــــج والله" قطع عليه سرحانه

نجوى: بدوووووووور وجع ان شااء الله اشفيــــــــــــك فهيــــــــــت

بدر ببتساامه جذابه:مفهــــي فيج يا رووحي

نجوى بصوت خافظ:طلعت رووحك ان شاء الله

سمعها وحزة بقلبه كلمتها ..تجدم منها .. بدر :شنو قلتي؟!

نجوى توها بترد تعيد كلمتها ..بس تذكرت موقفها معااه ..وحست بالقرف من انه واقف يمها ..

سحبت المشط من على التسريحه وقعدت تمشط شعرها ..وطنشته ولاا كأنه واقف

بدر ماحب حركتها :انا اكلمج ردي علي لاتقعدين تطنشيني

رفعت عينها تطالعه من المنظره :مابيك تنام بالغرفه معااي

بدر وهو يطالعها بنظره :ليـــــش؟؟!!

نجوى على وضعيتها :بس انا مابي انام معااك ..جوف لك مكان ثاني نام فيه

بدر وهو على نظرته :لـــيش هوو على كيـــفج انام في اي مكاان .. انا غرفتي هذي و راح انام فيها وياااج ..ســـــــــــامـــعـــــــــــه

وهو يلف عنها يدخل الحمام .. وانتوا والكرامه .. قبل لا يسمع ردها ..

نزلت المشط بقوه من القهر الي فيها .. نجوى : حمــــــــــــــــــــــااار .. اي تخسى اناام ويااك ما عليه أوريــــــــك هذي غرفتك خلها لك ..والله ما نام معاك والله

مشطت شعرها بسرعه ولفته بحركه عشوائيه وخذت تلفونـها وطلعت من الغرفه بسرعه قبل لايطلع بدر من الحمام ..

ونزلت لي الغرفه التحتيه وقفلت عليها البااب و انسدحت على السرير وهي تضحك

نجوى :هههههههه عيل قصبــ(ن) علي انام ويااك ههههههه والله
كسرت خاطري .. خل طيرك يرقد وياك ههه لفت على جهة اليمين ونااامت ..

.. اما بدر اول ماطلع من الحمام استغرب انـها مو موجوده ..

طلع يجووفها ويـنها صار يدخل كل غرفه في البيت لي ماوصل لي الغرفه الي كانت راقده فيها نجوى ..

لما فتحاه كان مقفول عرف انه هي موجوده داخل ..صار يطق الباااب بقووه وبزعااج

بدر :نجوووووووووى فجــــــــي البااااااااب ..نجووووووووووى فجـــــــــــي البااب احسن لج

.. بس لاحياة لمن تناادي ..

بكل قهر طق البااب بقووه أكبـــــــــر .. بدر:مااااعليه يا نجووى مااعليه بردها لج وبتجوووفين

تركها ورااح غرفته وحط رااسه ونام بكل قهـــــــر من حركتهاااااااااااااااااا

~ يوم الثاني ~

فتحت عيونـها بشويش .. تبي تستوعب المكان الي قاعده فيه .. وبالحظه ابتسمت بعد ماتذكرت الي صار امس ..

رفعت تلفونـها الي على الطاوله الي يمها تجوف الساعه كم..

و اول ما فتحت نور الشاشه جافت 10 مكالمات لم يرد عليها و3 رسايل كهم من بدر

فتحت اول رسال

~~
فجي البااب وستري على رووحج احسن لج
~~

المسج الثاني

~~
شكلج مابتفحــينه مااعليه يانجوى تحملي الي اييج
~~

المسج الثالث

~~
طيب هــــين ترانــي ما أهدد على الفاضــــي وإنتي جنيــتي على نفســج
~~

.. قامت وهي تدعي ربـها ما تجووفه قاعد .. و فتحت الباب بـ هدوء ومن غير صوت ..

صارت تصعد فووق الدرج .. دخلت الغرفه وكاانت باااارده ونور الشمس عاكسه على لون الستاره إلي بالغرفه

..يعني تقدر تجوف إلي جدامها .. راحت طلعت لها جينز اسود برموده وبدي أسود فيها كلمات فوشيه عند الصدر
ودخلت الحمام .. وانتوا والكرامه ..

.. في فلة سعود ..

.. كانوا قاعدين يتفطروون ..

رنيم :احم ..سعود

وهو يرفع عينه يطالعها .. سعود :عيوونه

رنيم بخجل:تسلم عيونك ..اليوم

سعود وهو يبتسم:مانســـيت راح نرووح بس انا عندي كم شغله اخلصها وأمر آخذج انتي بس جهزي نفسج علشان على طول أمرج و نروح بيت ابوج

رنيم ببتسامه: اذا مشغول عادي خل نأجلها مره ثانيه ماما ماراح تقول شي

سعود مستغرب منها .. و في نفسه "مو علي يا رنيم ..اكيد وراج شي وانا لازم اعرفه"

.. وهو يحط يده على يدها وببتسامه حب .. سعود :لا يا قلبي مو مشغول ولا شي وحتى لو مشغوول راح افضى لعيوونج يا عيوني

رنيم وهي تنزل راسها بخجل :تسلم عيونك

وقعدو يكملون فطارهم

.. في فلة بــــــدر ..

نجوى طلعت من الحمام و انصدمت من بدر قاعد يطالعها ..لفت عنه وماعطته اي اهتمام ولاا عبرته حتى بنظـــره

تنرفز اكثر من حركتها .. بدر بعصبيه :نجوووى
لي متى ان شاء الله بتبطلين حركات اليهال عنـــج ..اذا كنتي ياهل فتأكدي انا رياال واذا على بالج هذا الشي الي يصير لعبه فأنتي غلطانه لاتظنين إني سكت مره او مرتين بسكت بعدها صحيح اني صابر .. بس الصبر له حد وانا صبري بدا ينفذ .. فرجاءاً هذي اخر مره احذرج فيها يا تصيرين مره سنعه وله انا الي راح اسنعج

نجوى بعصبيه :هه اعلى مابخيــــــــلك اركبه .. وبعدين ترى انا الي صبري نفذ منك من زماان .. ودامك انت موو متحملني ..خلاص كل واحد بطريج لاتعور راسك معااي ولا انا .. وبعدين لايكوون انت نسيت الي سويته ترى باقول لك شغله ..

جربت منه وحطت سبابتها عند صدره

وبسخريه نجوى:لو كنت فعلاً ريال ثمن كلامك وعلم نفسك الصح من الغلط تالي تعال حاسبني

بدر حس انه الشياطين الارض كلها ركبته في هالحظه ومن دون اي سابق انذار او وعي رفع يده وبقوه ..................................