  ياشينها غلطه الغالى علـى الغالـي
ماعاد ينفـع دواهـا لـو يداويهـا
ياليتها من عدوي ويمكـن أشوالـي
ولاأني اقدر على الغلطة وأعديهـا
ماهي كذا تصبح وتمسى على بالي
لارتحت منها ولاأدري وين أوديهـا
ومهما كتبت القصيد المر والحالـى
عيـت جـداد القصايـد لاتسريهـا
وابسط مايثر على وجيـه عذالـي
وأقسى مايقسا على نفسي طواريهـا
وأكثر مايبحث خفاى ويسرف بحالي
الي تمعنـت فـا لرفقـة وتاليهـا
اشره على اصابعي وازرار جوالي
ولاعلـى قائمةلاسمـاء واساميهـا
ولاعلى اللي يروم المرقب العالـى
وش مكسبه يوم حول من علاويهـا
زودً علـى الهـم همـة التـالـي
وامـال ماطالهـا وأمـال يبنيهـا
ياخال باق العلوم عراض وطوالـي
مايسمح الوقت لجل أعطيك باقيهـا
وقـل للمدينـة وأهلهـا لاتحرالـي
وأنا ماأسمعتك المدينة قل لاهاليهـا
اعيش مسجون ولاالمهمـة الخالـى
أحسن ولااشوف نفسي في ضواحيها
حتى لو انها تضم المترف السالـى
قلبي جزع من معرفتهـا وطاريهـا
وان قالوا أشفية متكبـر ومتعالـي
لاتقول مشغول وعلومـة مخفيهـا
قل منجرح من سوايا واحدٍ غالـي
واللي مسبـب جروحـة لايداويهـا
لكن الي زيد كدرهـا علـى حالـي
دربيت فوقـه حصـاه مايدربيهـا
أنا لو إن عمي أخطا وأنجرح خالي
سلم العرب وإن بغيتـة مايمشيهـآآ  |
|