شبكة همس الشوق - عرض مشاركة واحدة

23 - 3 - 2015, 10:14 AM

الجـــــــــــزء الســــــــــــــــــادس
في بيت ابوفهد
صحى فيصل على صوت جواله وكان المتصل اخوه فهد
فيصل وبصوت كله نوم:الو
فهد بضيق:هلا فيصل انت نايم؟!
فيصل وبدون نفس:انت وش رايك يعني بهالوقت جالس ارقص يعني مثلآ اكيد نايم.
فهد بعصبية:أقول اسمع١٠دقايق بالضبط وانا عندك قوم فز وقفل الخط بوجهه.
قام فيصل وهو واصل حده استحم وراح ينتظر اخوه بالصاله.
. . . . . . .
في بيت أبو نواف كانت العنود جالسه تذاكر وحست بحركة مها وراحت جلست جنبها:هاوشلون الحلوه الحين؟
مهابضيق:بخير ونزلت دموعها.
مسحت العنود دمعتها بأصبعها وبحزن:ليه هالدموع شنو سوى لك نواف قوليلي وأذبحه لك.
قالت مها للعنودكل شي العنود حست روحهابتموت قهر وتبي تنتقم من غاده وبعدتفكير راحت لغرفة ساره ولقت غاده عندها
العنود بمكر:بنات مهاصحيت إذا بتسلمون عليها.
ساره بفرح:والله اجل يالله نروح له.
وسحبت يد غاده إلي خافت من ردت فعل مها
دخلت ساره وباست مها لاحظت نظرات مها لغاده وشكت بالموضوع التفت لغاده:قربي ياغاده سلمي.
تقدمت غاده وسلمت ويدهاترجف بس مها ماسوت لها شي وقررت ماتفضحهاقدام اختها.
ارسلت العنود مسج لنواف وطلبت يتصل فيها ضروري وتركت الجوال ع الطاوله قريب من ساره وراحت جلست جنب مها.
ثواني ودق جوال العنود العنود وبتمثيل للطفش:اوووف ياربي وناظرت بساره:الله يعافيك ياساره شوفي مين.
اخذت ساره الموبايل وناظرت الأسم:هذا نواف خذي ردي قبل يقطع.
مدت العنود يدها بس قفل ماردت وثواني دق جوال مها العنود بخبث:ردي يامها اخوي استخف حرق الجوالات من خوفه عليك كانت تتكلم وتناظر غاده بطرف عينها.
ردت مها وبصوت مبحوح:الو
نواف بقلق:مها حبيبتي فيك شي؟
بهالحظه مها قررت ترد اعتبارها وتعلم غاده إن مافي شي يهز ثقتها بنواف مهابدلع:لهدرجه خايف علي.
نواف بحب:آآه يامها والله انا انظلمت تكفين لاتشكين بحبي لك.
مها بحب وحالميه:ربي مايحرمني منك حبيبي وناظرت بغاده وقالت:أحبك موت.
نواف بشوق:الحين الحين جاي وقفل الخط بدون مايسمع ردها.
مها استمرت بالتمثيل وكأنها باقي تكلم نواف:حبيبي والله استحي البنات عندي وضحكت.
العنود قربت فمها من الجوال وبصوت عالي:أقول نواف احنا بنات لاتخربنا يالله باي وسحبت الجوال من أذن مها وضغطت الزر الأحمر.
غاده كانت بتنفجر من القهر والعنود ومها لاحظو تغير وجهها ساره بطيبه:شكل نواف يحبك موت الله يخليكم لبعض يارب.
غاده ناظرت بأختهابقهر وقفت وبأبتسامه مصطنعه:استأذن بروح اذاكر وناظرت بمها:ماتشوفين شر وطلعت.
. . . . . . .
في بيت ابو فهد دخل فهد لقى فيصل جالس يقرا جريده ولاتحرك من مكانه يسلم ع اخوه.
تقدم فهد ووقف ع راس فيصل:السلام عليكم
فيصل بدون مايرفع راسه لأخوه:وعليكم السلام.
فهد تضايق من تجاهل فيصل له وسحب الجريده بعصبيه:لما أكلمك تناظرني فاهم احترم إلي اكبر منك.
فيصل سحب الريموت ومدد رجلينه ع الطاوله وصار يفرفر بالقنوات بدون هدف:يالله صباح خير.
سحب فهد الريموت ورماه بعيد عن فيصل.
فيصل كان بيقوم بس يدين فهد ثبتته بالكنبه:اسمع انا اليوم جاي اعيش انا وفرح بالدور الثاني وانت اطلع اسكن بالملحق.
فيصل حس كأنها مصيبه ونزلت عليه فهد معقوله هذا إللي قدامي فهد أخوي مستحيل انا يرميني بالملحق إللي عباره عن غرفه وحده وهي مستودع لأغراض قديمه لهدرجه هنت عليه نزلت دمعه حاره ع خد فيصل ماغابت عن نظر فهد إللي صد عن اخوه مايبي يضعف لأنه مجبور يسوي كذا فهد وبصوت حازم:اليوم بعد صلاة المغرب تطلع كل أغراضك إلي تحتاجها علشان ماتحتاج تدخل البيت ومشى لين وصل لباب بيطلع بس وقفه صوت فيصل:إذا انت متزوج وتبي تطردني من البيت لأني عزابي ابشرك الليله عرسي وانت أول المدعوين حياك الله وابتسم ابتسامه عريضه مافهم شنو سرها فهد.
فهد بأستهزاء:لا لا اخيرآ ياولد بتصير رجال ههههههه.
فيصل حس بأهانه من اخوه خصوصآ كلمة ولد وبأبتسامة تحدي:وابشرك العروس ناس غاليه علينا حيييييل.
فهد ماأهتم وطلع وفيصل انهار وراح لغرفة امه مايدري ليه حس بحاجته له وبحاجته لحضنها فتح الباب وراح لسرير اهله ورفع الغطاء اللي كان يغطيه الغبار ونام بالسرير وهو ضام وسادة أمه حيل ودموعه ع خده:آآه يايمه وينك انا محتاجك تعالي ناظري فهد يايمه شنو يسوي في اخوه يايمه تعالي عاقبيه مثل ماكنتي تسوين له آآه ومن التعب نام.
. . . . . . . . . .
في فلة أبوسلطان كانت فرح ترتب أغراضها بالشنط خلاص راح تودع حياة العز لأن ابوها كان مديون والديانه يطلبون فلوسهم وأبوها خسر كل املاكه واضطرت تبيع الفله ويقفلون المستشفى تنهدت بضيق وكملت ترتيب.
. . . . . . . .
في بيت ابو نواف كان سامي يلبس بثوبه دخل حسن بملابس الرياضه سامي ناظره بأستغراب:انت باقي مالبست؟
حسن بملل:لا
سامي بصراخ:قوم البس الحين الناس بتجي قوم.
حسن بطريقه استفزازيه:مدد نفسه اكثر ع الكنبه إذا جو صحني وغطى عيونه بالكاب.
تقدم سامي عنده وسحب الكاب وتوه بيتكلم رن جوال حسن.
حسن ناظر بالرقم وكان رقم مايعرفه ورد:الو
...:خالد وينك باباصارله ساعه ينتظرك.
حسن كان مستغرب ومومصدق كان صوت أنثوي قمه بالنعومه.
...:خالد ليه ماترد.
سامي لاحظ سرحان أخوه وهزه بكتفه:حسن فيك شي
ريوف سمعت صوت سامي يقول حسن وقفلت الخط.
حسن عصب من اخوه لأنه خرب عليه وبنرفزه:نعم وش تبغى.
سامي:وش فيك من إللي اتصل؟
حسن قام بعصبيه:موشغلك وطلع.
سامي استغرب بس ماأهتم وراح لأبوه.
.. . . . . . . . . .
في بيت شروق كانت تكلم ماجد شروق وبصراخ:وش تقول ياماجد تتزوج وأنا مافكرت فيني وإلا انا بس تسليه بالنسبه لك قول فهمني.
ماجد غمض عيونه بقهر وهو يتذكر كلام عمه معاه لماقاله عن سبب سفر أبوه يوم وفاتهم راح يخطب لماجد ساره وقاله لوصارله شي هذي أمانه برقبته لازم ينفذها وأبوسامي بلغ ماجد وماجد وافق وملكته مع فيصل اليوم والكل داري وموافق تذكر هالأحداث ونزلت دموعه لأنه مابيتزوج حبيبته ماجد قسى قلبه وبحزم:انسيني يا شروق انا ماني من نصيبك قال هالكلمه وقفل الخط بوجهها وهو يتألم لحظهم.
أما شروق ماكانت احسن حال منه وانهارت وجلست تبكي بهالحظه كانت صاحبتها مزون ببيتهم ودخلت عند شروق وناظرتها منهاره وخافت عليها:شروق حبيبتي وش فيك؟
شروق راحت في حضنها: ماجد راح يامزون راح.
مزون هدتها:فهميني وش فيك ياشروق.
حكت شروق لمزون إللي صار مزون جلست تناظر بالساعه وطرت ع بالها فكره وقامت جابت جوال شروق وطلبت منها تتصل في ماجد وتسأله متى موعد ملكته ولاكانت فاهمه شي ونفذت طلبها وقالها ماجد بعد صلاة العشاء ناظرت مزون الساعه مره ثانيه وبداخلها:يعني باقي ساعتين يمدي.
قامت مزون وكشخت شروق وجلستها ع السرير وفهمتها ع خطه بتوقف هالملكه وشروق اتصلت بماجد وطلبت منه يقابلها بالشقه لأنها تبيه ضروري وقفلت.
ابتسمت لمزون بخبث:الله لايحرمني منك باي وطلعت تنفذ الخطه.
. . . . . . . . . . .
في بيت أبوفهد دخل فهد وفرح ناظرت فرح البيت بقرف ناظرت الأثاث إللي متوسط الحال وناظرت الجدار إللي راح نص لون بويته فهد مسكها من يدها ووراها باقي البيت وطلعو للدور الثاني ولفت انتباهه نور غرفة اهله واستغرب دخل فرح غرفة نومهم وراح لغرفة اهله لقى فيصل نايم وهو ضام صورة ابوه تقدم عنده وبكل حب باس جبين اخوه وهالحركه صحت فيصل فهد بعد عن اخوه بسرعه وكأنه جالس يسرق فيصل بتعب:انت جيت؟
فهد بأصطناع العصبيه:وش رايك يعني ماتشوفني واقف قدامك.
قطع حديثهم صوت جوال فيصل وكان نواف ابتسم فيصل ابتسامه عريضه وناظر فهد وبسعاده: هلا هلا ومرحبا مليون.
نواف معصب: هلا هااا والله لوريك شغلك بس اليوم تدلع عريس يالله تعال تراك تأخرت عمي بوسامي ينتظرك.
فيصل وبنفس الأبتسامه:أقول دقايق وانا عندكم وشكرآ ماأبغاك تدلعني كلها كم ساعه وأكون بحضن زوجتي وتدلعني بطريقتها يالله باي.
فهد ماكان عارف مين المتصل ولايعرف مين زوجة أخوه بس قال بداخله:قلعته يتزوج إللي يبغى وانا وش دخلني فيه ولما وصل للباب بيطلع وقفه صوت فيصل بخبث:أقول فهد مابتحضر زواج أخوك؟
فهد بعدم اهتمام:قلعتك روح لوحدك ولاتنسى قولهم اخوي فهد مات وضحك بصوت عالي.
فيصل انقهربس حاول يضغط على نفسه:بس إذا ماحضرت بيزعلون الحبايب منك.
فهد موفاهم ولاشي لكن قرر يطنش وطلع.
فيصل راح أخذ ثوبه ولبس وتكشخ وطلع لبيت عمه.
. . . . . . . . . . .
في بيت أبو نواف ساره كانت تلبس وبتطير من الفرح حلمها أخيرآ بيتحقق وبتعيش طول عمرها مع ماجد حبيبها دخلت امها بكرسيها المتحرك ونزلت ساره لمستواها وباست راسها وأمها ضمتها: الف مبروك حبيبتي.
ساره تحس نفسها كأنها بحلم ومو مصدقه شي.
دخلت مها وسلمت عليها وباركت لها:الف مبروك قلبي.
ساره بخجل:الله يبارك فيك يارب.
مها:يالله روحي لغرفة العنود ولفت لأم سامي يالله ياعمه ننزل تحت الناس الحين تجي وسحبت كرسيها المتحرك ونزلو تحت.
. . . . . . . . . . . . . . .
في الشقه عند شروق كانت جالسه وتنتظر ماجد وتفكر إذا إلي بتسويه صح أو خطا وفجأه قررت ترجع لبيتهم وتنسى هالفكره المجنونه وتوها بتقوم دخل ماجد بكامل أناقته أول ماناظرت شكله ماتت قهر وقررت تسوي الخطه وإلي فيها فيها.
ماجد ماكان مصدق إن إلي قدامه شروق كانت كأنها ملاك ناظرها من فوق لتحت كانت لابسه تنوره جنز قصيره حيل وبدي قصير وبطنها كله مكشوف وفاتحه شعرها وحاطه قلوس وردي وضل وردي بياضها كان ملفت للأنتباه فتح فمه ع الأخر ومومصدق ابد.
اما شروق كانت مرتبكه وخايفه ع الأخر تقدمت عنده بخطوات متردده ولفت يدها ع رقبته وباست خده وبألم:الف مبروك ماجد.
اما ماجد كان مخدر ويناظر بعيونها حس إنه لازم يبعد عنها لأنه إذا مابعدها يمكن يسوي شي بيندم عليه وبصعوبه بعدها عنه وناظر بالأرض: امري شروق شنو كنتي تبين مني.
شروق ماتت من القهر من حركته وتذكرت الخطه مسكت يده وسحبته لغرفة النوم وماجد مستغرب جلسته ع السرير وناظرت فيه وبتصنع للبرائه:حبي دقيقه وجايه بروح اجيب لك هدية زواجك وراجعه.
راحت المطبخ جابت المخدر ورشت منه كميه كبيره بمنديل وخبت العلبه بجيبها الخلفي ورجعت الغرفه عند ماجد ويدها ورا ظهرها تقدمت منه بغنج تقدمت لدرجه وجه ماجد لاصق بصدرها استغلت هالوضع ودخلت المنديل تحت الوساده نومت ماجد بالسرير.
ماجد ماقدر يقاوم جمالها سحبها له واخذ منها أعز شي مرت فتره تتعدى الساعه حس ماجد إنه سوى شي كبير مسك راسه وجلس ع السرير: انا وش سويت ياربي انا وش سويت ناظر الساعه:يالله راح الوقت رفع اللحاف وقام.
شروق ناظرت إنه صار وقت إنها تطلع المنديل لكن مالقته دورت بيدهامالقت شي نادته بهدوء علشان تشغله لف ماجد لها واهو واقف يلبس جا بياخذ شماغه من تحت تنورة شروق وطاحت عينه على علبه زجاج صغيره كانت بالجيب مسكها بيده شروق وقف قلبها.
ماجد كان يعرف يقرا انجليزي قرا وطار عقله ياحقيره راح مسك شعرهابقوه:شنو هذا ياحقيره وشنو جابه عندك ويشد أكثرشعرها.
شروق بصراخ:آآه شعري اتركني ماجد.
ماجد ولازال يشدشعرها:مخدر يابنت الكلب مخدر ليه ياحقيره ليه ودفها ع السرير وطلع.
شروق انهارت فقدت اعز شي وخسرت ماجد وفشلت الخطه اتصلت بمزون تجيها وانهارت بعدها.
.....