شبكة همس الشوق - عرض مشاركة واحدة

23 - 3 - 2015, 11:00 AM

الــــــجزء الســـــــــابع
دخل فيصل بيت عمه وناظر نواف واقف ينتظره عند الباب:فيصل ياخي وينك الشيخ داخل ينتظرك.
فيصل بضحكه:ههههههه يالله لا يطلع عمي يعفسنا.
دخل نواف وفيصل وتم كل شي وصار وقت انه ياخذ زوجته للبيت دخل وهو ماسك يد العنود اللي كانت ترجف أول مادخلت
تذكرت ايام حبها لفهد وشلون كان ينتظرها بنفس هالحوش وناظرت بالكرسي الوحيد الخشبي الموجود بأخر الحوش تذكرت يوم
كانو يلعبون وإذا تعبو جلسو على نفس هالكرسي نزلت دمعة قهر من عيون العنود ودخلت للبيت وهي كلها اصرار تحطم فهد
وتكرهه بعيشته.
فيصل كان متلخبط مو عارف شلون يتصرف دخلو للصاله والتفت لها:الف مبروك يا العنود نورتي البيت.
العنود وبداخلها مقهوره وبصعوبه رسمت ع شفايفها ابتسامه ممزوجه بحزن:الله يبارك فيك.
مسك يدها فيصل ودخلها لغرفة النوم.
جلست العنود تتأمل الغرفه كانت حلوه وبسيطه لون الجدار السماوي الفاتح جدآ والسرير خشبي ومتواضع جدآ وكان في تسريحه
كانت الغرفه هدية عم العنود ابوسامي و البويه غيرها فيصل قبل زواجه.
فيصل كان يتامل بالعنود وبداخله:والله ماشاء الله عليها بنت عمي ما حسبتها بها الحلى والله فهد ماعنده نظرتارك هالمزيونه واخذ
لي فرح اللي لحم ع عضم كان يناظر بجسمها من فوق لتحت واخذ راحته لأن العنود كانت معطيته ظهرها وفجأه لفت العنود
وانحرجت لما انتبهت لنظرات فيصل جمعت قوتها وتكلمت:فيصل ممكن تطلع ابي ابدل.
فيصل ناظر فيها آآآآآآآآه فديت الخجلانه انا:ايه بطلع انا ببدل بغرفة امي وانتي إذا بدلتي انتظرك علشان نتعشى انتي الظاهر
ماكليتي شي وانا جوعان.
العنود بخجل:لا قبل لا اطلع تعشيت إذا حاب تتعشى بالعافيه عليك.
فيصل: انتي الحين بدلي ويصير خير وقفل الباب.
جلست العنود تبدل وفيصل راح للمطبخ يشرب ماي وناظر فهد واقف يشرب.
فيصل عصب وطلعت شياطينه:هي انت وش جالس تسوي هنا مو قلنا لك الدور الثاني ولا اشوفك هنا؟؟
فهد بضحكه:اظن البيت مو بأسمك وبصراحه المطبخ اللي فوق مافي ماي بارد قلت انزل اشرب من تحت.
فيصل مسك يد اخوه وبعصبيه:الحين شربت تقدر تطلع لغرفتك زوجتي موجوده ومابي احد يضايقها ابيها تاخذ راحتها.
فهد بطريقه استفزازيه سحب واحد من الكراسي وجلس:ااااااووووووووه ع البركه العروس جبتها؟؟؟ وينها خلنا نبارك لهاههههه
فيصل وصل حده:اسمع يافهد والله لوما تتعدل معاي لأعلمك من فيصل.
فهد حس انه مصخها طلع وقفل باب المطبخ اما فيصل جلس ع الكرسي وحط يده ع راسه وهو يحاول يهدى مايبي يتضايق
بليلة عمر.
......................................
في بيت ابو نواف ماجد كان جالس بالمجلس وسرحان ويفكر باللي سوته شروق دخل سامي للمجلس ولا انتبه له ماجد
سامي وهو يمرر يده قدام وجه ماجد:ياهوووووووووووه يابو الشباب وين وصلت لها الدرجه سارونه ماخذه عقلك؟؟؟هههههه
ماجد تذكر ساره يالله قد ايش هالبنت ناعمه وهاديه وخجوله عكس شروق بس انا ما احس بأي مشاعر ناحيتها احسها
مثل العنود.
سامي ضحك بصوت عالي:هههههههههههههه لا حالك ميؤس منه اقوم انام افضل وقام.
ماجد ما اهتم ولا ناداه حس انه نفسه يختلي بنفسه شوي وفكر ليما نام.
...............................
في غرفة نواف دخل نواف لقى مها توهاطالعه من الحمام مستحمه ولافه الفوطه ع جسمها اول ماناظرته قالت بداخلها آآآآآه
فديت هالوجه انا اشتقت له بس والله لوريك من مها يانواف طنشت وراحت تطلع لها روب.
نواف استغرب اليوم كلمتني بالجوال كانت راضيه وش القصه راح عندها وبصوت كله وله:مساء الورد مهاوي.
مها ولا كان في احد يكلمها:.........
نواف:قلنا مساء الورد.
مها:...................
نواف عصب:مها كلميني لما اكلمك.
مها بنفس التجاهل:............
مسكها نواف من كتفها ولفها لجهته:مها وش السالفه اليوم كلمتيني وش زينك واحبك ومادري وشو وش صارلك الحين؟؟؟
مها بداخلها بتفجر من الضحك طيب والله لاوريك يانواف مسكت نفسها لاتضحك وتنفضح وبتصنع للزعل:نعم بغيت شي؟؟
نواف كان يناظر بعيونها ومو مصدق ان هذي مها نواف وبحزن:انا آسف يامها بس والله انا مظلوم والسالفه ومافيها إن.....
مها حطت يدها ع شفاته:اشششش ابي اروح ابدل مالي خلق اسمع شي ودخلت للحمام وضحكت بصوت واطي:يالله ياناس
احبه والله مصدقتك ومستحيل اشك فيك لكن لازم اكمل هالتمثيليه عليه ليما بكره.
طلعت ناظرت النور مطفى دخلت باللحاف بهدوء.
حس نواف فيها ولا تحرك تقلب تقلب تقلب ليما مل وقرر يصالحها بطريقته اهو يعرف إن مها ماتعرف تنام غير بحضنه
لف جهتها وخاب ظنه لقاه عاطيته ظهرها ضمها من ورى على أمل تسامحه وتعطيه وجه.
مها بداخلها:يالله كأنه حاس فيني ياربي ماعرف انام غير بحضنه حاولت تطنش وماقدرت وبالاخير قررت تريحه وترتاح ~_^.
................................
في غرفة حسين اللي كان يقلب الموبايل بيده ويناظر برقم البنت اللي سمع صوتها اليوم من وقت ماسمعه وهو متلخبط وسرحان
ناظر بالرقم وقرر يتصل واللي فيها فيها اتصل انتظر صوتها يجيه لكن بدون فايده رجع اتصل وبدون فايده انقهر وفقد الأمل انها ترد
قفل الجوال بعصبيه ونام.
...............................
في بيت ابو فهد دخل فيصل الغرفه لقى العنود جالسه ع السرير فتح فمه ع الأخر انصدم من طول شعرها اللي كان مبعثر بطريقه
حلوه وطالع شكلها كأنها ملاك ناظر روبها الأبيض الخفيف وكانت فتحت الصدر كبيره ناظر رجلينها الممدده ع السرير كان
شكلها مغري قاوم شكلها وحاول يصرف نظره في الغرفه فيصل بلعثمه:عنود انتي اقصد انا كنت انتظرك ليه ماجيتي؟؟
العنود حست بلعثمة فيصل وانحرجت:قلتلك بالعافيه عليك انا بنام تعبانه.
فيصل تقدم عندها ومسك يدها وحسها بارده وناعمه.
العنود خافت وسحبت يدها.
فيصل حس بخوفها لانها فسرت مسكت يده لشي ثاني وبعد عنها:انا آسف يالله امشي علشان تاكلي مافي نوم بدون أكل يالله.
العنود حست انه مافي مجال والظاهر ان فيصل عنيد قامت معاه وفيصل استانس جلسو ياكلون فيصل كان ياكل وماخذ راحته
عكس العنود كانت تاكل شوي شوي وبخجل.
فيصل عرف ان عنود مستحيه منه قام وتركها تاخذ راحتها.
العنود حست ان فيصل قاصد يقوم أول علشان يتركها تاخذ راحتها وبالفعل اخذت راحتها وهي تشكر فيصل بداخلها لانها فعلآ كانت
جوعانه جمعت الأغراض ودخلت المطبخ خذت كاس ماي وشربت ورجعت لغرفتها ناظرت فيصل يصلي ركعتين طبعآ في
ازواج يصلونها شكر لله.
استغربت العنود هي توقعت ان فيصل مجبور يتزوجها ومغصوب بس فكرت :شلون مغصوب والحين يشكر ربي لانه تزوجني
لالا يمكن يصلي صلاة الليل كانت واقفه تناظره ومحتاره لكن ريحها من حيرتها كلمت فيصل:عنود قبل تنامي صلي
ركعتين لله شكر ان الله يسر لنا زواجنا.
العنود كانت مصدومه وفاتحه عينها ع الأخر ولا تكلمت.
فيصل حس كأنها مصدومه وحسب انها ماسمعت او شي وعاد نفس الجمله عليها.
العنود حست ع نفسها وتداركت الموقف:طيب الحين بصلي وراحت توضت وصلت و راحت نامت بسريرها.
فيصل كان مرتبك وخايف ولاتحرك خاف يسوي أي شي وتكرهه او تخاف فقرر يتركها ليما تتعود عليه تعوذ من ابليس ونام.
العنود استغربت ان فيصل ماقرب منها وحمدت ربها بداخلها وبصعوبه نامت.
.......................................
بيت ابو نواف كان ابو سامي صاحي الصباح كالعاده ويشرب قهوة مع ام سامي ونزل ماجد وناظرهم وباس رووسهم:صباح الخير عمي وناظر بعمته وباس راسها:صباح
الخير ياعمه.
ابوسامي:صباح النور يامعرس كيف اصبحت؟
ماجد:بخير جعلك الخير.
ام سامي:وش مصحيك كذا بدري ياولدي؟
ماجد:ابد والله بس اليوم الجمعه انا متعود اصحى بدري.
ام سامي:الله يعطيك الصحه.
ابوسامي ناظر بساره اللي كانت بتزل بس لما ناظرت ماجد طلعت الدرج ضحك ابوسامي وناظر فيه ماجد وام سامي مستغربين.
أم سامي:وش يضحك يابو سامي ضحكنا معاك!!!!
ابوسامي يرفع صوته ويناظر بالدرج:انزلي ياساره ماحد غريب هذا ماجد.
ماجد على طول ناظر بجهة الدرج وناظر رجلها وابتسم على حركتها وطرا بباله فكره واشر لعمه وعمته انهم يسكتون.
مشى على اطراف اصابعه ليما وصل للدرج وناظرها واقفه.
ساره استحت ونزلت راسها عكس ماجد اللي تم يتأملها وبعد فتره راح بدون مايقول ولا كلمه.
ساره سمعت صوته وهو يستأذن من ابوها وأمه وطلع ارتاحت ونزلت عند امها وابوها.
..........................................
في بيت ابوفهد صحيت فرح وحست نفسها تعبانه استحمت وراحت صحت فهد أللي بصعوبه صحي وقام استحم وبدل علشان يروح يصلي الجمعه بالمسجد
اللي تعود يروح له بنفس حارتهم لبس ثيابه وطلع من البيت.
اما بغرفة العنود اللي كانت نايمه وصحيت من صوت جوالها رفعت يدها تدور جوالها وبصعوبه لقته وبصوت كله نوم:الو
مها:صباحيه مباركه ياعروس.
العنود بصوت واطي:هلا مها.
مها بتصنع للعصبيه:للحين نايمه الظاهر ولد عمك سهرك للصباح ههههههههههه.
العنود بفشله:اسكتي يامها والله ماسهرني بس انتي افكارك تعبانه.
مها بخبث:باين ماسهرك والدليل نومك لهالوقت.
العنود خلاص وصلت معاها من الأحراج:مها والله ماصار شي ولا قرب مني.
مها:طيب طيب إذا جيتي نتفاهم قومي البسي وتعالي علشان العزيمه.
العنود:طيب يالله باي.
مها بضحكه:باي هههههههه.
العنود تحاكي نفسها:هالبنت افكارها تعبانه ورفعت اللحاف وقامت.
وبهالوقت كان فيصل صاحي وسمع كلامها وضحك بنفسه على سوالف العنود.
...................................
في بيت ابو نواف وبغرفة غاده كانت منسدحه وبيدها صورة لنواف دخلت عندها ساره بدون ماتدق الباب وبسرعه غاده دخلت الصورة تحت الوساده وتغير وجهها
ساره شكت فيها بس تجاهلت تصرفها:غاده شنوجالسه تسوين؟
غاده بلعثمه:هاااا لالا ولاشي.
ساره قربت منها وسحبت الوساده وطاحت صورة نواف ساره انصدمت وبكل قهر صفعت غاده كف:وربي ياغاده لوتعرضتي لنواف ومهامايسيرلك طيب وأعلم أبوي.
غاده حطت يدها ع خدها وخافت من ساره ولاتكلمت ولابحرف.
. . . . . . . . . . . .
في بيت ابوفهد العنود نسيت ملابسها ع طرف السرير من كثر العصبيه من مها طلعتها من الدولاب وراحت أخذت الفوطه وباقي أغراضها بس نسيت الجلابيه وتمت واقفه بالحمام وهي محتاره شنو تسوي وأخيرآ قررت تلف الفوطه ع جسمها وبتطلع بهدوء وبتاخذجلابيتها وبترجع.
فيصل استغرب تأخرها بالحمام وأول ماسمع صوت باب الحمام حط يده ع عيونه كأنه نايم ناظرهاتمشي ع اطراف اصابعها ولأن غرفة فيصل مافيها فرش وسيراميك ولأن رجلين العنود فيها ماي تزحلقت العنود وطاحت ع ظهرها فيصل قام مثل المجنون ومسك يدها وساعدهاتوقف بس الفوطه انفتحت وبسرعه لحقت العنود لفتها ع جسمها بطريقه عشوائيه من تحت وميته من الأحراج.
فيصل ارتبك وناظر بالأرض وساعدها ليمانامت بالسرير ولاقال ولاكلمه سحب فوطته ودخل يستحم.
العنود حاولت تقوم تلبس بس ماقدرت ظهرهاعورها ضغطت ع نفسها ليما سحبت الجلابيه ورجعت جلست بالسرير وبهالوقت طلع فيصل.
ناظرها فيصل وهو يحاول مايناظرها تقدم منها وخذ الجلابيه من يدها وراح رجعها بالدولاب وفتح درج ثاني وطلع لهاروب أبيض وفيه ورود بيضا كان شيفون وقصير حيل للفخذ ماأنتبه لشكله خذاه وراح لها وبدون مايناظرها:عنود تقدري توقفي؟
العنود خافت وراح تفكيرها لبعيد ونزلت راسها.
فيصل فهم سكوت العنود إنه خوف:طيب اسندي نفسك علي بلبسك هالروب وبعدها نامي.
العنود كانت مقرره ماتسوي إللي قاله بس مافي حل غير كذا وشلون بتلبس وهي تعبانه رفعت راسه ومدت يدينها بخوف وحطتها على كتفه وبصعوبه قامت كان وجههابوجه فيصل.
فيصل حس بدفى انفاسها وتم يناظر بعيونها ماحس بشي بس قطع عليه صوت العنود:فيصل بسرعه ماعاد أقدر أوقف أكثر. لبسهافيصل ودقات قلبه بتفضحه والعنود ميته من الفشله.
ساعدها ترجع بسريرها وغطاها وقرر يروح قبل لايخرب الدنيا لف بيبعد عنها بس وقفته يدالعنود.
ناظر بيدالعنودالبارده ماسكه يده وجلس جنبهابالسرير وتم يناظرها:تبين شي عنود أمري انتي بس لاتتحركين انا بجيب إللي تبينه لعندك.
العنود بداخلها يالله اشكثر انت حنون يافيصل ياريتك الحين فهد موفيصل كان صار حالي أحسن نزلت دمعه ع خد عنود مسحهافيصل بأصبعه:ليه ياعنود هالدموع؟
العنود:.....
فيصل بحنان:عنود يالله نامي ارتاحي.
العنود بصعوبه:بس عمي عازمنا ع الغداء.
فيصل وقف وغطها وقرب وجهه من وجهها:أبعتذر منه وبنأجلها أهم شي سلامتك.
كانت العنود تناظربعيون فيصل عكس فيصل إللي ماقدر يقاوم جمال مبسمها ناظر بشفايفها الصغيره الورديه وتأملها وبدون شعور باسها وطلع.
العنود حست نفسها مخدره حطت يدها ع شفايفها وابتسمت ابتسامه خفيفه ونامت بدون تفكير.
. . . . . . . . . . .
في بيت أبو نواف مها نزلت لأم سامي وناظرت ساره صاحيه وابتسمت لها وسلمت عليهم وقربت القهوه منها:شلونك ياعمه؟
أم سامي:بخير الله يسلمك وانتي وشلونك وشلون الحمل معاك؟
مها بضحكه:الحمدلله بس شكله بيطلع شقي ههههههه.
ساره ببرائه:يارب تكون بنت ونسميهاساره إذا ولد مانبيه ههههه
مها بحنان:بنت أو ولد كله واحد.
أم سامي:الله يقومك بالسلامه والتفت لساره:وين غاده ياساره؟
ساره بخوف: هااا ايه فوق فوق بغرفتها.
أم سامي:قلتي لهاتلبس لأن عندنا عزيمه؟
ساره:هاا لا لا الحين بطلع أقولها وقامت بتروح بس جلستها مها:خليك انا طالعه وبطريقي ببلغها وطلعت وتركت ساره ميته خوف.
. . . . . . .
في بيت أبو فهد كانت فرح جالسه بالسرير تقرا مجله ودخل فهد بعد كان بالمسجد ناظرشكلها شلون طالعه كأنهاملاك بالتنوره الجنز القصيره والبدي الفيروزي فهد وكان يتجاهلها:السلام
فرح بدون نفس:وعليكم
تمدد فهد جنبها بالسرير وسحب المجله من يدها وحط راسه بحضنها وحط يدها ع راسه:سويلي مساج مصدع.
فرح ماتحركت ولا أعترضت وسوت له مساج.
فهد حس نفسه استرخى وكان بينام بس الجوع كافرشال يدها من على راسه وباسه وباس مكان ماكان حاط راسه بحضنها:شكرآ يافرح حبيبتي اناجوعان.
فرح مومصدقه شي وفاتحها عينها ع الأخر (حبيبتي معقوله انا حبيبته لا لا أكيدأحلم فهد يحب العنود).
سحب فهد يدها:يالله ننزل تحت نطلب شي من المطعم وقامت بدون أعتراض.
بهالوقت كانت العنود تحوس بالمطبخ تدور ع حبوب صداع وسمعت صوت فهد وفرح وصوت فتحت الباب وسمعت صوت فيصل:فهد وش منزلك تحت انا ماقلتلك زوجتي بالبيت؟
فهد ناظربفيصل وبأسف:والله احسبكم طالعين انا آسف.
فيصل كان يناظر في فرح إللي تعود يشوفها بالمستشفى بدون حجاب بس عمره ماناظرها بهالملابس:اطلعي فوق وتستري الستر زين.
فهد أنتبه للبس فرح وعصب منها ولف بيطلع بس سمعو صوت شي ارتطم بالأرض وصوت شي انكسر فيصل وبخوف:العنود وراح ركض للمطبخ.
فهد وفرح ناظرو بعض موفاهمين من العنود.
فهد بدا الشك يدخل قلبه نزل الدرج وبخطوات متثاقله ويدعي بداخله ماتكون العنود حبيبته سمع صوتها لكن كذب نفسه مشى لين وصل عند باب المطبخ وأنصدم وتمنى إنه مات ولا يناظر إللي يناظره كان فيصل ضام حبيبته وحلم طفولته كانت تبكي وهي بحضنه وهو يمسح على شعرها.
جن جنون فهد و........