شبكة همس الشوق - عرض مشاركة واحدة

23 - 3 - 2015, 11:19 AM

الجــــــــــــــــــــــــزء الــثامن
جن جنون فهد وتقدم عند فيصل وصاريحاول يبعد العنود عن حضن فيصل ويصراخ بوجهه:ياحقير ياكلب هذي حبيبتي شلون تضمها هذي حلم أخوك وطاح فيه ظرب بوجهه وبطنه وفيصل حاول يبعده ودفه وقام بصعوبه ومسك فهد من ياقة ثوبه:أقسم بالله لوتقول حبيبتي مره ثانيه لأذبحك هذي زوجتي يانذل تخليت عنها علشان فلوس فرح الواطيه هي وابوها تركتها وهي كانت تعشق وطاة اقدامك وبعتها وجاي الحين تبي ترجعها لك ها ها انسى يابابا راح فيصل للعنود إللي من الخوف جمعت نفسهابزاوية المطبخ وتبكي قرب منهافيصل وبحنيه:قومي حبيبتي لاتخافي انامعاك ومد يده للعنود إللي انتبهت لفهد إللي جلس بالأرض وحط راسه بين يدينه.
مسكت يدفيصل وساعدها تمشي للغرفه وحطها بسريرها وغطاها:نامي حبيبتي وارتاحي وإذا احتجتي شي ناديني طيب؟
العنود كانت تطالع بدم طلع من شفاة فيصل وسحبت منديل ومسحته.
فيصل غمض عيونه من الآلم ومن القهر ع اخوه سحب المنديل من يدها وطلع لأخوه.
فرح كانت جالسه عندفهد وماقدرت تحاكيه وأول مادخل فيصل طلعت.
فهد كان يبكي وهالشي حزن فيصل كثير شلون طاوعه قلبه يبكي اخوه اخذ مناديل ورفع وجه
اخوه بيده:ارفع راسك ياخوي وسامحني بس اللي صار صار.
فهد رفع راسه ونظرات الحقد بعيونه:اطلع برى قبل اشرب من دمك وحبيبتي بعرف شلون ارجعها لي وبخليك تطلقها
غصب عنك وبصراخ:اطلع برى اطلع.
فيصل عصب وتقدم عند وجه فهد:زوجتي مابطلقها لو ع قص رقبتي وطلع وتركه.
.....
في بيت ابو نواف طلعت مها تبي تبدل ملابسها وتذكرت غاده لازم تروح تقولها تبدل دقت الباب وجاها صوت
غاده:أدخلي ساروووه.
دخلت مها وع وجهها ابتسامه:صباح الورد
غاده خافت وارتبكت وهالشي ماخفي ع مها إللي لاحظت تغير وجه غاده.
مها:غاده فيك شي انتي مريضه؟
غاده تحاول تبين إنها طبيعيه:ايه انا بخير وقامت عند التسريحه وفتحت غطاء عطرها المفضل وصارت ترش
نفسها بشكل كبير وبدون ماتحس بنفسها.
وقفتها يد مها:غاده بس خلصتي العطر.
غاده حست بنفسها وتركت العطر ولفت تناظر مها:انا احب هالعطر كثيييييييير وناظري فتحت الدرج وطلعت 5 علب من نوع هالعطر
من درجة حبي لها العطر اشتري كميات كبيره.
اخذت مها علبه العطر ورشت شوي على ظهر كفها: اممممم مره حلوه ريحته ياغاده بس مركز وايد انا احب العطور الخفيفه
علشان نواف ما يحب العطور القويه.
غاده حست ان مها تبي تقهرها لما جابت طاري نواف وماتت من القهر وحبت تردلها الحركه وتقهرها قالت
بخبث:غريبه يحب العطور الخفيفه هذاك اليوم..... وسكتت.
مها ناظرتها بسرعه:ليه سكتي كملي هذاك اليوم شنو ياغاده.
غاده فرحة لما حست ان مها زعلت وبدات تشك بشي وتصنعت الخوف:هااااااا لالا ولاشي.
مها كانت شاكه بشي بس حاولت ماتبين:غاده عمتي تقولك البسي علشان العنود بتجي تتغداء عندنا وطلعت ماتركت لها مجال
تتكلم.
غاده من فرحتها نطت ع سريرها بفرح:وباقي ما ناظرتي شي يامها وقامت بدلت.
............................
في بيت ابو نواف وفي غرفة حسين دخل سامي ولقى حسين توه صاحي
سامي:صباح الخير.
حسين:هلا
سامي:وش فيك ترد بدون نفس؟
حسين: ولاشي
سامي:طيب اسمع البس خلنا نروح لأبوي علشان وما كمل كلمته إلا جوال حسين يدق وراح حسين ركض لجواله وناظر بالشاشه
وتحطم ورمى الجوال ع السرير:يوووووووووووه ياربي.
سامي مستغرب حركة حسين: وش فيك انت اليوم مو طبيعي؟
حسين بعصبيه:مو شغلك يالله قوم نروح لأبوي.
سامي قام ولا تكلم.
.....................
في بيت ابوفهد
كانت العنود توها صاحيه من النوم ناظرت الساعه وكانت11غسلت وجهها وصلت ولقت ورقه
من فيصل مكتوب فيها(إذا صحيتي اتصلي بعمي وعمتي انا قلت لهم انك تعبانه شوي)
راحت العنود اخذت جوالها واتصلت على اهلها وردت عليها ساره:الو
العنود:هــــــــــــلا ساره وشلونك؟
ساره:هـــــــــلا بك عنود الحمدلله انتي شلونك حبيبتي سلامتك وش فيك؟؟؟
العنود:الله يسلمك ابد ارهاق بسيط وشلون ماجد وعمي وعمتي ونواف ومها وغاده و....
قاطعتها ساره:ههههههههههه شوي شوي ارد على هذولا كلهم تطمني كلنا بخير.
العنود:ههههه والله وحشتوني وين عمي وعمتي؟
ساره:ابوي نايم تعرفينه ينام بدري وامي هنا الحين اعطيك إياها.
العنود:طيب.
ام سامي:هلا هلا يايمه العنود وشلونك؟
العنود:هلا يمه انا بخير تطمني انتي وشلونك؟؟
ام سامي:وش جاك يابنتي وش تشتكين منه؟
العنود:عادي يمه ارهاق بسيط وخف الحمدلله.
ام سامي:اكلتي شي يايمه؟؟
العنود تكذب:ايه توني الحين اكلت.
ام سامي:ايه يايمه اكلي وخلي عنك الحيا وشلون فيصل معاك؟
العنود:الحمدلله يايمه كل شي تمام وفيصل مايقصر.
ام سامي وتوطي صوتها:ها بشري عسى بيضتي وجيهنا؟
العنود(ايه والله بيضته من اول يوم خليته يتضارب مع اخوه ههههههه):ايه يمه.
ام سامي:ايه يايمه ابيك ترضين زوجك وماتقصرين معاه بشي لا وصيك.
العنود:لاتوصين حريص يمه.
ام سامي:يالله مع السلامه واخذي مها تبيك.
العنود:مع السلامه واعطيني مها.
بهالحظه دخل فيصل وناظرها تكلم:السلام عليكم.
العنود:وعليكم السلام.
ناظرت وجهه وباين ع وجهه الأرهاق اخذ فوطته ودخل الحمام.
وجاها صوت مها:الوووووووووو ياناس ردو
العنود ماتت ضحك نسيت إن مها ع التلفون ولا حست فيها لما تناديها:هههههههه هلا هلا مها وشلونك؟
مها تتصنع الزعل:دام ان حظرتك مشغوله ليش تخليني ع الخط ترين فيصل مابيطير هههههههه.
العنود توطي صوتها:الله يقطع هالتفكير وياك والله ماكنت اسوي شي من اللي ببالك.
مها بخبث:ايه ايه باين المهم وشلونك الحين؟
العنود:الحمدلله بخير وانتي ونواف وشلونكم؟
مها بضيق: آآآآآآآه والله مدري وش اقولك يالعنود.
العنود عرفت ان السالفه فيها غاده:وش فيك يامها غاده تضايقك بشي؟
مها:مادري يالعنود اليوم قالت كلمه وشككتني بنواف.
العنود بعصبيه:وهالحقيره ماتبي تترك اخوي بحاله وش قالت لك؟
قالت مها للعنود اللي صار العنود بعصبيه:يامها هالبنت لو ما تحترم نفسها وربي لاتصل بعمي واشكي له واعلمه بسوالفها..
مها برجاء:لا تكفي يالعنود محنا ناقصين مشاكل والله اني اتحملها احترام لعمي وعمتي.
العنود:بس يامها......
قاطعتها مها:لابس ولاشي لو في شي بينهم بتكشفه الأيام.
العنود تضايقت ان مها صارت تشك بنواف اخوها لكن سكتت وسمعت صوت باب الحمام ينفتح وناظرت فيصل
طالع ولاف الفوطه ع خصره وصدره عاري وجالس يجفف شعره بفوطه ثانيه.
انتبه لها تناظره واول ماناظر فيها نزلت عينها وضحك بداخله (ياناس تجنن لما تخجل)وراح اخذ بنطلونه
وطرت ع باله فكره.
العنود وللمره الثانيه نسيت ان مها معاها ع التلفون وسمعتها تضحك.
العنود بفشله:وش يضحكك بسم الله عليك.
مها:لا انتي حالتك مستعصيه روحي روحي قبل لا تموتي علي.
العنود عصبت من تفكير مها ولا تقدر ترد:طيب انا اوريك لما اقابلك بكره سلمي ع اهلي.
مها: هههههههههههههههههههههههه طيب طيب يالله مع السلامه.
العنود:مع السلامه.
ناظرت العنود ان فيصل جالس يفتح طرف الفوطه عن خصره وناوي ينزلها وغطت عيونها وصرخت:فــــــــــيصل.
فيصل يتصنع البراه واهو بداخله ميت ضحك:وش فيك عنود يعورك شي؟
العنود ولا زالت يدها ع وجهها:لالا بس انت وش جالس تسوي؟
فيصل ماسك ضحكته ويانظر بالبنطلون اللي بيده ويناظرها ببرائه:انا؟؟؟؟؟؟؟؟؟؟ ابي البس بنطلوني ليش؟
العنود وهي شوي وتموت:لا روح الحمام او انتظر انا بطلع ليما تبدل لاتبدل هنا.
فيصل بخبث:وانا قلت اكيد بتقولي الحين انتظر انا بساعدك او شي.
العنود بصراخ::؟شنــــــــــــــــــــــــــو؟؟؟لا تكفى اطلع برى او روح الحمام.
فيصل حن عليها وراح الحمام.
اما العنود اخذت نفس عميق وراحت لسريرها تتمدد شوي وهي ميته من الحيا غطت وجهها باللحاف وحست بفيصل يطلع
من الحمام ولاتحركت.
فيصل حس فيها ولا كلمها طفى النور ونام يمها حس برجفتها وخوفها منه لف جهتها ولقاها عاطيته ظهرها حط يده ع خصرها
وهالحركه خلت العنود تقوم بخوف:فيصل تكفى لا والله تعبانه والله اخاف تكفى لا وغطت وجهها بيدها وبكت.
فيصل كره نفسه لانه خوفها مسك يدها وقربها منه:والله ماقصدت اسوي اي شي لا تخافي نامي.
العنود ببرائه:قول والله ماتقرب مني قول.
فيصل حن عليها :والله حبيبتي والله.
العنود ارتاحت ورجعت نامت يمه بس كانت يد فيصل قريبه منها وسحبها بحضنه جات بتعترض بس فيصل حط يده
ع شفاتها:نامي والله ماسوي لك شي.
العنود ارتاحت وحست براحه بقربه ونامت.
........................
في بيت ابو نواف وفي غرفة ماجد كان متمدد ع سريره ويفكر بساره وشروق حس نفسه حقير وشلون قدر يخون ساره
بليلة ملكته اخذ جواله ومسح رقم شروق ورمى الجوال بعصبيه:الله ياخذك ياشروق الله ياخذك.
بهالحظه دق الباب ماجد بدون نفس:مين؟
ساره بخجل:انا ساره.
ماجد عدل شكله وفتح الباب وبأبتسامه:وانا اقول ليه غرفتي منوره اثاري حبيبتي وزوجتي عند الباب.
ساره ماتت من الخجل: ماجد انا انا بس كنت ابي ونزلت راسها .
ماجد:هههههههههه وش فيك في شي عاجبك بأرضيت غرفتنا قوليلي.
ساره ماتت من الحيا لانه قال غرفتنا وراحت ركض ونسيت تقوله ليه هي جايه.
ماجد ضحك ودخل غرفته.
........................
في بيت فهد وفي غرفة فهد كان فهد متمدد ع سريره وفرح جالسه يمه:فهد
فهد:.......
فرح:فهد قوم تعشى.
فهد:......
فرح:والله مايصير اللي جالس تسويه بنفسك قوم إكل.
فهد بصراخ:اطلعي برى كله منك انتي السبب.
فرح خافت ودمعت عيونها:انا وش دخلني ليه تصارخ علي روح لها روح قامت فتحت الباب وبصراخ:روح لها تراها تحت.
فهد ناظر فيها وراح عندها وقفل الباب ومسك يدها وجلسها ع السرير وحط راسه ع رجلها:انا تعبان فرح تعبان.
فرح حنت عليه ومسحت ع راسه ليما نام.
......................
في غرفة حسين اخذ حسين جواله واتصل على صاحبة الرقم اللي غلطت تحسبه اخوها اتصل وبعد مجهود:الو
حسين ارتبك:هلا
ريوف:مين انت؟
حسين:ناصر موجود؟
ريوف:لا انت غلطان وقفلت الخط.
حسين عصب ورجع اتصل عليها وردت بعصبيه:نعم قلنا الرقم غلط ماتفهم انت؟
حسين:لحظه.
ريوف:نعم.
حسين:انابصراحه كنت بتعرف عليك.
ريوف بصراخ:انت ماتستحي ع وجهك ماعندك خوات؟
حسين:لحظه يا... شنواسمك؟
ريوف:وش دخلك بأسمي انت.
حسين:طيب انتي مره اتصلتي ع رقمي وقلتي خالد وطلعتي غلطانه تذكرين.
ريوف ببرائه:متى ماأذكر.
حسين انبسط إن ريوف بدأت تسولف معاه:طيب حتى قلتي خالد وينك ابوي
ريوف قاطعته:اهاااا ايه ذكرت طيب انا كنت غلطانه
حسين بحب:واحلى غلطه والله
ريوف بعصبيه:صدق ماتستحي ع وجهك وقفلت بوجهه.
حسين جلس ع السرير بفرح:آآآه ياربي ابكتفي بكذا وبكره بأتصل ليماتتعود علي.
....
في غرفة مها ناظرت نواف جالس يكلم بتلفون البيت عمه ودخلت تستحم طلعت لقت نواف متمدد وأول ماناظرها ابتسم.
مهاكانت تحس بصراع داخلي نفسهاتسأله عن علاقته بغاده بس تخاف.
ناظرت نواف فاتح يدينه وراحت.بحضنه.
باس جبينها وناظرها:حبيبتي جهزي شنطتك.
مهارفعت راسها بسرعه وبخوف ناظرته:ليه وين بتوديني؟
نواف تفاجأ من خوفها رجع راسهابحضنه:ابد حبيبتي بتطلعين مع هلي المزرعه عمي حاب يغير جو وعمتي وبيقعدون اسبوع.
مها:وانت مابتطلع معنا؟
نواف:والله ودي بس والله عندي شغل فوق راسي حبيبتي.
مهاتمسكت فيه اكثر:خلاص ببقى معاك مابخليك وحدك.
نواف ضمهاأكثر:لاحبيبتي لوماطلعتي عمتي بتزعل.
مهاباست خده:طيب يالله بعديدينك بقوم ارتب شنطتي.
نواف ابتسم بخبث:ضروري الحين؟
مهادفته عنهابس ولاتأثر:اتركني شوي وبرجع.
نواف وهو يقرب اكثر:لا~_^
...
في غرفة ساره دخلت غاده عليها وإهي جالسه تقرا
غاده:ساره من جد احنا بنروح المزرعه بكره؟
ساره:ايه عندك مانع؟
غاده:بس انا عندي امتحان السبت.
ساره:روحي تفاهمي مع ابوي
غاده:ابوي لا خلاص بنطلع وإذا رسبت انتو السبب
ساره طنشتها ورجعت تقرا وغاده طلعت وإهي طالعه سمعت صوت ضحك من غرفة مها ونواف وماتت قهر نزلت تحت لقت سامي يتابع فيلم وجلست وتأففت .
سامي:وش فيك تأففين؟
غاده:تابع فيلمك وانت ساكت.
سامي عصب:نعم اقول احترمي نفسك انا اكبرمنك.
غاده جات بتطلع غرفتهابس سمعت صوت نواف نازل من الدرج:ياولد
غاده راحت المطبخ ركض وسامي نادا نواف:تعال مافي احد
نزل نواف وجلس بجنب سامي:هاسهران وانت وراك صحيه من الصباح
سامي:الفيلم عجبني وإذا خلص بنام وانت ليه سهران؟
نواف بضيق:مهاترتب شنطتهاوطفشت ونزلت.
سامي:وش فيك متضايق؟
نواف:لأني ماأقدر اروح معاكم المزرعه.
سامي:افا ليه؟
نواف:والله عندي دوام وشغل فوق راسي.
سامي واهويتثاوب:الله يعينك يارب.
نواف:قوم قوم نام وراك طريق.
سامي وهو واقف:وانت مابتنام؟
نواف:لابروح اخذ بنادول وبطلع انام.
طلع سامي ونواف راح المطبخ ياخذ بندول.
نزلت مها تدور على نواف وتناديه:نواف حبيبي في احد معاك تحت او انزل لكن ماحد رد نزلت خطوه
خطوه بس ناظرت الصاله فاضيه.
نواف سمع صوتها وارتبك مسك يد غاده ودخلهاتحت الطاوله مايدري ليه تصرف كذا أهو بالغلط دخل لقى غاده قدامه.
دخلت مها ولاحظت ارتباك نواف مهابخوف:حبيبي فيك شي؟
نواف بتوتر:لاعمري بس مصدع تعالي نطلع فوق ننام.
مهاشكت بنواف وناظرت بالمطبخ وهالحركه اربكت نواف.
شالهانواف وطلع فيها من المطبخ وإهي تصرخ:أتركني لاتطيحني نزلني.
نواف يبتسم ولايرد ليماوصلو غرفتهم وارتاح.
اما بالمطبخ طلعت غاده من تحت الطاوله وإهي تغلي من القهر وحلفت لتنتقم منهم وفرحت إن نواف مابيسافر
لأنهاسمعته يحكي لسامي وقررت تنفذ خطتها.
...
صباح جديد صحى أبوسامي وام سامي واولادهم وساره ومها باقي غاده نزلت متأخر وطلعو بالجمس وكان سامي
يسوق وابوه جنبه.
مهاكانت تراسل نواف وساره تقرا وام سامي تسبح على مسبحتها اما غاده كانت تستعد علشان تنفذ خطتها.
...
في بيت ابوفهد صحى فيصل وناظر العنود باقي نايمه بحضنه ابتسم لشكلها باس جبينها وقام استحم وصلى وجلس جنبها.
فيصل بهدوء:عنود عنود يالله قومي.
العنود تحركت:مها أبي انام روحي.
فيصل ضحك الظاهر الأخت تحلم:انا فيصل مومها.
العنود قامت وإهي مفتشله:صباح الخير.
فيصل:صباح الورد يالله قومي صلي وبدلي بنطلع نتمشى شوي الجو غيوم روعه.
قامت العنود وناظرته بأستغراب:ليه مابنروح لأهلي؟
فيصل:اوووه نسيت اني وعدتهم الحقهم المزرعه يالله يالله بسرعه
استانست العنود وقامت تصلي وتبدل.
....................