والله ماادري ويـن احـطـك واخـبيك
فـي وسـط قـلبي او احـطـك بعيني
ان كان في عـيني اخاف اني ابكيك
تطـلع مع الـدمعـات وقـت الحنيني
وان كان في قلبي جروحه بتدميك
جـروحـه اللي حاصلة من سنيني
مـاودي انـي مـن محـبتـك اوذيـك
ودي احـطـك فـي كـفـوف اليديني
حتى اشـوفـك كـل يوم واحـاكـيك
واضمـن بأنـك حـاظـر يـاضنيني
اخـذ هـمومك والـموده اناعـطيك
وابدي لك الي في الضمايردفيني
انت الذي من بـدة الناس اغـليك
روحـي اقـدمهـا عـلى راحـتيني
ان كـانهـا ياصاحـبي ماتكـفـيك
حـطـيت حـبك ثالث الـوالـديني