ياهوه لاتحسبني مثل : صيداتك
السلام عليكم ورحمـة الله وبركاته ..
..
مانيب لعبـة على كيفك .. ومشهـاتك
تلعب بها ساعة .. وساعة تخليها
ولاني وسيلـة .. تحقق بي .. غاياتك
ولاني حكاية دجـى لا أصبحت .. ناسيهــا
ولانيب .. مشفووح .. تغريني بنظراتك
يا أبو عيون ٍ حديث الكذب معميهـا
[ياهوووه .. لا تحسبني مثل صيداتك ]
اللى على مفرق الهامات تدمّيهـا
صحيح عـدّيت لك .. كثرة علاقاتك
على إعتبار إنها زلّه .. معديها
على أمل تعتدل .. وتزين نيّاتك
لكن نفسك ذبحها شوق ماضيها
وأنا يوم إنك طلبت .. وقلت لك جـاتك
ماني مدوّر جـزا.. مادمت معطيهــا
وان كان قصدك معي .. تسهيــل حاجاتك
علّمني بكل حاجاتك .. وأنا أقضيهــا
بلاش تلعب .. وتكثر بي .. زلاتك
وانا مسلّمك روحي .. وأنت جافيهــا
لعبـك سخـافة .. وأنا اكبر من سخافاتك
واكبر من أسما .. لا شفت إسمي تسمـّيهـا
وكانك على ذلّتي .. كبّرت هقواتك
ما ضاعت العالم إلا من .. هقاويها
مدري بلادة شعـور..او نقـص في ذاتــك .!!
او أنت علة عجز .. وقتك يداويهـا
بس الأكيد .. اني مسبـب معاناتك
ومصالي النـار .. ماهو مثـل واطيهـا
لكن ترى أبرك لك .. تراجع حساباتك
قدام نفسك .. تخالف بك طواريـها
وإلا إلعب بعيــد .. يابابا .. لا.. وحياتـك
أضيّعك .. واقلب الدنيا .. بمن فيهـا
مشكلتك .. إنك .. تقارنّي .. بصيداتك
[وأنا زعيــم الأسامي .. يا مسمّيهـا]
لـ الشاعر مطلق النومسي
تحياًتي ..