شبكة همس الشوق - عرض مشاركة واحدة

2 - 8 - 2015, 03:16 PM

بـــــــــــــــــــــــــــــارت [8]

حنان : آآآآي ... ( تناظره ) ....... انت ؟! وش جابك هنا بعد ؟!

عبدالرحمن : ما ادري وليد دق علي و قال لي اجي ...

حنان : وليد ما عنده سالفه .. خلاص ارجع بيتكم ...

عبدالرحمن ابتسم لها : و ليش ارجع دام شفت هالوجه الزين ...

نواف رفع حاجب : وش قصدك ؟

عبدالرحمن : ههههههه ليه تغار ؟

نواف عصب بس مسك نفسه : اغار في عينك ....

عبدالرحمن يجي و يحط ذراعه ع رقبة حنان : يلااا مشينا حمووودي ...

نواف : حمد لا تروح معه ....

حنان ضعت بين هالاثنين شالت يد عبدالرحمن ثم عصبت : ابعد عني انت .. لا اشوف احد يلحقني اللي بيلحقني ببلغ عنه الهيئة و اقولهم يتحرشون فيني ..

نواف : تحرش ؟؟؟؟!

عبدالرحمن : اييييييييش ؟؟؟؟!

حنان غطت ع فمهاا ثم مشت بسرعه .. اش ذا الغباء اللي فيني .. اش تحرشه انا اللحين ولد ... ولو تصرفاتهم مو بطبيعيه معي ... لااا و طلع لي اللحين عبدالرحمن (تتكلم باستهزاء) قال ايش الوجه الزين ...

كان وليد و ماجد لا زالوا يتابعوهم ....

وليد : شفت كذا حياة الفله و لا بلااااااش ...

ماجد : يعني صدق اللحين هــ الاثنين خاقين على حمد ..

وليد : ايه صدق ... سبحان الله هذي الفطره الانسانيه ....

ماجد ؟؟؟؟؟؟؟؟؟؟؟؟؟؟؟؟؟؟؟؟؟؟؟

وليد : ههههههه ادري مبين من عيونك انك ما فهمت.. استمتع اللحين و بس ..

ماجد : وش نستمتع فيه انا صراحه مو عاجبني اللي تسويه ...

وليد : ترى الى اللحين ما سويت شي ....

ماجد : وش بتسوي اكثر ....

وليد : رح تشوف مع الوقت ...

ماجد : اللحين اش رح يصير بين دحيييم و نوافوه ؟

وليد : ابد كل واحد رح يحاول يثبت ان حمد يبيه اكثر من الثاني ...

ماجد باستغراب : كلهم اولاد ...

وليد : ما يندرى ....

ماجد : انت صاير غريب ...

وليد : ههههههه و لا غريب و لا شي ... ارجع اقولك الفطره الانسانيه ..

ماجد : ااااااااوف بس ..

عند حنان .......

حنان الحمدلله ضيعتهم ... انا طفشت منهم ما عاد ابي اشوف ذي الاشكال .. اللحين وين الاقي وليد الزفتت .. لاااا حراااام اقول عنه زفت .. وراي انا احس اني احبه .. اه شكلي جد احبه والله انه يهبل .. يااا ليت اقوله انا بنت و احبككك .. ما شاء الله الظاهر ان عندي تطورات .. ( تتلفت حولها ) اللحين اناااا وييييييييييييييين !!!!

قاامت تدور بالمجمع و تدور .. ما لقتهم ...

حنان انا شكلي ضعت ... اش الغباء اللي فيني ليه ما ادق على وليد .. بس لازم اطلع من هنا .. يمممه هناك فيه شباب كثير من وين طلعولي ! .. بس لازم امر انا جيت من هناك

.. انا اللحين ولد لازم اتصرف .. بس والله خايفه امر من جنبهم اشكالهم مره تخوف .. بكلم الجوال و اسوي نفسي ما اشوفهم ثمن امر ...

طلعت جوالها و دقت على وليد و هي ترجف خوف و تحاول تمر من الشباب اللي قدامها بشكل طبيعي ...

حنان : الووو .. وليد انتوا وين .. انا شكلي ضعت ...

وليد : انت اللي وين ؟

حنان : انا بمكااان مره مخيف في حولي شباب اشكالهم تخوف انا اللحين احاول امر من بينهم .. بس يا وليد قاعدين يطالعوني ...

وليد بصراخ : يا غبي وش وداك هناك ..!

حنان : قاعد اقولك ضعت ...

وليد : خلاص ابتعد عن ذاك المكان انا اللحين جايك ...

واحد ناداها : يااا حلووووو .. يااا هييييييه ....

وليد سمع الصوت من الجوال .....

وليد : اسمع اركض و اهرب لا تخليهم يمسكونك هاذيل ناس منتهيه كلهم مخدرات و حشيش ...

حنان خافت مووووت يمه وش جابني هنا : ا انا اللحين بهرب ..

قفلت و قامت تركض ...واحد منهم لحقهااا .... و هي تهرب و خايفه منه كان متلثم ما شافت وجهه ...

طلعت برى المجمع و لازال يلاحقها .. تعبت و هي تركض و وقفت تاخذ نفس ... جا من وراها و مسكها : لما نناديك ترد ....

حنان ترجف خوف : و و وش تبي ؟

لحظات الا و وليد و ماجد عندهااا ....

وليد : انت نعم وش بغيت ؟

الرجال سكت و رااااح ....

حنان لا شعوريا و من الخوف ضمت وليد : الحمدلله اللي جيت ...

وليد ابتسم : مو بس انا الكل جا حتى نواف و دحيييم شوفهم ..

كانوا يناظروهم باستغراب .. حنان حست على نفسها و بعدت بسرعه عن وليد ..

حنان باحراج : انا اسف ما قصدت ...

وليد بلا مبالاه : عاادي ما صار شي ...

نواف و عبدالرحمن معصبين ....

نواف : وش صار ؟

ماجد : ما صار الا الخير ...

عبدالرحمن يناظرها : حمممممد ليه كنت تضم وليد ؟

حنان بارتباك : لا و لا شي .. بس لانه ساعدني من ذاك اللي هرب ...

عبدالرحمن بعدم اقتناع : طيب ...

نواف ملاحظ اهتمام عبدالرحمن الغريب في حمد .. سكت ما علق ع الموقف .....

فيصل خلص من المحامي و طلع من البيت بيروح لحنان لكن يدق عليها ما ترد بدا يخاف .... و هو طالع قابل خويه عمار ..

عمار : هلا فصووول وينك ما عاد تنشاف .. سمعت انك تزوجت و لا تعزمنا ...

فيصل : ياخي والله كل شي صار بسرعه و ما كان في معازيم كانت ملكه بس ...

عمار : و على وين اللحين ؟ كأنك مستعجل ...

فيصل : أي والله كنت مستعجل ابي اروح لولد خالتي حمد .. بس ماني عارف وينه ...

عمار : طيب دق عليه ...

فيصل : دقينا يا الذكي بس ما يرد ..

عمار : دق مره ثانيه ...

فيصل : و هذا اللي بسويه ...

دق و دق ثم اخيرا ردت ......

فيصل : انت ليه ما ترد .. وينك يا الغبي ...

حنان : ياخي كنت مشغول ... انا بالمجمع اللي رحناه ذاك اليوم ...

فيصل : اييييييه خلاص عرفته يلا اللحين جايك ...

حنان : لحظه ابو محمد اش صار عليه ..؟

فيصل : لا وصلت حكيت لك كل شي ....

عمار : عادي اجي معك لاني مررره طفشان ...

فيصل يعني جت عليك هذي صارت متعرفه على 5 شباب انت ما بتفرق : أي يلا تعال بالمره عرفك على حمد ...

عمار ابتسم : اخيرا بنشوفه ...

فيصل اهم شي لا تخق عليه الخرفان اللي عندي يكفون ...

نرجع لحنان .. كانوا ماشيين مع بعض .. اشتروا كثير اغراض تي شيرتات و بناطيل و اثواب و شماغ و عطورات و ساعات و من كل شي و كله على حساب وليد و كل هذي الاغراض لحنان .. بس مع ذلك اخذت كم من غرض لفيصل .....

وليد : اه تعبت ... حتى الشباب قعدوا ما بقى الا انا و انت نفر ...

حنان : بالعكس احس اني ما تعبت ...

وليد : محسسني انك بنت من كثر ما حبيت اغراض السوق ...

حنان اعتبرتها مزحه : هههههههه يقطع سوالفك اللحين انا بنت ..

وليد : مدري ...

حنان قلبت الى جديه : وش تقصد ؟

وليد ببرود : ما قلت شي انا ....

حنان يا ربي والله احس كنه عارف اني بنت : لا عاد تقولي بنت كثير يقولوا لي كذا ما يدرون انهم يأثرون على نفسيتي ...

وليد كتم الضحكه : اوكييييه .. ( ثم ناظرها بضحكه تسحر ) و ان جنيت جبنا لك دكتور نفسي ههههههههههههه ...

حنان لأ لأ لأ إلا هذي الضحكه تكفى لا تضحك تذوبني .. و بدينا بالتغزل : ( لفت وجهها عنه ) تراك ما تضحك ....

وليد : حمد ...

حنان صار جدي يا ترى اش يبغا يقول : هلا ..

وليد : لو كنت بنت ما خليتك تنتحل شخصيتي اهم شي عندي سمعتي .. انت فاهم علي ...

حنان صراحه ماني فاهمه بس بسلك مره يحسسني انه عارف هويتي و مره يحسسني انه ما يدري عن شي حيرني معاه : أي فااااهم ....

وليد : على الطاري .. اذا رجعنا البيت بعلمك اشلون تتصرف مع الطلاب و المعلمين ...

حنان باستغراب : و ليه ؟! يبي لهم معامله خاصه ؟

وليد : ايه اكيد .. لا تنسى بيصير اسمك وليد ........

حنان : لا ما نسيت خلاااص يصير خير لا رجعنا ...

و هم بطريقهم قابلوا فيصل و خويه .....

فيصل : اخيرا لقيتكم ...

حنان تناظر عمار

وليد : كنا نشتري اغراض ....

فيصل : أي اعرفكم هذا عمار خويي .. كلمتك عنه مره يا حمد ..

حنان : ايييييه عرفته اهلا و سهلا ...

عمار : هلا فيك ...

وليد ما شاء الله الشله بدت تكبر شكلي رح استمتع اكثر من ما تصورت ..

رجعوا للشباب قعدوا اشوي بالكافيه تعشوا ثم رجعوا البيت .....

كانت تكلم العنود بالجوال .....

العنود : بشري اش صار على خويك ؟

اصايل : ههههههههههه شي يونس .. كلها يومين و تشوفينه مرمي بالشارع هو اهله ..

العنود : وووووااو اش بتسوين ؟

اصايل : رح اقولك بس تخلص المهمه ...

العنود : حركاااات والله مهمات و الدنيا حسستيني كنك تشتغلين مع مافيا ...

اصايل : هههههههههههههههه ما تدري يمكن ...

العنود : ههههههههههه اقول عن المصاخه الزايده ...

اصايل : هههههههههه طيب سكتنا ... المهم تمريني و لا امرك ...

العنود : طيب اخوك خالد بالبيت ......

اصايل : اييييييه الحب بالبيت ...

العنود : اجل انا بجييييييييك طيرااااااان ...

اصايل : ههههههه يلااا يا العاشقه ...

رجعوا للشقه ..... عبدالرحمن و نواف و ماجد رجعوا لبيوتهم ...

فيصل بهمس : غررريبه نواف ما اصر يجي للشقه ؟!

حنان : احسن جعله ما عاد يجي ابد ... بس الاغرب هذي المره دحييم هو اللي اصر ..!

فيصل : أي والله شي غريب .. اصلا انا ما حبيت لا نوافوه و لا دحيييم بعد نظراته تشبه لنواف ...

حنان اقوله عن وليد و لا لا ... احس ان وليد يخطط لشي .. و لا ليش خلاني مع نواف و دق على عبدالرحمن بعد وش قصده ؟! والله ما عدت افهم شي .... ما رح اقول لفيصل بعدين يقلق و هو خلقه قلقان ...

ثم قعدوا مع بعض و بدا وليد يتكلم بجديه .......

وليد : حمد انت اللحين دوامك رح يبدا بكره .. و لازم تعرف شوية امور ..

حنان تناظره باهتمام : تكلم وش هي الامور ؟

وليد : غريب المفروض ان فيصل حاكي لك ...

حنان التفت لفيصل : عن وشو ؟!

فيصل : انا ما كنت بحكي الا بالمدرسه و بعدين انت وش دراك ؟ ...

حنان ؟؟؟؟؟؟؟؟؟؟؟؟

وليد : هممممم خلاااص احكي له انت بعدين .... يعني على بالك بحط اسمي بمدرسه ما اعرف عنها شي ؟!

فيصل والله انك داهيه : و ليكون تعرف عني بعد و عن هتاااان ؟

وليد ابتسم بمكر : كل شي اعرفه ......

فيصل قسم انه داهيه خوفي لو يعرف عن حنان ....

حنان : فهموني وش القصه ؟ و من هتااان هذا ؟!

وليد : بعدين فيصل بيحيكي لك كل شي ؟ المهم اللحين بعطيك شوية نصايح كيف تتعامل مع الطلاب ..

حنان باستغراب : ليش اول مره ادخل مدرسه ؟

وليد ابتسم : انا ما قلت كذا .. بس انت رح تدخل على انك وليد مو حمد .. ولازم تتصرف على انك وليد اللي اقولك عليه تسويه ...

فيصل تذكر : ياااااااا الله .. انا قلت لخويي عمار انه هذا حمد ...

وليد عصب : و هذا معكم بالمدرسه ؟

فيصل : اييييه .. والله اني نسيت ..

وليد : يا الله .. كيف تقول له ؟

فيصل : و رب البيت نسيت راح عن بالي ...

وليد : خلاااص اذا انت تثق فيه علمه بالسالفه .. ع العموم اوراقنا سليمه حتى لو فتن ما رح يستفيد ...

فيصل : لا معليك ما يسويها انا و اياه اصحاب من طفولتنا ...

وليد : تمااااام .. المهم اسمعني يا حمد لا تحتك مع الطلاب و خلك مع فيصل دايم لا تحاول تكلم احد ما ابي سمعتي يصير لها أي شي ..

حنان : خلاص فهمت ما رح يصير شي ..

وليد : و الدراسه ابي درجات عااليه ..

حنان يا كثر مشاريطه : اوكيه ابشر ....

وصلت العنود لبيت عمها ابو خالد على طول صعدت لغرفة اصايل .. سلمت عليها و بعد السؤال عن الحال و الاحوال .......

العنود : احكي لي اخوك وين ؟

اصايل : ام الدفاشه .. اللحين انتي جايه عشاني و لا عشانه ؟

العنود ابتسمت بفرح : عشانكم اثنينكم ...

اصايل : ايييه اضحكي علي من ذا الكلام ...

العنود : جد جد وينه ؟

اصايل مسكت يدها و طلعتها برى الغرفه و اخذتها لغرفة خالد .. تدق الباب و لا رد ... لفت للعنود : شكله نايم ...

العنود شهقت : هئئئئئ بذا الوقت !!

اصايل : ايه صلى العشاء و نام .. سمعته يقول لامي انه بينام الى الساعه 12 ثم يصحى يسهر مع نواف ...

العنود باحباط : اهااا ... حسااافه كان ودي اشوفه ... ليه ما قلتي لي قبل لا اجي انه نايم و ما بيصحى الا 12 ؟

اصايل تخصرت : يااا سلاااااااام يعني ما تبين تشوفيني انا ماني بماليه عينك ....

العنود : لااااا مو كذاااااا بس ........

اصايل قاطعتها ومسكت يدها فتحت باب غرفة خالد و دخلت و دخلتها معها .......

العنود بهمس : من جدك انتي و الله مجنونه ...

اصايل : ههههه مو تبين تشوفينه هذا هو قدامك ....

العنود خقت يوم شافته : يااااا ربي شكله يجنن و هو نايم ...

اصايل : آآآآآآوش لا يسمعك والله ان قام لتكون نفسه في خشمه ...

العنود : عاااادي حبيبي اذا عصب بتحمله ...

انزعج خالد لان باب غرفته مفتوح و النور دخل للغرفه .. ثم صحى على ضحكات اصايل و العنود ...

خالد بصراااخ : هيييييييييييييييييه وش تسوون هنااااااا ؟

العنود : يمممممه صحى ...

اصايل : امشي بسرعه .......

بعد ما طلعوا ......

العنود : والله معك حق شكله يخوف لا عصب ...

اصايل : ههههههه قلت لك ...

العنود بعناد : مع ذلك احببببببببببه ....

اصايل تنهدت : الله يخليكم لبعض ...

العنود ضمتها : امييييييين يا رب ...

اصايل : ههههههه و ليش تضميني تراي مو بخالد ...

العنود : هههههه ادري لانك اخت الغالي فديتكم ...

اصايل : فداك كلي بعد عمري ...

توه صلاح رجع من دوامه و كان تعبان .. دخل البيت سلم على اهله و نام ع طول حتى بدون لا يتعشى ...

فتح سيارة صلاح شخص محترف بسرقة السيارات بس هذي المره ما يبي يسرق سياره .. حط كيس مخدرات بالسياره تحت كرسي السواق .. ثم سكرها و لا كأن احد فتحها ....

من جهه ثانيه كانت ام صلاح قاعده مع بناتها بالصاله سوالف ...

ام صلاح : يا بنات احس جارتنا ام وائل تلمح ...

سوسن باستغراب : يعني كيف تلمح ؟!

ام صلاح : والله انك مفهيه يا سوسن .. يعني كيف بالله احسها تبي تخطب وحده منكم ...

سميه شهقت : هئئئئئئئئئئئ كيييييييف ؟!

ام صلاح : بسم الله عليك لا تموتي علينا .. اش فيكم انتوا اليوم مفهيات بالمره ...

سميه بدون تردد : لو كلموك عني انا رافضه .. خل ياخذوا سوسن هي اكبر مني ..

سوسن : لا والله .... انا ما ابي من عند ام وائل ...

ام صلاح بعصبيه : مو على كيفك انتي و هي اذا وافقنا انا و ابوكم انتوا مالكم راي ....

سوسن : يممممممممممممممممه !!

ام صلاح : و صمممممممه ! ما عندنا غير ذا الحكي .. بعدين هي ما شاء الله ولدها وائل ضابط و اكيد راتبه فوق 10 الاف .. و عندها ثامر اخر سنه له و يتخرج ما شاء الله على عيالها حتى بناتها موظفات ..

سوسن : يمممه ما يهمنا ذا الكلام .. ما قد سمعت احد يمدح عايلتهم و غير كذا اسمع ان بعايلتهم مشاكل ...

سميه لا تعليق ....

ام صلاح : كل ذا الكلام اشاعات لا تصدقون أي شي ... و بعدين الحرمه ما كلمتني لسا .. لا كلمتني يصير خير ...

سميه بدون نفس : انا بروح غرفتي ابي انام لحد يزعجني ..

سوسن اكيد يا سميه انتي شايله هم اللحين المشكله ان فيصل تزوج المفروض تنسينه ما اقول الا لاااا حوووول و لا قوة الا بالله ....

نرجع للشقه .....

انتهى وليد من كل نصايحه لحنان ... و اللحين وقت النوم ... كانت منسدحه ع سريرها
تفكر ....

حنان : فيصل ! .. انت نمت ؟

فيصل كان مواجه الجدار ما جاه نوم : همم لا لسا ..

حنان بفضول : تكفى قول لي من هتاان ..؟

فيصل : قلت لك بقولك بكره ان شاء الله ..

حنان : بس ما قدرت انام من كثر التفكير ابي اعرف ..

فيصل : انا ما ودي انك تعرفين شي ..

حنان بقهر : طيييب لييييييش !

فيصل : يا كثر حنتك ..

حنان : طيب عمار اش بتسوي معه ؟

فيصل : لا تخافين هذا خويي و اثق فيه كثير اذا فهمته الوضع رح يتفهم و ان شاء الله بكلمه بكره بالمدرسه ...

حنان رجعت تسأل : و هتااااان ؟!

فيصل عصب : استغفر الله بس ...

حنان : خلاص خلاص سكتنا .... يوووووه صح ما قلت لي اش صار مع المحامي ..؟

فيصل : طلع كلام ابو محمد صدق .. خلاص عطيناه الفلوس و انتهت المشكله ..

حنان بزعل : لآخر لحظه كنت اتمنى ان كلام ابو محمد يطلع غلط ما كنت ابي اكره ابوي ..

فيصل : و ليه تكرهينه .. قلت لك يمكن صارت له ظروف ..

حنان : خلاص ما احب اتكلم بالموضوع ..

فيصل : اوكيه اللي يريحك .. انا اللحين حاب انام لا تزعجيني .. و انتي بعد نامي وراك دوام ...

حنان تنهدت : دامك ما بتقولي عن هتان خلاص كيفك ... بس تكلم ع اساس اني ولد وليد ما اثق فيه طالما احنا في بيته ...

فيصل : اووووووكيه حموووو ( ثم تغطى باللحاف و نام )

س 12 منتصف الليل ... على اتفاقهم نواف و خالد ألتقوا ع البحر ...

نواف : الله الجو جمييييييييل ...

خالد : صح مع انه برد ...

نواف : اموووووت ع البرد ...

خالد : ههههه و انا احبه لانك تحبه ...

نواف : يا بعد كل هلي يا اخوي ....

خالد انبسط : عيد عيد الكلمه بالله ...

نواف ضربه ع راسه بخفه : هههههه قلت يا بعد كل هلي يا اخوي ..

خالد : هيييييييييه من زمااان ما سمعت الكلمه .. يا زين لما تطلع منك ...

نواف : لااا وش دعوه دايم اقولك يا اخوي ..

خالد : يعني مود ايم بالفتره الاخيره كنت بعيد عني ...

نواف : ايييييه سحابة صيف و عدت ...

خالد : الحمد لله على كل حال .... ( ثم شرد يفكر ) ...

نواف يضرب كتفه بكتف خالد : وين سرحت ؟

خالد ابتسم له : افكر بزماااااااان ..

نواف : وش تفكر فيه ..؟

خالد : تذكر يوم كنا صغار .....

نواف ابتسم : ايييه احكي لي و اتحفنا اللحين بتطلع فضايحنا ...

خالد : هههههه لا والله مو كذا ..

نواف : ههههههه امزح معك يلا كمل .....

خالد : اممم .. هذاك اليوم ما انساه لما كنت مره بالشارع تلعب مع ولد جيرانا سطام ما ادري اذا تذكره .....

نواف قاطعه : أي اذكره ..

خالد : بذاك اليوم ما ادري اش صار له و تهجم عليك .. حتى انه جاب اخوه طلال و كلهم قاموا يضربونك .. انت ما قدرت عليهم ...

نواف : اييييه ذكرت الله يكسر ايدينهم ... بس وش الطاري ؟

خالد :ههه انت خلني اكمل ...

نواف : ههه اوكي اسف كمل ...

خالد : يومها كنت تستنجد .. و انا سمعتك لاني كنت جاي بيتكم ما اذكر ليش كنت جاي بس على ما اظن ان امي ارسلتني اوصل شي .. و شفتهم اثنينهم عليك .. و ساعدتك و انت كنت تبكي ...

نواف : ام الإحراج يا شيييييييييخ ..

خالد ابتسم : لااا عادي ليش تنحرج وقتها كان عمرك 5 سنين و سطام 6 سنوات و اخوه الكبير 8 سنوات .. عصبت يومها و ما رحمتهم .. بعد ما انتهى هذا كله جيت عندي و ارتميت بحضني و طلبتني طلب ...

نواف بإحراج : انا سويت كذا ؟!

خالد : ههه أي سويت ..

نواف بفضول : و ايش كان طلبي ؟

خالد : معقول تنسى ؟!

نواف : ياخي ارحمني كان عمري 5 سنين كيف بذكر بالله ..

خالد : هههههه صح .. المهم كنت تبكي و تقول لي " انا ما عندي اخ كبير و سطام عنده .. تكفى صير اخوي الكبير " .. انا يومها انبسطت اني بصير اخ كبير و وافقت على طول و وعدتك اوقف جنبك كأخ و من يومها و انا معك ...

نواف : يا الله مررره شي مؤثر ... الحمد لله اني طلبتك هذا الطلب يمكن لو ما طلبت ما كنا اللحين قراب كذا ..

خالد : يمكن ! ..

نواف سأل باستغراب : طيب اخوك فهد ما تهتم فيه ..؟!

خالد تنهد : مو مسألة ما اهتم .. هو ما يبي الاهتمام يحب يكون لحاله او مع اخوياه .. احسه منعزل ...

نواف : هممم اخوك هذا غريب ...

خالد : و انا قلت بعد .. كل ما احاول اصير قريب منه يبتعد عني .. و الى يومك هذا و احنا على نفس الحال ..

نواف : الله يهديه ...

خالد : آمين و يهدي الجميع ..

بعد لحظات صمت ......

نواف : ما ودك نسبح ؟!

خالد : صاااحي انت بذا الوقت ...!

نواف : ههههههههه لا نااايم .. أي بذا الوقت وش فيها ..

خالد : ههه بااايخه .. ياخي حتى ما جبنا ملابس اذا سبحت اللحين بتمرض ..

نواف : عااااااادي ( يفسخ الثوب و الفنيله و ينقز بالبحر )

خالد ينادي عليه : ترى ورااااك مدرسه بكره امش نرجع ...

نواف بصراخ من البحر : اصلا ماني بمدااااوم بالله عليك مين الدفره اللي يداوم اول يوم ....

في صباح اول يوم دراسي س 5 و نص ...

حنان تصحي فيصل : يلااااا قوم لا نتأخر ...

فيصل يطالع الساعه : انت تستهبببببل اكييييد .. انا ولد وش عندي اقعد من 5 و نص ...اذا صارت 6 صحني ..

حنان : ايييييه صح انتوا الاولاد ما تصحون الا قبل الدوام يا حظكم .. خل اروح اجهز حالي و افطر و اعين من الله خير و انت خلك في نومك ..

راحت خذت شاور سريع .. ثم لبست و جهزت حالها و طلعت ..

كان وليد قاعد ع طاولة الاكل و الفطور جاهز ..

حنان : اوووه قاعد من بدري ...

وليد بدون نفس : الناس تقول صباح الخير بالاول ...

حنان : سوووري صباح الخير طال عمرك ...

وليد ناظرها ثم : ههههههههههههههههههههه .. اول مره تقولها و مررره حلوه على لسانك ...

حنان قعدت مقابله : اقول لا تصدق حالك ..

وليد بحده : انا ما سمحت لك تقعد ...

حنان بخوف : يعني اقوووووووم !

وليد ما تحمل : هههههههههههههههههههههههههههههههاااي قسم انك فلللله ..

حنان شكله بيقعد يهبل فيني ذا ... كيف بتحمله ... لااا بتحمله غصبا عني اهم شي ضحكته اخق عليهااا انا ...

وليد : وين سرحت ؟

حنان : و لا مكان ...

وليد : طيب وين فيصل ؟

حنان : نايم يقول بدري ع الدوام ...

وليد : و هو صادق اش عندك قاعد من بدري كل ذا حماس ..

حنان بعصبيه : مالك دخل ...

وليد ابتسم ثم بدا ياكل ...

حنان يااا فديييييييته يهبببببببل حتى و هو ياكل و هو يضحك و هو يعصب وااااااه بس بكل حالاته يهبل ....

انتهــــــــــــى البـــــــــــــــارت