شبكة همس الشوق - عرض مشاركة واحدة

2 - 8 - 2015, 03:42 PM

بـــــــــــــــــــــــــــــارت [15]

مشاري يغير الموضوع : اقوووول امش ندوره و لا يكثر ...
هتان : خلني القاه بس ...
طبعا مشاري هو اللي طلع هتان من حصته و حكى له كل اللي صار و قاموا يدورون حنان .....

حنان بعد كلامهم اللي سمعته ما اكون بنت امي اذا قعدت و ما انحشت اليوم ... يلااا يلاااا ادخلوا المدرسه ......
فعلا هتان و مشاري كانوا داخلين للمدرسه بيدوروا داخل ..
حنان تنهدت براحه ... الحمد لله راحووا ..
و لما كانوا داخلين صادهم الوكيل ...
الوكيل : هييييه انت واياه .. على وين ان شاء الله ؟
هتان لفي عليه بدون نفس : وش دخلك ؟!
مشاري يضربه كتف بكتف : انتت وش فيك مو بناقصين مشاكل ...
هتان : ياخي مالي خلق ذا ابو خشم ...
مشاري كاتم الضحكه : اووووص لا تودينا في داهيه ...
الوكيل بصراخ : يلاااا قدااامي على مكتب المدير انا اعلمكم يا الزلايب ..
هتان بصوت خافت : ما الزلابه الا انت ...
مشاري : اقووول امش انصدنا اللحين .. و وليد النذل طار ( المقصود حنان )...
هتان : لا تاكل هم مصيرنا نلقاه اذا مو اليوم بكره ...
مشوا لمكتب المدير .....

عند حنان ... بس راحوا هتان و مشاري جهزت حالها بتهرب ....
حنان تناظر الجدار ... و اللحين كيف بنط ؟!
شافها الحارس من بعيد صارخ عليها ... وراح لها ...
الحارس : انت يااااااااااا ولد !
حنان انفجعت ثم لفت ... يممممه خوفني على بالي هم : نعممم ؟!
الحارس : وش تسوي هنا ؟
حنان تصرف : لا لا ما اسوي شي ...
الحارس : اجل يلااا على فصلك ..
اندق الجرس .....
حنان ( تفكر ) اللحين رن الجرس .. اكمل الحصص و لا انحاش .. اصلا ما يمديني و هذا الحارس هنا و غير كذا الجدار كيف بنط بالله ؟ .. احسن حل ارجع الفصل و اكمل الحصص و ما بنطرد ان شاء الله .. عساني ما ألقى مشاري بس ...
الحارس : يلااا اسمع الكلام و رح فصلك ...
حنان : طيب طيب رايح ...

وصلت للصف كان المعلم لسا ما جا .. اول شي طلت من ورى الباب تشوف مشاري موجود و لا لا ان كان موجود ما بتدخل .. بس ما كان موجود ...
حنان الحمدلله مو موجود ... يلااا بسرعه تعال يا استاذ قبل يجي مشاري ..
و كلها لحظات و دخل مدرس الحصه الخامسه كان عندهم حصة ادب ..
المدرس : السلام عليكم ...
الطلاب : عليكم السلام ...
المدرس : اعرفكم على نفسي انا الاستاذ عبد العزيز بدرسكم ادب و نحو يوم الاحد الخامسه ادب و الاربعاء الاخيرة نحو .. ان شاء الله تكون السنه هذي سنه طيبه علي و عليكم و شدوا حيلكم الماده سهله بس لا تهملونها و تراها حلوه و ان شاء الله تستمتعون فيها ........................(ثم تكلم عن الدرجات و الاشياء اللي يحبها و يكرها بالحصه .... الخ ) ... و بما ان اليوم اول يوم ما بنعطيكم درس ان شاء الله نبدا بالاسبوع الجاي ... و اللحين انتوا كبار لاجل كذا انا بروح عندي اشغال بغرفة المعلمين و ما ابي اسمع أي صوت من فصلكم فاااااهمين ؟

الطلاب : فاااااااهيمن ..
حنان بزعل ... يااا ربي كل شي ضدي اليوم ... اخاف بأي لحظه يجي مشاري ...
ثم حطت راسها ع الطاوله ما ودها تشوف احد ....

في بيتها كانت نايمه بغرفتها ... دخل زوجهااا و طراااااخ بالباب ... قامت مفجوعه ...
منار : بسم الله وش فيه ؟
معاذ : قومي يا جعلك بنووومه ما بعدها قووومه ...
منار بخوف : اش صار ؟
معاذ يجي يشد بشعرها : اهلي اليوم بيجون و انتي نااايمه ... ناااايمه يا الحيوانه ..
منار تبكي : طيب طيب هذاني قمت بس لا تعصب علي ..
معاذ : بعد وشو قمتي بعد ما سديتي نفسي يا جعل نفسك تنسد ..
يرميها ع الاض ....
معاذ : اسمعي البيت ابيه يلمع نظافه حتى الحوش تنظفينه .. و ترجعين تسوين اكل زين فهمتي اكل زين مو اكل ما ينبلع و لا قسم بالله لا هذي المره ارميك بالحوش بعز القايله فهمتي ؟
منار تهز راسها بخوف بما معناه أي ...
معاذ : انا بروح للسوبر ماركت اجيب اغراض للبيت ابي ارجع الاقي البيت نظيف .. سمعتي ؟
منار بس البيت والله نظيف : أي سـ سمعت ...
بعد ما راح قامت تبكي .......
منار اللحين انا تحديت كل الناس عشانه .. هذا الانسان اللي كان يقول انه يحبني .. تخليت عن اهلي و اعز ناسي عشانه .. هذا هذا كيف يعاملني كذا ... ما خلاني ازور اهلي و اهلي ما يبون يشوفوني انا الغبيه اللي حبيته غبيه خل الحب ينفعني اللحين اه يا ربي ...... قااامت تبكي ...

نرجع لحنان ... الطلاب كانوا يرقصون و يطبلون و فالينها .. و هي لازالت حاطه راسها شكلها نامت ^
جا واحد يضرب على ظهرها يصحيها ... فزت هي بخوف على بالها مشاري ...
حنان : خييييير يا الاخو بغيت شي ؟
الطالب : لا ابد بس انت قاعد لحالك و شكلك جديد انا اول مره اشوفك ..
حنان بدون نفس : ايييه و بعدين ؟
الطالب وش فيه ذا نفسه بخشمه : يعني قلت اذا انت محتاج شي او شي تراي موجود ...
حنان باستغراب : وش بحتاج يعني ... ( ثم رجعت حطت راسها ) ع العموم مشكور ....
الطالب : مثلا تحتاج احد يفزع لك لا سووا شي مشاري و شلته ...
حنان قامت بسرعه : وش عرفك عن مشاري و شلته ؟!
الطالب : شفته بحصة الفيزياء يوم انه قرصك .. هذي حركاته ما يغيرها .. وو سمعته يهددك ...
حنان والله ليش لأ ؟! .. اخلي هذا يساعدني على مشاري : امممم صحيح وش اسمك انت ؟
الطالب : معك عادل ..
حنان تعدلت بقعدتها و ابتسمت : و النعم فيك .. انا وليد ...
عادل : ينعم بحالك .. وعارف انك وليد ....
حنان : اوووه شكلي مشهور ...
عادل : هههههه سمعت فيصل يناديك امس ...
حنان : ما شاء الله و تعرف فيصل بعد ..
عادل : أي من ايام المتوسط ...
حنان : ما علينا .. و قول لي مشاري وينه ؟ .. والله اني خايف منه قاعد يتوعد فيني ...
عادل : لااا تخاف دام اني معك .. انا سمعت ان الوكيل صاده هو وهتان .. و هم اللحين عند المدير .. اكيد بيكتبهم تعهد ...
حنان : اهاااا .. خلهم يستاهلون و لو يفصلونهم بعد احسن و احسن ...
عادل بفضول : إلا وش صاير بينك و بينهم ؟!
حنان : يوووه القصه طويله ..
عادل : عادي قول ما ورانا شي ...
حنان وراي اخذت راحتي مع ذا العادل .. اقوله و لا بلاهاا .. والله ما ادري ..
عادل : وش فيك سكت ؟
حنان : اللي صار بينا سالفه سخيفه و هو كبر المشكله .. و قالي اذا تبيني اسامحك اطلع معنا الليله .. و الثاني هتان يبيني ادخل شلتهم .. و انا ما ابي لا ذا و لا ذا ...
عادل : اييييييييييه توقعت ان هتان يبيك بشلتهم ... بس مشاري انتبه تطلع معه .. و هتان بعد زيه ابعد عنهم احسن لك ...
حنان تنهدت : والله انا ابي ابعد عنهم بس هم انشبوا لي .. و اللحين خايف منهم و ماني عارف وش اسوي ...
عادل : هههه عيب تقول خايف ... انت رجال ...
حنان خلينا المرجله لكم : طيب وش اسوي معهم ...؟
عادل : هممم .. اول شي غير مكانك لا تقعد جنب مشاري ...
حنان : انا ما قعدت هو جا جنبي ... بعدين هذا مكان فيصل اللي مشاري قعد فيه ...
عادل : انت على بالك مشاري يعرف يتفاهم ... هذا ما عنده الا طق و مطاقق ... و ان حب يقعد في ذا المكان ممكن يسوي هوشه مع فيصل عشان يقعد ...
حنان شهقت : هئئئ لهالدرجه ..؟ و كله عشان مكان ..
عادل ابتسم : هههه مو عشان المكان ...
حنان باستغراب : اجل ؟!
عادل ضربها بخفه ع كتفها : عشانك يا ابو الشباب ...
حنان ما استوعبت : كييييييف ؟! و ليش ؟
عادل مستغرب : انت بتقنعني اللحين ما تعرف حركات الشباب ؟!
حنان والله ما ادري اش عنه يتكلم بس بسلك له اخاف افضح نفسي : هاااه لاااا إلاااا اعرف كيف ما اعرف !... ( لازم اضيع السالفه ) طيب بسمع كلامك ...
عادل : يلا قوم اقعد هناك المكان اللي جنببي فاضي ..
حنان سمعت كلامه و قامت قعدت جنبه ....

في بيت ام حنان ......
ام حنان : يلا يا ام صلاح روحي لرجلك بالملحق .. و بعد لازم ترتاحي و تنامي مبين عليك التعب ...
ام صلاح : ان شاء الله يا ناديه ... يلا عن اذنكم ...
بعد ما راحت ....
ام فيصل : الله يعينها والله كاسره خاطري ...
ام حنان : أي والله ... وش رايك ندق على فيصل اللحين ...
ام فيصل : ويييييين اللحين الساعه 11 اكيد بالمدرسه هو ..
ام حنان : اييييييي والله صح ....!
ام فيصل : يا ترى كيف عايشيين هو حنان ...؟
ام حنان : ايييييه ودي ازورهم بس .... يلاااا هم قالوا بيجونا يا الخميس يا الجمعه ...
ام فيصل تنهدت : يا اني اشتقت لهم ...
ام حنان : هههه مالهم الا 4 ايام راحوا و اشتقتي لهم ...
ام فيصل : بالله يعني ما اشتقتي لهم ...
ام حنان : إلاا والله اشتقت لهم بس هذي حال الدنيا ..
دق تلفون البيت .....
ام فيصل : غريب من بيدق بذا الوقت ....!
راحت ام حنان و ردت ....
ام حنان : الوو .... يااا هلاااا والله توناا كنا بطاريك انت و حنان ..
ام فيصل تهمس لناديه : هذا فيصل كيف يدق مو في المدرسه ؟؟!
ام حنان هزت كتوفهااا ما ادري ...
ام حنان : انت مو المفروض بالمدرسه اللحين ...
فيصل : لااا ما داومت اليوم ؟
ام حنان خافت : عسى ما شر وش فيك ؟ حنان فيها شي ؟
فيصل : لا يا خالتي ما فيها شي هي بالمدرسه اللحين ...
ام فيصل عطيني اياه ابغا اكلمه .....
ام حنان : خذ امك تبيك ...
ام فيصل : هلااا فصووولي كيفك ...
فيصل : انا بخير دامك بخير يا الغاليه ... انتي كيفك ؟
ام فيصل : انا بخيييير يا يمه و مشتاقتلك ..
فيصل : دامك مشتاقه انا جايك اللحين ..
ام فيصل : والله بتجي ؟
ام حنان تهمس لها : اسأليه و حنان ؟!
ام فيصل : و حنان بتجي معك ؟
فيصل : لا ما بتجي هي بمدرستها اللحين ..
ام فيصل : اهاا طيب .. يلا احنا نستناك ...
فيصل : دقايق و اكون عندكم ...
بعد ما سكرت ....
ام حنان : حنان ما بتجي معه صح ؟
ام فيصل : لا تزعلين يا وخيتي يقول انها بالدوام ..
ام حنان : لا لا ابد ليش ازعل ...
ام فيصل : بنتك اكيد مشتاقتلها ...
ام حنان تنهدت : معليه الله يوفقها ... ع العصر ان شاء الله بكلمها ..
ام فيصل : آمين يا رب .. ان شاء الله ...
ام حنان : روحي شوفي البنات اذا صاحيات قولي لهم ان فيصل بيجي عشان لا يطلعون ...
ام فيصل : ايييه طيب ...

نرجع للمدرسه ..... حنان سمعت كلام عادل و غيرت مكانها ...الطلاب الثانيين لاحظت عليهم ان ما ودهم يكلمونها او يحتكون فيهاا ...
حنان تناظر الطلاب باستغراب .....
عادل : وش فيك ؟
حنان : ما ادري الوضع طبيعي و لا فيه شي !... احس الطلاب محد وده يكلمني ...
عادل : لااا مو كذا .. بس هم خايفيين من مشاري و هتان و شلتهم ...
حنان : يعني انا اللحين بصير زي المنبوذ ..
عادل : تقدر تقول ...
حنان اوووووف .. بس لو افكر فيها كذا احسن .. محد رح يكلمني من الاولاد و بعيش مرتاحه والله سويت خير يا هتان انت و مشاري ههههه ..
عادل : لا تزعل بس الطلاب ما يبون مشاكل ...
حنان ابتسمت : و ليش ازعل عادي ... صحيح بسألك انت مو خايف من مشاري ؟
عادل : لأ طبعاا ..
حنان : هممم والله و قوي ..
عادل شاف نفسه : احم احم شكراا ...
حنان هههههههههه مرررره صدق حاله ....

نواف كان متمدد على سريره حاول ينام ما جاه نوم بعد كلام وليد ...
نواف القلق بيقتلني ..... ابنتظر الى بعد صلاة الظهر ثم ادق على وليد و اسأله عن حمد .. احس ما رح استفيد لو رحت مدرسته .. اصلا ما رح يدخلووني و مستتحيل اني اقدر اطب خصوصا اني ما اعرف المدرسه .. طيب ليش ما اروح انا ارجع حمد للبيت .. يمكن اذا شفته اتطمن .... ودي اكلم خالد استشيره ... خل اشوف برسله و اشوف ان كان صاحي بيرد ...
نواف " السلام ..."
انتظر تقريبا 5 دقايق و ما جاه رد ...
نواف زي ما توقعت شكله نايم !
ثم طلع من غرفته نزل على تحت و قعد يشوف التلفزيون ...
نواف غريييييب البيت هادي وين البنات ؟! شكلهم نايمات ...
رن جواله مسج بي بي ...
نواف اووه هذا خالد " يا هلا و غلااا "
خالد " هلا فيك يا الغالي كيفك "
نواف " انا بخير دامك بخير .. عسى ما كنت نايم ؟ "
خالد " لا والله انا بالجامعه اللحين عشان الجدوال "
نواف " يعني مشغول ؟! "
خالد " لا ابد اللحين طالع من الجامعه شوي و بوصل للسيارة "
نواف " اهاا و سامي معك ؟ "
خالد " أي والله معي رحنا مع بعض و هو اللي مرني و رحت معه "
نواف " بترجعون البيت على طول و لا بتطلعوا مشاوير ؟ "
خالد " نووووواف وش ورى ذا التحقيق كله ؟ .. اللحين انا وصلت السيارة و سامي يسوق تكلم وش فيك ؟ "
نواف " انا اسف ما قصدي احقق .. بس اشوف انت اذا مشغول بكلمك وقت ثاني "
خالد " لعيونك افضى .. بس قول و تطمن ماني مشغول "
نواف " بصراحه ودي استشيرك بشي .."
خالد " اوكيه قول "
نواف حكى له القصه كلهااا من سالفة مشاري اللي بالمغاسل الى سالفة هوشة حنان مع فيصل و دوامها لحالها بالمدرسه ....

رجع معاذ للبيت .. منار سوت كل اللي طلبه و تعبت كثير و قعدت ترتاح .. هو شافها قاعده ما اعجبه الوضع ...
معاذ : يااااا سلاااااااام والله .. الحرمه قاعده و مستانسه ورى ما تقومين تشتغلين ؟
منار : والله اني اشتغلت و توني مخلصه سويت كل اللي طلبته مني و تعبت كثير و اللحين جيت ارتاح ...
معاذ : اجل انقلعي المطبخ شوفي لك شغله ...
منار : بروح بس قولي .. انت ليش تعاملني كذا ...؟
معاذ : لاااا تعااالي كفخيني بعد ... كيفي اعاملك على مزاجي .... انقلعي يلااا ...
منار : حرااام عليك انا انسانه ... و هذا ما كان اسلوبك قبل زواجنا .. انت كنت تحبني ايش اللي تغير ؟!
معاذ : اللي تغير اني انا ما عمري حبيتك و زواجنا هذا جا بالغلط .. و انا ما كنت ناوي اتزوجك لولا انك فضحتينا ... تحملي اللي صار و انقلعي عن وجهي ما بقى الا احب وحده لها سوابق ...
منار : لها سوابق ..؟! وش تقصد انت ؟
معاذ وصلت معه و جا مسكها من ذراعها : اسمعيني كويس مره ثانيه لا تقعدين تسوين لي تحقيق ان قلت كلمه تسمعينها و تنفذين دام النفس عليك طيبه ..
منار بخوف : ط طيب بس لا تضربني ...
معاذ يرميها : يلاااا فارقي ...
راحت للمطبخ و هي تبكي ...
معاذ بعد ما راحت .... هذي الحيوانه متعبتني بعيشتي .. والله لو ما اهلي كان طلقتها من زمان .. بس ايش خايفيين من كلام الناس ...
منار تتحلطم بالمطبخ ... انا ما ادري كيف حبيته ... لاا لاا هو خدعني .. اهئ اهئ وينك يا الجوهره و ينك يا الجوري تعالوا شوفوا اهلي تخلوا عني و حرموني منكم و من كل اللي احبهم اهئ .....

شارفت الحصه الخامسه على نهايتها باقي تقريبا 5 دقايق ... مشاري و هتان طلعوا من عند المدير بتعهد كانوا يمشون بالاسياب ...
هتان : ههههههههههه المدير هذا وش يحس فيه ؟
مشاري : وش اللي يضحك اللحين ؟
هتان : يقولي استدعاء ولي امر .. كم مره اقوله ان ابوي ميت ما عندي اب ...
مشاري : يا حبيبي قال ولي امر مو شرط ابوك ...
هتان : ما علينا .. اللحين وش نسوي ؟
مشاري : عن نفسي برجع لفصلي .. اتوقع ان وليد صار هناك ...
هتان : اجل جاي معك ...
مشاري : يلااا ...
حنان عايشه جوهاا مع عادل .. مطيحينها ميانه و سوالف ....
حنان : ياخي وينك من زمان .. ورى ما صرت صديق لفيصل ؟
عادل : ما ادري .. يعني يمكن افكاري تختلف عن افكاره ...
حنان : اخوووص يا ابو الافكار .. كلكم شباب و اكيد افكاركم زي بعض ..
عادل : لا يختلف ... ( سكت و قام يناظر الباب .. حنان كانت معطيه ظهرها للباب )
حنان : وش فيك سكت ؟ ( ناظرت عيونه ثم سألت ) وش تناظر ؟ ( لفت تشوف ) هئئئئئئئئ رجعوا ...
هتان ناظر مشاري و ابتسم ... حنان مو فاهمه ... مشاري و هتان يمشون باتجاهم ... وصلوا لهم ... عادل وقف في وجيهم ... بهذي اللحظه رن الجرس ...
هتان طالعه من فوق لتحت : خييييييير ؟!
عادل : انت اللي خير ؟!
هتان ناظر مشاري : هههههههههههههههههههههههههه ما يعرفني هذا ؟
مشاري هز كتوفه بمعنى ما ادري : اقول ابعد عن طريقنا ...
هتان مسك مشاري : خله علي ... يا اخ عادل ممكن نتكلم شوي برى ...؟
حنان شهقت : هئئئئئئئ يعرفونك ؟!
مشاري ابتسم : كيف ما نعرفه و هو العام كان في شلتنا ....
حنان بصدمه : امااااااا ..
عادل : أي كنت معهم و تركتهم بنص السنه اللي فاتت ...
حنان الوضع صار جنوووني ....
مشاري لـ عادل : رح مع الزعيم شف وش يبي منك اخاف ان ما رحت تندم ..
عادل : رح نشوف ... ( ثم راح )
لان عادل عارفهم زين خايف منهم فسمع الكلام و راح يشوف هتان ...
مشاري يعض شفايفه قهر .. و يمسك حنان من ياقتها ..
مشاري : انت مسوي تلعب معنا ولا ايش ؟
حنان بخوف : ياخي هدي حالك خلنا نتفاهم ...
مشاري : بترجع تضحك علي ثم تنحاش ...
حنان : لا لا ما بضحك عليك انا ما ضحكت عليك اصلا .. يعني انت تبي تضربني ما تبيني اهرب منك ...؟!
مشاري تركها : خل هتان يرجع هو يتفاهم معك ... لو انا اللي بيتفاهم معك كان خليتك اليوم تطلع من المدرسه للمستشفى بس عشان هتان بهدي نفسي ...
حنان قسم بالله لو ما كنت شايله اسم وليد كان علمتك من انا كان حتى الشرطه بلغتهم عنك .. اللي يقهرني زملاي اللي بالصف محد يفزع لي لييييش طيب !
حنان قعدت مكانها و هي خايفه ... شوي و دخل هتان و معه عادل ..
عادل : وليد معليش ارجع مكانك ...
حنان ناظرت هتان كان يبتسم بخبث : ليييييييييييش ؟!
عادل ارتبك : اممم نسيت ان واحد من اخوياي بيقعد جنبي ...
حنان بترجي : طيب خلني اليوم بس اقعد والله بكره لا ارجع مكاني ...
عادل : لا معليش خذ اغراضك و رح من هنا ...
حنان هتان سوى له شي اكيد : بسسسس .....
عادل قاطعها بصراخ : انت ما تفهم ! ( شال اغراضها و رجعهم مكانها )
حنان بقلة حيلة رجعت مكانها .. هذا اللي قال بيدافع عني .. بكلمه من هتان تغير 180 درجه و اموت و اعرف اش قاله ...؟
هتان جا و قعد مكان مشاري جنب حنان .. توه بيتكلم الا دخل المعلم ...
هتان : اووووف ذا وقته كنت ابيك بسالفه بس بعدين نخلص موضوعنا يلا يا حبيبي اشوفك بعدين ...
حنان يا جعلها روحه بلا رده ...
قعد مشاري بمكانه همس لها : وين كنت انت ؟
حنان : مالك دخل ...
مشاري بسخريه : تصدق اشتقت لك ...
حنان سكتت ما علقت ...
كانت عندهم حصة دين و كانت هذي الحصه السادسه ...

وصل فيصل للبيت ... و سلم على امه و خالته ...
ام حنان : وشلون حنان معك ؟
فيصل : الحمد لله زينه ...
ام فيصل : الله يوفقكم يا يمه ...
ام حنان : عسااها تطبخ لك و تهتم فيك ...
فيصل : هههههه الاكل كله من برى ...
ام حنان : ما شاء الله .. ما كني علمتها قبل لا تروح ..
فيصل : لا عاادي خالتي هي تكون مشغوله بالدراسه انا عاذرها ..
ام فيصل : اهم شي انكم زينين مع بعض ...
فيصل تنهد بخفه .. يا ليت لو كانت حياتنا زي حياة أي اثنين متزوجين ..
دخلت سميه فجأه ما كانت تدري ان فيصل موجود ...
سميه : خاااالتي ........( سكتت و صنمت في مكانها لما شافته .. جت عينها بعينه .. انتبهت على نفسها ثم دخلت الغرفه على طول ..)
ام حنان : يا مهاا ما قلتي للبنات ان فيصل بيجي ؟
ام فيصل : يووووه يا ناديه والله اني نسيت ...
ام حنان : هههههه عسى ما جاك الزهايمر ...
ام فيصل تضربها بخفه : اقوووول لا تفاولين على اختك ...
فيصل لسا منصدم : هذي مو سميه بنت جيرانا ...
ام فيصل & ام حنان : كيف عرفتها ؟
فيصل : هاااه .. شفتها من قبل كانت طالعه من بيتنا ...
ام فيصل : اهاا .. اللحين بقولك اش جابهم هنا...
حكت له كل القصه ...... قالت له عن المحامي ...
فيصل : بالنسبه للمحامي .. ما اقدر اوعدكم بشي .. بنكلمه و نشوف ..
ام حنان : يا رب يوافق يساعدنا ...
ام فيصل : تكفى يا ولدي لا تنسى الموضوع و صلاح انت تعرفه من صغركم و لعبتوا مع بعض عاد لا تنساه ..
فيصل : لا يا يمه تطمني ما رح انسى ...
ام حنان : الله يجزاك الف خير يا فيصل ..
فيصل : وياك يا خالتي ...

سميه دخلت و سكرت الباب وراها و تسندت ع الباب و هي حاطه يدها على قلبها .. قلبها يخفق و يخفق و يخفق كانها كانت تركض .. سوسن كانت متمدده لما شافتها قامت ...
سوسن : وش فيك ؟ ليه وجهك احمر كذا ؟
سميه بحزن و وله : شفت فيصل برى ..
سوسن : هئئئئئ وش جابه ؟
سميه : ما ادري بس شفته ..
سوسن : ليكوووون لسااا تحبينه ؟
سميه دموعها على خدها : احس ما قدرت اكرهه ..
سوسن قامت مسكتها و قعدتها جنبها : اسكتي لا تبكين و لا تفضحينا تكفين .. ان سمعت ام فيصل و لا ام حنان انك تحبينه لا يخافون ..
سميه : ما فهمت ! يخافون من ايش ؟
سوسن : يخافون تخربين بينهم .. احنا اللحين قاعدين في بيتهم ما نبي مشاكل و هم ما قصروا معنا ..
سميه : بس انتي تعرفيني مستحيل اسوي شي لهم ..
سوسن : انا اعرفك بس هم ما يعرفونك .. يا حبيبتي انسي فيصل بتلقين اللي احسن منها ...
سميه سكتت .. ما رح اقدر انساه ...
سوسن : إلا وش كنتي تبغين ليه طلعتي ؟
سميه : كنت بساعدهم بالغدا لان امي قالت لي ...
سوسن : اهاا خلاص اذا راح نسويه مع بعض ..
سميه : اوك ..

عند نواف كان لازال يكلم خالد بالبي بي ...
نواف " واللحين بعد ما عرفت كل القصه .. وش رايك اروح مدرسته و لا ؟ "
خالد تنهد و انتبه فيه سامي " ما احس انك بتستفيد لو رحت زي ما قلت ما رح يدخلونك تروح وش تسوي "
نواف " قلقان ياخي "
خالد " ما تحس انك تبالغ "
نواف " - فيس تعبان - "
خالد عفس وجهه بضيق " خلااص اسمع رح له الساعه 12 و نص وقت طلووعهم من المدرسه و شوفه و تطمن عليه "
نواف " - فيس مبتسم - هذا احسن حل .. يلا عن اذنك بروح اجهز حالي "
خالد " اوكيه اذنك معك "
ثم حط خالد جواله ....
سامي : وش فيك تضايقت ؟
خالد : وش اقولك بس ...
سامي : اكيد كنت تكلم نواف ...
خالد : أي والله ...
سامي : قصة حمد نفسها ؟!
خالد : ايييه و فيه غيرها .. ياخي صرت احس ان حمد شاغل كل تفكيره ..
سامي : طيب و اللحين وش كان يبي ...؟
خالد : خلنا نوصل البيت و انا احكي لك كل شي .. انا بعد ابيك تنصحني كيف اتعامل معه ...
سامي : على خير ان شاء الله ...

خلصت الحصه السادسه .. و السابعه وراها على طول و المدرس ما تأخر دخل للصف اول ما رن الجرس ...
مشاري بهمس : اسمع اذا انتهى الدوام انت بتجي معي فاهم !
حنان : وين اجي معك ..
مشاري : تجي و انت ساكت مالك شغل ...
حنان ياااا ربي .. اللحين اذا رن الجرس لازم اهرب بالزحمه ...
مشاري : لا تفكر تهرب .. ان هربت ما بيصير خير .. و اصلا اول ما يرن الجرس بمسكك مالك فكه مني ...
حنان وش فيه هذا .. الا يبي يتهاوش معي و كل ذا على سالفه سخيفه .. يا زين حياة البنات بس .. و يا جعلك يا مشاري تطلع طلعه ما بعدها رده انت و هتانوووه معك ...
و فعلا اول ما رن الجرس .. مسكها من ذراعها ...
مشاري : يلااا قدامي ..
حنان ميته خوف : وين بنروح ؟ تكفى خلني ..
مشاري : امش و انت ساكت ..
حنان : طيب فك ذراعي ...
مشاري : ماني فاكك الى ان تركب معنا بالسياره ...
حنان هئئئئئ معهم و بالسيارة ! يممممممه بمووووت انا اليوم ...
حنان : وش سيارته بعد ؟..
مشاري : اللحين تعرف ...
حنان تبي تتخلص منه بأي طريقه : ط طيب انا ابروح الحمام -الله يكرمكم- دقيقتين بس ...
مشاري بعصبيه : اقول الاعيبك ذي ما تمشي علي ... و المكان اللي بنروح له فيه حمامات تطمن و ماهو بعيد ..
حنان ما اقدر امسك نفسي رح ابكي و ربي دموعي خلاص بتنزل من حالها ...
اول ما طلعوا من البوابه .. كان هتان واقف مقابل المدرسه بسيارته ما كان لحاله كان مع شلته .. مشاري يأشر لهم من بعيد و هو مبتسم و ماسك حنان ...
حنان والله ما اروح معه لو على جثتي : اتركني اتركني ...
مشاري : قسم بالله لو ما تنطم لا يجيك كف اعلمك من مشاري ..
حنان يمممه يخوووف ... تحاااول تدفه تسحب ذراعها مافي ما قدرت عليه ...
مشاري ابتسم لها : يلااا وصلنا للسياره لا تصير غثيث و اركب بهدوء ..
حنان قربت تبكي : ما ابي ياااخي ...
مشاري : عيني بعينك اشوف ... هههههههههههههه انت تبكي .. قسم ما انت رجال ...
هتان من شباك السياره : يلااااا اركبوااا ورانا هجوووله ...
مشاري : يلاا يلاا اللحين جايين ... ( التفت لها ) تراي اقدر ادخلك السياره بالغصب .. ادخل بالطيب احسن ...
حنان اذبح عمري و لا اركب معكم ......

( قبل انهي البارت خل احكي لكم عن الشخصيات الجديده ..
هتان / عمره 18 سنه ثاني ثانوي عاد سنه .. شخصيته يحب السيطره .. يعشق المشاكل .. ما يخاف من احد .. و اللي بمخه يسويه بس عنده جانب طيب لسا محد يعرفه ^^ .. شكله شعره لكتفه دايم لاف شماغه ع شعره بالطريقه الاماراتيه .. بشرته بيضا طوله من طول فيصل و حليووو ..
مشاري / عمره 18 سنه ... شخصيته شري اكثر من هتان .. ما صاروا اصحاب الا انهم يحبوا المشاكل .. عصبي اغلب الاوقات ما يهديه الا هتان .. شكله مسوي شعره كدش مع ان شعره ناعم بس طالع حلو عليه لايق مع الشخصيه .. بشرته بيضا شوي مايله للسمار .. جسمه رياضي و مبين عليه القوه .. و حليووو ..
باقي الشخصيات مع الاحداث نتعرف عليهم ... )

انتــــــــــهى البــــــــــــارت